×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Online publizitatea: nola lagun diezaioke nire negozioari?

Share on facebook
Share on twitter
Share on linkedin
Share on whatsapp
Share on email

Ekintzaile askok, beren negozioaren publizitatea Interneten eta/edo sare sozialetan egiteko aukera planteatzen zaienean, ez dute beharrezkotzat hartzen, inbertsio gisa baino gehiago gastu gisa ikusten baitute aukera hori. Eta, jakina, Googlen, Facebooken, Instagramen… iragarkiren bat egiten badugu zein helburu lortu nahi dugun argi izan gabe eta iragarki hori zein publikok jasoko duen ondo zehaztu/segmentatu gabe, seguruenik, desengainatu egingo gaituzte emaitzek, eta, hain zuzen ere, inolako itzulerarik gabeko gastua izango da kanpaina horretan erabili dugun dirua.

Hori gerta ez dadin, ezinbestekoa da publizitate-estrategia bat izatea eta sustatuko dugun iragarki edo post bakoitzarekin zer lortu nahi dugun jakitea. Horrela bakarrik jakingo dugu zer kanpaina-mota sortu behar dugun (nolakoak izango diren testuak, argazkiak eta/edo bideoak, ekintzarako deiak, etab.) eta zer metrikari erreparatu beharko diogun ongi funtzionatu duen ala ez egiaztatzeko (irismena, interakzioak, botoi edo esteka bateko klikak, web-trafikoaren hazkundea, etab.)

Zer helburu lor daitezke publizitate digitalarekin?

  • Gure irudia/marka eraikitzea: negozio bat abian jartzen ari garenean edo bezero berriengana iritsi nahi dugunean, Interneteko eta sare sozialetako iragarkiek azkar asko lagun diezagukete gure izenak eta edukiek gure bezero potentzialen artean ikusgarritasun handiagoa izan dezaten, eta, aldi berean, pertsona horien buruan gure markaren irudi ona sortzen ariko gara. Hori lortzeko, horrelako iragarkien elementu grafikoek eta testuek oso ondo islatu behar dute gure nortasun korporatiboa (logoa, koloreak, etab.), bai eta negozio gisa ditugun balio bereizgarriak ere.
  • Gure sare sozialetan jarraitzaile gehiago lortzea. Hori bada gure publizitate-kanpainaren helburua, saiatu behar dugu iragarkiaren edukiak jendea elkarreraginean aritzera anima dezan, hau da, «Atsegin dut» ematera, komentatzera eta/edo partekatzera.
  • Trafikoa gure webgunera/e-commercera eramatea. Kasu horretan, gure iragarkiak proposamen erakargarria eskaini beharko du eta ekintzarako dei argia eta «gustagarria». Hau da, oso ondo pentsatu beharko dugu gure kanpainaren edukia —adibidez, egun bakar batez balio duen eskaintza egin, ebook bat deskargatzeko aukera eta abar—, erabiltzaileari merezi izateko egiten ari dena (bere sare sozialetan nabigatu) utzi eta gure web-orria bisitatzea. Horrelako kanpainen emaitzak neurtzeko orduan, sare sozial bakoitzaren metrikak begiratzeaz gain, Google Analyticsera jo beharko dugu.
  • Hurrengo iragarkietarako edo eskaintza espezifikoak egiteko audientziak sortzea. Ezarpen batzuen bidez, publizitate digitalak aukera ematen digu publiko/audientzia pertsonalizatuak sortu eta gordetzeko, erabiltzaileek gure edukiekin eta bisitatu dituzten gure webguneko atalekin izan duten portaeraren arabera. Hala, pertsona horientzako iragarki espezifikoak edo interesgarriak sortu ahal izango ditugu, eta, ondorioz, gure produktuak eta/edo zerbitzuak erosi egingo dituzte seguruenik.

Hala ere, publizitate digitalaren bidez lortu nahi dugun helburua edozein dela ere, beti saiatu beharko dugu gure iragarkiekin ikusleak ez hotz ez bero gera ez daitezen, batez ere sare sozialetan. Hau da, gure kanpainek ahalik eta ikusgarritasunik handiena izan dezaten, garrantzitsua da gure iragarkien sormenak elkarreraginerako gonbita egitea berez (dela estetikoki deigarria delako, dela umore-kutsua duelako, eduki erabilgarria delako, tokikoa…). Horrela, publizitate-inbertsioarekin lortutako inpaktuari inpaktu «organikoa edo birala» gehituko zaio —pertsonek gure iragarkiak partekatzen edo komentatzen dituztenean lortuko duguna—, eta are errentagarriagoak izango dira gure iragarkiak.

