×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Leire Ureta, Amorebieta-Etxanoko Nukka arropa-dendaren jabea: “Bizitzan, edo irabazi edo ikasi egiten da”

Leire Ureta
Share on facebook
Share on twitter
Share on linkedin
Share on whatsapp
Share on email

Gaur Leire Uretarekin hitz egingo dugu, Nukka dendaren sortzailearekin. Emakume eta gizonentzako marka anitzeko moda-denda da Nukka, duela hiru urte irekia Amorebieta-Etxanon (Bizkaia). Bere apustua outfit erosoak egitea da, estilo handiko jantziekin eta osagarriekin, Leirek 20 urte baino gehiagoko eskarmentua baitu retail sektorean. Baina utz diezaiogun berari kontatzen.

Zergatik erabaki zenuen zeure arropa-denda martxan jartzea?

Modaren sektoreari lotuta egon naiz ia betidanik, nire familiak merkataritza-ekipamenduko enpresa bat baitzuen. Izan ere, ni ere han aritu nintzen lanean, besteentzako dendak muntatzen, eta retailarekin zerikusia duen guztian trebatzen: marketina, merchandisinga, erakusleiho-apainketa eta abar. Halaxe sortu zitzaidan neure boutiquea izateko ideia.

Noiz jarri zinen harremanetan Gaztenpresarekin zeure proiektua gauzatzeko?

Familia-enpresarekin Laboral Kutxako bezeroak ginen, eta, gure betiko kudeatzaileari nire ideia azaldu nionean, berehala bidali ninduen Gaztenpresara.

Zuen erakundearekin, negozio-plana diseinatzeko prestakuntza egin dut, eta hainbat kudeaketa egiten lagundu didazue. Egia esan, oso erraz jarri zenidaten dena.


Lorena Axpe izan zen zure aholkularia Gaztenpresan, ezta? Zer nabarmenduko zenuke harekin egindako lan-prozesuan?

Abentura honetan ez nengoela bakarrik jakiteak eman zidan lasaitasuna, arazoren bat izanez gero, bai bainekien Lorenaren laguntza izango nuela. Negozio bat martxan jartzen duzunean, beti sortzen dira aurreikusi ez dituzun arazoak, eta oso garrantzitsua da une horietan bakarrik ez sentitzea.

Nire kasuan, gainera, denda ireki nuenean justu, pandemia etorri zen, egoera guztiz berria eta ustekabekoa. Egoera atipiko horri lotutako oztopo guztiez gain, nik arazo bat izan nuen nire aholkularitza-enpresarekin. Lorenak lagundu zidan egoera konpontzen eta nire kontuak txukuntzen, eta ez dakit nola konpondu ahal izango nuen arazoa bera egon izan ez balitz. Gainera, badakit nire negozioaren bilakaerari adi dagoela oraindik ere, eta, berriz ere arazoren bat sortzen bada, harengana jo dezakedala.


Itzul gaitezen zure negoziora, zer eskaintzen duzu Nukkan eta zein da zure arropa-dendaren balio bereizlea?

Nukkan arropa eta osagarri ezberdinak, bereziak… aukeratzen eta eskaintzen ahalegintzen gara. Baina ez dizkizut nire sekretu guztiak azalduko! Nukkaren esentzia zaindu nahi dut.

Zure dendak hiru urte bete zituen martxoan. Zer erronka nagusiri egin behar izan diozu aurre denbora horretan?

Lehen esan dizudan bezala, nire negozioa ireki nuenean, hain zuzen, pandemia etorri zen. Izan ere, denda inauguratu nuen eta handik 6 ordura itxi egin behar izan nuen… 60 egunez! Eta, azkenean berriro ireki ahal izan nuenean, hainbat neurri bete behar izan nituen, edukiera murrizteko neurriak, desinfektatzeko arau bereziak… Nire bizitzan izan ditudan duda-muda handieneko uneak izan ziren haiek! Horregatik, beti eskertuko diot Amorebieta-Etxanoko jendeari egin zidaten harrera eta eman zidaten laguntza. Egun askotan negarrez joaten nintzen etxera jasotako maitasun handiagatik.

Gero, 2021eko urtarrilean, Covida harrapatu nuen eta ospitaleratu egin ninduten eta Nukka itxi behar izan nuen berriz ere hilabete pasatxo… Eta berriro ere ziurgabetasuna etorri zen, oraingoan osasun-arazoekin gainera. Baina arian-arian, aurrera egin nuen nire ilusioarekin, eta hementxe jarraitzen dugu Nukkak eta biok gaur egun.

