×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Ekin aurretik, erantzun 4 galdera hauei

Share on facebook
Share on twitter
Share on linkedin
Share on whatsapp
Share on email

Zer da ezinbestekoa nolabaiteko arrakasta-bermeekin ekin ahal izateko? Prestakuntza egokia eta, batez ere, dedikazio handia behar direla esango genuke: ekiteko asmoa duzun sektorea dena dela, bertan moldatzeko prest egon behar duzu, baita zure negozioa aurrera ateratzeko denbora inbertitzeko ere.

Baina bada bere enpresa-ibilbidean zehar uneren batean edo bestean mundu guztiak behar izan duen zerbait: laguntza.

Ekitean, oso konplexua den mundu batean sartzen gara, eta ia denetik jakin behar izaten da. Gure sektorearen inguruko ezagutzak izan behar ditugu, baina baita kontabilitateari, marketinari, teknologia berriei eta abarrei buruzko nozio batzuk ere. Batzuetan, nobelagileen orri zuriaren sindromearekin bezala gertatzen da: funtzionatzen hasteko prest dugu dena, baina bezeroak falta zaizkigu.

Lau galdera hauen bitartez, berehala ekiteko prest zauden edo, zure enpresa-abenturari ekin aurretik, Gaztenpresatik laguntza eman diezazukegun jakingo duzu.

  • Ziurgabetasuna jasan dezakezu? Zalantza handienetako bat alderdi ekonomikoarekin dago lotuta, haren araberakoa izango baita zure negozioaren arrakasta edo porrota. Negozio-plan on bati esker, enpresa bat sortzearen ondorio guztiak ezagutu eta ziurgabetasun hori murriztu ahal izango duzu. Haren emaitzek negozioaren arrakasta-aukeren ideia bat emango dizute, eta haren ahultasunak eta indarrak hautematen lagunduko dizute. Gaztenpresak negozio-plan hori prestatzen lagunduko dizu, eta ekintzailetzaren bide horretan lagunduko dizu, oso modu sinplean. Gainera, fundazioaren eskutik finantziazio-aukera eta diru-laguntza guztiak aztertzen badituzu, martxan jartzen lagunduko dizuten zume guztiak izango dituzu.
  • Arriskuak zeureganatzeko prest zaude? Pertsona ekintzaile guztiek arrisku batzuei aurre egiten diete beren negozioa martxan jartzea erabakitzen dutenean. Garrantzitsuenen artean, honako hauek ditugu:
  • Finantziaziorik eza.
  • Izaera juridiko eta teknikoko gaien ezjakintasuna.
  • Merkatuaren jokabidea.

Finantziazio-bide berriak aurkitzeko, Gaztenpresak EIF finantzaketa-lerroak jartzen ditu zure eskura, Europako Inbertsioen Bankuaren eta Laboral Kutxaren artean sinatutako hitzarmenen fruitu, betiere sortzen edo sendotzen ari diren negozioei ekonomikoki laguntzeko helburuarekin.

Eta prestakuntza-arloko laguntza behar baduzu, Gaztenpresak aholkularitza-zerbitzu bat eta zenbait prestakuntza-programa ditu zure negozioa segurtasun handiagoarekin finkatu ahal izateko.

  • Kontaktuak egiteko gaitasuna duzu? Ez dago bezerorik gabeko negoziorik. Horregatik, honako hau adierazi zuen Peter Ferdinand Drueker enpresa-guruak: «enpresa baten funtzioa bezeroak sortzea da». Oraindik zure funtzio komertziala garatu ez baduzu, zure burua ezagutzera emateko ahalegina egin behar duzu.
  • Parte hartu zure sektoreko azoketan eta ekitaldietan, zure bezero potentzialengana iristeko erakustoki ezin hobea eta networkingerako aukera ona baitira.
  • Aprobetxatu sare sozial profesionalen abantailak eta Gaztenpresaren LinkedIn komunitatearen gisako foroak. Izan ere, zure negozioaren ikusgaitasuna handitu eta kontaktuen sarearekin lotura komertziala izan dezakezu.
  • Lidergo-dohainak dituzu? Konfiantza eta, batez ere, lidergoa arrakastaren sinonimo dira, baina ez dira lortzen errazak. Beti esan izan da lidergoak sortzetiko zenbait ezaugarri pertsonal ekartzen dituela berekin, baina gaur egun hori ez da nahikoa: horiek lantzeko eta garatzeko gai izan behar da. Lidergoa ez da aukeratutako gutxi batzuek bakarrik duten aura bat: prestakuntzarekin eta erreferenteekin lortzen da. Horregatik, oso garrantzitsua da Gaztenpresaren mentoring tailerrak aprobetxatzea, horietan akonpainamendu pertsonalizatua lortu ahal izango baituzu esperientzia duten beste profesional batzuen aldetik.

