×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Nola jarri martxan lead-ak sortzeko estrategia eraginkor bat

Share on facebook
Share on twitter
Share on linkedin
Share on whatsapp
Share on email

Askotan entzungo zenuen lead-ak sortzearen eta erakartzearen inguruko zerbait. Baina, badakizu zer esan nahi duten horiei buruz hitz egiten dutenean? Lead bat gure web-orriaren bitartez lortzen dugun kontaktu bat da. Oro har, kontaktu horrek inprimaki bat betetzea erabaki du gure web-orrian, hau da, bere datu pertsonalak helaraztea eta pertsona identifikatu bat bihurtzea eta, horrela, guk haren jarraipena egin dezakegu. Marketin digitalaren munduan, lead baliagarri bat izateko ezinbestekoa da helbide elektroniko erreal bat izatea eta kontaktuak enpresaren pribatutasun-politika berariaz onartzea.

Eta, hark zer nolako garrantzia duen ulertzeko, trafikoa zure web-orrira erakartzeko estrategia bat ezarri ondoren, lead-ak lortzea da marketin-estrategia gehienen urrats garrantzitsuenetako bat. Horrelakorik gabe ez zenuke kanal digitalen bidez komunikatzeko bezero potentzialik izango, ezta offline marketin-teknikak erabili ahal izateko datu-base egokirik ere.

Lead-ak erakartzeko oinarrizko prozesuak sei urrats ditu: lehenik eta behin trafikoa erakarri behar duzu zure web-orrira edo blogera; bertan, ekintzarako dei bat egin behar duzu: landing page batera birbideratzen duzu erabiltzailea; inprimaki bat eskaintzen diozu; erabiltzaileak erregistroa bete eta, azkenik, esker oneko mezu bat bidaltzen zaio.

Hemendik aurrera, lead-ak erakartzen lagunduko dizuten hainbat estrategia daude. Ezagunenetako bat Marketing Automation da: softwarea erabiltzen du marketin-ekintzak modu automatizatuan egiteko. Hari esker, oso konplexuak izango liratekeen prozesuak modu naturalean egin ditzakezu, eta eraginkortasun eta emaitza gehiago eta horien kontrol eta jarraipen handiagoa lortu ahal izango duzu.

Automatizaziorako modu ugari daude. Honako hauek dira garrantzitsuenak: e-mail marketina edo mezu elektronikoen bidalketa masiboak; lead nurturing-a, hau da, e-mail kateak modu automatikoan bidaltzea, gure webguneko bisitariek ekintza jakin bat egiten dutenean; eta lead scoring-a, erabiltzaile batek duen bihurketarekiko hurbiltasun-maila zure datu-basean antolatzea ahalbidetzen duena. Automatizazio-marketina egiteko hainbat all-in-one plataforma daude, baina, horietara jotzen baduzu, marketin-estrategia batzuen arazo handienetako batean eror zaitezke: zure komunikazioen despertsonalizazioan, hain zuen. Hori ez gertatzeko, automatizazio-ekintzak segmentazioarekin konbinatzea da egokiena, eta hori lortzeko modurik onena agentzia espezializatuen bitartez egitea da.

Zalantzarik gabe, Inbound Marketing-a da lead-ak erakartzeko erremintarik eraginkorrenetako bat. Marketin- eta publizitate-teknika ez intrusiboak konbinatzen dituen estrategia global bat da eta, haren bitartez, erabiltzaileari modu lagunkoian laguntzen diozu bihurketara, eduki erabilgarria eta garrantzitsua eskainiz.

Erabiltzaile bat zure webgunera iristen den momentuan, harekin komunikatzen zara elkarrizketa-erreminten bitartez, hala nola e-mailaren eta txataren bidez, eta haren premiei eta itxaropenei erantzuten dieten eduki baliagarriak eskaintzen dizkiozu. Marketin-modalitate horretan funtsezkoa da analisiaren fasea, martxan jarri diren prozesu guztien emaitzak ezagutzea ahalbidetzen baitizu, hau da, blogera egindako bisitak, SEO posizionamendua, sare sozialetako interakzioak, Call to Action deiturikoen eraginkortasuna, haren bidez webgune batetara iristen diren erabiltzaileen bolumena, lead kualifikatuen kantitatea eta abar.

Horrenbestez, azterketak zeharkako fase bat izan behar du inbound marketin-prozesu osoan zehar, eta eginkizun horietako bakoitzean egindako ekintzetatik ondorioak ateratzea ahalbidetu behar dizu.

