×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Marketin-estrategia ulertzen eta zeurea diseinatzen lagunduko dizuten kontzeptuak

Share on facebook
Share on twitter
Share on linkedin
Share on whatsapp
Share on email

Marketina funtsezko lan-tresna da edozein negoziotan: zerbitzu edo produktu bat eskaintzen duenak horiek sustatzeko estrategia bat abiarazi beharra du. Baina kontzeptua ez da erraza. Marketineko tresnak eta joerak asko dira eta, ondorioz, sektorea eremu oso konplexu eta espezializatua bilakatu da: influencer bidezko marketina, bideo-marketina eta baita neuromarketina ere… Aro digitalean, marketina eremu oso zabala da eta terminologia propioa eta oso konplexua du. Jarraian, marketin-estrategia ulertzen eta zeurea diseinatzen lagunduko dizuten sei kontzeptu azalduko dizkizugu.

  • Marketina (2.0 eta 3.0 marketina). Marketinak merkatuen eta kontsumitzaileen jokabidea aztertzen du, produktu baten salmentak sustatu eta hobetzeko helburuarekin. Produktu jakin bat zehazteko egiten dugun merkatuaren gaineko azterketa izaten da marketin-estrategiaren abiapuntua, eta kontsumitzaileari eskaintzen diogun saldu osteko zerbitzuraino luzatzen da. Azken urteetan bi marketin mota nagusi bereizi izan dira, offline edo Internetetik kanpo egiten dena eta online marketina edo Sarean egiten dena; baina arloa etengabe bilakatzen ari denez, dagoeneko sailkapen berria aipatzen da: betiko marketina edo 1.0, produktua eta salmenta-estrategiak ardatz dituena; 2.0 marketina, kontsumitzaileekiko hartu-emanen bidez haiek hobeto ezagutu eta gaur egun dituzten beharrei eta etorkizunekoei erantzutea xede duena, baliabide digitalak erabiliz; eta , azkenik, 3.0 marketina. Azken mota horrek urrats bat gehiago egin du aurrera eta pertsona hartzen du ardatz: jada ez da nahikoa kontsumitzaileei gure produktua eskaintzea, geure balioak ere transmititu behar dizkiegu, iraunkortasunaren eta mundu hobeagoaren aldekoak, esaterako. Gizartearen arazoez, munduaren bilakaeraz eta ingurumenaz kezkatzen diren pertsonei saltzen dizkiegu produktuak, ez kontsumitzaile hutsei.
  • Networkinga. Networkinga edo sarean lan egitea aukeratuz gero, profesionalen eta bezerogaien kontaktu-sarean geure burua ezagutzera emango dugu eta harremanak landuko ditugu. Marketin mota horretan, bezeroei zuzenean produktu edo zerbitzu bat eskaini beharrean, hornitzaileekiko eta bezeroekiko interakzioa da xedea, merkatua hobeto ezagutze aldera. Gaur egun termino hori oso lotuta dago Internetekin eta LinkedIn eta antzeko sare sozial profesionalekin, baina networking kontzeptua betikoa da eta azoketan, biltzarretan, bulegoetan eta coworkingeko guneetan jorratu izan da.
  • Inbound marketina. Kalitatezko, garrantzizko eta pertsonalizatutako edukien bidez milaka lagunengana iristeko metodologia da Inbound edo erakarpen-marketina. Estrategia horrek lau fase ditu: Erakartzea, Bihurtzea, Ixtea eta Fidelizazioa. Erakartzeko fasean SEO, Blogging eta Social Media arloetan lan egin behar da gure webgunera trafiko maila esanguratsua eta kalitatezkoa bideratzea lortzeko. Jarraian, bisita horiek lead edo kualifikatutako trafiko bihurtu behar ditugu, eta horretarako, haien harremanetarako datuak eskuratu behar ditugu. Gero, gure bezerogaiak segmentazioaren bidez sailkatu behar ditugu, eta e-marketin kanpainak abiarazi haien beharrak hobeto ulertze aldera. Eta, azkenik, gustura gelditu diren kontsumitzaile bihurtu behar ditugu, sare sozialetan gure alde egiteko eta gure marka gomendatzeko gai izan daitezen.
  • SWOT (DAFO). Negozio bat abian jartzeko edo horren lehiakortasuna neurtzeko eman behar ditugun lehenengo pausoak adierazten dituen akronimoa da hori. Siglen esanahia hau da: Strengths (alderdi sendoak), Weaknesses (alderdi ahulak), Opportunities (aukerak) eta Threats (mehatxuak). Gure enpresa-estrategiaren barruko eta kanpoko indarrak eta ahulguneak antzemateko aukera ematen du. Izaera estrategikoa du, baina aldi berean marketin-planak egiteko oinarrizko tresna da; izan ere, horren bidez, produktu jakin bat plazaratzeko orduan dugun abiapuntuko egoeraren azterketa xehatua egin ahal izango dugu.
  • Target marketina. Targeta gure estrategiaren osagai garrantzitsuenetako bat da. Gure ekintzen helburua izango dena zehazten du, hau da, gure kanpainak nori bideratuko dizkiogun. Alderdi hori garrantzitsua da offline marketinean, eta zer esanik ez marketin digitalean. Online marketinean oinarrizkoa da, Interneti esker gure kanpainak ahalik eta gehien segmentatu ditzakegulako, hau da, gure mezuak zuzenean xede-taldeari edo bezero potentzialei bidera diezaiekegulako. Eta, ondorioz, denbora eta diru asko aurrez ditzakegu. Gure targeta zehazten lagunduko diguten segmentazio-faktore asko dago: adina, sexua, estatusa, lanbidea, bizi-tokia, hizkuntza, musika-gustuak, zaletasunak… Horiek guztiak lagungarri izango dira gure kanpaina eraginkorragoa eta merkeagoa izan dadin.
  • Marketing automation. Software-tresna jakin batzuk erabiliz zenbait ekintza automatikoki egiteari esaten zaio marketin automatizatua. Horren bidez, marketin-prozesu errepikakorrak koste oso baxuan eraman ditzakegu aurrera. Aukera ematen du, besteak beste, gure Newsletterreko harpidedunei mezu elektronikoak automatikoki bidaltzeko, bezero ohiei eskaintza orokorrak helarazteko edo gure datu-basera informazio erabilgarria modu masiboan igortzeko. Funtsezko tresna da bezeroen datu-base zabala duen edozein enpresaren estrategiari begira.

