×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Posible al da nire mugikorrarekin argazki onak ateratzea, sare sozialetarako eta nire negozioaren webgunerako?

Share on facebook
Share on twitter
Share on linkedin
Share on whatsapp
Share on email

Erantzuna BAI da, baina ez gaitezen engainatu. Denok ez daramagu argazkilari bat barruan, eta gure telefono adimendunarekin ateratako argazkiek ez dute inoiz izango profesional batek atera ditzakeen argazkien kalitate bera, argazkilaritza beti gure hobbyetako bat izan ez bada eta arlo horri buruzko prestakuntzarik ez badugu behintzat.

Baina kontu hori argi badugu, eta une horretan argazkilari profesional bat kontratatzeko aukerarik ez badugu aurrekontuagatik, garrantzitsua da ez adoregabetzea eta jakitea, gaur egun, gure mugikorrei esker, gure produktuen eta gure negozioaren egunerokotasuneko irudi onargarriak lor ditzakegula gure webgunea, online denda, sare sozialak eta abar irudiztatzeko. Horretarako, denbora eskaini eta praktikatu egin behar dugu ¾ezer ez da lehenengoan lortzen¾. Horrez gain, jarraian zerrendatuko ditugun gomendio batzuk izan behar ditugu kontuan.

Gure telefono adimendunarekin argazki onak ateratzeko gomendioak

  1. Lehenik eta behin, gure telefono adimendunaren lentea edo lenteak garbitu behar ditugu, edozein argazki atera aurretik. Txotxolokeria bat dirudi, baina, egia esan, gehienok mugikorra eskuan dugula igarotzen dugu eguna, edo hura poltsikora sartzen eta ateratzen, mugimendu horiekin gure mugikorraren lentea ukitzen eta zikintzen dugula konturatu gabe. Horrenbestez, edozein argazki atera aurretik, betaurrekoen kristalekin erabiltzen dugun gamuza bat hartu eta telefonoaren optika (lentea) garbitu behar dugu. Keinu txiki eta sinple horrekin, nabarmen hobetuko da gure mugikorrarekin ateratako edozein argazkiren argitasuna.
  2. Araztasunari dagokionez, argazki on bat ateratzeko orduan oso garrantzitsua da mugikorra ahalik eta gutxien mugitzea; beraz, funtsezkoa da gure pultsuak ez huts egitea eta gailua ahalik eta egonkorren mantentzea. Baina gure pultsuaren egonkortasuna gure esku ez dagoenez, tripode txiki bat eskuratzea da onena, argazkiak ateratzen laguntzeko. Erabilgarria izan daitekeen beste trikimailu bat da, argazkia ateratzerakoan, ukondoak mahai edo gainazal irmo baten gainean jartzea.
  3. Argiztapena oinarrizkoa da edozein argazkitan eta, kontuan izanik mugikorretako kamerek ez dutela ondo lan egiten argi gutxirekin, argi-iturri natural ona duen leku bat bilatu beharko dugu, edo foku/lanpara/bonbilla bat izan beharko dugu argi difusoa bermatzeko, kontraste edo itzal handiegirik sortu gabe.
  4. Horrez gain, arreta berezia jarri beharko diogu argazkiaren atzealdeari, batez ere produktu-irudietan, eta are gehiago gure online dendan erabili nahi baditugu. Kasu horietan, atzealde neutroa edo zuria erabiltzea gomendatzen da, eta horretarako, kartoi-mehe bat erabil daiteke, esaterako.
  5. Ez da gomendatzen mugikorraren zooma erabiltzea, telefono adimendun gehienetan zooma digitala baita, ez optikoa. Izan ere, zoom optikoak fotografiatu nahi dugun objektura hurbiltzen gaitu; zoom digitala, berriz, artifiziala da eta hark eskaintzen digun irudiak ez du zoom optikoarekin lortzen denaren kalitatea eta argitasuna. Horrenbestez, produktuaren, zure dendaren, beira-arasa baten eta abarren xehetasun bat atera behar baduzu, hobe da zu fotografiatu nahi duzun horretara hurbiltzea, mugikorraren zoomera jotzea baino.
  6. Era berean, ez da gomendagarria mugikorraren flasha erabiltzea; izan ere, flashak oso argi gogorra sortzen du, eta horrek itzal markatuak sortzen ditu.
  7. Beste gomendio erabilgarri bat da, argazkia atera aurretik, argazkiak zer konposizio eta formatu (karratua, bertikala edo horizontala) izatea nahi dugun argi izatea. Zentzu horretan, mugikorretako ia kamera guztiek badute baliabide bat, «Laukia» deiturikoa (Doikuntzak/Ezarpenak atalean egoten da). Hura aktibatzea komenigarria da argazkiaren konposizioa ikusteko, eta zentratuta zer elementu geratuko diren eta horrenbeste protagonismo zeinek izango ez duen jakiteko, besteak beste.
  8. Azkenik, kontuan izan behar da, argazkia zenbat eta hobea izan, orduan eta gutxiago apaindu beharko dugula gero. Hala ere, errealistak gara, eta irudiak gero zuzendu edo orraztu beharreko akats txikiren bat izango du seguruenik. Horretarako, argazkiak ukitzeko aplikazioren bat erabil dezakegu, mugikorrerako espezifikoa eta erabilerraza, Snapseed adibidez.

