×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Zure marka pertsonala, funtsezkoa merkatuan nabarmentzeko

Share on facebook
Share on twitter
Share on linkedin
Share on whatsapp
Share on email

Gaur egun, dena oinarritzen da enpresa-ospean eta marka pertsonalean. Digitalizazioari esker, Interneten sarbidea daukan mundu guztiak ezagut dezake zehatz-mehatz zure enpresa-jarduera, eta berari buruzko iritzia ere eman dezakete:

  • kontsumitzaileek, hornitzaileek, enpresa lehiakideek, headhunterrek…

Horregatik, marka pertsonala zaintzeko denbora eman eta ahalegina egin behar duzu, batez ere ekintzailea bazara eta negozioa abian jarri berria bada. Ekintzailetzan arrakasta lortzeko, oso garrantzitsua da negozio-ideia ona edukitzea; alabaina, funtsezkoa da ospe ona edukitzea. Marka pertsonal ona erdietsi nahi baduzu, elementu hauek hartu behar dituzu kontuan:

Osatu profil erakargarria

Gaur egun, nahikoa da Googlen pertsona baten izen-abizenak idaztea, berehala aurkitzeko beraren curriculuma, sare sozialetako erreferentziak, artikuluak eta jarduera pertsonalaren edo profesionalaren aztarnak. Egin ahalegina zure marka pertsonala erakargarria izateko. Zenbait alderdi landu beharko dituzu horretarako:

  • Zaindu zure biografia. Bermatu zure lorpen akademiko, profesional eta pertsonalak ere agertuko direla, eta ez izan lotsarik zeure buruari buruz ondo hitz egiteko.
  • Aprobetxatu LinkedIn eta beste sare sozial batzuk. LinkedIn enpresa-sarerik ospetsuena da eta zeure bezero potentzialek, hornitzaileek nahiz lehiakideek kontsultatuko dute; beraz, prestatu profil erakargarria.
  • Landu zeure bloga. Edukien marketinak marka jorratzen eta ospea eskuratzen lagun diezazuke, aldian-aldian artikuluak argitaratzen badituzu.

Zehaztu estrategia bat eta izan pazientzia

Zer proiektatu nahi duzun jakiteko, zure lanbide-jardunaren alderdi guztiak zehaztu behar dituzu:

  • nor zaren, zer eskaintzen duzun, nori zuzentzen zatzaizkion, zerk bereizten zaituen… Eta dena zehaztuta daukazunean, atera probetxua blogari eta sare sozialei.

Eta jokatu pazientziaz, ospea ez delako egun batetik bestera eraikitzen. Gogoan izan denbora luzea behar izaten dela ospe ona eraikitzeko, baina oso denbora gutxi galtzeko. Beraz, hobe duzu lasai jokatzea. Eduki interesgarriak egiten badituzu, zaleen kopurua eta zure ospea hazi egingo dira.

Bilatu erreferentziak

Ez izan beldurrik merkatuan erreferentziak bilatzeko: ikertu zeure lehiakideen marka pertsonala eta ikusi beraien alde onak. Helburua ez da kopiatzea, ideiak hartu eta ikastea baino.

  • Bilatu harreman pertsonala eta zoaz jardunaldi profesionaletara eta kongresuetara, eta egin networking.

Zeure marka lortzeko elementurik garrantzitsuenak aurkitzen lagunduko dizu aurretiko lan horrek.

Bihur zaitez story-tellerra

Marka-irudi ona sortzeko, ez da nahikoa lorpen profesionalak zerrendatzea.

  • Narrazioa ere erabili behar duzu zeure historia kontatzeko: ekintzailetzari esker arrakasta lortu eta erreferentziako eta kalitateko zerbitzua eskaintzen duen pertsona batena.

Asko eta ondo egin behar da lan, baina lan horren emaitza ezagutarazi eta testuinguruan kokatu ere egin behar da. Kontatzeko historia on bat badaukazu, egin ezazu ahalik eta ondoen.

Bilatu sinergiak beste batzuen laguntza izateko

Mundua gero eta interkonektatuago dago: sare sozialei eta teknologia berriei esker, duela urte gutxira arte pentsatu ere egin ezin ziren aliantzak lotu ahal dira gaur egun.

