×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

2019: Lankidetzaz eta jardueraz betetako urtea

Share on facebook
Share on twitter
Share on linkedin
Share on whatsapp
Share on email

Gaztenpresan hainbat erakunderekin lan egiten dugu ekintzailetzarekin lotutako arrazoiak sustatzeko helburuarekin. Urtearen hasieratik, zenbait ekimenetan eta ekitalditan parte hartu dugu, Euskadin ekintzailetza gaztea sustatzen duten erakundeetako bat izateko.

Africa Basque Challenge 2019: otsailaren 15a

Gaztenpresatik epaimahai gisa parte hartu dugu Africa Basque Challenge lehiaketaren azken edizioko sari-banaketan, Bilbon. Lehiaketa ekintzaile euskaldunen eta afrikarren arteko lankidetzan oinarritzen da. Horiek beren proiektuekin parte hartzen dute, bi herrialdeetako landa- eta hiri-eremuen arteko aldea txikitzeko helburuarekin. Guztira 11 taldek aurkeztu dituzte sturtup-ak sortzeko proposamenak, Euskadin eta Afrikan garapen soziala sustatzeko helburuarekin. Hoco ekimena izan da lehen irabazlea; hark koko-hondakinekin eraikuntza-materialak egiteko erabiliko du 6.000 euroko saria, gero horiekin etxebizitzak eraikitzeko.

Africa Basque Challenge

Mentoring Programarako tailerrak. Pertsona ekintzaileentzako tailerra: otsailaren 27a

Gaztenpresan ekintzaileentzako tailerrak eskaintzen ditugu eta, horien bitartez, tutore batek horien ekintzailetza-prozesua gidatzen du. Beren esperientzia ekintzaile hasi berriekin partekatzen duten profesionalek egiten dute mentoring hori.

taller-emprendedores

Change Makers Lab: otsailaren 25a

Mondragon Unibertsitateak bere ikasleen artean ekintzailetza bultzatzeko Change Makers Lab Programa sortu du. 4 hilabeteetan zehar, fakultate desberdinetako 20 ikaslek taldeetan ekintzailetza proiektuak sortuko dituzte. Gure fundazioaren izateko arrazoien artean, gazteen arteko ekimen ekintzaileak bultzatzea dago.

Change-makers-lab

Mentoring Programarako tailerrak. Mentoreentzako tailerra: martxoaren 4a

Mentoreentzako tailerrak beren esperientzia ekintzaile berriekin partekatu nahi duten enpresariei daude bideratuta. Horien ikuspegi adituak norabide zuzenean aurrerapausoak ematen laguntzen die sortu berri diren enpresei.

taller-mentores

Bilbao Biscay Techstars Startup Week: martxoaren 5a

Gaztenpresak nazioarteko erreferentea den jarduera honetan parte hartu zuen Ruben Machak emandako (Babson Collegen Informazio Sistemen Irakaslea) hitzaldia babestuz. Irakaslearen jardunaldia ekintzailetza digitalari buruzkoa izan zen. 5 egunetan zehar doako ekitaldiak egon ziren eta parte hartzaileek komunitate lokala ezagutu eta hortaz ikasi ahal izan zuten. Horrez gain, ekintzaileak, enpresak eta inbertsoreak ezagutzeko aukera ere izan zuten.

startupweek-bilbao

WATS Summit Bilbao 2019: martxoaren 12a

#SportWithValues WATS Summit ekitaldiak kasu inspiratzaileak eta hezkuntza-metodologia berriak konbinatzen ditu kirolaren esparruan indarkeriaren aurkako balioak sustatzeko. Gaztenpresatik zenbait mahai-ingurutan izan gara. Horietan, kirolaren munduko pertsona ezagunek eta erreferenteek beren esperientziak partekatu dituzte, kirolaren esparruan indarkeria errotik erauzteko. Aurten, Xabi Prietok, Patricia Ramírezek, Vicente del Bosquek, Julen Gerrerok eta Jero Garcíak osatu dute WATS taldea.

wats-summit

Mentoring lankidetza-hitzarmena Bidasoa bizirik agentziarekin: martxoaren 22a

Bidasoa bizirik agentziak eta Gaztenpresa Fundazioak lankidetza-hitzarmen bat sinatu dugu sortu berri diren enpresei hazten laguntzeko. Mentoring Programa garatzea da lankidetza horren helburua, mentore esperientziadunak eta negozio bat sortzeko beren lehen abenturan aholkularitza behar duten ekintzaileak harremanetan jarriz.

convenio-bidasoa

Araba Ekinean 2019: martxoaren 26a

Araba Ekinean ekimenean ere parte hartu dugu Gaztenpresatik, kultura ekintzailea sustatzeko jardueraz betetako edizio honetan. “Zure ideiak balio du” lehiaketarekin, ideia ekintzailerik onenak bilatu nahi dituzte, parte-hartzaileei horiek errealitate egiten laguntzeko. Martxoaren 26an, finalistek beren ideiak aurkeztu zituzten, eta irabazleak apirilaren 3an jakinaraziko dira, Ekin Day ekitaldian. Horrez gain, 2019ko Araba Ekinean Sariak banatuko dira jardunaldi horretan.