Marketin-estrategia horren barnean, lead-ak erakartzeko modu asko daude. Horietako batzuk erakutsiko dizkizugu, oso modu laburrean:

  • Deskargatu daitezkeen edukiak. Erabiltzaile bat gure webgunera edo blogera erakartzea lortu ondoren, doako edukiak, deskontu-kupoiak edo txartel pertsonalizatuak deskargatzera gonbidatzen dugu, erregistroaren truke.
  • Newsletterra. Gure bezero potentzialen datuak lortzeko beste modu eraginkor bat aldian behingo buletin elektroniko baten izena ematea da.
  • Lehiaketak. Makina bat erreminta digital daude sare sozialetan lehiaketak martxan jartzeko. Lead-ak erakartzeaz gain, horiek erabiltzaileak hobeto ezagutzeko eta erosketa-prozesura gerturatzeko balio dute.
  • SMM. LinkedIn edo Facebook gisako sare sozialek publizitate-kanpainak edo lead-ak erakartzeko kanpainak erraz egiteko aukera eskaintzen dute.

Ikus dezakezun moduan, unibertso baten aurrean gaude, eta guk zati bat baino ez dizugu erakutsi. Gai hauetakoren batean gehiago sakondu nahi izanez gero, eman izena Gaztenpresan antolatzen ditugun prestakuntza-ikastaro eta tailerren, batean: horien bitartez, zure negozioak aurrera egiteko behar dituzun gaitasun guztiak lortu ahal izango dituzu. Zain izango gaituzu!

Post gehiago irakurri.

Otsaila 23, 2023
Iazko abenduaren 23an argitaratu zen BOEn enpresa emergenteen ekosistema sustatzeari buruzko legea, startupei buruzko lege bezala ezagunagoa dena. Estatua pertsona ekintzaileentzat eta horrelako negozioetan interesa duten inbertitzaileentzat helmuga erakargarri bihurtu dadila lortzea da arau berri honen helburua, hau da, enpresa berritzaile sortu berrietan, oinarri teknologikoa dutenetan, hazkunde bizkorrekoak direnetan eta negozio-eredu eskalagarri bat dutenetan interesatuta...
Otsaila 17, 2023
Aurten ere, Gaztenpresaren Astelehen Digitalak itzuliko dira, marketin digitaleko “No te pierdas en las redes” agentziak online ematen dituen prestakuntza-saioak. Saio hauetan, zure negozioaren eremu digitalarekin lotutako gaiak eguneratu ahal izango dituzu. Ordu edo ordu eta erdi inguruko iraupena duten tailer horietan, zure negozioan erantsi ditzakezun baliabide digitalen ikuspegi orokorra lortuko duzu. Izan ere, kontua...
Azaroa 30, 2022
Estatuko enpresen erdia baino gehiagok azken urtean zibereraso bat jasan dutela onartzen dute. Ezagutzen zenuen datu hau? Ezagutzen dituzu Phising, Vishing edo Smishing kontzeptuak? Artikulu honetan, Lautik IT Solutions hori eta askoz gehiago kontatu digu. Konponbide teknologikoetara eta eraldaketa digitalera bideratutako enpresa honek iaz Gaztenpresaren mentoretza-programan parte hartu zuen. Zibersegurtasunaren Eguna dela eta, negozio bat...
Iraila 16, 2022
Ekintzailetzaren igerilekuan murgildu aurretik, urik badagoen egiaztatu beharra dago; gure kasuan, horrek esan nahi du arrisku-analisia gauzatzea eta negozio-plana egitea. Gogoan izan ezazu negozio-plana edo enpresa-plana oso tresna baliagarria dela eta laburbildu behar duela enpresa-proiektu berria nolakoa den eta jaso egin behar dituela negozio arrakastatsu bihurtuko duten helburuak, identitatea eta funtzionamendua. Gainera, une oro gidatuko...
Uztaila 29, 2022
HALO Donostia hiru erizain elkartzetik sortutako proiektua da; hirurek ekiteko gogoa zuten, eta bereziki, erizaintzako zein dermoestetikako sektoreko egungo eskaintzari buelta emateko asmoa. Kooperatiben hilabetean, Halo Donostia-tik eman digute haien historiaren eta lehen urratsen berri.   HALO Donostia “estetika aurreratuko tratamenduetan espezializatutako erizaintza-zentro” moduan definitzen da. Azalduko zenigukete zertan datzan, eta zein den zuen balio...
Uztaila 15, 2022
Modu juridiko askotan gauzatu daitekeen proiektu ekintzaile bat: autonomoa, sozietate mugatua, kooperatiba… Ingravity Dreams elkarrizketatuko dugu Kooperatiben Nazioarteko Eguna dela-eta, Gaztenpresaren eskutik bere enpresa-ibilbideari ekin zion abereen ongizatera zuzendutako zentroa, hain zuzen ere.   Zer da Ingravity Dreams eta nola sortu zen? Abereen ongizatea da Ingravity Dreams. Gure abereak fisikoki indarberritzeko teknika naturaletan espezializatutako lekua,...