×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Langile autonomoen zerga-sistema ezagutzeko oinarrizko gida

Share on facebook
Share on twitter
Share on linkedin
Share on whatsapp
Share on email

Langile autonomoek edo norberaren kontura ari direnek ordaindu beharreko zergei buruz hitz egiten dugunean, BEZaren aitorpena datorkigu burura berehala. Baina profesional horien tributazioa hori baino zabalagoa da, eta ezaugarri ezberdinak dituzten zerga batzuk hartzen ditu barne.

Hona hemen kontuan hartu behar dituzun zergak, langile autonomoa bazara:

  • Balio Erantsiaren gaineko Zerga. BEZa kontsumorako zeharkako zerga da, eta autonomo guztiek sartu behar dute euren fakturetan, ondoren Ogasunari ordaintzeko. Azkenean, profesional autonomoak bitartekari jarduten du BEZaren fakturazioan, bere bezeroei kobratzen baitie zerga, ondoren hiru hileroko aitorpenaren bidez Ogasunari ordaintzeko.

Bi BEZ mota daude: jasanarazitakoa eta jasandakoa.

Jasanarazitako BEZa profesional autonomoak kobratzen dio bezeroari, zerbitzua eman edo produktua saltzen dionean. Jasandako BEZa, berriz, profesionalak berak bezero den aldetik ordaintzen du. Hiru hileroko aitorpen bakoitzean, beraz, jasanarazitako BEZaren eta jasandako BEZaren arteko aldea kalkulatu eta ordaindu behar dio autonomoak Ogasunari.

  • Informazio gehiago behar baduzu, post hau kontsulta dezakezu: BEZa aitortzeko 5 urrats autonomo gisa lanean bazabiltza. Eta gogoan izan jarduera batzuk BEZetik —ordaintzetik eta aitortzetik— salbuetsita daudela. Hain zuzen, irakaskuntza, kultura, gizarte-, kirol- eta osasun-jarduerak, posta- eta finantza-zerbitzuak eta aseguruak.
  • Pertsona Fisikoen Errentaren gaineko Zerga. Langile autonomoek aurre egin behar dioten zerga nagusietako bat da PFEZ. Autonomo batek lanbide-jarduera bati ekiten badio, atxikipena duten fakturak egin beharko ditu.
  • Ohiko tasa % 15ekoa da, baina lehen zergaldian eta ondorengo bietan ehuneko hori % 7ra murrizten da. Horrela, faktura bat ordaintzen duenak kopuru hori atxiki eta Ogasunari ordaindu behar dio. Langile autonomoak negozio bat badu, negozio horren etekin positiboagatik ordaindu beharko du.
  • PFEZren konturako atxikipenak. Hirugarrenen errentak aitortu behar badira aurkeztu behar da eredu hori. Hau da, langile autonomoak pertsona enplegatuak, errentatzaileak edo errenta bat ordaintzen dien autonomo profesionalak baditu .
  • Sozietateen gaineko Zerga. Norbere konturako profesionalak merkataritza-sozietatearen izaera badu, PFEZren ordez Sozietateen gaineko Zerga ordaindu beharko du.
  • Ekonomia Jardueren gaineko Zerga. Zerga horrek edozein ekonomia-jarduera zergapetzen du. Jende askok ez du autonomoen EJZ ordaintzen, ordea, 1.000.000 eurotik beherako fakturazioa duten pertsona fisikoak salbuetsita daudelako. Hala ere, norberaren kontura lan egiten duten langile guziek eman behar dute alta EJZn.

Langileek, zerga horiek ordaintzeko, zenbait aitorpen egin behar dituzte hiru hilean behin eta urtean behin. Hauek dira lehenak: BEZaren hiru hileroko aitorpena, PFEZren hiru hileroko aitorpena eta konturako atxikipen eta sarreren hiru hileroko aitorpena —azken hori langile autonomoak pertsona enplegatuak edo alokairuren bat badu soilik egin behar du—.