 

Zein dira zure hurrengo helburuak negozio-mailan?

Nukkak bere arimari eustea nahi dut, negozio desberdin bihurtzen duen esentzia horri. Eta, horretarako, ahal dudan guztia egingo dut, maila pertsonalean ere batzen eta hazten jarraitzeko, eta irribarrea inoiz galdu gabe.

Gainera, bizitzan irabazi edo ikasi egiten dela pentsatzen duten horietakoa naizenez, eta saltsa askotan ibiltzea gustuko dudanez, orain… Nukka Txikiren bila noa, edo agian Harri Orri Ar deituko diot. Kontatuko dizuet!

Eskerrik asko eskaini diguzun denboragatik, Leire!

Eta, Leireren modagunea ezagutzeko gogoz geratu bazarete, hementxe dituzue dendaren eta haren sare sozialen datuak:

Nukka

San Miguel Kalea, 4, 48340 Amorebieta-Etxano, Bizkaia

Instagram: @nukkaarropadenda

Facebook: Nukka

Post gehiago irakurri.

Uztaila 18, 2024
20 urteko ekintzailetza-abenturak askorako ematen du. Eta, bestela, esan diezaiotela gure gonbidatuari, Irene Rodríguezi. 20 urte hauetan bi familia osatu ditu. Etxekoa, bere senarrarekin eta bi alabekin. Eta, bestalde, Iddtek, gaur egun ia 100 langile dituen enpresa bat.   GAZTENPRESA: Nola hasi zen ekintzailetza-bide hori?   IRENE RODRÍGUEZ: Sektore honetako enpresa batean inoiz lan egin...
Uztaila 16, 2024
Ba al zenekien Kooperaren jarduerak arropei bigarren bizitza emateaz gain, batez ere, gehien behar dutenei bigarren aukera bat emango diela? Izan ere, ekonomia zirkularra eta ingurumenarekiko praktika jasangarriak sustatzeaz gain, gizarte-entitateen sare horren benetako helburua bazterkeria-egoeran edo -arriskuan dauden pertsonentzako lan-aukerak sortzea da. Eta, lan handi horri buruz hitz egiteko, gure podcastera gonbidatu dugu Enrique...
Uztaila 9, 2024
Gaztenpresaren podcastean, kubaldun honekin (jaiotzez kubatarra eta bihotzez euskalduna) hitz egin dugu. Ekintzaile peto-petoa da, eta ez da konformatu bere proiektuak abiaraztearekin, baizik eta, gainera, ekintzailetzarako grina partekatzen du Euskadira migratutako emakumeekin, kolektibo horrek negozio bat abian jartzeko orduan dituen oztopo gehigarrien jakitun.   Laguntza eta ulermenerako gune bat Lan hori egiteko, Maylin Vergarak Emakume...
Uztaila 8, 2024
Ekin eta zure enpresa sortu aurretik, zure negozio-eredua landu behar duzu. Erakunde batek balioa nola sortzen, entregatzen eta bereganatzen duen deskribatzen duen eskema bat da. Bestela esanda, enpresa batek nola funtzionatzen duen eta irabaziak sortzen dituen definitzen duen plana da. Enpresa-tresna hau oso erabilgarria da, batez ere zure ibilbide berriaren hasieran, gida eta orientazio gisa...
Uztaila 2, 2024
Gaztenpresaren jarduera jarraitu ohi duzuen pertsonei ziur Elsa Pamparacuatro eta Keko Salvador izenak ezagunak egiten zaizkizuela. Ekintzaile bikote hau Gernikako Txitatoki zirku eskolaren sustatzailea da, iaz Donostian antolatu genuen Gaztenpresatik topaketan esan ziguten bezala. Han jakin genuen zentro honek, landa-eremuan zirkuko arteen praktika hurbiltzea eta sustatzea ez ezik, pertsonen garapen pertsonalerako eta gizarteratzeko tresna gisa...
Ekaina 25, 2024
Prest dago Joanes Roso, Tazebaezeko CEOarekin izan dugun solasaldiaren azken zatia!! Lehenengo zatian proiektuaren hasierei buruz hitz egin genuen, eta zergatik egituratzen den kooperatiba gisa. Bigarren atal honetan, talde kooperatibo honen jardueran sakondu dugu. Lau negozio-unitate biltzen ditu, independenteak, baina elkarren artean lotuta daudenak eta erantzunkideak direnak: Bira: aholkularitza-zerbitzuak Tazebaezen jarduera nagusia aholkularitza eta aholkularitza...