×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Non eta nola aurkitu negozio ideia on bat

Share on facebook
Share on twitter
Share on linkedin
Share on whatsapp
Share on email

Argi duzu, erabakia hartua duzu: ekintzailetzaren munduan abiatuko zara. Azken urteetan beharrezko konpetentziak barneratu dituzu eta eskakizun handiko mundu horretan behar diren izaera eta jarrera jorratu dituzu… Gauza bat baino ez zaizu falta: ideia bat aurkitu eta arrakastaz gauzatzea.

Negozio-ideia ona ez da inoiz kasualitatez iristen. Bilaketa-prozesu zorrotza eta lan zehatza eskatzen ditu, eta ez da beti arrakasta erdiesten. Halere, enpresa-ideia bikainetako askok ezaugarri berbera dute: sustatzaileen jarduerari, zaletasunei, gustuei edo trebeziei lotuta egoten dira.

Benetako jeinuak ez bagara edo etorkizuna iragartzeko gaitasunik ez badugu, errazagoa da gu mugitu ohi garen arloan aurkitzea inspirazioa, inoiz ezagutu ez dugun batean baino. Eta gure arrakastaren zati handi bat gure lanaren menpe eta hirugarrenen aldetik, hala nola Gaztenpresaren aldetik, lortuko dugun laguntzaren menpe egongo da.

Gainera, hartu kontuan negozio arrakastatsu gehienak lehenagotik zeuden kontzeptuetan oinarritu direla; zoritxarrez, oso-oso pertsona gutxiri bururatzen zaie aurretiaz beste inork garatu ez duen ideia demasa. Horregatik, zeure negozio-ideiari buruz hausnartzen hasten zarenean, hartu kontuan elementu hauek:

  • Zer egin nahi zenuke? Pentsatu zer jardunetan aritu nahi duzun, zer utzi duzun egiteko gogoz edo zertarako trebatu zaren. Berreskuratu bokazio hori eta inoiz ez zaizu ilusiorik, gogorik eta lanerako gaitasunik falta izango. Hori lortzeko, jardun horretan ibili zaren aldi guztiak berrikustea eta ordenatzea komeni da, eta «nik beste modu batean egingo nuke…» pentsatu zenituen aldi guztiak azaleratzea. Zeure negozioa bideratzen hasteko tresna garrantzitsu-garrantzitsuak izango dira.

 

  • Aurkitu zoriontsu egingo zaituen sektorea. Lanean zoriontsua izatea ez da utopia. Edozein pertsonaren helburua izan beharko litzateke, eta helburua lorgarriagoa da zuk zeuk aukeratzen baduzu jarduna. Zeure ametsetako lana bilatzen ari zaren sentsazioak ematen dizun aparteko motibazioari esker, errazagoa gertatuko zaizu behar duzun hori bilatzea eta osatzen duten elementuetako bakoitza zehatz aztertzea. Zenbat eta azterketa zorrotzagoa egin, orduan eta aukera handiagoa edukiko duzu merkatuan hobia topatzeko eta zure ideia bideragarri bihurtzeko.

 

  • Errepasatu zure zaletasunak. Fitnessa gustatzen bazaizu, ondo ezagutzen baduzu eta horretan jarduten baduzu, errazagoa izango da jakitea zer beharrizan edo gabezia dauden sektore horretan eta nola hobe dezakezun fitnessa egiten duten pertsonen esperientzia. Eta gauza bera esan daiteke sukaldaritzari, irakurketari, golfari edo joskintzari buruz. Aprobetxatu zaletasun bati buruz duzun ezagutza, sakontzeko eta barruan dituen negozio-aukerak arakatzeko.

 

  • Aztertu zeure beharrizanak. Askotan, eremu pertsonalean nahiz profesionalean beharrizana sentitzen dugunean bururatzen zaigu ideia ona. Une horretan lehenengo bururatzen zaiguna hauxe da: ea nork erantzun ahal dion premiari eta zer baldintzatan erantzungo dion. Eta erantzunik aurkitzen ez baduzu, nor izango da gu baino hobea gabezia hori aztertzeko eta eskaintzen dituen negozio-aukerak arakatzeko?

 

  • Aztertu superespezializazioa. Sektore batzuek oso helduta dagoen merkatuan jarduten dute eta, a priori, ez dute negozio-aukera askorik eskaintzen. Alabaina, superespezializazioa ezarriz gero, etorkizun luze eta oparoko negozio-aukerak sor daitezke. Adibidez, abokatutza eta zibersegurtasuna batuz lortzen den espezializazioa.

