×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Nola hobetu zure webgunearen erabiltzaile-esperientzia

gzt-art-experiencia-usuario
Share on facebook
Share on twitter
Share on linkedin
Share on whatsapp
Share on email

Internetek bere gain hartu ditu gure denbora profesionala, aisialdia, harreman sozial eta sentimentalak, erosketak…, eta pertsona gehienek beren telefono adimenduna piztu eta itzaltzeko botoia sakatuz hasten eta amaitzen dute eguna. Hootsuite plataformak eta We Are Social agentziak Digital 2021 txostenerako egindako azterketa baten arabera, egunean 6 ordu baino gehiago pasatzen ditugu gure mugikorrera, ordenagailura edo tabletara konektatuta: egunaren laurdena, alegia. Eta joerak gora jarraitzen du.

Jarduera digital frenetiko horren ondorioz, enpresa gehienek gero eta baliabide gehiago inbertitzen dituzte erabiltzaile-esperientzia (UX, User Experience, ingelesez) hobetzeko, web-orrien arrakasta-faktore nagusia bihurtu baita. Baina zer esan nahi du kontzeptu horrek? Nola hobetu daiteke? Erabiltzaile-esperientzia pertsona batek web-orri batean nabigatzen duenean esperimentatzen duen guztia da: informazioa eguneratzeko azkartasuna, irudien eta edukien kalitatea, erabiltzeko erraztasuna… Laburbilduz, bilatzen duena erraz lortzea eta bertan nabigatzen duen bitartean gozatzea ahalbidetzen dion guztia.

Erabiltzaile-esperientzia zehazten duten elementuak

Hiru dira zure web-orriaren erabiltzaile-esperientzia zehazten duten elementuak:

  • Erabilgarritasuna. Erabilerraza izatea da web-orri batek erabiltzaile-esperientzia bikaina eskaintzeko bete behar duen lehen baldintza. Eta, horretarako, edozein pertsonak gai izan behar du bilatzen duena lortzeko zer bide egin behar duen ikusteko, begiratu bakar batean; hau da, intuitiboa eta argia izan behar du, eta bilatzen den emaitza lortzeko beharrezkoak diren aukera guztiak eskaini behar ditu, argi eta garbi.
  • Web-diseinua. Alderdi estetikoa funtsezkoa da erabiltzaile-esperientzia ona lortzeko: zure web-orriak erakargarria izan behar du erabiltzaileen interesa pizteko eta horiek «lotuta» mantentzeko, bihurketa bat egin arte. Hala ere, atal honetan parametro bisual hutsak baino askoz parametro gehiago sartzen dira. Zure webgunearen diseinuak arreta handia jarri behar dio arkitekturari, hau da, egiturari. Gainera, mota guztietako gailu eta pantaila-tamainetara egokitzeko gai izan behar du, nabigazio arinaz gozatzeko aukera ematen duten ezaugarri guztiak izan ditzan.
  • Irisgarritasuna. Zure webgunea martxan jartzeko orduan, ahalik eta pertsona gehienentzat irisgarria izatea lortu behar duzu, edozein direla ere pertsona horien ezagutza teknikoak, adina eta ikusmen- edo entzumen-desgaitasuneko arazoak. Hauxe da helburua: web-orria edonork hauteman eta ulertu ahal izatea, eta horretan edonork nabigatu eta jardun ahal izatea.

Zure webgunea hobetzeko jarraibideak

Erabiltzaile-esperientzia zehazten duten elementuak identifikatu ondoren, izan itzazu kontuan zure web-orria hobetzeko aukera hauek:

  1. Optimizatu zure webgunea mota guztietako gailuetarako. Mugikorra gailu nagusia bihurtu da nabigatzeko, erosketak egiteko eta abarretarako, eta zure webguneak responsive diseinua izan behar du ezinbestean, pantaila-tamaina eta gailu guztietara egokitu ahal izateko. Are gehiago, webgune berri bat egitea planteatzen ari bazara, ziurta ezazu mobile first diseinuari erantzuten diola, hau da, webgunearen egitura mugikorrean ezin hobeto nabigatu ahal izateko pentsatuta dagoela eta, diseinu horren bidez, webgunea ordenagailuaren pantailara egokituko dela, eta ez alderantziz. Alderdi hori funtsezkoa da; izan ere, Googlek zigortu egiten ditu nabigazio mugikorrerako optimizatuta ez dauden webgune guztiak.
  2. Hobetu karga-abiadura. Edozein webgunetan nabigatzea –landing page batean nahiz eCommerce edo merkataritza elektronikoko batean- latza izan daiteke azkar kargatzen ez bada, eta web-orria uztea izango da sentsazio horren ondorengo urratsa. Gainera, Googlek zigortu egiten ditu karga-abiadura moteleko webguneak ere. Karga-abiadura hobetzeko, baliabideak minifikatu egin behar dituzu HTML, CSS eta JavaScripten; hau da, baliabide batean beharrezkoak ez diren edo errepikatzen diren datuak ezabatu egin behar dituzu, nabigatzaileek hura prozesatzeko erabiltzen duten moduari kalterik egin gabe. Era berean, zerbitzarien erantzun-denbora hobe dezakezu, eta, jakina, zure webguneko irudiak optimiza ditzakezu.
  3. Erraztu nabigazioa. Edozein web-orrik behar bezala egituratutako eduki funtzionala izan behar du, eta nabigazioa hobetuko duten elementuak eskaini. Kontuan izan beharreko lehen elementua ondo antolatutako eta erraz aurkitzeko moduko menu bat izatea da, pertsonari erraz eta azkar mugitzen laguntzeko. Breadcrumb edo ogi-apurren baliabidea ezin hobea da erabiltzaileak nabigazioan zehar egin duen ibilbidea ezagutzeko eta aurreko orrietara erraz itzuli ahal izateko. Gainera, ahots bidezko bilaketak jokatzen hasi diren eginkizunerako prestatu behar duzu webgunea.
  4. Egizu diseinu erraz eta irakurterraza. Webgune erabilgarri eta erabilerraz bat lortzeko, elementu guztiak azkar irakurtzeko gai izan behar du edonork, grafismoak bakarrik gidatu gabe. Ulermen hori errazten laguntzen duten hainbat elementu daude: erabilitako letra-tamaina eta tipografia, eta atzealdeko kolorea, besteak beste. Oro har, eta oso webgune espezifikoa ez bada, letra-tipoek sinpleak eta irakurterrazak izan behar dute; ahal izanez gero, sans serif familietakoak izan behar dute, hau da, serifarik gabeak, eta kolore neutroekin jokatu behar da. Biztanleria daltonikoa kontuan izan behar da, eta, horregatik, kontrastearekin jokatzea eta kolore iluneko atzealdeak ez erabiltzea komeni da: adibidez, kolore gorria letra beltzekin. Bestalde, diseinua, irakurgarritasuna eta ulermena hobeak izaten dira kolore zuria erabilita: testu gehiegi duten orrien kasuan, pertsonek ez dute idatzizko informazioa bereganatzen, eta zuriuneek, berriz, ulermena arintzen eta diseinua hobetzen dute.
  5. Nabarmendu elementu nagusiak. Alderdi formaletik haratago, testuek edo edukiek egituratuta egon behar dute; zuzenak eta ulerterrazak izan behar dute. Mezu nagusiak azpimarratu behar dituzu, izenburuen egiturarekin edo letra lodiekin, horiek nabarmentzeko. Gainera, horrek zure webgunearen SEOa hobetzen lagunduko dizu. Eta esaldi laburrak erabiltzen saiatu behar duzu beti, erabiltzaileari informazio argia emateko.

