×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Negozio-eredua: enpresa-tresna horri buruz jakin beharrekoak

Share on facebook
Share on twitter
Share on linkedin
Share on whatsapp
Share on email

Ekitearen gakoetako bat negozio-eredua zehaztea da, zure enpresa izango denak diru-sarrerak lor ditzan eta errentagarria izan dadin. Planteamendua itxuraz erraza bada ere, negozio-eredua erabakitzeko funtsezko alderdi batzuk zehaztu behar dira, honako hauek, adibidez: bezeroak, haien gustuak eta beharrak, haiengana hurbiltzeko modua zure bezero egin daitezen, eta, azken finean, erabaki estrategikoak hartzeko behar duzun informazioa lortzea. Hau da, ereduaren gaia erabat lotuta dago erabiltzaileek eta bezero izan daitezkeen pertsonek eurek dituzten beharrekin.

Bezeroak, erdigunean

Premisa nagusi bat hartu behar da kontuan: bezeroak dira negozio-eredu ororen erdigunea, enpresek ezin baitute haiek gabe luzaroan iraun, Canvas ereduaren sortzaile den Alexander Osterwalderrek ziurtatzen duenez. Canvas eredua metodorik erabilienetako bat da, bere sinpletasuna, azkartasuna eta egitura bisuala direla eta. Izan ere, bezeroei balioa eskaintzea eta haiekiko lotura sendoak ezartzea lortzen duten ereduak dira gaur egun ondoen funtzionatzen dutenak.

Negozio-eredua erabakitzea funtsezkoa da, eta lagundu egingo dizu zure enpresa berriarentzat oinarrizkoak diren elementu batzuk zehazten; besteak beste, honako hauek:

  • Merkatuari eskaini nahi dizkiozun produktuak.
  • Horiek nola aurkeztuko dituzun.
  • Bezerotzat nahi dituzun pertsonen profila.
  • Hori lortzeko zure enpresak aurrera eramango dituen jarduera estrategikoak.

Negozio-eredua zehazteko gakoak

Adierazitako guztia kontuan hartuta, oso garrantzitsua da eredua zehazten lagunduko dizuten gakoak ezagutzea. Zeregin horri heltzean, elementu hauek aintzat hartu eta zehaztu behar dituzu:

  • Zer produktu- edo zerbitzu-proposamenekin aurkeztuko zaren enpresa merkatuan.
  • Nola bereiziko duzun gainerako eskaintzatik.
  • Zer salmenta-metodo erabiliko duzun.
  • Nor izango diren zure bezeroak.
  • Zer estrategia aurreikusi duzun bezero berriak lortzeko eta zurekin jarrai dezaten.
  • Nola aurkeztuko duzun zure burua merkatuan, eta zer merkataritza- eta marketin-estrategia garatuko dituzun.
  • Zein izango den zure diru-sarrera nagusia.
  • Zer balio korporatibo emango duzun.

Negozio-ereduen motak

Elementu horiek zehaztu ondoren, argiago ikusiko duzu zure enpresa berriaren negozio-eredua. Gaur egun hainbat daude, hauek, esaterako:

  • Frankizia. Ezagunenetako bat da. Bi aldeek adostuta, enpresa batek beste baten produktuak merkaturatzen ditu horren merkataritza-metodoak, marka, marketin-estrategia eta abar erabiliz. Trukean, frankizia-hartzaileak urteko kanon bat edo irabazien ehuneko bat ordaintzen dio frankizia-emaileari.
  • Long tail edo buztan luzeko negozioa. Funtsezko helburua eskaera gutxiko produktuen katalogo oso zabala eskaintzea da, errentagarritasun orokor handia lortzeko. Hau da, eredu horren helburua ez da produktu gutxi batzuen ale mordoa saltzea, gutxi saltzen diren produktu ugariren katalogo zabala eskaintzea baizik, guztira diru-sarrera handiak lortzeko.
  • Freemium. Aplikazio mugikor askok erabiltzen dute eredu hori. Oinarrizko zerbitzua doan eskaintzen dute; baina, bezeroak zerbitzu osagarri aurreratuak eskatzen dituenean, kobratu egiten dute. Erabiltzaile gehienek ez dutenez ordaintzerik nahi, bezero-talde oso zabala eduki behar da monetizazio hori lortzeko.
  • Harpidetza bidezkoa. Aldizkako argitalpen gehienek erabiltzen dute, produktu edo zerbitzuren bat eskaintzeko. Adibidez, egunkari batzuek eduki zabalagoak eskaintzen dituzte hileko, hiruhilekoko, seihilekoko edo urteko harpidetzaren truke.
  • Afiliaziokoa. Eredu horren bidez, enpresa batek hirugarrenen produktuak edo zerbitzuak saltzen ditu eta komisioa lortzen du salmenta bakoitzeko. Esate baterako, fitnesserako gailuak aztertzen dituen aldizkari batek gailu horiek saltzen dituen enpresaren webgunerako esteka jartzen du, eta komisioa eskuratzen du salmenta bat egiten den bakoitzean.
  • Peer to Peer. Bi pertsonaren arteko salerosketa-modalitate hori oso ohikoa da bigarren eskuko arropa edo gauzak saltzen dituzten plataformetan. Kasu horretan, enpresak komisioa jasotzen du salmenta bakoitzeko edo publizitateari esker.
  • Plataforma multilateralak. Eredu horretan, elkarren artean harremanik ez duten bi alderdi edo gehiago elkartzen dira, guztiek —baita hornitzaileak ere— etekina lortzeko. Eredu horren adibiderik adierazgarrienetako bat Google da. Harremanetan jartzen ditu produktu edo zerbitzu jakin bat bilatzen duten erabiltzaileak eta hori eskaintzen duten enpresak, eta zerbitzu-hornitzaileak etekina lortzen du, normalean publizitatearen bidez.

