Gaztenpresaren online web-mintegi berriak

Aurten ere, Gaztenpresaren Astelehen Digitalak itzuliko dira, marketin digitaleko “No te pierdas en las redes” agentziak online ematen dituen prestakuntza-saioak. Saio hauetan, zure negozioaren eremu digitalarekin lotutako gaiak eguneratu ahal izango dituzu. Ordu edo ordu eta erdi inguruko iraupena duten tailer horietan, zure negozioan erantsi ditzakezun baliabide digitalen ikuspegi orokorra lortuko duzu. Izan ere, kontua ez da guztiak erabiltzea, zuretzat benetan interesgarriak direnak eta eguneratuta mantendu ditzakezunak baizik.

Gainera, web-mintegi hauetara joaten zaretenoi “Aula Gaztenpresa”-n izena emateko aukera emango zaizue. Plataforma birtual horretan, parte hartzen duzuen web-mintegien bideoak ikusi ahal izango dituzue, baita aurkezpeneko materiala eskuratu ere. Horrela, web-mintegi hauetan ikusitako edozein kontzeptu berrikus dezakezu, zure erritmoan eta nahi duzun guztietan.

Eta, berrikuntza gisa, aurten Mentoring Digitaleko Astearteak aurkeztuko ditugu. Hilean behin egindako online talde-saioak izango dira, eta ekintzaileek zalantzak eta arazo zehatzak planteatu ahal izango dizkiozue No te pierdas en las redes lantaldeari zuen negozioaren baliabide digitalen kudeaketarekin.

Hori bai, Mentoring Digitalean parte hartzeko, ezinbestekoa da jardunean dagoen negozio propioa izatea edo enpresaren/markaren marketin digitala kudeatzen duen pertsona izatea.

Hona hemen prestakuntza-saio hauen egitarau osoa:

ASTELEHEN DIGITALAK

• Zure negozio Interneten garatzeko funtsezko oinarriak.
  • Otsailak 20
  • Urriak 2

Web-mintegi honetan, estrategia digital batean zein elementuk hartzen dute parte eta elkarren artean nola erlazionatzen diren ikusiko duzu. Horrela, zeure ibilbide-orria planteatu ahal izango duzu, zure negozio-helburuak lortzeko, zure lana antolatzeko eta zure helburuetarako baliagarrienak diren baliabide digitalak soilik erabiltzeko.

• Googleren enpresa-profila Interneten ikusgarritasun handiagoa izateko.
  • Otsailak 27
  • Apirilak 17
  • Urriak 9

Gero eta erabiltzaile gehiagok erabiltzen dituzte Google eta Google Maps enpresak, produktuak eta zerbitzuak aurkitzeko, eta, beraz, garrantzitsua da Googleren zure enpresa-profila (lehen Google My Businessen fitxa zena), ahalik eta eguneratuen egotea eta SEO ona izatea.

• Nola erabili WhatsApp Business zure negozioan.
  • Martxoak 6
  • Ekainak 5
  • Urriak 16

WhatsApp-ek enpresentzako app bat du, oso erabilgarria dena bezeroari arreta emateko eta bezeroekin komertzialki harremanetan jartzeko. Ikasi tresna hau erabiltzeko eta zure negozioa behar bezala aurkezteko gakoak.

• Zer esan zure negozioaren sare sozialetan. Eraiki zure nortasun digitala posten bidez.
  • Martxoak 13
  • Urriak 30

Saio honetan, sare sozialetan zure markaren edukien estrategia zehazten eta planifikatzen lagunduko dizugu, zure negozioaren balioak eta zure produktu-eskaintza bezero potentzialei modu eraginkorrean helarazteko.

• Bideo laburrak zure negozioaren Instagrameko eta TikTokeko kontuetarako.
  • Martxoak 20
  • Uztailak 10
  • Azaroak 20

Instagram, Stories, Reels, Tik Tok, Youtube Shorts… bideoa online komunikaziorako joera da eta laburtasuna funtsezkoa da. Hemen bideo labur eta zuzen hauek mugikorrarekin grabatzen, editatzen eta argitaratzen ikasiko duzu.

• Sinadura elektronikoa.
  • Martxoak 27
  • Uztailak 17
  • Abenduak 18

Gero eta gehiago dira sinadura elektronikoa eskatzen diguten administrazio-kudeaketak, bai herritar partikularrak bagara, bai autonomoak, mikroETEak eta ETEak badira. Baina, zer da sinadura digitala? Nola lor dezakegu?

• Antolatu eta planifikatu zure lana sare sozialetan: Meta Business Suite eta Metricool.
  • Apirilak 24
  • Azaroak 6

Gure negozioaren sare sozialak eramatea oso lan xurgatzailea izan daiteke, gure denboraren zati garrantzitsu bat kontsumitzen duena. Zorionez, badira lan horretan lagunduko diguten tresnak, edukiak aldi berean sare sozial batean edo batzuetan planifikatu eta programatu ahal izango ditugulako.

