×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Youth Business Internationalek eta Citi fundazioak gazteen ekintzailetasuna laguntzeko programa europarra abiarazi dute

Share on facebook
Share on twitter
Share on linkedin
Share on whatsapp
Share on email

Europan gazteen ekintzailetasuna sustatzea helburu duen programa abian jarriko dutela iragarri dute gaur Youth Business International (YBI) erakundeak eta Citi fundazioak, gazteen ekimena enplegua sortzeko eta ekonomia garatzeko motorra delakoan. Citi fundazioaren Pathways to Progress ekimenaren barruan antolatu dute programa eta Alemanian, Espainian, Frantzian, Herbehereetan, Italian eta Suedian burutuko diren ekintzak zehazten ditu.

“Expanding Youth Economic Opportunities through Entrepreneurship” izena duen programaren bidez 6 estatu horietako 5.500 gaztek ekintzailetasunaren inguruko prestakuntza jasoko dute. Modu horretan, datozen bi urteetan 1.700 negozio inguru sortzen edo garatzen lagunduko du. Citi fundazioak milioi bat dolar inbertituko ditu ekimen horretan. Europako ikuspuntutik gazteen ekintzailetasunerako ildo berriak aztertzeko aukera emango du egitasmoak.

Lankidetza erregio mailakoa izango denez, jardunbide egokiak, ezagutzak eta metodologiak elkar trukatzea ahalbidetuko du, mugaz gaindiko lankidetzari esker, langabeziaren arazoari aurre egingo dio eta ekonomia-garapen iraunkorra sustatuko du. Espainian, Youth Business Spain fundazioa (www.youthbusiness.es) ari da 9 autonomia-erkidegotan programa abian jartzen, bere tokiko erakunde-sarearen bitartez.

 

Youth Business International (YBI) irabazi-asmorik gabeko ekimen independenteen sare globala da. Gazteei euren negozioak sortzen, handitzen eta enplegua sortzen laguntzeko ekimenak dira horiek. YBIk arretarik jaso ez duten gazte ekintzaileei laguntzen die negozioak garatzeko hainbat zerbitzu eskainiz, hala nola, prestakuntza, finantzaketa eskuratzeko aukera, mentoringa eta abar. YBIko kideek 100.000 gazte baino gehiagori lagundu diete euren negozioak abian jartzen eta enplegua sortzen. Negozio horietatik % 70 inguru abian dira hiru urte igaro ondoren, eta asko lanpostu kopuru esanguratsua eta ingurunerako bestelako onurak sortzeko bidean dira. Informazio gehiago: www.youthbusiness.org

 

Citi Foundationek, berriz, aurrerapen ekonomikoa sustatzeko eta munduan errenta baxuak dituzten erkidegoetan jendearen bizimodua hobetzeko egiten du lan. Finantza-inklusioa areagotu eta gazteentzako lan-aukerak bultzatzeaz gain, ekonomikoki biziak diren hiriak eraikitzeko moduei buruzko ikuspegi berriak dakartzaten proiektuetan inbertitzen dugu. Citi Foundationen “More than Philantropy” lan-ildoak Citiren eta bertako langileen ezagutza handia erabiltzen du gure misioa erdiesteko eta pentsamendu- eta berrikuntza-lidergoa sustatzeko. Informazio gehiago: www.citifoundation.com

Post gehiago irakurri.

Ekaina 27, 2022
Espiritu ekintzailea testuinguru eta sektore guztietan zabaltzen ari da, industrialean barne, baita gaur egungoa bezalako egoera berezietan ere. Enpresa Txiki eta Ertainaren eguna dela eta, elkarrizketa egin diogu IGASI Vacuum Solutionko lantaldeari. Proiektu ekintzailea da, eta laster urtebeteko ibilbidea beteko du enpresa gisa.   Nola sortu zen Igasi eta nola definituko zenukete zuen enpresa? Enpresa...
Ekaina 23, 2022
Gaztenpresan, krisiari aurre egiteko zailtasunak dituen enpresa-ehunera egokitzen jarraitu dugu. Hori dela medio, atzo Ibon Urgoiti, Gaztenpresako lehendakariak, 2021. Urteko Txostenaren aurkezpenean nabarmendu zuenez, Fundazioko taldeak bere proiektuekin jarraitzeko beharberritu diren pertsonak laguntzeko ahalegina kontuan hartzea ezinbestekoa da. Hala ere, egindako lan horri guztiari esker, 2021eko balantzeak esleitutako helburuak bete direla adierazten du. Beste behin...
Maitza 17, 2022
Bazenekien Europar Batasuneko herrialdeek urtean 5.000 milioi tona hondakin baino gehiago sortzen dituztela, etxekoak kontuan hartuta? Eta bazenekien, Euskadin sortzen ditugun 5,5 tona hondakinetatik, % 80k eraikuntzan eta industrian dutela jatorria? Pentsatu duzu noizbait, 2050. urtean, munduko biztanleek gaur egun kontsumitzen ditugun baliabideak baino hiru aldiz baliabide gehiago beharko dituztela? Izugarrizko datuak dira, ezta? Baina,...
Maitza 17, 2022
Pandemiak goitik behera aldatu zituen pertsonen kontsumo-ohiturak eta ingurune digitalago batera egokitu behar izan zuten. Datuak lehendik ere pozgarriak ziren eta Interneteko erabiltzaile den Euskadiko biztanleriak hazten jarraitu zuen 2021. urtean, % 84,9raino. Gai horri buruz hitz egingo dugu gaur, Interneteko Mundu Egunean, Pello Múgicarekin eta SavileCode enpresaren talde guztiarekin. Gainera, lehen eskutik kontatuko digute nola...
Maitza 16, 2022
Irudi batek mila hitzek baino gehiago balio duela esan ohi da eta horixe erraztuko digu Canvak, hain zuzen ere: gure negoziorako eduki grafikoa modu sinple eta intuitiboan sortzea, diseinu-ezagutzarik zertan izan gabe. Izan ere, on-line erreminta honek plantillen eta baliabide grafikoen kopuru handia (irudiak, argazkiak, tipografiak, eta abar) jartzen du gure esku, haiekin gure negozioaren/markaren...
Maitza 9, 2022
Negozio bat martxan jartzen dugunean (edo jartzeko asmoa dugunean), pertsona ekintzaile batek egin beharreko lehenengo gauzetako bat besteei aurkeztea da: balizko bezeroei, banatzaileei, laguntza emango diguten toki-garapeneko erakundeei, eta baita gure jarduera abiarazteko kreditu bat ematen diguten finantza-erakundeei ere. Kasu guztietan ere, gure solaskideen arreta erakartzeko eta gure helburuak lortzeko posibilitate gehiago izango ditugu, gure...