Negozio-eredu horiek erreferentzia bat baino ez dira, zehaztuta dituzun parametroen arabera, zurea erabaki dezazun, eta negozio-proiektua berritzailea eta errentagarria izan dadin. Eta zure ekintzailetza-proiektua prestatzeko edo bultzatzeko laguntza bila bazabiltza, Gaztenpresan behar dituzun tresna guztiak eskaintzen dizkizugu. Hortxe izango gaituzu.

Post gehiago irakurri.

Maitza 17, 2022
Bazenekien Europar Batasuneko herrialdeek urtean 5.000 milioi tona hondakin baino gehiago sortzen dituztela, etxekoak kontuan hartuta? Eta bazenekien, Euskadin sortzen ditugun 5,5 tona hondakinetatik, % 80k eraikuntzan eta industrian dutela jatorria? Pentsatu duzu noizbait, 2050. urtean, munduko biztanleek gaur egun kontsumitzen ditugun baliabideak baino hiru aldiz baliabide gehiago beharko dituztela? Izugarrizko datuak dira, ezta? Baina,...
Maitza 17, 2022
Pandemiak goitik behera aldatu zituen pertsonen kontsumo-ohiturak eta ingurune digitalago batera egokitu behar izan zuten. Datuak lehendik ere pozgarriak ziren eta Interneteko erabiltzaile den Euskadiko biztanleriak hazten jarraitu zuen 2021. urtean, % 84,9raino. Gai horri buruz hitz egingo dugu gaur, Interneteko Mundu Egunean, Pello Múgicarekin eta SavileCode enpresaren talde guztiarekin. Gainera, lehen eskutik kontatuko digute nola...
Maitza 16, 2022
Irudi batek mila hitzek baino gehiago balio duela esan ohi da eta horixe erraztuko digu Canvak, hain zuzen ere: gure negoziorako eduki grafikoa modu sinple eta intuitiboan sortzea, diseinu-ezagutzarik zertan izan gabe. Izan ere, on-line erreminta honek plantillen eta baliabide grafikoen kopuru handia (irudiak, argazkiak, tipografiak, eta abar) jartzen du gure esku, haiekin gure negozioaren/markaren...
Maitza 9, 2022
Negozio bat martxan jartzen dugunean (edo jartzeko asmoa dugunean), pertsona ekintzaile batek egin beharreko lehenengo gauzetako bat besteei aurkeztea da: balizko bezeroei, banatzaileei, laguntza emango diguten toki-garapeneko erakundeei, eta baita gure jarduera abiarazteko kreditu bat ematen diguten finantza-erakundeei ere. Kasu guztietan ere, gure solaskideen arreta erakartzeko eta gure helburuak lortzeko posibilitate gehiago izango ditugu, gure...
Maitza 5, 2022
Gaztenpresaren Finantza-Osasuneko Asteazkenetako 2022 lehen zikloarekin hasi gara ekainaren 15era arte. Zer dira Finantza-Osasuneko Asteazkenak? FinBox aholkularitza ekonomiko eta finantzarioko enpresaren babesarekin sortutako web-mintegiak dira. Ordubeteko iraupena dute, eta enpresa baten osasuna zaintzeko ezinbestekoak diren finantza gaiak jorratzen dira. Web-mintegi guztietan FinBox-ek Gaztenpresarentzat esklusiboki diseinatutako tresna eta simulagailuak erabiliko dira. Gainera, saio bakoitza bukatutakoan, parte-hartzaile...
Apirila 28, 2022
EAEko gaixotasun profesionalei buruzko Osalanen urteko txostenak agente taldearen araberako maiztasunari buruzko azterketan erakusten duenez, 2020an jarrera eta mugimendu errepikakorrekin lotutako 1.705 kasu erregistratu ziren guztira, kasu guztien % 78. Testuinguru horretan, eta Laneko Segurtasun eta Osasunaren Mundu Egunaren harira, Jon Ibáñez Pérezekin hitz egingo dugu; fisioterapeuta eta ekintzailea da, Gaztenpresako sarearen barruan.   Hitz egizu...