×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

2020a, urte zaila baina ekintzailetzari buruzko jarduerez betea

Gaztenpresa resumen 2020
Share on facebook
Share on twitter
Share on linkedin
Share on whatsapp
Share on email

2020a urte gogorra izan da; zalantzarik gabe, COVID-19aren krisia dela eta gogoratuko dugu. Dena den, Gaztenpresan enplegua sustatzeko lanean jarraitu dugu, Euskal Autonomia Erkidegoan eta Nafarroan enpresak sortuz, eta ekintzailetzako abentura honetan gure laguntza onartu duten ekintzaileei lagunduz. Halaber, azpimarratu behar da fundazioa egoerara egokitu dela, eta ekintzailetzarekin lotutako eta hura sendotzen laguntzeko hainbat ekitaldi eta ekimenetan parte hartu duela.

Gaztenpresa-Resumen-2020

Gaztenpresak aurten abian jarri duen ekimenik garrantzitsuenetako bat #JarraitzekoBerritzen kanpaina izan da. Hartan, ezagutzera eman genituen krisi honen aurrean aurrerapauso bat ematea eta egoerara egokitzea erabaki zuten gure inguruko negozioen ekintzak. Gainera, krisi honi aurre egiteko beren ekimenen berri ematea erabaki zuten pertsonen ahalegina eta asmamena saritu genituen. Berriz ere eskerrak eman nahi dizkiegu ekintzaile horiei guztiei, norberaren mugak gainditzeari buruzko lezio bat eman baitziguten den-denek.

Gainera, aurten, negozio askori bizirauten lagundu dieten ekimenak jakitera emateaz gain, harago joan gara, eta ekintzaile horiei pandemiaren ondorioak arintzen lagundu nahi izan diegu. Horregatik, Youth Business Spain (YBS) fundazioarekin batera SOS Mentoring programa sortu dugu, mikroenpresei eta ekintzaileei beren negozioak berrabiarazteko aukera emateko. Enpresaren arloan esperientzia handia duten mentoreen aholkuei esker, programan parte hartzen duten pertsonek ekintzailetza-sarea sendotzen dute. Elementu garrantzitsua izan da, eta gaitasunen soft skill berrikuntza sortzen lagundu digu. Taldean lan egiten eta berrikuntza sortzen laguntzea da xedea, ekintzaileen lana sustatzen lagunduko diguten programak sortze aldera.

Enpresen bilakaerak kezkatzen gaitu. Izan ere, urtearen erdialdean, galdeketa bat egin genuen Euskal Autonomia Erkidegoko eta Nafarroako hainbat sektoretako negozioen artean, pandemiak negozioei nola eragin dien jakiteko, haien beharrak aztertzeko eta haiei #JarraitzekoBerritzen laguntzeko. Galdeketaren erantzunek agerian utzi zutenez, inkestatutako enpresen erdien baino gehiagoren fakturazioa % 50etik gora txikitu zen, eta enpresa horietako asko prest zeuden beren negozio-eredua birdiseinatzeko, egoerara egokitze aldera.

Osasun-krisi hau gorabehera, Gaztenpresak ekintzailetzarekin lotutako ekitaldietan parte hartzen jarraitu du. Aipatzekoa da honako ekimen hauetan parte hartu zuela martxoan: 16-17 urteko gazteen artean ekintzailetzaren espiritua sustatzeko STARTInnova Educa hezkuntza-programan; CITA Emprende | Digitalizazioari buruzko edizio berezian (birtuala izan zen, eta aukera paregabea izan zen ekintzailetza eta digitalizazioa oraindik ere konbinazio sendoa dela konturatzeko); eta talentua erakartzea xede duen B-Venture biltzarrean, horretan ere telematikoki.

Gaztenpresaren 2020ko jardueran mugarri izan den beste ekitaldi bat Ekintzailetza eta Enpresa Zuzendaritzako Masterraren Gaztenpresa-MBAe3 Sarien banaketa izan zen. Ekainean eta abenduan banatu genituen Masterraren azken bi promozioetako proiektu ekintzailerik onenak goraipatzeko. 2020an, pandemia dela eta, 4. eta 5. edizioetako sariak banatu ditugu. Lehen sari-banaketa telematikoa izan zen; abenduan egindako ekitaldian, berriz, Gaztenpresako zuzendari Inma Ramosek aurrez aurre parte hartu ahal izan zuen. Halaber, aipatzekoa da urte hasieran fundazioak Changemaker Lab sarien II. edizioan parte hartu zuela Mondragon Unibertsitatearekin lankidetzan. Parte-hartze horren bidez, unibertsitate horretako ikasleek enpresa berriak sortzea sustatu nahi da. Gainera, Gaztenpresak PREUNICA Marketin eta Ekintzailetza Lehiaketaren IX. edizioan hartu zuen parte. Cámarabilbao University Business School-ek antolatu zuen ekimen hori, batxilergoko ikasleak dituzten ikastetxeentzat, ikasle horiek enpresa-mundura hurbiltzeko asmoz. Sari horiek guztiak Gaztenpresan enpleguaren eta negozio berrien alde dugun konpromisoaren adierazgarri dira.

