×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Tipula Burger: #JarraitzekoBerritzen, etxez etxeko zerbitzuaren bidez

GZT_Plantilla_Campana_Casos_exito_TB_EUS-04
Share on facebook
Share on twitter
Share on linkedin
Share on whatsapp
Share on email

COVID-19ak eragindako osasun-larrialdiak agerian jarri ditu ekintzaile batzuek egungo egoera gainditzeko egindako ahaleginak. Ekintzaile horiek egoerara egokitzea lortu dute, eta #JarraitzekoBerritzen erakutsi digute.

Bilboko ostalari-familia baten ibilbidea

Egokitzeko gaitasun horren adibide ezin hobea dugu Melanie del Bado, Harreman Publikoetan lizentziatua, eta haren jatetxea, Tipula Burger, Bilboko Zazpikaleetako Barrenkale Barrena kalean kokatua. Bilbon sukaldaritzan gogotsu diharduten ostalarien hirugarren belaunaldia dira Melanie eta bere familia.

Melanieren anaia, lanbidez chefa, bere prestakuntza Estatu Batuetan hobetu eta gero, Bilbora itzuli zen, nazioarteko eragina duen eredu gastronomiko bat bultzatzeko. Haien aitonak 1980ko hamarkadan Copacabana jatetxe mitikoan hasitako prozesu luzeari jarraikiz, 2016an Bailen kaleko 33. zenbakian Zurima jatetxea ireki zuten, eta urtebete geroago Tipula Burguer.

Nola moldatu da Tipula Burger-eko lantaldea?

Osasun-larrialdia agindu zenean, oso argi ikusi zuen Melaniek hanburgesa-jatetxeen berezko delivery kontzeptua aprobetxatu behar zuela, janaria etxez etxe banatzen duten establezimendu nagusien artean presentzia handitzeko. Eta, horretarako, bezeroen artean ezagun bihurtu zuen izaerari eutsi egin behar ziola. Beraz, osasun-alertako lehen 15 egunetan itxita egon zen lokala, bertako sukaldean koronabirusa ez zela sartu ziurtatzeko; baina, ondoren, etxez etxeko zerbitzura bidertu zituen ahalegin guztiak, azkar eta gastu gehigarririk gabe negozioa martxan jartzeko. Horretarako, presentzia handitu zuen etxez etxeko zerbitzuko plataformetan.

«Tipularen kasuan, jendeak etxera eramateko eskatzen duen produktuetako bat da hanburgesa; beraz, oso erraza izan da guretzat moldatzea. Erabiltzen genituen plataformen kopurua handitu egin dugu eskariari erantzuteko», azaldu du. Hala, hiru plataformarekin lan egiten du orain:

  • Lehendik erabiltzen zituzten Glovo eta Deliveroorekin eta, Tipula berriro zabaldu zutenetik, baita Just Eatekin ere, beste jatetxe batzuek gomendatuta.

Horiek oso funtzionamendu erraza dute: «Plataforma bakoitzaren apparekin kudeatzen ditugu eskariak, eta guk ere gailu bat dugu, eskariak inprimatuta jasotzeko; inprimaki bat bezeroentzat da, eta bestea sukalderako».

Joan den apirilaren 1ean ireki zituen Tipulak bere ate birtualak, eta ordutik hona nabarmen handitu du bere jarduera. «Tipulak beti izan du etxera eramateko eskari asko, beti izan da indartsua arlo horretan, baina beste plataforma bat gehitu dugunetik, jendea asko ari da kontsumitzen, krisiaren aurretik baino are eskari gehiago jasotzen ari gara. Egia esan, ondo doa eta oso positiboa izan da», ziurtatu du Melaniek.

Ostalaritzaren erronkak eta jatetxeen etorkizuna

Tipulan izandako esperientzian oinarrituta, aztertzen ari dira familiaren beste jatetxean ere, Zuriman, etxez etxeko zerbitzu-sistema bera martxan jartzea. Jatetxea itxita dago orain, baina berriro zabaltzeko birziklatu egin beharko dugu. «Zurima zabaltzen dugunean, zerbitzu hori ezarri beharko dugu, gerora begira negozioaren alderdi garrantzitsua izango delako. Jatetxe horretan ere nola berritu aztertzen ari gara orain, eta aurrean dugun zereginetako bat izango da gure karta etxez etxeko zerbitzura egokitzea», azaldu du gazteak, ondo baitaki pandemia honek jendearen ohiturak aldatuko eta muga berriak ekarriko dituela, baina baita aukera berriak ere, horrelako negozioak ustiatzeko. «Azken finean, jendea seguruago sentituko da etxean, eta jatetxean leku-kopurua mugatu egin beharko dugu; beraz, urte hau oso garrantzitsua izango da etorkizunean egin beharrekoaz hausnartzeko»

