×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Zergatik neurtu eta aztertu behar dugu gure webgunean eta gure sare sozialetan gertatzen dena?

gzt-art-webinar-analitica
Share on facebook
Share on twitter
Share on linkedin
Share on whatsapp
Share on email

Negozio bat martxan jarri baino lehen, hainbat erabaki hartu, kalkulu asko egin eta faktore ugari aztertu behar dira; baina benetako erronka gure denda, jatetxe edo bulegoaren pertsiana altxatzen dugunean hasten da. Egunero, datu hauek hartu beharko ditugu kontuan, gure hasierako negozio-plana ondo zegoen ala doikuntzaren bat behar duen ikusteko: erosketen bolumena, gehien edo gutxien saldutako produktu edo zerbitzuen kategoria edo mota, jendearen etorria, gure bezeroen iritziak eta iradokizunak eta beste batzuk.

Bada, gauza bera gertatzen da arlo digitalean. Ez du ezertarako balio webgune edo online denda bat izateak, merkatuko sare sozial guztietan egoteak, publizitate digitala egiteak, mailingak egiteak… gero ez badugu neurtzen edo aztertzen ekintza horiek zer-nolako emaitza izan duten. Nola jakingo dugu, beraz, gure negozioaren online alderdiari ematen diogun denborak eta ahaleginak merezi duen (ala ez)?

Sare sozialen metrikarik garrantzitsuenak

Hori jakiteko, sare sozialek hainbat datu eta informazio eskaintzen dizkigute, eta hemen daukazue eskaintzen dizkiguten metrikarik garrantzitsuenak; aldian-aldian berrikustea gomendatzen dizuegu, adibidez hilean behin, zuen bilakaera aztertzeko:

  • Jarraitzaile- edo zale-kopurua. Sare sozial batean gure orriaren edo profilaren jarraipena egiten duten pertsonen kopurua da. Datu horrek, berez, ez du informazio askorik ematen. Hori hazten bada baina irismenak edo inpresioek gora egiten ez badute, ez digu ezertarako balio.
  • Irismena. Gure argitalpena benetan ikusi duten zale edo jarraitzaileen ehunekoa edo kopurua da. Lortzen ari garen ikusgaitasunaren adierazle bat da.
  • Inpresioak. Zenbat aldiz agertu den gure sarrera sare sozialen erabiltzaileen timelime edo hormetan. Pertsona berak inpresio bat baino gehiago erregistratu ahal ditu. Hori ere ikusgaitasunaren adierazle bat da.
  • Interakzioak edo parte-hartzea. Erabiltzaileek gure profiletan edo edukietan egin dituzten ekintzen kopurua: «atsegin dut», erreakzioak, iritziak, partekatutakoak, aipamenak, erantzunak, loturetan egindako klikak, argazkietan egindako klikak, erabiltzailearen izenean egindakoak… Lotura zuzena dute irismenaren eta inpresioen areagotzearekin.
  • Klikak. Balio berezia duen interakzio-mota da. Erabiltzaile batek gure argitalpeneko argazkiak, traolak edo profila ikusteko klik egiten duenean gertatzen da. Gure web-orrian trafikoa handitzeko ahaleginean ari bagara, oso garrantzitsuak izango dira guretzat partekatzen ditugun loturetan dauden klikak.

Google Analyticsen metrikarik garrantzitsuenak

Google Analytics da web-analitika egiteko gehien erabiltzen den tresna, zalantzarik gabe. Datu kuantitatibo hauek eskaintzen dizkigu:

  • Saioak edo bisitak. Saio bat irekitzen da norbait gure webgunean sartzen denean eta web-orri batean edo batzuetan ibiltzen denean.
  • Erabiltzaileak edo bisitariak. Gure webgunean sartzen diren pertsonak dira.
  • Ikusitako orriak. Web-orri bat zenbat aldiz bisitatu den adierazten du. Bisiten kopurua eta erabiltzaileena baino handiagoa izango da beti.
  • Saioko batez beste ikusitako web-orrien kopurua. Gure webgunean egindako bisita batean batez beste ikusi diren web-orrien kopurua da.
  • Web-orrian emandako batez besteko denbora. Bisitariek web-orri jakin batean egiten duten batez besteko denbora da.
  • Errebote-ehunekoa. Gure webgunean sartu eta beste web-orririk bisitatu gabe irten diren bisitarien ehunekoa adierazten digu. Gure webguneak espero zutena betetzen duen, interesgarria iruditzen zaien… erakusten digun adierazlea da.
  • Bihurketa-tasa. Gure webgunean ekintza jakin bat (erostea, inprimaki bat betetzea eta abar) egiten duten bisitarien ehunekoa da. Neurtu ahal izateko, helburu batzuk izan behar ditugu konfiguratuta Google Analyticsen. Konfigurazio hori oso garrantzitsua da ebaluatzeko ea egiten ari zarena errentagarria den. Horretarako, agian, zerbait gehiago ikasi behar duzu Analyticsi buruz, edo tresna ezagutzen duten profesionalen laguntza eskatu.

