×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Nola islatu zure esperientzia profesionala Curriculumean

Share on facebook
Share on twitter
Share on linkedin
Share on whatsapp
Share on email

Curriculumean dena da garrantzitsua: diseinua, idazkera, elementuen banaketa, zure argazkia… Baina, gauza guztien gainetik, zure esperientzia profesionala dago. Zure laneko historia da zure curriculumaren epizentroa.

Enpresa batek hutsik dagoen lanpostu bat bete nahi duenean, postu horretarako beharrezko esperientzia duzun ala ez egiaztatzen du lehenik eta behin. Hala ez bada, zure curriculumak artxibatuta bukatuko du. Baina zure ibilbide profesionala bere premietara egokitzen bada, maila bat igo eta lanpostua lortzeko lehiatuko zara beste hautagai batzuekin.

Zure esperientziak ia dena dio zure inguruan; prestakuntza baino askoz gehiago, hori ere garrantzitsua izan arren. Zure laneko historia idaztean informazio asko ematen diezu zu aukeratzeko ardura duten pertsonei: zein lanpostu bete duzun, zure taldearentzat aktibo bat izan zaren, lanpostuan zenbat denbora egon zaren eta zergatik, zuzendaritzarekin lan egin duzun, eginkizun osagarriak bete dituzun eta abar.

Baina, horren aurretik, xehetasun bat izan behar duzu gogoan: ezin duzu zure esperientzia modu berean idatzi graduatu berria bazara, profesional gazte bat bazara edo zuzendaritza-postu bat betetzen baduzu.

Graduatu berria

Graduatu berria bazara, seguruenik prestakuntza izango da zure aktiborik garrantzitsuena, zure bizitza akademikoarekin batera praktikak edo egonaldi bat egin badituzu salbu. Enpresak bilatzen dituen gaitasunetara hurbildu behar dituzu eginiko lan guztiak eta, horretarako, idazkera adimentsua erabil dezakezu, oso ohikoak diruditen eginkizunak seriotasunez apaintzeaz gain. Muturreko adibide bat aipatzearren, ez da gauza bera haurrei eskolak eman dizkiezula esatea edo eskolaz kanpoko eginkizunak kudeatu eta koordinatu dituzula esatea.

Gazte profesionala

Dagoeneko nolabaiteko lan-esperientzia baduzu, zure curriculumak esperientzia horretara bideratuta egon behar du, lehentasunez gainera: ahaztu udako praktikez edo unibertsitatean zeunden bitartean egin zenituen lan esporadikoez; jarri arreta lanpostu berri hori lortzen lagunduko dizula uste duzun jarduera profesionalean eta gaineratu beste lan guztiak beste atal batean, “Beste jarduera batzuk” atalean, adibidez.

Eta, orain, hasi idazten. Zure bilakaera profesionala goranzkoa izan bada, erabili formatu kronologiko bat: hasi zure azken lanbidetik eta ez ahaztu lanpostu horretara nola iritsi zaren xehetasunez azaltzea.

Dena den, duela ez asko izan duzun lan bat azpimarratu nahi baduzu, ez izan zalantzarik: gaineratu lehenengo eta lotu orain lortu nahi duzun lanpostuarekin. Hori bai, eraikitzen duzun kontaketarekin jakitera eman behar duzu beti izan duzula lotura antzeko lanekin, nahiz eta gerora bete dituzun postuak desberdinak izan diren. Saia zaitez lanpostu hura zure gainerako lan-esperientziarekin lotzen. Ziurta zaitez alderdi garrantzitsuenak azpimarratzeko letra lodiak erabiltzen dituzula, eta ez ahaztu gauzatu dituzun lan guztiak gaineratzea, agertzeko baino ez bada ere: hobe da denbora-tarte hutsik ez uztea.

Senior edo zuzendariaren profila

Enpresa bat langile seniorren bila dabilenean oso ondo daki zer nahi duen. Lehenik eta behin, horrelako lanpostu baterako hautagaia bazara, antzeko lanpostu bat gauzatu behar izan duzu aurrez. Enpresek ez dute beren zuzendariekin espekulatzen, eta lehendik dutena gainditzen saiatzen dira. Hala izango ez balitz, barne-promoziora joko lukete. Horregatik, profil global bat erakutsi behar duzu, eta beste lan batzuetarako aukeratu zintuztenean helburuak zein ziren gogorarazi behar diezu, baita horiek nola bete zenituen ere. Eraldatu zure ekarpenak zifretara eta ehunekoetara, eta frogatu zure lana zure konpainiak tarte horretan jaso zituen sariekin.

Eta gogoratu, atal profesionalaz gain, curriculuma alderdi guztiak barne hartu behar dituen aurkezpen-txartel bat dela. Beraz, hartu kontuan gomendio hauek, bidali aurretik, curriculuma behar bezala idazteko.