  • Aprobetxatu egin behar dituzu, hazteko aukera emango dizuten sinergiak lotzeko. Marka batekin elkartu nahi baduzu, ikusi nola egin dezakezun: erabili networkinga ahal duzun guztietan, aliantzak lotzeko, hornitzaileak eta bezeroak bilatzeko edota, besterik gabe, lehiakideekin harremana estutzeko. Ez dago inoiz jakiterik non dagoen ate handiaren giltza.

Aholku horiek guztiek ospe ona eraikitzen eta bizi garen merkatu interkonektatuan zeure marka pertsonala sendotzen lagunduko dizute. Eta gogoan izan: zeure negozioa abian jartzeko edo bultzada bat emateko laguntza behar baduzu, Gaztenpresan eskura gaituzu, zure ekintzailetza-abenturaren etapa guztietan laguntzeko prest.

Post gehiago irakurri.

Iraila 16, 2022
Ekintzailetzaren igerilekuan murgildu aurretik, urik badagoen egiaztatu beharra dago; gure kasuan, horrek esan nahi du arrisku-analisia gauzatzea eta negozio-plana egitea. Gogoan izan ezazu negozio-plana edo enpresa-plana oso tresna baliagarria dela eta laburbildu behar duela enpresa-proiektu berria nolakoa den eta jaso egin behar dituela negozio arrakastatsu bihurtuko duten helburuak, identitatea eta funtzionamendua. Gainera, une oro gidatuko...
Uztaila 29, 2022
HALO Donostia hiru erizain elkartzetik sortutako proiektua da; hirurek ekiteko gogoa zuten, eta bereziki, erizaintzako zein dermoestetikako sektoreko egungo eskaintzari buelta emateko asmoa. Kooperatiben hilabetean, Halo Donostia-tik eman digute haien historiaren eta lehen urratsen berri.   HALO Donostia “estetika aurreratuko tratamenduetan espezializatutako erizaintza-zentro” moduan definitzen da. Azalduko zenigukete zertan datzan, eta zein den zuen balio...
Uztaila 15, 2022
Modu juridiko askotan gauzatu daitekeen proiektu ekintzaile bat: autonomoa, sozietate mugatua, kooperatiba… Ingravity Dreams elkarrizketatuko dugu Kooperatiben Nazioarteko Eguna dela-eta, Gaztenpresaren eskutik bere enpresa-ibilbideari ekin zion abereen ongizatera zuzendutako zentroa, hain zuzen ere.   Zer da Ingravity Dreams eta nola sortu zen? Abereen ongizatea da Ingravity Dreams. Gure abereak fisikoki indarberritzeko teknika naturaletan espezializatutako lekua,...
Ekaina 27, 2022
Espiritu ekintzailea testuinguru eta sektore guztietan zabaltzen ari da, industrialean barne, baita gaur egungoa bezalako egoera berezietan ere. Enpresa Txiki eta Ertainaren eguna dela eta, elkarrizketa egin diogu IGASI Vacuum Solutionko lantaldeari. Proiektu ekintzailea da, eta laster urtebeteko ibilbidea beteko du enpresa gisa.   Nola sortu zen Igasi eta nola definituko zenukete zuen enpresa? Enpresa...
Ekaina 23, 2022
Gaztenpresan, krisiari aurre egiteko zailtasunak dituen enpresa-ehunera egokitzen jarraitu dugu. Hori dela medio, atzo Ibon Urgoiti, Gaztenpresako lehendakariak, 2021. Urteko Txostenaren aurkezpenean nabarmendu zuenez, Fundazioko taldeak bere proiektuekin jarraitzeko beharberritu diren pertsonak laguntzeko ahalegina kontuan hartzea ezinbestekoa da. Hala ere, egindako lan horri guztiari esker, 2021eko balantzeak esleitutako helburuak bete direla adierazten du. Beste behin...
Maitza 17, 2022
Bazenekien Europar Batasuneko herrialdeek urtean 5.000 milioi tona hondakin baino gehiago sortzen dituztela, etxekoak kontuan hartuta? Eta bazenekien, Euskadin sortzen ditugun 5,5 tona hondakinetatik, % 80k eraikuntzan eta industrian dutela jatorria? Pentsatu duzu noizbait, 2050. urtean, munduko biztanleek gaur egun kontsumitzen ditugun baliabideak baino hiru aldiz baliabide gehiago beharko dituztela? Izugarrizko datuak dira, ezta? Baina,...