Marketinaren mundua interesgarria iruditzen bazaizu eta zure negozioa garatze aldera gaiari buruzko ezagutza handitu beharra baduzu, gogoratu Gaztenpresak tailerrak eta prestakuntza-ikastaroak eskaintzen dizkizula, zure lan-jardunean sakontzeko beharrezkoak dituzun gaitasunetan treba zaitezen. Zain gaituzu.

 

Post gehiago irakurri.

Abendua 2, 2021
Negozio bat martxan jarri baino lehen, hainbat erabaki hartu, kalkulu asko egin eta faktore ugari aztertu behar dira; baina benetako erronka gure denda, jatetxe edo bulegoaren pertsiana altxatzen dugunean hasten da. Egunero, datu hauek hartu beharko ditugu kontuan, gure hasierako negozio-plana ondo zegoen ala doikuntzaren bat behar duen ikusteko: erosketen bolumena, gehien edo gutxien saldutako...
Azaroa 23, 2021
Ekintzaile askok, beren negozioaren publizitatea Interneten eta/edo sare sozialetan egiteko aukera planteatzen zaienean, ez dute beharrezkotzat hartzen, inbertsio gisa baino gehiago gastu gisa ikusten baitute aukera hori. Eta, jakina, Googlen, Facebooken, Instagramen… iragarkiren bat egiten badugu zein helburu lortu nahi dugun argi izan gabe eta iragarki hori zein publikok jasoko duen ondo zehaztu/segmentatu gabe, seguruenik,...
Azaroa 19, 2021
Gaur, azaroak 19, Emakume Ekintzailearen Nazioarteko Eguna da. Horregatik, Gaztenpresatik, zorionak guri, emakume ekintzaileoi, gure negozioa aurrera ateratzeko egiten dugun etengabeko lan eta ahaleginagatik. Badakigu gaur egun oraindik ere desparekotasun handia dagoela gure gizartean, eta aparteko ahalegina egin behar dugula. Hala ere, Gaztenpresako ekintzaileen artean, % 42 emakumeak izan ziren 2020an; horrek esan nahi du emakumeak...
Azaroa 8, 2021
Gaztenpresan lan egiten dugunok, askotan, honela jokatzen duten ekintzaileak aurkitzen ditugu: negozioa irekita hilabete batzuk igaro ondoren, kosta ahala kosta bezero berriak lortu nahi dituzte, eta oraindik negozioaren berri ez duten bezeroekin konektatzera bideratzen dituzte marketin digitaleko ahalegin guztiak. Estrategiak argia dirudi: zenbat eta pertsona gehiagok ezagutzen duten nire negozioa, orduan eta aukera gehiago izango...
Azaroa 3, 2021
Pandemiak ere ezin du espiritu ekintzailea geldiarazi. Ia 20 urtez inoren kontura lanean aritu eta langabezian geratu ondoren, 3 emakume ekintzaile hauek lanari ekin eta beren proiektua aurrera ateratzea erabaki zuten. Euren buruarekiko, bezeroekiko eta merkatuari buruz zuten ezagutzarekiko konfiantzaren ondorioz, ideiak oso argi zituzten, eta jauzi egitera animatu ziren. Duela hilabete batzuk, ilusioz beteta, Magdalena Grandek,...
Urria 29, 2021
Ekitearen gakoetako bat negozio-eredua zehaztea da, zure enpresa izango denak diru-sarrerak lor ditzan eta errentagarria izan dadin. Planteamendua itxuraz erraza bada ere, negozio-eredua erabakitzeko funtsezko alderdi batzuk zehaztu behar dira, honako hauek, adibidez: bezeroak, haien gustuak eta beharrak, haiengana hurbiltzeko modua zure bezero egin daitezen, eta, azken finean, erabaki estrategikoak hartzeko behar duzun informazioa lortzea....