Web-mintegia: «Mugikorrarekin argazkiak ateratzeko funtsezko gakoak»

Gomendio horietan gehiago sakondu nahi baduzu, «Mugikorrarekin argazkiak ateratzeko funtsezko gakoak» web-mintegian parte hartzera gonbidatzen zaitugu. Web-mintegia urriaren 25ean izango da, 15:30etik 17:00etara, «Gaztenpresaren Astelehen Digitalen» esparruan. Saio hau No te pierdas en las redes marketin digitaleko agentziak eskainiko du, Meraki Estudio de Fotografía estudioarekin lankidetzarekin.

Lantegi horretan, zure mugikorraren kamera hobeto ezagutzen irakatsiko dizugu, eta kontu horiek guztiak nabarmenduko ditugu ¾argiztapena, atzealdeak, zure mugikorrerako osagarri erabilgarriak, bizitza erraztuko dizuten edizio-aplikazioak eta abar¾, argazki baliagarriak lortzeko eta, horiek erabiliz, zure negozioaren jarduera webgunean eta sare sozialetan aurkezteko.

Ez galdu!

Post gehiago irakurri.

Abendua 2, 2021
Negozio bat martxan jarri baino lehen, hainbat erabaki hartu, kalkulu asko egin eta faktore ugari aztertu behar dira; baina benetako erronka gure denda, jatetxe edo bulegoaren pertsiana altxatzen dugunean hasten da. Egunero, datu hauek hartu beharko ditugu kontuan, gure hasierako negozio-plana ondo zegoen ala doikuntzaren bat behar duen ikusteko: erosketen bolumena, gehien edo gutxien saldutako...
Azaroa 23, 2021
Ekintzaile askok, beren negozioaren publizitatea Interneten eta/edo sare sozialetan egiteko aukera planteatzen zaienean, ez dute beharrezkotzat hartzen, inbertsio gisa baino gehiago gastu gisa ikusten baitute aukera hori. Eta, jakina, Googlen, Facebooken, Instagramen… iragarkiren bat egiten badugu zein helburu lortu nahi dugun argi izan gabe eta iragarki hori zein publikok jasoko duen ondo zehaztu/segmentatu gabe, seguruenik,...
Azaroa 19, 2021
Gaur, azaroak 19, Emakume Ekintzailearen Nazioarteko Eguna da. Horregatik, Gaztenpresatik, zorionak guri, emakume ekintzaileoi, gure negozioa aurrera ateratzeko egiten dugun etengabeko lan eta ahaleginagatik. Badakigu gaur egun oraindik ere desparekotasun handia dagoela gure gizartean, eta aparteko ahalegina egin behar dugula. Hala ere, Gaztenpresako ekintzaileen artean, % 42 emakumeak izan ziren 2020an; horrek esan nahi du emakumeak...
Azaroa 8, 2021
Gaztenpresan lan egiten dugunok, askotan, honela jokatzen duten ekintzaileak aurkitzen ditugu: negozioa irekita hilabete batzuk igaro ondoren, kosta ahala kosta bezero berriak lortu nahi dituzte, eta oraindik negozioaren berri ez duten bezeroekin konektatzera bideratzen dituzte marketin digitaleko ahalegin guztiak. Estrategiak argia dirudi: zenbat eta pertsona gehiagok ezagutzen duten nire negozioa, orduan eta aukera gehiago izango...
Azaroa 3, 2021
Pandemiak ere ezin du espiritu ekintzailea geldiarazi. Ia 20 urtez inoren kontura lanean aritu eta langabezian geratu ondoren, 3 emakume ekintzaile hauek lanari ekin eta beren proiektua aurrera ateratzea erabaki zuten. Euren buruarekiko, bezeroekiko eta merkatuari buruz zuten ezagutzarekiko konfiantzaren ondorioz, ideiak oso argi zituzten, eta jauzi egitera animatu ziren. Duela hilabete batzuk, ilusioz beteta, Magdalena Grandek,...
Urria 29, 2021
Ekitearen gakoetako bat negozio-eredua zehaztea da, zure enpresa izango denak diru-sarrerak lor ditzan eta errentagarria izan dadin. Planteamendua itxuraz erraza bada ere, negozio-eredua erabakitzeko funtsezko alderdi batzuk zehaztu behar dira, honako hauek, adibidez: bezeroak, haien gustuak eta beharrak, haiengana hurbiltzeko modua zure bezero egin daitezen, eta, azken finean, erabaki estrategikoak hartzeko behar duzun informazioa lortzea....