Web-mintegia: «Online publizitatea. Arreta Facebooken, Instagramen eta Google Ads-en jartzea»

Gai horretan gehiago sakontzeko, Gaztenpresak antolatu duen web-mintegi honetan parte hartzera gonbidatzen zaituztegu: «Online publizitatea. Arreta Facebooken, Instagramen eta Google Ads-en jartzea». Azaroaren 29an izango da, astelehenarekin, 15:30etik 17:00etara, Zoom plataformaren bidez. No te pierdas en las redes marketin digitaleko agentzia arduratuko da lantegi hori emateaz. Honako hauek ikusiko ditugu bertan:

  • Publizitate digitalaren eta tradizionalaren ezaugarriak.
  • Nola heldu iragarkiei Google Ads-en, eta nola heldu Facebooken eta Instagramen.
  • Online publizitate-kanpaina bat nola egin gure estrategia digitalaren helburuak lortzeko: eraginkorra izateko kontuan hartu beharreko elementuak (diseinua eta sormena, audientziaren segmentazioa, laguntzen duten konfigurazio teknikoak, etab.).
  • Gure kanpainen emaitzak nola neurtu gure helburuak bete ditugun ala ez jakiteko.

Beraz, zuen negozioaren publizitatea Interneten egiteko asmoa baduzue edo kanpainaren bat egin baduzue, baina ez badakizue zergatik huts egin duen, web-mintegi honetan parte hartzera animatzen zaituztegu.

Hortxe izango gaituzue!

Post gehiago irakurri.

Abendua 2, 2021
Negozio bat martxan jarri baino lehen, hainbat erabaki hartu, kalkulu asko egin eta faktore ugari aztertu behar dira; baina benetako erronka gure denda, jatetxe edo bulegoaren pertsiana altxatzen dugunean hasten da. Egunero, datu hauek hartu beharko ditugu kontuan, gure hasierako negozio-plana ondo zegoen ala doikuntzaren bat behar duen ikusteko: erosketen bolumena, gehien edo gutxien saldutako...
Azaroa 23, 2021
Ekintzaile askok, beren negozioaren publizitatea Interneten eta/edo sare sozialetan egiteko aukera planteatzen zaienean, ez dute beharrezkotzat hartzen, inbertsio gisa baino gehiago gastu gisa ikusten baitute aukera hori. Eta, jakina, Googlen, Facebooken, Instagramen… iragarkiren bat egiten badugu zein helburu lortu nahi dugun argi izan gabe eta iragarki hori zein publikok jasoko duen ondo zehaztu/segmentatu gabe, seguruenik,...
Azaroa 19, 2021
Gaur, azaroak 19, Emakume Ekintzailearen Nazioarteko Eguna da. Horregatik, Gaztenpresatik, zorionak guri, emakume ekintzaileoi, gure negozioa aurrera ateratzeko egiten dugun etengabeko lan eta ahaleginagatik. Badakigu gaur egun oraindik ere desparekotasun handia dagoela gure gizartean, eta aparteko ahalegina egin behar dugula. Hala ere, Gaztenpresako ekintzaileen artean, % 42 emakumeak izan ziren 2020an; horrek esan nahi du emakumeak...
Azaroa 8, 2021
Gaztenpresan lan egiten dugunok, askotan, honela jokatzen duten ekintzaileak aurkitzen ditugu: negozioa irekita hilabete batzuk igaro ondoren, kosta ahala kosta bezero berriak lortu nahi dituzte, eta oraindik negozioaren berri ez duten bezeroekin konektatzera bideratzen dituzte marketin digitaleko ahalegin guztiak. Estrategiak argia dirudi: zenbat eta pertsona gehiagok ezagutzen duten nire negozioa, orduan eta aukera gehiago izango...
Azaroa 3, 2021
Pandemiak ere ezin du espiritu ekintzailea geldiarazi. Ia 20 urtez inoren kontura lanean aritu eta langabezian geratu ondoren, 3 emakume ekintzaile hauek lanari ekin eta beren proiektua aurrera ateratzea erabaki zuten. Euren buruarekiko, bezeroekiko eta merkatuari buruz zuten ezagutzarekiko konfiantzaren ondorioz, ideiak oso argi zituzten, eta jauzi egitera animatu ziren. Duela hilabete batzuk, ilusioz beteta, Magdalena Grandek,...
Urria 29, 2021
Ekitearen gakoetako bat negozio-eredua zehaztea da, zure enpresa izango denak diru-sarrerak lor ditzan eta errentagarria izan dadin. Planteamendua itxuraz erraza bada ere, negozio-eredua erabakitzeko funtsezko alderdi batzuk zehaztu behar dira, honako hauek, adibidez: bezeroak, haien gustuak eta beharrak, haiengana hurbiltzeko modua zure bezero egin daitezen, eta, azken finean, erabaki estrategikoak hartzeko behar duzun informazioa lortzea....