Tipula berriro zabaldu eta hilabete bat geroago, Melaniek bizirik eusten dio bere ekintzaile-senari, eta mundu guztia animatzen du #AurreraEgitekoBerritzen ahalegintzeko, batez ere ostalaritza sektoreko jendea. «Nire ustez, lan egin dezakegunok, autonomook, egoera desblokeatu egin behar dugu, eta establezimendua ezagutzera eman. Horretarako, garrantzitsua da etxez etxeko zerbitzuko plataformekin harremanetan jartzea, horiek oso lagungarriak izan baitaitezke establezimenduak bistaratzeko», baietsi du. «Jakina, berritu egin beharko dute, eta etxera eramateko moduko janari-motara egokitu, baina nik hori egitera animatzen ditut, jendeak erantzun egingo du eta», ziurtatu du.

Post gehiago irakurri.

Azaroa 30, 2022
Estatuko enpresen erdia baino gehiagok azken urtean zibereraso bat jasan dutela onartzen dute. Ezagutzen zenuen datu hau? Ezagutzen dituzu Phising, Vishing edo Smishing kontzeptuak? Artikulu honetan, Lautik IT Solutions hori eta askoz gehiago kontatu digu. Konponbide teknologikoetara eta eraldaketa digitalera bideratutako enpresa honek iaz Gaztenpresaren mentoretza-programan parte hartu zuen. Zibersegurtasunaren Eguna dela eta, negozio bat...
Iraila 16, 2022
Ekintzailetzaren igerilekuan murgildu aurretik, urik badagoen egiaztatu beharra dago; gure kasuan, horrek esan nahi du arrisku-analisia gauzatzea eta negozio-plana egitea. Gogoan izan ezazu negozio-plana edo enpresa-plana oso tresna baliagarria dela eta laburbildu behar duela enpresa-proiektu berria nolakoa den eta jaso egin behar dituela negozio arrakastatsu bihurtuko duten helburuak, identitatea eta funtzionamendua. Gainera, une oro gidatuko...
Uztaila 29, 2022
HALO Donostia hiru erizain elkartzetik sortutako proiektua da; hirurek ekiteko gogoa zuten, eta bereziki, erizaintzako zein dermoestetikako sektoreko egungo eskaintzari buelta emateko asmoa. Kooperatiben hilabetean, Halo Donostia-tik eman digute haien historiaren eta lehen urratsen berri.   HALO Donostia “estetika aurreratuko tratamenduetan espezializatutako erizaintza-zentro” moduan definitzen da. Azalduko zenigukete zertan datzan, eta zein den zuen balio...
Uztaila 15, 2022
Modu juridiko askotan gauzatu daitekeen proiektu ekintzaile bat: autonomoa, sozietate mugatua, kooperatiba… Ingravity Dreams elkarrizketatuko dugu Kooperatiben Nazioarteko Eguna dela-eta, Gaztenpresaren eskutik bere enpresa-ibilbideari ekin zion abereen ongizatera zuzendutako zentroa, hain zuzen ere.   Zer da Ingravity Dreams eta nola sortu zen? Abereen ongizatea da Ingravity Dreams. Gure abereak fisikoki indarberritzeko teknika naturaletan espezializatutako lekua,...
Ekaina 27, 2022
Espiritu ekintzailea testuinguru eta sektore guztietan zabaltzen ari da, industrialean barne, baita gaur egungoa bezalako egoera berezietan ere. Enpresa Txiki eta Ertainaren eguna dela eta, elkarrizketa egin diogu IGASI Vacuum Solutionko lantaldeari. Proiektu ekintzailea da, eta laster urtebeteko ibilbidea beteko du enpresa gisa.   Nola sortu zen Igasi eta nola definituko zenukete zuen enpresa? Enpresa...
Ekaina 23, 2022
Gaztenpresan, krisiari aurre egiteko zailtasunak dituen enpresa-ehunera egokitzen jarraitu dugu. Hori dela medio, atzo Ibon Urgoiti, Gaztenpresako lehendakariak, 2021. Urteko Txostenaren aurkezpenean nabarmendu zuenez, Fundazioko taldeak bere proiektuekin jarraitzeko beharberritu diren pertsonak laguntzeko ahalegina kontuan hartzea ezinbestekoa da. Hala ere, egindako lan horri guztiari esker, 2021eko balantzeak esleitutako helburuak bete direla adierazten du. Beste behin...