Horiez gain, Ogasunak urteroko aitorpen hauek ere eskatzen ditu: konturako atxikipen eta sarrerena, PFEZrena, BEZarena eta hirugarrenekiko eragiketena —azken horretan, bezeroekin, hornitzaileekin eta beste edozein erakunderekin egindako eragiketa guztiak sartzen dira, baldin eta eragiketa horien zenbatekoen batura 3.005 €-tik gorakoa bada—.Horiek guztiak urtarrilean aurkezten dira.

Informazio gehiago nahi baduzu zure zerga-sistemari buruz edo negozio-ideia bat abian jartzeko laguntza behar baduzu, Gaztenpresan emango dizugu edozein alderdiri buruz behar duzun aholkularitza, baita prestakuntza-lantegiak eta mentoring-programak ere. Zain gauzkazu!

Post gehiago irakurri.

Otsaila 23, 2023
Iazko abenduaren 23an argitaratu zen BOEn enpresa emergenteen ekosistema sustatzeari buruzko legea, startupei buruzko lege bezala ezagunagoa dena. Estatua pertsona ekintzaileentzat eta horrelako negozioetan interesa duten inbertitzaileentzat helmuga erakargarri bihurtu dadila lortzea da arau berri honen helburua, hau da, enpresa berritzaile sortu berrietan, oinarri teknologikoa dutenetan, hazkunde bizkorrekoak direnetan eta negozio-eredu eskalagarri bat dutenetan interesatuta...
Otsaila 17, 2023
Aurten ere, Gaztenpresaren Astelehen Digitalak itzuliko dira, marketin digitaleko “No te pierdas en las redes” agentziak online ematen dituen prestakuntza-saioak. Saio hauetan, zure negozioaren eremu digitalarekin lotutako gaiak eguneratu ahal izango dituzu. Ordu edo ordu eta erdi inguruko iraupena duten tailer horietan, zure negozioan erantsi ditzakezun baliabide digitalen ikuspegi orokorra lortuko duzu. Izan ere, kontua...
Azaroa 30, 2022
Estatuko enpresen erdia baino gehiagok azken urtean zibereraso bat jasan dutela onartzen dute. Ezagutzen zenuen datu hau? Ezagutzen dituzu Phising, Vishing edo Smishing kontzeptuak? Artikulu honetan, Lautik IT Solutions hori eta askoz gehiago kontatu digu. Konponbide teknologikoetara eta eraldaketa digitalera bideratutako enpresa honek iaz Gaztenpresaren mentoretza-programan parte hartu zuen. Zibersegurtasunaren Eguna dela eta, negozio bat...
Iraila 16, 2022
Ekintzailetzaren igerilekuan murgildu aurretik, urik badagoen egiaztatu beharra dago; gure kasuan, horrek esan nahi du arrisku-analisia gauzatzea eta negozio-plana egitea. Gogoan izan ezazu negozio-plana edo enpresa-plana oso tresna baliagarria dela eta laburbildu behar duela enpresa-proiektu berria nolakoa den eta jaso egin behar dituela negozio arrakastatsu bihurtuko duten helburuak, identitatea eta funtzionamendua. Gainera, une oro gidatuko...
Uztaila 29, 2022
HALO Donostia hiru erizain elkartzetik sortutako proiektua da; hirurek ekiteko gogoa zuten, eta bereziki, erizaintzako zein dermoestetikako sektoreko egungo eskaintzari buelta emateko asmoa. Kooperatiben hilabetean, Halo Donostia-tik eman digute haien historiaren eta lehen urratsen berri.   HALO Donostia “estetika aurreratuko tratamenduetan espezializatutako erizaintza-zentro” moduan definitzen da. Azalduko zenigukete zertan datzan, eta zein den zuen balio...
Uztaila 15, 2022
Modu juridiko askotan gauzatu daitekeen proiektu ekintzaile bat: autonomoa, sozietate mugatua, kooperatiba… Ingravity Dreams elkarrizketatuko dugu Kooperatiben Nazioarteko Eguna dela-eta, Gaztenpresaren eskutik bere enpresa-ibilbideari ekin zion abereen ongizatera zuzendutako zentroa, hain zuzen ere.   Zer da Ingravity Dreams eta nola sortu zen? Abereen ongizatea da Ingravity Dreams. Gure abereak fisikoki indarberritzeko teknika naturaletan espezializatutako lekua,...