×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Profesional autonomoentzako aseguru-motak

Share on facebook
Share on twitter
Share on linkedin
Share on whatsapp
Share on email

Gaur egun, kooperatiba, enpresa pribatu eta erakunde publiko askok askotariko aseguru-polizak kontratatzen dituzte beren langileentzat, eguneroko gertakizunei aurre egiteko.

Poliza horiek berme gehigarri bat eskaintzen dute, Gizarte Segurantzak dagoeneko ematen dituenez gain, eta Gizarte Segurantzaren prestazioak osatzea ahalbidetzen dute. Baina horrelako polizak ez daude enpresentzat bakarrik bideratuta: aseguru-konpainia askok aseguru-poliza espezifikoak prestatu dituzte profesional autonomoek ere estaldura horietaz gozatu eta lana erosotasun handiagoarekin egin ahal izan dezazuen; dena den, aukera hori nahitaezkoa da egoera eta jarduera jakin batzuetan.

Gogoratu, batzuetan, hobe dela neurriak hartzea eta aseguru-poliza bat egitea, akats bakan batek pikutara bidali baitezake zure negozioa.

Nahitaezko aseguruak

  • Erantzukizun Zibileko Asegurua. Jarduera jakin batzuetarako bakarrik da derrigorrezkoa, baina, askotan, benetako salbamendu-txalekoa izaten da, autonomo batek edo berak kontratatutako langileek beren jarduera profesionalean egin ditzaketen akatsak estaltzea ahalbidetzen baitu. Dena den, sektore batzuek nahitaez sinatu behar dituzte mota horretako aseguruak, osasun-profesionalek eta gas- eta elektrizitate-instalatzaileek, adibidez.
  • Hitzarmeneko asegurua. Zure ardurapean langileak badituzu, horien hitzarmen kolektiboari dagokion aseguru bat eskaini beharko diezu, eta aseguru horrek kasuan kasuko kalte-ordainak estali beharko ditu, istripuen, ezintasun iraunkorraren eta heriotzaren kasuetan. Poliza hori derrigorrezkoa da beren kargura langileak dituzten autonomoentzat: horrelakorik ez baduzu, oso zigor ekonomiko larriak jaso ditzakezu eta, gainera, istripuren bat gertatuz gero, zure langileei dagozkien kalte-ordainak hartu beharko dituzu zure gain.
  • Arrisku anitzeko asegurua. Beren jarduera jendearentzako arretarako lokal komertzialetan garatzen duten profesional autonomoek mota honetako kontingentziak barne hartzen dituen arrisku anitzeko aseguru bat izan behar dute: suteak, erantzukizun soziala, istripuak, lapurretak, salgaietako kalteak eta abar.

Borondatezko aseguruak

  • Baliaezintasun-asegurua edo lanerako ezintasuna. Langile autonomo bat laneko bajan dagoenean, prestazio bat jaso dezake Gizarte Segurantzaren aldetik. Dena den, kantitate hori askotan ez da nahikoa izaten haren erosahalmena mantentzeko, eta osagarri ekonomiko bat behar izaten du, lanerako ezintasun iragankorreko (LEIg) aseguruen bitartez. Mota horretako polizen bidez, profesionalak hileko ordainketa bat egiten dio aseguru-etxeari, bera bajan dagoenean, aseguru-etxeak egunero zenbateko jakin bat ordain diezaion. Askotan, mediku espezialista pribatuei egindako bisitak eta ospitaleratze-gastuak ere estaltzen ditu aseguru horrek. Aseguru-mota horrek baremoak izatea edo ez izatea gerta liteke. Lehenengo kasuan ez da beharrezkoa Gizarte Segurantzan baja hartzea eta aurrez ezagutu ditzakezu baremoa eta kalte-ordaina, egun gutxi batzuetako gaitzak ez estali arren.
  • Erretiro-asegurua. Profesionalak lan-bizitzaren amaieran Gizarte Segurantzaren aldetik jasoko duen prestazioaren osagarri bat da. Langile autonomoen % 80 inguruk gutxieneko oinarria kotizatzea erabakitzen du, eta erretiratzean jasotzen duten prestazioa kotizazio horren araberakoa izaten da. Erreferentzia gisa, 15 urtez gutxieneko oinarria kotizatu duen profesional batek hilean 400 euro inguru jasoko ditu hilean (14 ordainsaritan). Kotizazio-aldia gehienekoa bada, hori ere gutxieneko oinarria ordainduz, kantitatea ia 800 eurora igotzen da hileko. Zifra horiek orientagarriak dira, baina asko lagun diezazukete zure kalkuluak egiten eta polizaren bat harpidetzea komeni zaizun ala ez erabakitzeko.
  • Bizitza-asegurua. Ia inork ez du pentsatzen hil egin daitekeenik edo lan egitea galaraziko dion istripu larriren bat izan dezakeenik, baina pertsona batzuek aintzat hartzen dute aukera hori eta bizitza-aseguruak harpidetzen dituzte beren familiei gutxieneko estaldura bat bermatzeko, batik bat diru-iturri bakarra badira.
  • Laneko istripua. Profesional autonomo batzuen lanbideek laneko istripuak jasateko arrisku handiagoak dituzte. Askotan, aseguru horiek arestian aipatu ditugun baliaezintasun- edo eguneroko baja-aseguruekin lotuta egoten dira, baina klausula eta kalte-ordain batzuk barne hartzen dituzte, lan-jarduera gauzatzen ari den bitartean baliaezintasuna edo heriotza gertatzen denerako.
  • Osasun-asegurua. Batzuetan, profesional autonomoek kontratatzen dituzten osasun-aseguruek baja-estaldurak barne hartzen dituzte kontingentzia profesionalen kasuan. Polizaren prezioa baldintzatzen duten faktoreen artean, profesionalaren adina, bizilekua, sexua eta lanbidea ditugu. Aseguru pribatu bat harpidetzeko aukera asko daude eta, beraz, informazioa jasotzea eta horiek alderatzea da onena.

