×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Marketin digitaleko 10 tip zure negoziorako

tips-marketing-digital
Share on facebook
Share on twitter
Share on linkedin
Share on whatsapp
Share on email

Steve Jobsek berak esan zuen: “Kontsumitzaileek ez dakite zer nahi duten, guk erakutsi arte”. Eta honako hau gaineratu zuen: “Interneten ez badago (zure produktua), ez da existitzen”. Bi esaldi horiek edozein negozio motatarako marketin-estrategia ororen oraina eta, batez ere, etorkizuna laburbiltzen dute: dena iristen da Internetera. Eta oraindik garbi ikusten ez baduzu, agian honako bi zifra hauek lagunduko dizute ulertzen: gure inguruneko herritarren % 85 Sareko erabiltzaileak dira, eta, joan den urtean, 1.770 milioi pertsonak egin zuten online erosketaren bat mundu osoan, hau da, 2016an baino % 8 gehiagok. Argudio sendoak dira, ezta? Bada, ondorengo beste bost arrazoiek lagunduko dizute zure negozioa mundu digitalean txertatzeak dituen abantailez jabetzen.

  • Merkatu global batera irits zaitezke. 3.700 milioi pertsonako merkatu potentziala baduzu eta gora egiten ari bada, zergatik uko egin horri? Zure negozioa agian ez da egokia izango pertsona horientzat guztientzat, baina zure bezero kopurua esponentzialki handitu ahal izango duzu Eta, batez ere, zeure burua ohiko lurralde-eremutik kanpo ezagutzera emateko aukera izango duzu.
  • Interneten dena neur daiteke. Sareak eta web-analitikak eskaintzen dituzten abantaila handietako bat dena neurtzeko eta zure negozioa nola dabilen denbora errealean ikusteko aukera ematen dizutela da: zure webgunea bisitatzen duten pertsonak, zure webgunean gehien ikusten diren produktuak eta abar. Eta sare sozialen bitartez, zure bezeroen interakzio baliotsuak jaso eta haien premia, gustu eta nahiak ulertu ahal izango dituzu. Ez da gutxi!
  • Zure aurrekontua murritz dezakezu. Mundu digitaleko tresna asko (blogak eta sare sozialak, adibidez) doakoak dira, eta baliabide gehiago bideratu ahal izango dituzu zure estrategia digitala zaintzera. Gainera, marketin digitalaren kostua offline marketina baino txikiagoa da, eta zure publikoa xede objektiboaren arabera segmentatzeko aukera emango dizu.
  • Oinarrizko erakustoki bat duzu. Pentsatu zerbitzu edo produktu baten berri eman dizutela eta informazio gehigarria lortu nahi duzula. Zer egingo duzu? Interneten bilatu. Baina galdetu al diozu inoiz zeure buruari zer pentsatuko zenukeen Sarean produktu edo zerbitzu horren erreferentziarik aurkituko ez bazenu? Ez zinateke fidatuko, ezta? Bada zure bezero potentzialak ere ez.
  • Etengabeko eskuragarritasuna eta komunikazioa. Internet ez da ixten. Edonork lor dezake zure enpresari buruzko informazioa, eta edonork eros dezake zure enpresan, eguneko edozein ordutan eta urteko edozein egunetan. Eta sare sozialen bitartez estrategia bat diseinatzea erabaki baduzu, etengabeko komunikazio-kanal bat ere izango duzu zure bezeroekin noiznahi hitz egin ahal izateko.

Zer iruditzen? Arrazoi nahikoak al dira mundu digitalean murgiltzeko? Dagoeneko zalantzarik ez baduzu, era egokian egiteko modua zehaztu behar duzu orain. Horretarako, web funtzional eta erakargarri bat sortu aurretik kontuan hartu beharreko 10 tip eskainiko dizkizugu.

  1. Prestatu diseinu erakargarri bat. Lehen inpresioa da balio duena. Bisitariek segundo pare batean erabakitzen dute geratuko diren eta irakurtzen jarraituko duten, ala alde egingo duten. Erabiltzaile batek leku egokira iritsi dela pentsatzen duenean sortzen da lehen inpresio egokia.
  2. Txertatu ekintzarako dei garbi bat. Zure webguneak eta zure sare sozialek helburu garbi bat izan behar dute, eta ekintzarako dei bat edo gehiago txertatu behar duzu, internauta zuk nahi duzun lekura irits dadin.
  3. Zehaztu ongi ibilbidea. Eskaini bihurketarako bide sinple bat zure webgunean sartzen diren pertsonei, eta saiatu scroll gehiegi egin behar izan ez dezaten. Jakingo duzunez, oso pazientzia txikia daukagu denok nabigatzeko garaian.
  4. Erabili elementu grafikoak zentzuz. Zure webgunean eta zure sareetan txertatzen dituzun irudi, bideo eta eduki animatuek kalitatekoak izan behar dute, baina, era berean, zure helburuari erantzun behar diote. Beraz, baztertu katalogoko argazkiak.
  5. Eskatu beharrezkoa den informazioa soilik. Zure webgunean formularioak txertatzen badituzu, ziurtatu informazio garrantzitsua eta beharrezkoa baino eskatzen ez dutela. Ezinbestekoak direnak baino datu gehiago eskatzen ari zaizkiola hautematen duen pertsona bat ez da fidatuko, eta denbora galtzen ari dela pentsatuko du.
  6. Erraztu gauzak. Erraztu gauzak abileziarik txikieneko pertsonei. Saiatu zure webgunean kurtsorea leku jakin batzuetan jartzean agertuko diren tolesgarriak txertatzen, eta erantsi ekintza nagusien testu argigarriak pantaila eta botoietan.
  7. Humanizatu webgunea. Zure webguneak konfiantza eta segurtasuna eman behar ditu. Esan nor zaren eta non zauden, eta txertatu beste pertsona batzuen iritziak, kalitate-zigiluak eta segurtasun-ziurtagiriak. Pertsona batek zure webgunearen segurtasunaren inguruan zalantza badu, alde egingo du berehala, eta ez da itzuliko.
  8. Aurreikusi eta zuzendu akatsak. Akatsek irudi kaskarra ematen dute erabiltzaileen aurrean, eta bihurketa-tasak murrizten dituzte. Errorearen sinboloa agertzen duten irudiak, huts egiten duten estekak edo botoiak (edo “Error-404” ezaguna erakusten dutenak), webgunean kargatu ezin diren zatiak eta abar pozoia dira zure webgunerako.