Elementu horiek kontuan hartzen badituzu, webgune erabilgarri, erakargarri eta irisgarri bat izango duzu, zure negozioa Interneten berme guztiekin kokatu ahal izateko.

Post gehiago irakurri.

Ekaina 12, 2024
Imajina dezakezunez, Eko-Ekintzailetzak goraka doazen bi joera biltzen ditu: ekologia eta ekintzailetza. Ekintzailetza berdea edo ingurumenekoa da, proiektu profesional bat sortzean jasangarritasunari ere garrantzia eman behar diozulako. Gaur egun, klima aldaketarekin kezkatuta dagoen jende gehiengoarekin eta 2030 agenda ezartzearekin, ez da nahikoa ekonomikoki funtzionatuko duen negozio bat sortzea, ekologikoki ere funtzionatu behar baitu. Jasangarritasunaren eta...
Ekaina 11, 2024
Ana Aguirre zerbaiten munduko presidentea den pertsona-kopuru txiki horretakoa da, berari txantxetan aritzea gustatzen zaion bezalakoa. Bere kasuan, “zerbait hori” Nazioarteko Kooperatiba Aliantzaren Gazteria Batzordeko Presidentetza da, eta kargu horretarako hautatu zuten botoen % 86rekin. Eta nola iritsi da haraino transatlantiko bateko kapitain izan nahi zuen emakume bat (izan ere, Nautika Eskolan izena eman zuen)?...
Ekaina 4, 2024
Ba al zenekien Euskadiko enpresen % 2k ekonomia sozialaren barruan garatzen duela bere jarduera? Ehuneko txiki hori, ordea, Euskadiko ordaindutako enpleguaren % 10 da. Gure inguruan pisu handia duen arren, askotan ez dakigu enpresa-eredu hori behar bezala definitzen. Horregatik, gure podcastaren hirugarren denboraldia ekonomiari eta inpaktu sozialari eskaintzea erabaki dugu, haren balioak, erronkak eta aukerak...
Maitza 15, 2024
GAZTENPRESA: Nerea Forondarekin abiatuko dugu gaur, Bilbon bere ekintzailetzaren sustraiak jartzea erabaki duen ibiltariarekin. Nerea, ingeniaritza ikasi zenuen, baina orain brandingean aritzen zara, ezta? NEREA FORONDA: Hori da. Ingeniari batentzat hau magia da, ezta? Gehiago ulertzen hasi nintzen erakunde baten helburua, pertsonek zergatik kontsumitzen duten kontsumitzen dutena, zer behar duten, produktuak nola konpontzen dituen gauzak....
Maitza 6, 2024
Lehia handiko garai hauetan, bai kalean bertan, bai online eremuan, bezeroak erakartzea eta fidelizatzea da gure negozioaren etorkizunerako gako nagusietako bat. Pandemiak ecommerce delakoa bizkortu zuen, eta, beraz, orain geure burua bereizi behar dugu gure publikoarengana iristeko, kalitatezko produktu edo zerbitzu baten bidez, baina originala eta ezagutzeko modukoa ere izan dadin. Inork ez zuen esan...
Apirila 19, 2024
Negozio berri bat martxan jartzeko zailena ez da sortu nahi denaren ideia izatea, lurrera jaistea baizik, eta zure buruan dagoen ideia hori bideragarria eta errentagarria den benetako negozio bihur daitekeen aztertzea. Kasu hauetan oso erabilgarria gerta dakizukeen tresna bat Canvas Negozio Eredua da (Business Model Canvas); izan ere, paper-orri bakar batean ikus ditzakezu ekiteko orduan...