Hainbat aseguru kontratatu aurretik, ziurtatu zer den errentagarriena, zenbait erakundetara edo bakar batera jotzea. Askotan, poliza guztiak enpresa bakar bati kontratatzeak deskontu garrantzitsuak lortzea ahalbidetzen du.

Eta gogoratu, zure negozioa kudeatzeko aholkularitza behar baduzu, Gaztenpresarekin harremanetan jar zaitezkeela, 900 101 143 telefono-zenbakiaren bidez, gure sare sozialen bidez —Facebook, Twitter eta Linkedin— edo gure webgunean sartuta. Eta dagoeneko Laboral Kutxako bezeroa bazara, zure zerbitzura izango dituzu Consulting Pro zerbitzuko langileak ere.

¿Quieres leer más artículos relacionados?

January 13, 2021
Ekintzailea sekulako balioa da berez: negozio-ikuspegia, ekimena, sormena eta lidergoa eskaintzen ditu; berritzailea eta erabakitzailea da; oztopoak gainditzen daki, eta gai da bere negozioari eustearren bere burua berrasmatzeko. Baina ekintzailea beste enpresa bateko kide denean, ondo zaindu beharreko benetako altxorra da, eta behar dituen tresna guztiak eman behar zaizkio, bere potentzial osoa bilatzeko. Barne-ekintzailetzaz ari...
January 4, 2021
2020. urte zaharrak utzitako lezioetako bat hauxe da: ekintzailetzak berekin dakartzala elkarlanean jardutea, egokitzea eta, batez ere, berritzea. Hori dela eta, webgune berritua jarri du martxan Gaztenpresak 2021 urte berriarekin batera. Tresna berritzailea da, ekintzailetzaren agertoki guztietara egokitzeko diseinatua, zuri negozio berriarekin laguntzeko. Jakin nahi duzu nola lagundu ahal dizun? Zatoz gurekin. Webgune berrian nabigatzen...
December 30, 2020
Albert Einstein handiak esana da: «Krisialdietan sortu ohi dira asmamena, aurkikuntzak eta estrategia apartak». Eta 2020a jende askorentzat urte benetan zaila izan bada ere, agerian utzi ditu pertsona askoren talentua, hobetzeko gaitasuna eta ekiteko gogoa. Horiek, zuk bezala, osasun-krisiari traol-hitz erraz batekin egin diote aurre: #JarraitzekoBerritzen. Gabonetako post hau zuentzat guztiontzat da. Zuen ahalegina eta...
December 7, 2020
Canvas eredua da negozio-ideia bat modu sinplean, bisualean eta ulergarrian deskribatzeko metodo eraginkorrenetako bat. Alexander Osterwalder-ek idatzitako The Business Model Canvas liburuan dago oinarrituta. Metodo horrek hau du premisatzat: enpresek lau ardatz izan behar dituzte. Hauek dira: bezeroak, eskaintza, azpiegitura eta bideragarritasun ekonomikoa. Hortik aurrera, produktuak edo zerbitzuak bezeroei balio erantsia ematea lortu behar du...
December 1, 2020
Ostalaritza pandemiak gehien zigortu duen sektoreetako bat izan arren, egunero aurkitzen ditugu pertsona ekintzaileen adibideak, inoiz etsitzen ez dutenak, eta egoera zail honi sormenarekin eta gogo onarekin aurre egiten saiatzen ari direnak. Juan Carlos Carok eta Borja García Argüellesek, adibidez, osasun-krisi honetan aurrerapauso bat ematea eta beren lokalekin —Zelai Txiki eta Matalauva, Donostiako bihotzean— #JarraitzekoBerritzea...
November 6, 2020
Gaztenpresaren Sendotze Programaren barnean, hainbat webinar diseinatu ditugu zure negozioaren digitalizazioan eta altxortegiaren gestioan laguntzeko helburuarekin. Bost webinar izango dira, ordubeteko iraupenekoak eta gai osagarriei buruzkoak, eta banaka edo guztiak egin ahal izango dira. Gainera, Gaztenpresaren aholkularitza jasotzen duten eta webinar hauetakoren bat egiten duten negozioek bi tutoretza digital pertsonalizatu egin ahal izango dituzte, 45...

Webgune honek cookie-ak erabiltzen ditu esperientziarik onena izan dezazun. Nabigatzen jarraitzen baduzu, baimena ematen ari zara aipatutako cookie-ak eta horien politikak onartzeko.