Zure webgunearen erabilgarritasuna bermatu ondoren, ikusarazi egin behar duzu:

  1. Landu SEO estrategia egoki bat. Ba al zenekien bilaketa organikoetan sailkatutako lehen bost webguneek bisita guztien % 70 jasotzen dituztela? Horregatik, komeni da zure webgunearen posizioa SEO estrategia egoki baten bidez sendotzea.
  2. Kanpainek zure agerikotasuna areagotuko dute. Osatu zure estrategia digitala marketin-kanpainen bidez bilatzaileetan edota display sarean, zure negozioaren agerikotasuna areagotzen lagunduko baitizute. Gainera, kanpaina zure aurrekontura egokitu ahal izango duzu.

Eta gogoan izan: zure negozioa garatzeko marketin-jakintzak handiagotu nahi badituzu, Gaztenpresak prestakuntza-tailerrak eta prestakuntza-ikastaroak eskaintzen dizkizu zure lan-jardueran sakontzeko beharrezkoak diren gaitasunak eskuratu ahal izan ditzazun. Zain izango gaituzu.

Post gehiago irakurri.

Maitza 23, 2023
Mahai-inguruaren ondoren, beren ibilbideko uneren batean Gaztenpresara gure aholkularitzaren bila etorri diren ekintzaileen benetako historiak entzuteko txanda iritsi zen Gaztenpresatik blogean. Hala, Elsa Pamparacuatro eta Keko Salvador ezagutu genituen, Iruñeko zirku-eskolan elkar ezagutu zuten bi artista. Amets bat zuten: Urdaibain zirku-eskola sortzea. Lehenengo aukera izan zen Gautegiz-Arteagan bizi ziren baserriko ukuilua egokitzea. “Han hasi ginen...
Maitza 17, 2023
Duela egun gutxi batzuk gure 2022ko Memoria aurkeztu genuen Donostian. Izan ere, aurten Donostia Gizarte Ekonomiaren Hiriburu izendatu dute. Prentsaurrekoaren ondoren, Gaztenpresatik ekitaldia egiteko aprobetxatu genuen, hain zuzen ere, gure erkidego ekintzailea inspiratu, motibatu eta babesteko ekitaldia. Topaketa hau oso mamitsua izan zenez, eta ezer ez ahazteko, bertan gertatu zen guztia kontatzea erabaki dugu. Has...
Apirila 28, 2023
Gure inguruko errealitate soziala hobetzeko helburuari jarraikiz, Gaztenpresan 314 negozio berri abiarazten lagundu dugu 2022an, eta horiei esker 637 lanpostu sortu dira. Hori horrela izanik, ia 30 urteko ibilbide honetan, 6.578 enpresa eta 12.041 enplegu sortzen lagunduko dugu, eta LABORAL Kutxaren bitartez 192 milioi euro lortzeko aukera eman dugu, mailegutan. Datu horiek guztiak gure 2022ko...
Apirila 17, 2023
Guztion ahotan dago Adimen Artifiziala (AA), eta ChatGPT tresnari zor zaio bere ospearen zati handi bat. Tresna hori OpenAI enpresak merkaturatu zuen joan den urtearen amaieran, eta guztiok harrituta utzi gaitu galderei erantzuteko, elkarrizketak izateko eta testuak modu natural eta koherentean sortzeko duen eraginkortasunagatik eta zehaztasunagatik. Tresna horrek zer egin dezakeen ikus dezazuen, pentsatu dugu...
Otsaila 23, 2023
Iazko abenduaren 23an argitaratu zen BOEn enpresa emergenteen ekosistema sustatzeari buruzko legea, startupei buruzko lege bezala ezagunagoa dena. Estatua pertsona ekintzaileentzat eta horrelako negozioetan interesa duten inbertitzaileentzat helmuga erakargarri bihurtu dadila lortzea da arau berri honen helburua, hau da, enpresa berritzaile sortu berrietan, oinarri teknologikoa dutenetan, hazkunde bizkorrekoak direnetan eta negozio-eredu eskalagarri bat dutenetan interesatuta...
Otsaila 17, 2023
Aurten ere, Gaztenpresaren Astelehen Digitalak itzuliko dira, marketin digitaleko “No te pierdas en las redes” agentziak online ematen dituen prestakuntza-saioak. Saio hauetan, zure negozioaren eremu digitalarekin lotutako gaiak eguneratu ahal izango dituzu. Ordu edo ordu eta erdi inguruko iraupena duten tailer horietan, zure negozioan erantsi ditzakezun baliabide digitalen ikuspegi orokorra lortuko duzu. Izan ere, kontua...