Gogoratu ekintzailetza oso bide konplexua dela eta, zure gaitasun, prestakuntza eta baliabideez gain, Gaztenpresara jo dezakezula zure negozioa martxan jarri eta sendotzeko behar duzun laguntza jasotzera. Zain izango gaituzu.

Post gehiago irakurri.

Iraila 8, 2021
Seguruenik gertatuko zitzaizun noizbait, negozio baten jabeari bere negozioaren onurei buruz hitz egiten entzun eta, lokalera iritsitakoan, hau pentsatzea: «Amatxo maitea… Hemen ez dut zoratuta ere erosiko!». Salmenten arrakastaren zati handi bat pertsonak erosteko unean duen pertzepzioaren araberakoa izaten da. Horregatik, funtsezkoa da bezeroaren azalean jartzea eta haren gustuak eta beharrak ezagutzea. Baina badago albiste...
Iraila 7, 2021
Enpresa- edo lanbide-jarduera bati hasiera emateko modu asko daude. Aintzat hartu behar diren aukeretako bat sozietate kooperatibo txiki bat sortzea da. Aukera juridiko horren alde egiten dutenek azaltzen dutenaren arabera, sozietate kooperatiboen bidez sortzen den etekin ekonomikoa modu konprometitu eta sozialagoan lortzen da. Gainera, enpresa horiek onura fiskal interesgarriak dituzte. Nazioarteko Aliantza Kooperatiboak dioenez, kooperatibek...
Uztaila 29, 2021
Azken aste hauetan, #BerrituErronka-n parte hartu duten pertsonen ideia irabazleak erakutsi dizkizuegu gure sare sozialetan. Beren proposamenekin, ekimenak aurkeztu dituzte osasun-krisiak eragindako murrizketek gehien kaltetutako hiru sektoreetako negozioetarako. #BerrituErronka abian izan den aste hauetan, 50 ideia baino gehiago jaso ditugu, eta ideia horiek guztiek aurrera jarraitzeko lezio bat eman digute. Horrez gain, gogorarazi digute posible...
Uztaila 12, 2021
Batez ere WhatsApp denok daukagun zerbait delako. Bueno, agian ez denok, baina bai gehienok. Mundu osoko bederatzigarren postuan dago Espainia WhatsApp aplikazioaren erabilerari dagokionez: 30,5 milioi erabiltzaile, «Informe ditrendia: Mobile en España en el Mundo 2020» txostenaren arabera (Ditrendia txostena: mugikorren erabilera Espainian eta munduan 2020an). Bestalde, bezeroekin zuzeneko harremana izateko aukera eskaintzen duen doako...
Uztaila 5, 2021
Pandemia dela eta, onlineko denda bat martxan jartzea aztertu dute saltzaile txiki askok. Horrela, konfinamendu bat egongo balitz ere, bezeroei arreta ematen eta diru-sarrerak eskuratzen jarraituko lukete. Hala ere, onlineko salmentari ekin aurretik, kontu batzuk aztertu behar dira arreta handiz. Lehena eta garrantzitsuena honako hau da: argi izatea online saltzea beharrezkoa den gure negozioarentzat eta...
Ekaina 28, 2021
Gaur egun, Espainian Facebook da, oraindik ere, sare sozialik ezagunena eta erabiltzaile gehien dituen bigarrena (WhatsApp da lehenengoa), IAB Spain elkarteak urtero egiten duen “Sare Sozialen Azterketaren (2021)” arabera. Txosten horretan adierazten denez, Instagram da azken urtean gehien hazi den sare sozialetako bat, bereziki emakumeen eta gazteenen artean, eta huraxe da erabilera-maiztasunik handiena duen bigarrena...