• Publizitatea sare sozialetan. Facebook eta Instagram.
  • Maiatzak 8

Sare sozialetako iragarkiek zure publikoa segmentatzeko aukera ematen dizute. Horretarako, publizitate-estrategia bat izan behar duzu, eta sustatuko duzun post bakoitzean zer bilatzen duzun jakin.

• Nola planteatu zure webgunea ganoraz.
  • Maiatzak 15
  • Azaroak 27

Zure negozioaren web orria diseinatzean edo berriz diseinatzean kontuan hartu beharreko alderdiei buruz hausnartzen lagunduko dizugu, erabiltzailearen esperientzia hobetzeko.

• MikroETE-entzako onlineko ordainbideak.
  • Maiatzak 22
  • Abenduak 4

Ezagutu ordainbide digitalen abantailak eta eragozpenak zure negoziorako egokiena zein den erabakitzeko.

• Nola neurtu gure webgunean gertatzen dena. Web-analitikaren hastapenak.
  • Maiatzak 29

Ikasi Googleren tresna analitikoek eskaintzen dizkizuten datuak interpretatzen: Zein kanaletatik datoz zure webgunea bisitatzen duten pertsonak? Zure orriko zein atal interesatzen zaizkie gehien? Non galtzen dute interesa?

• Nola aplikatu posta elektroniko bidezko marketina gure negozioan. Mailchimp.
  • Ekainak 12
  • Urriak 23

Email marketina negozio batek salmentak bultzatzeko eta bezeroak leialtzeko erabil dezakeen tresnarik indartsuenetako bat da. Web-mintegi honetan, emailing programek (Mailchimp, adibidez) eskaintzen dizkiguten funtzionaltasunak ikusiko ditugu, baita kanpaina bat diseinatzeko funtsezko alderdiak ere.

• Ikasi Canva erabiltzen, diseinatzaile ez direnentzako diseinu-tresna.
  • Ekainak 19
  • Azaroak 13

Canva diseinu grafikoko doako tresna indartsua da, zure negozioaren irudia modu erraz eta intuitiboan sortzeko aukera ematen dizuna, txantiloi eta baliabide grafiko ugariei esker ezagutza teknikoak izateko beharrik gabe.

• Sare sozialetarako mugikor bidezko argazkilaritzaren funtsezko gakoak.
  • Ekainak 26
  • Abenduak 11

Ikas ezazu zure negoziorako argazki onak ateratzen zure smartphonearekin, eta moldatu itzazu modu erraz eta intuitiboan doako app-en bidez, sare sozialetan zure enpresaren irudia hobetzen lagunduko dizutenak.

• Sustatu zure negozioa TikToken bidez. Sare sozial horren hastapenak.
  • Uztailak 3

Sare sozial horren funtzionaltasun nagusiak berrikusiko ditugu eta zure negozioa aurkezteko eta zure bideoak sortzeko gomendioak emango dizkizugu.

Astelehen Digitalen osagarri gisa, aurten Mentoring Digitaleko Astearteak aurkezten ditugu:

Mentoring Digitaleko Asteartea

Martxoak 21

Hemen ikus dezakezu egutegi osoa

Bi gai hauei buruzko zalantza zehatzak argituko ditugu:

• Googleren Enpresa Profila eta/edo zuen negozioaren WhatsApp Business kanala.
• Zure negozioaren Sare Sozialen Edukien Estrategia eta/edo Instagram/TikTok programarako bideo laburrak egitea.

Maiatzak 9

Mentoring-saio honetan, hiru gai hauei buruz daukazuen zalantzekin lagunduko dizuegu:

• Googleren enpresa-profila.
• Sare sozialetan edukiak programatzeko tresnak: Meta Business Suite eta/edo Metricool.
• Publizitatea Facebook eta Instagramen.

Ekainak 13

Saio honetan, bost gai hauei buruzko galderei erantzungo dizkizuegu:

• Zure webgunea sortzeko kontuan hartu beharreko alderdiak.
• Online ordaintzeko moduak.
• Web analitika.
• WhatsApp Business.
• Email marketina.

Uztailak 11

Hiru gai hauei buruzko zalantza zehatzak argituko ditugu:

• Sare sozialetarako argazkia mugikorrarekin.
• Sare sozialetarako bideo laburrak.

Urriak 24

Lau gai horiei buruz dituzuen galderak ebatziko ditugu:

• Nola engranatu zure negozioaren baliabide digitalak.
• Googleren enpresa-profila.
• WhatsApp Business.
• Email marketina.

Azaroak 21

Mentoring honetan, lau gai hauei buruzko zalantza zehatzei erantzungo diegu:

• Sare sozialetako edukien estrategia.
• Sare sozialetan edukiak programatzeko tresnak: Meta Business Suite eta/edo
• Sare sozialetarako bideo laburrak.

Abenduak 12

Hiru gai hauei buruzko hitz egingo dugu:

• Zure webgunea sortzeko kontuan hartu beharreko alderdiak.
• Online ordaintzeko moduak.
• Argazkigintza mugikorrarekin sare sozialetarako.