  1. Laburbildu eta adierazi dena argitasunez. Zure curriculuma ikusten duten pertsonek ez dute pazientziarik izango argi ez dagoena itzultzeko.
  2. Gehitu aurkezpen-eskutitz bat. Izaera irekia eta jarrera proaktiboa baduzu, taldeak gogoko badituzu, jakin-mina edo ikasteko grina baduzu, esan: lagungarri izango zaizkizun balio osagarriak dira.
  3. Egituratu. Egituratuta dagoen guztia hobeto irakurtzen da. Headhunter bat gauza jakin baten bila badabil, azkar bilatu nahiko du.
  4. Aukeratu argazki egoki bat. Denek dute gogoko lanposturako hautagaia izan daitekeen horri aurpegia jartzea. Beraz, gehitu zuri eta, batik bat, besteei gustatzen zaien argazki egoki bat.
  5. Ez ahaztu harremanetarako zure datuak. Jaiotze-data, helbidea, harremanetarako telefonoa, helbide elektronikoa eta, hala badagokio, web-orria behar-beharrezkoak dira.
  6. Gehitu prestakuntza. Gehitu zure titulu akademikoak eta horiek lortu zenituen lekua. Gaineratu, halaber, hizkuntzen, ofimatika-erreminten eta abarren inguruan dituzun ezagutzak. Eta saiatu modu laburrean eta zehatzean adierazten.
  7. “Beste lan batzuk”. Honako erlaitz hau ezin hobea da lanposturako esanguratsuak ez diren baina aktibo egon zarela adierazten duten lanak gaineratzeko.
  8. Gehitu beste datu pertsonal batzuk. Kirola egitea edo bizi osasuntsua mantentzea gogoko baduzu, adierazi, ez dizu kalterik egingo eta, betiere curriculuma guztiz eraldatzen ez baduzu.

Ikus dezakezun moduan, baduzu lana. Beraz, zure curriculuma prestatzen duzunean, jarri arreta eta gogoa, asko baitago jokoan. Eta, beti bezala, zalantzak badituzu edo laguntzea nahi baduzu, sartu Gaztenpresaren webgunean eta ikusi zer egin dezakegun zuri laguntzeko.

Post gehiago irakurri.

Iraila 26, 2023
2004an hasi zuen bere harremana Gaztenpresarekin Irene Rodríguez ekintzaileak, bere kontura delineatzaile gisa lan egiten hasteko pausoa eman zuenean. Baina harremana ez zen hor bukatu. 2016an, goi-kualifikazioko langile teknikoen outsourcinga bere jardueraren ardatz gisa hartzea erabaki zuen Iddtekek, bere zerbitzuak zabalduz, eta, berriro ere, Gaztenpresan oinarritu zen aldaketa horri aurre egiteko. Eta, orain, mentore gisa...
Iraila 14, 2023
Maiatzaren amaieran ireki zuten Bilbon House Of Movement Experience (HOME) zentroa, entrenamendu pertsonal eta mugimendu egokiturako gunea. Proiektu horren atzean, Laura Leandro eta Noel Herresánchez ditugu, eta euren esperientzia ekintzailea kontatuko digute elkarrizketa honetan. Entrenamendu-zentro horretara joaten diren guztientzat “etxe” bihurtzeko asmoz sortu duzue HOME. Zer du bereizgarri zuen proposamenak ariketa fisikoa egiteko beste aukerekin...
Iraila 4, 2023
Bi emakume gazte ekintzaile hauek urte batzuk zeramatzaten Concha Calle Decoración dendan lanean, Portugaleten (Bizkaia) erreferentziazkoa den interiorismoko negozioa. Orain, jabeek erretiroa hartu dute, eta proiektuaren buru jartzea erabaki dute Cristinak eta Edurnek. Elkarrizketa honetan kontatuko digute prozesu hori nolakoa izan den.   Zein unetan erabaki zenuten dekorazioko eta interiorismoko denda honen jarduerarekin jarraitzea? Edurne:...
Uztaila 7, 2023
Gaur Leire Uretarekin hitz egingo dugu, Nukka dendaren sortzailearekin. Emakume eta gizonentzako marka anitzeko moda-denda da Nukka, duela hiru urte irekia Amorebieta-Etxanon (Bizkaia). Bere apustua outfit erosoak egitea da, estilo handiko jantziekin eta osagarriekin, Leirek 20 urte baino gehiagoko eskarmentua baitu retail sektorean. Baina utz diezaiogun berari kontatzen. Zergatik erabaki zenuen zeure arropa-denda martxan jartzea?...
Ekaina 7, 2023
Laida San Sebastianena izan zen Gaztenpresatik ekimenean jasotako azken testigantza. Gizarte arloan ia 20 urtez ekintzaile izan ondoren, orain Mondragon Unibertsitateko Eskola Politeknikoko ikasleekin partekatzen ditu bere ezagutzak eta esperientziak, Ekintzailetza Teknologikoko arduraduna baita han. “Ni naiz guztiari ‘bai’ esatearen asmatzailea”, aitortu zuen Laidak keinu bat eginez Andrea Fernandezek egin zuen aurreko mintzaldiari. Hain zuzen...
Maitza 31, 2023
Andrea Fernández-ena izan zen Gaztenpresatik ekimenean ezagutu genuen beste ekintzailetza-istorioetako bat. “Argentinar doinurik ez duen ekintzaile argentinarra eta erremediorik gabeko ibiltaria” da. Orain dela 20 urte baino gehiago etorri zen Andrearen familia Bilbora, hark hamabi urte baino ez zituenean. Bizitza pertsonalaren eta profesionalaren arteko orekari eusteak duen garrantziaz hitz egin zigun arlo anitz jorratzen dituen...