 

  • Ikusi atzerrian zer ideiak duten arrakasta. Betidanik erabili eta beti ondo ibili den bide bat: negoziorako ideiak kanpoan bilatzea; hona ekartzea beste eremu batzuetan arrakasta frogatua duten jarduerak. Globalizazioak eta hiperkonektibitateak erraztu egiten du negozio-ideiak mugaz gaindi bilatzea; aldi berean, ordea, beste jende askok ere badauka ideia horiek berak ikusteko aukera. Horregatik, proposamen hori gure merkatu potentzialera egokitzeko gaitasunak bereiziko gaitu.

 

  • Ez alboratu dagoeneko abian diren ideiak, eta emaiezu buelta. Negozio berri gehienak abian diren ideietan oinarritzen dira, eta batzuetan ñabardurak dakar berezitasuna. Horregatik, buruan ideia bat badarabilzu, baztertu aurretik, galdetu zeure buruari ideia hori guztiz garatuta dagoen, sektorean zerbait interesgarri eskain dezakezun eta zergatik ez den gehiago arakatu.

Negozio-ideia bilatzean aholku horiek erabiltzen badituzu, inspirazioa aurkitzeko eta prozesua arrakastaz burutzeko aukera handiagoa izango duzu. Eta gogoan izan Gaztenpresan zuri laguntzeko gaudela: Konta iezaguzu zeure ideia eta negozio-plana prestatzen, abian jartzeko tramiteak egiten eta finantzaketa lortzen lagunduko dizugu.

Post gehiago irakurri.

Maitza 31, 2023
Andrea Fernández-ena izan zen Gaztenpresatik ekimenean ezagutu genuen beste ekintzailetza-istorioetako bat. “Argentinar doinurik ez duen ekintzaile argentinarra eta erremediorik gabeko ibiltaria” da. Orain dela 20 urte baino gehiago etorri zen Andrearen familia Bilbora, hark hamabi urte baino ez zituenean. Bizitza pertsonalaren eta profesionalaren arteko orekari eusteak duen garrantziaz hitz egin zigun arlo anitz jorratzen dituen...
Maitza 23, 2023
Mahai-inguruaren ondoren, beren ibilbideko uneren batean Gaztenpresara gure aholkularitzaren bila etorri diren ekintzaileen benetako historiak entzuteko txanda iritsi zen Gaztenpresatik blogean. Hala, Elsa Pamparacuatro eta Keko Salvador ezagutu genituen, Iruñeko zirku-eskolan elkar ezagutu zuten bi artista. Amets bat zuten: Urdaibain zirku-eskola sortzea. Lehenengo aukera izan zen Gautegiz-Arteagan bizi ziren baserriko ukuilua egokitzea. “Han hasi ginen...
Maitza 17, 2023
Duela egun gutxi batzuk gure 2022ko Memoria aurkeztu genuen Donostian. Izan ere, aurten Donostia Gizarte Ekonomiaren Hiriburu izendatu dute. Prentsaurrekoaren ondoren, Gaztenpresatik ekitaldia egiteko aprobetxatu genuen, hain zuzen ere, gure erkidego ekintzailea inspiratu, motibatu eta babesteko ekitaldia. Topaketa hau oso mamitsua izan zenez, eta ezer ez ahazteko, bertan gertatu zen guztia kontatzea erabaki dugu. Has...
Apirila 28, 2023
Gure inguruko errealitate soziala hobetzeko helburuari jarraikiz, Gaztenpresan 314 negozio berri abiarazten lagundu dugu 2022an, eta horiei esker 637 lanpostu sortu dira. Hori horrela izanik, ia 30 urteko ibilbide honetan, 6.578 enpresa eta 12.041 enplegu sortzen lagunduko dugu, eta LABORAL Kutxaren bitartez 192 milioi euro lortzeko aukera eman dugu, mailegutan. Datu horiek guztiak gure 2022ko...
Apirila 17, 2023
Guztion ahotan dago Adimen Artifiziala (AA), eta ChatGPT tresnari zor zaio bere ospearen zati handi bat. Tresna hori OpenAI enpresak merkaturatu zuen joan den urtearen amaieran, eta guztiok harrituta utzi gaitu galderei erantzuteko, elkarrizketak izateko eta testuak modu natural eta koherentean sortzeko duen eraginkortasunagatik eta zehaztasunagatik. Tresna horrek zer egin dezakeen ikus dezazuen, pentsatu dugu...
Otsaila 23, 2023
Iazko abenduaren 23an argitaratu zen BOEn enpresa emergenteen ekosistema sustatzeari buruzko legea, startupei buruzko lege bezala ezagunagoa dena. Estatua pertsona ekintzaileentzat eta horrelako negozioetan interesa duten inbertitzaileentzat helmuga erakargarri bihurtu dadila lortzea da arau berri honen helburua, hau da, enpresa berritzaile sortu berrietan, oinarri teknologikoa dutenetan, hazkunde bizkorrekoak direnetan eta negozio-eredu eskalagarri bat dutenetan interesatuta...