y luego Añadir a pantalla de inicio.
Negozio bat martxan jartzen dugunean (edo jartzeko asmoa dugunean), pertsona ekintzaile batek egin beharreko lehenengo gauzetako bat besteei aurkeztea da: balizko bezeroei, banatzaileei, laguntza emango diguten toki-garapeneko erakundeei, eta baita gure jarduera abiarazteko kreditu bat ematen diguten finantza-erakundeei ere.
Kasu guztietan ere, gure solaskideen arreta erakartzeko eta gure helburuak lortzeko posibilitate gehiago izango ditugu, gure proposamen komertziala eta zerbitzu/produktuen eskaintza modu erakargarrian –eta aldi berean eraginkorrean– aurkezten baditugu, betiere funtsezko datuak eta gure balio-proposamena erraz identifikatzeko moduan. Eta puntu horretan da diseinua funtsezkoa.
Jakina, diseinuak ez du miraririk egiten. Gure aurrekontuak eta gure zerbitzu/produktuen katalogoa ez badira ondo uztartzen edo ez badituzte sortutako espektatibak betetzen, oso litekeena da gure jarduerak aurrera ez egitea edo denboran luze ez iraunarazi ahal izatea. Dena den, gure proiektua irmoa bada eta behar bezala aurkezten badugu, aukera gehiago izango dugu aurrera ateratzeko.
Dokumentuen diseinurako gomendioak
Normala da ekintzailetzan hasteko asmoa duten pertsonek diseinu grafikoari buruz askorik ez jakitea eta hasierako etapa horretan arlo horretako profesional baten zerbitzuak kontratatzearen kostua ezin ordaindu izatea. Zorionez, gaur egun baditugu lan hori erraztuko diguten eta erabiliak izateko aldez aurreko ezagutzarik eskatzen ez duten erremintak, hala nola Canva ospetsua, besteak beste.
Baina baliabide horiek guztiek gure testu eta irudi propioekin oso modu intuitiboan errepikatu ditzakegun plantillen kopuru handi bat ematen badigute ere, komeni da honako oinarrizko kontsiderazioak kontuan hartu ditzagula gure dokumentu komertzialak diseinatzeko garaian:
- Informazioaren hierarkia: nahi dugun mezua transmititzeko elementu bisual guztiek beren artean konbinatzen ditugun modua da. Gure garunak berez bere arreta ardaztuko duen moduan gidatuz gure mezuaren ideiak ordenatzea da Garrantzitsuena nabarmendu egin beharko da, eta horrenbeste garrantzirik ez duena bigarren irakurketa-maila batean jarri beharko da.
- Tipografia: letra mota edozein dokumenturen funtsezko elementuetako bat da, eta irakurgarritasuna du helburu nagusi. Esan gabe doa aukeratzen dugun letra izango dela gure negozio-ideia helaraziko duen bitartekoa, eta, hori horrela, argia eta ulergarria izan behar du.
Komeni da, halaber, gure dokumentuetan ez ditzagula tipografia mota desberdin asko erabili, bi edo hirurekin nahikoa baino gehiago da. Informazioaren bat nabarmendu behar badugu, aski izango da letraren tamainarekin edo kolorearekin jokatzea. - Kolorea: tipografiarekin gertatzen den bezala, kolorea funtsezkoa da edozein irudikapen grafikotan. Dokumentu komertzialen kasuan, gure solaskideen arreta nabarmendu nahi ditugun datuetara gidatzeko baliagarria izango zaigu, hala nola zifrak, ehunekoak, balio-proposamenak, eta abar. Are gehiago, zenbait azterlanek erakusten dutenez, nabarmendutako informazioak % 39 denbora gehiago irauten du oroimenean. Hori bai, kontua ez da gure aurkezpenak goitik behera kolorez betetzea, inolako irizpiderik gabe. Kolorea neurrian erabili behar dugu, datuen irakurgarritasunari kalterik ez eragiteko moduan, eta gure marka-irudiarekin eta identitate bisualarekin lotutako aukera kromatikoak soilik erabiliz.
- Irudiak: argazkiek, ilustrazioek, infografiek, eta abar, dinamismoa ematen diote edozein aurkezpen edo proposamen komertziali, betiere zentzuz erabiltzen badira. Hau da, irudiek ez badute balio erantsirik gehituko eta dokumentu bati orri gehiago gehitzeko baino ez badute balioko, alde batera utzi ditzagula izango da onena. Hori ba, balioa erantsiko dutela edo informazioa modu erakargarriagoan aurkezten lagunduko digutela uste badugu, aurrera.
“Nabarmendu zure zerbitzu-eskaintza” webinarra.
Diseinuaren ikuspuntutik dokumentuen sorkuntzaren gakoetan sakontzen jarraitzeko, “Nabarmendu zure zerbitzu-eskaintza” webinarra antolatuko dugu maiatzaren 16an, 15:30etik 17:00etara. No te pierdas en las redes marketin digitaleko aholkularitza-enpresarekin elkarlanean egiten dugun Gaztenpresaren Astelehen Digitalen barnean hartzen da saio hori, eta kasu honetan Natalia Matrelle diseinatzaile eta branding arloko espezialistak emango du.
On-line tailer honetan, adibideak, gomendioak eta erremintak ikusiko ditugu gure proposamenak, aurrekontuak, zerbitzu-aurkezpenak, kartelak, eta abar, deigarriak izan daitezen, eta gure konkurrentziak egiten dituenekin alderatuta nabarmendu daitezen.