alava-ekinean

Startup Olé 2019 Salamanca: martxoaren 26tik 28ra

Gaztenpresatik ezin genuen huts egin Europan erreferentea den jardunaldi ekintzaile honetara. 620 hizlarik parte hartu dute bertan, eta 100 herrialde baino gehiago hartzen ditu barne. Guk hitzaldi batean parte hartu genuen erakunde gonbidatu gisa, «Open Innovation as a Challenge» hitzaldian, eta lankidetzan oinarritutako berrikuntzaren abantailez hitz egin genuen.

startup-ole

Ekintzailetzaren arloko azken joerak eta esperientziak ezagutzea ezinbestekoa da gure ekintzaileei ikuspegi eta aholkularitza ezin hobeak eskaintzeko. Hori dela eta, aurten ere ekitaldi eta jarduera interesgarrietan parte hartzen jarraituko dugu.

Gure jarduera guztiak ezagutu eta jarraitu ditzakezu gure sare sozialetan. Jarrai gaitzazu!

Eta gogoratu, Gaztenpresan, zu bezalako pertsona ekintzaileen alde apustu egiten dugula eta zure negozioa martxan jartzeko behar duzun laguntza guztia eskainiko dizugula. Zain izango gaituzu!

Post gehiago irakurri.

Abendua 28, 2021
Zure negozioa martxan jartzeko orduan, kontuan hartu beharreko hainbat aldagai daude. Zure ideiak antolatu eta negozio-plan bat egin duzu ekiteko baldintzak hobeak izan daitezen. Badakizu zer egin nahi duzun, baita zure jarduera nola garatu ere. Hori guztia oso garrantzitsua da, baina lehen alderdi erabakigarria zure enpresak merkatuan aurrera jarraitzeko behar duen salmenta-zifra jakitea izango da....
Abendua 27, 2021
Egun gutxitan itxiko dugu 2021a, eta urteko azken egunotan eskerrak eman nahi dizkizuegu aurten ere. Badoan urte honetan, poliki-poliki gaindituz joan gara 2020an pandemiaren hasierarekin bidean azaldu zitzaizkigun oztopo handiak. Zuetako askorentzat, erronka horiek sormenaren akuilu izan ziren zuen negozioa berritzeko eta egoera berrira egokitzeko. Urte zail hauetan martxan jarritako ekintzailetza-proiektu askotan gure ekarpentxoa egin...
Abendua 15, 2021
Lan-norabidea aldatu nahi duzu? Negozio bat itxi behar duzu? Baja eman nahi diozu eta ez dakizu nola? Lehenik eta behin, gogoratu: horrelakoak gertatu egiten dira. Arrakastarik izan ez duen abentura pertsonala bada, ondorio egokiak ateratzea gomendatzen dizugu, erantzukizunez eta errudun sentitu gabe, eta ez etsi. Gaztenpresan, enpresa-proiektuaren fase guztietan laguntzen dizugu, eta, badakigunez agian ekintzailetzaren...
Abendua 2, 2021
Negozio bat martxan jarri baino lehen, hainbat erabaki hartu, kalkulu asko egin eta faktore ugari aztertu behar dira; baina benetako erronka gure denda, jatetxe edo bulegoaren pertsiana altxatzen dugunean hasten da. Egunero, datu hauek hartu beharko ditugu kontuan, gure hasierako negozio-plana ondo zegoen ala doikuntzaren bat behar duen ikusteko: erosketen bolumena, gehien edo gutxien saldutako...
Azaroa 23, 2021
Ekintzaile askok, beren negozioaren publizitatea Interneten eta/edo sare sozialetan egiteko aukera planteatzen zaienean, ez dute beharrezkotzat hartzen, inbertsio gisa baino gehiago gastu gisa ikusten baitute aukera hori. Eta, jakina, Googlen, Facebooken, Instagramen… iragarkiren bat egiten badugu zein helburu lortu nahi dugun argi izan gabe eta iragarki hori zein publikok jasoko duen ondo zehaztu/segmentatu gabe, seguruenik,...
Azaroa 19, 2021
Gaur, azaroak 19, Emakume Ekintzailearen Nazioarteko Eguna da. Horregatik, Gaztenpresatik, zorionak guri, emakume ekintzaileoi, gure negozioa aurrera ateratzeko egiten dugun etengabeko lan eta ahaleginagatik. Badakigu gaur egun oraindik ere desparekotasun handia dagoela gure gizartean, eta aparteko ahalegina egin behar dugula. Hala ere, Gaztenpresako ekintzaileen artean, % 42 emakumeak izan ziren 2020an; horrek esan nahi du emakumeak...