y luego Añadir a pantalla de inicio.
Lehia handiko garai hauetan, bai kalean bertan, bai online eremuan, bezeroak erakartzea eta fidelizatzea da gure negozioaren etorkizunerako gako nagusietako bat. Pandemiak ecommerce delakoa bizkortu zuen, eta, beraz, orain geure burua bereizi behar dugu gure publikoarengana iristeko, kalitatezko produktu edo zerbitzu baten bidez, baina originala eta ezagutzeko modukoa ere izan dadin. Inork ez zuen esan ekitea erraza izango zenik. Horregatik, estrategia batzuk eskaintzen dizkizuegu zure enpresari, saltokiari edo negozioari laguntzeko.
Esperientzia aparta eskaintzea
- Bezeroaren arretari lehentasuna ematea: Zerbitzu azkarra, eraginkorra eta adiskidetsua eskaintzea funtsezkoa da esperientzia positiboa eta iraunkorra sortzeko.
- Interakzioak pertsonalizatzea: Bezeroen datuak erabiltzea esperientziak pertsonalizatzeko, produktuen gomendioetatik hasi eta sustapen-eskaintzetaraino.
- Erosketak erraztea: Erosketa-prozesu erraza eta segurua eskaintzea, ordaintzeko eta entregatzeko aukera anitzekin.
- Ingurune erakargarria sortzea: Erakargarria, intuitiboa eta nabigatzeko erraza den webgune edo denda fisiko bat diseinatzea.
Fidelizazio-programak ezartzea
- Erosketak saritzea: Ohiko bezeroei puntuak, deskontuak edo onura esklusiboak eskaintzea.
- Kidetasun-mailak sortzea: Fidelizazio-programa bat inplementatzea hainbat mailatan, bezero konprometituenei onura handiagoak eskaintzeko.
- Harritzea: Opari, esperientzia edo ekitaldi bereziak eskaini publiko leialari.
- Feedbacka sustatzea: Bezeroen iruzkinak eskatu eta horien gainean jardutea, esperientzia etengabe hobetzeko.
Marketin digitala aprobetxatzea
- Eduki erakargarria: Eduki baliotsua eta informatiboa garatzea, xede-audientzia erakartzeko eta atxikitzeko.
- Online presentzia optimizatzea: Bai webguneak bai sare sozialek optimizatuta egon behar dute bilaketa-motorretarako, eta erraz aurkitzeko modukoak izan behar dute.
- Zuzendutako marketin-kanpainak: Audientzia segmentatzea eta kanpaina pertsonalizatuak sortzea, talde bakoitzaren interes espezifikoekin bat etorriz. Gure xede-taldea sakon ezagutzeak estrategia eraginkorrak diseinatzea ahalbidetzen digu.
- Marketina influencerrekin: Zure markarekin bat datozen influencerrekin kolaboratzea, audientzia handiago batengana iristeko eta konfiantza sortzeko.
- Lotura emozionalak: Zure publikoarekin gertuko harremana izatea, hala nola newsletterrak bidaltzea, sustapen esklusiboak eskaintzea edo feedbacka eskatzea.
Ahoz ahoko marketina sustatzea
- Aparteko produktua edo zerbitzua: Pozik dauden bezeroek joera handiagoa dute marka lagunei eta senideei gomendatzeko.
- Gomendatzea erraztea: Aipamen-programak ezartzea, bezero berriak gomendatzen dituztenak saritzeko.
- Elkarrizketarako aukerak: Jendeak sare sozialetan eta online komunitateetan parte har dezan sustatzea.
- Iritziei erantzutea: Berrikuspenak monitorizatu behar dituzu, eta azkar eta modu profesionalean erantzun haien iritziei, positiboei zein negatiboei.
Komunitatearen bidez fidelizatzea
- Kidetasun-zentzua: Komunitate-giroa sustatzea, ekitaldiak, eztabaida-taldeak edo online foroak antolatuz.
- Sarbide esklusiboa: Komunitateari produktu berriak, eskaintza bereziak edo ekitaldi esklusiboak aldez aurretik eskuratzeko aukera ematea.
- Pertsona aktiboak saritzea: Komunitatean aktiboki parte hartzen dutenak saritzea, baloratuak senti daitezen.
- Komunitatearen atzeraelikadura: Komunitateko kideen iruzkinak biltzea eta horien gainean jardutea, beren esperientzia etengabe hobetzeko.
- Engagement: Zure publikoarengan engagementa sortzeak zurekin konprometituta dagoela esan nahi du, eta hori neurtzeko parametro on bat sare sozialen bidez da.
Prozedura horiei jarraituz, bezeroak hobeto erakarriko dituzu, baina gogoan izan garrantzitsuena zure produktuaren edo zerbitzuaren balioa dela. Kalitatezko eskaintzarik gabe, publikoari agian behin sartuko diogu ziria, baina ez da zure negoziora itzuliko. Kontuan izan erabiltzaile leial eta pozik batek gehiago kontsumitzeaz gain, bere inguruneari gomendatzeko eta bere esperientzia partekatzeko aukera duela. Eremu horiek guztiak landu behar dituzu eta teknologia erabili zure irismena handitzeko.
Gaztenpresan, zure zalantzak argitzen lagunduko dizugu. Edozein kontsulta edo iradokizun egin diezagukezu orrialdeko beheko inprimakia betez. Ahalik eta lasterren erantzungo dizugu.