Web-mintegia: «Nola neurtu gure webgunean gertatzen dena. Web-analitikaren hastapenak»

Badakigu analitika kontu konplexua dela arlo horretan inoiz aritu ez diren ekintzaileentzat. Lantegi hau «Gaztenpresaren astelehen digitalak» zikloaren barruan egingo da. Zoom plataformaren bidez egingo da, eta No te pierdas en las redes marketin digitaleko agentziak emango du.

Mintegi horretan, kontu hauek landuko ditugu: nondik sar gaitezkeen post honetan zerrendatu ditugun metriketan, zein faktorek eragiten dien horiei, zeini eskaini behar diogun arreta gehiago gure estrategia digitalaren helburuen arabera eta beste batzuk.

Beti bezala, ongi etorriak izango zarete!

Post gehiago irakurri.

Uztaila 9, 2024
Gaztenpresaren podcastean, kubaldun honekin (jaiotzez kubatarra eta bihotzez euskalduna) hitz egin dugu. Ekintzaile peto-petoa da, eta ez da konformatu bere proiektuak abiaraztearekin, baizik eta, gainera, ekintzailetzarako grina partekatzen du Euskadira migratutako emakumeekin, kolektibo horrek negozio bat abian jartzeko orduan dituen oztopo gehigarrien jakitun.   Laguntza eta ulermenerako gune bat Lan hori egiteko, Maylin Vergarak Emakume...
Uztaila 8, 2024
Ekin eta zure enpresa sortu aurretik, zure negozio-eredua landu behar duzu. Erakunde batek balioa nola sortzen, entregatzen eta bereganatzen duen deskribatzen duen eskema bat da. Bestela esanda, enpresa batek nola funtzionatzen duen eta irabaziak sortzen dituen definitzen duen plana da. Enpresa-tresna hau oso erabilgarria da, batez ere zure ibilbide berriaren hasieran, gida eta orientazio gisa...
Uztaila 2, 2024
Gaztenpresaren jarduera jarraitu ohi duzuen pertsonei ziur Elsa Pamparacuatro eta Keko Salvador izenak ezagunak egiten zaizkizuela. Ekintzaile bikote hau Gernikako Txitatoki zirku eskolaren sustatzailea da, iaz Donostian antolatu genuen Gaztenpresatik topaketan esan ziguten bezala. Han jakin genuen zentro honek, landa-eremuan zirkuko arteen praktika hurbiltzea eta sustatzea ez ezik, pertsonen garapen pertsonalerako eta gizarteratzeko tresna gisa...
Ekaina 25, 2024
Prest dago Joanes Roso, Tazebaezeko CEOarekin izan dugun solasaldiaren azken zatia!! Lehenengo zatian proiektuaren hasierei buruz hitz egin genuen, eta zergatik egituratzen den kooperatiba gisa. Bigarren atal honetan, talde kooperatibo honen jardueran sakondu dugu. Lau negozio-unitate biltzen ditu, independenteak, baina elkarren artean lotuta daudenak eta erantzunkideak direnak: Bira: aholkularitza-zerbitzuak Tazebaezen jarduera nagusia aholkularitza eta aholkularitza...
Ekaina 18, 2024
Gaur Joanes Roso, Tazebaez kooperatibako CEO eta presidentearekin hitz egin dugu. Kooperatiba horrek 15 urte baino gehiago daramatza negozio eta proiektu jasangarriak bultzatzen, pertsonak prozesuaren erdigunean kokatuz beti. Jakin nahi duzu nola egiten duten eta zerk motibatzen duen enpresa honetako taldea? Aholku bat: entzun gure podcastaren atal hau, eta baita hurrengoa ere, elkarrizketa hain interesgarria...
Ekaina 12, 2024
Imajina dezakezunez, Eko-Ekintzailetzak goraka doazen bi joera biltzen ditu: ekologia eta ekintzailetza. Ekintzailetza berdea edo ingurumenekoa da, proiektu profesional bat sortzean jasangarritasunari ere garrantzia eman behar diozulako. Gaur egun, klima aldaketarekin kezkatuta dagoen jende gehiengoarekin eta 2030 agenda ezartzearekin, ez da nahikoa ekonomikoki funtzionatuko duen negozio bat sortzea, ekologikoki ere funtzionatu behar baitu. Jasangarritasunaren eta...