Ekintzaileentzako ikastaroak

Zer tramite egin beharko dituzun azalduko dizugu, bai eta zer elementu kontratatu beharko duzun eta hornitzaileekin nola negoziatu ere.

Negozioa profesionaltasunez kudeatzen irakastea da lantegiaren helburua, eta hauek lantzen dira: saltokiaren diseinua eta irudia, bezeroaren arreta, barne-kudeaketa, hornitzaileak eta kolaboratzaileak bilatzea…

Salmentak handitzeko plan komertziala sortzen lagunduko dizugu: komunikazioa eta publizitatea, salmenta-teknikak, bezeroen erakarpena eta fidelizazioa, merchandisinga eta abar.

Honako hauek landuko ditugu: bankuarekiko harremanen gakoak, negozioa abiatzeko edo garatzeko behar den dirua, dauden produktu finantzarioak, kobratzeko nahiz ordaintzeko bitartekoak edo saltokiko terminala eta bankuarekin nola negoziatu edo online bankarekin nola lan egin.

Aztertuko dugu ohiko dokumentuak (aurrekontua, albarana, faktura…) nola egin, fakturatzeko zer programa erabili eta zer betebehar fiskal dauden.

Interneten mugitzen eta saltzen irakatsiko dizugu. Gainera, konfiantza eragiteko zure irudia eta marka nola sortu aztertuko dugu. SPRIko teknikariek ematen dute lantegi hori.

Errentagarritasun-atalasea aztertuko dugu eta ikasiko dugu ezustekoei (berankortasunari eta zorpekoei, besteak beste) aurre egiten, datuak babesteari edo lan-arriskuen prebentzioari buruzko betebeharrak betetzen eta abar.

Honako hauek landuko ditugu: eraginkortasunez kudeatzea, komunikazio eraginkorragoa lortzeko aurkezpenak hobetzea, erabakiak hartzen ikastea eta gatazkak negoziatzeko eta konpontzeko teknikak.