2020an ere Gaztenpresak prestakuntza aintzat hartu nahi izan du, funtsezkoa baita bai ekintzailetzarako bai negozioei bultzada bat emateko. Urtean zehar, prestakuntza-jarduera ugari egin dira: 40 tailer baino gehiago. Aurrez aurre ematen hasi ginen tailerrak, baina, pandemiaren ondorioz, mundu digitalera jauzi egin behar izan genuen. Ekintzaileentzat izan dira tailer guztiak, eta gai jakin batzuetan jarri dute arreta, hala nola ekintzailetzarako gaitasunetan, altxortegiaren berreraikuntzan edo finantzaketan.

Ikusten duzunez, zailtasunak zailtasun, aurtengo jarduera bizia izan da. Baina balantzea egitean jabetzen gara, benetan, egindako lanaren irismenaz. Joan den ekainean, Urteko Memoriaren aurkezpenean ikusi zenez, 2019ko datuak ere onak izan ziren, eta ekintzailetza eta enplegu-sorrera sustatzeko helburuak bere horretan jarraitzen du. Laster, 2020ko datuen berri emango dugu, eta espero dugu datu horiek gorantz jarraitzea, horrek 2021ean lanean jarraitzera animatuko gaitu eta.

Aipatu beharra dago 2020ko ekainaren 4an Gaztenpresaren 25. urteurrena ospatzeko ekitaldia egiteko asmoa geneukala, eta bertan behera utzi behar izan genuela osasun-krisia dela eta. Hala ere, beti egongo da berriro elkartzeko aukera, egungo egoera hau amaitzen denean.

Gaztenpresan zain gaituzu.

Post gehiago irakurri.

Maitza 17, 2022
Bazenekien Europar Batasuneko herrialdeek urtean 5.000 milioi tona hondakin baino gehiago sortzen dituztela, etxekoak kontuan hartuta? Eta bazenekien, Euskadin sortzen ditugun 5,5 tona hondakinetatik, % 80k eraikuntzan eta industrian dutela jatorria? Pentsatu duzu noizbait, 2050. urtean, munduko biztanleek gaur egun kontsumitzen ditugun baliabideak baino hiru aldiz baliabide gehiago beharko dituztela? Izugarrizko datuak dira, ezta? Baina,...
Maitza 17, 2022
Pandemiak goitik behera aldatu zituen pertsonen kontsumo-ohiturak eta ingurune digitalago batera egokitu behar izan zuten. Datuak lehendik ere pozgarriak ziren eta Interneteko erabiltzaile den Euskadiko biztanleriak hazten jarraitu zuen 2021. urtean, % 84,9raino. Gai horri buruz hitz egingo dugu gaur, Interneteko Mundu Egunean, Pello Múgicarekin eta SavileCode enpresaren talde guztiarekin. Gainera, lehen eskutik kontatuko digute nola...
Maitza 16, 2022
Irudi batek mila hitzek baino gehiago balio duela esan ohi da eta horixe erraztuko digu Canvak, hain zuzen ere: gure negoziorako eduki grafikoa modu sinple eta intuitiboan sortzea, diseinu-ezagutzarik zertan izan gabe. Izan ere, on-line erreminta honek plantillen eta baliabide grafikoen kopuru handia (irudiak, argazkiak, tipografiak, eta abar) jartzen du gure esku, haiekin gure negozioaren/markaren...
Maitza 9, 2022
Negozio bat martxan jartzen dugunean (edo jartzeko asmoa dugunean), pertsona ekintzaile batek egin beharreko lehenengo gauzetako bat besteei aurkeztea da: balizko bezeroei, banatzaileei, laguntza emango diguten toki-garapeneko erakundeei, eta baita gure jarduera abiarazteko kreditu bat ematen diguten finantza-erakundeei ere. Kasu guztietan ere, gure solaskideen arreta erakartzeko eta gure helburuak lortzeko posibilitate gehiago izango ditugu, gure...
Maitza 5, 2022
Gaztenpresaren Finantza-Osasuneko Asteazkenetako 2022 lehen zikloarekin hasi gara ekainaren 15era arte. Zer dira Finantza-Osasuneko Asteazkenak? FinBox aholkularitza ekonomiko eta finantzarioko enpresaren babesarekin sortutako web-mintegiak dira. Ordubeteko iraupena dute, eta enpresa baten osasuna zaintzeko ezinbestekoak diren finantza gaiak jorratzen dira. Web-mintegi guztietan FinBox-ek Gaztenpresarentzat esklusiboki diseinatutako tresna eta simulagailuak erabiliko dira. Gainera, saio bakoitza bukatutakoan, parte-hartzaile...
Apirila 28, 2022
EAEko gaixotasun profesionalei buruzko Osalanen urteko txostenak agente taldearen araberako maiztasunari buruzko azterketan erakusten duenez, 2020an jarrera eta mugimendu errepikakorrekin lotutako 1.705 kasu erregistratu ziren guztira, kasu guztien % 78. Testuinguru horretan, eta Laneko Segurtasun eta Osasunaren Mundu Egunaren harira, Jon Ibáñez Pérezekin hitz egingo dugu; fisioterapeuta eta ekintzailea da, Gaztenpresako sarearen barruan.   Hitz egizu...