×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Iñaki Ruiz de Balugera: «Ekintzaile izateko, ez da aski ideia edukitzea»

Share on facebook
Share on twitter
Share on linkedin
Share on whatsapp
Share on email

Iñaki Ruiz de Balugera (Bilbo, 1973) Gaztenpresako ekintzailetza sailean dihardu lanean.  Laguntza eskatzen diguten ekintzaileei pertsonalki esleitzen diegun tutore adituetako bat da.  Ruiz de Balugerak, Zuzenbidean lizentziaduna eta etorkizuneko enpresarien aholkularitzan hamar urte baino gehiagoko esperientzia duenak, elkarrizketa honetan azalduko digu ideia on bat izatea bezain garrantzitsua dela hura lantzea negozio-eredu bat eta bideragarritasun plan bat lortzeko, haiek gauzatuko baitute egitasmoa.

GAZTENPRESA.–Zer zailtasuni egin behar die aurre ekintzaile batek, ideia izan bezain laster?

IÑAKI RUIZ DE BALUGERA.–Egitasmoaren araberakoa da hori.  Ekintzaileak sarri etortzen dira Gaztenpresara buruan negozio-ideia soila dutela, hura abian jartzeak zer dakarren jakin gabe. Egitasmoari aurpegia eta begiak jartzen laguntzen diegu hemen.  Adibide bat jartzen diegu: maratoi bat korritzeko ez duzu soilik korrika egin behar.  Entrenatu egin behar zara eta zure elikadura zaindu.  Ekintzaile izateko, ez da aski ideia edukitzea.  Beste arlo batzuk landu behar dira.

G.–Baina, horregatik, ez dira beldur izan behar ideia aurkezteko, ezta?

I.R. –Ez horixe.  Ideia hori negozio bilakatzeko behar dituzten tresnak eman nahi dizkiegu guk.  Beldurra baino gehiago erronka da sentitu behar dutena, denboran zehar iraungo duen bizimodua izatea baita edozein ekintzaileren helburu nagusia.

Ekin aurretik, ideia osatu

G.–Asko aldatzen al da negozio-ideia prozesu honetan?

I.R.–Gehienetan osatu egiten da, besterik gabe.  Ideia hori bideragarria izan dadin egiten da lan. Negozio-ideia baino gehiago negozio-eredua da prozesuan alda daitekeena. Badira ekintzaileak jantzi-denda bat jarri nahi eta lehendabiziko gauza Bilbo erdian lokal bat alokatu nahi dutenak. Haiekin lanean hasten zarenean eta sektoreko datuak, marjin gordinak eta denda horrek beharko dituen gastuak aztertzen ditugunean, orduan alda daiteke negozio-eredua.  Izan ere, lehen denda fisiko batean saldu nahi zutenek, agian, online saltzen hastea egokiagoa izan daitekeela erabaki dezakete.

G.–Laburbilduz: ideia bezain garrantzitsua da eredua.

I.R.–Negozio-eredua nolakoa den, ideiaren ezaugarriak halakoak izango dira. Hasieran egin beharreko inbertsioa, gastuen egitura, finantziazio beharra eta beste hainbat elementu aldatuko dira. Zure asmoa liburuak saltzea izan daiteke, baina ez da gauza bera denda batean, web-orri batean edota atez-ate saltzea. Gastuak, inbertsioak eta bezero-mota aldatu egingo dira.

Negozio-plana tutorizatu baino askoz gehiago

G.–Negozio-eredua bilatzen laguntzeaz gain, bestelako zer laguntza eskaintzen du Gaztenpresak?

I.R.–Ekintzaile bat gugana heltzen denean, egin behar dugun lehen gauza haren negozio-ideia ulertzea da. Horretarako, berarekin modu pertsonalizatuan lan egingo duen tutore bat jartzen zaio. Negozio-plana definitzeaz gain, bideragarritasun-plana egitea eta zenbakitan jartzea da bilatzen dena. Beharko diren inbertsioak eta izan ditzakeen finantzaketa-iturriak ere aztertzen dira. Gaztenpresatik finantzaketa-bide biguinak eskaini ahal izango zaizkio. Gainera, sortzen zaizkion zalantza guztiak argituko dizkiogu.

G.–Esate baterako?

I.R.–Autonomo gisa hobaririk jaso dezakeen, edota zein izan daitekeen beretzat figura juridiko aproposena. Baina eskaintzen dugun laguntza urrunago doa. Demagun ekintzaileak lokala alokatu behar duela bere negoziorako. Kasu horretan, kontratua aztertuko genuke, klausulek etorkizunean negozioaren garapenerako kaltegarriak izan daitezkeen ezustekorik eduki ez ditzaten. Dirulaguntzak eskuratzeko urratsak ere geuk kudeatzen ditugu, eta formakuntza ikastaroak eskaintzen. Eta azken tramiteak ere egin genitzake, Autonomotan eta Ogasunean alta ematea, esate baterako. Gainera, jardueraren lehen urtean zehar, aholkularitza-zerbitzua ere eskaintzen diogu ekintzaileari.

Ideia lehiakorra: negozioa sortzeko gakoa

G.–Garai zailak al dira hauek ekintzailetzarako?

I.R.–Galdera egokia da hori. Nire ustez, beti da momentu ona, merkatuan lehiatzen lagunduko dizuten elementu bereizgarriak baldin badituzu.  Merkatua oso lehiakorra da sektore gehienetan eta geroz eta zailagoa da originala den ideia bat izatea.  Sektore batera ezer ezberdina eskaini gabe gerturatzen bazara, gogor borrokatu beharko duzu.

G.–Lehia handiagoa bai, baina aukera gehiago direla ere esan al daiteke?

I.R.–Ekintzaileak hainbat tresna ditu orain eskura, eta, haiei esker, gutxienez prestatuago atera daiteke merkatura.  Hobariak eta diru-laguntza publikoak ere baditu. Eta beste maila batean, gu ere bagauzka, merkatura ateratakoan irauten lagunduko dioten tresna egokiak emateko. Gure helburua da jauzi hori egitera doanak ondo entrenatuta egitea, ezagutza eta gaitasun nahikoarekin, horrela bidea errazago urratuko baitu.

¿Quieres leer más artículos relacionados?

Septiembre 16, 2022
Antes de lanzarse a la piscina del emprendimiento, hay que comprobar que tiene agua, lo que en este caso equivale a llevar a cabo un análisis de riesgos y a elaborar un plan de negocio. Recuerda que el plan de negocio o plan de empresa, es un documento muy útil que debe resumir el carácter...
Julio 29, 2022
HALO Donostia es el resultado de la reunión 3 enfermeras con ganas de emprender y de darle la vuelta a la oferta actual en el sector de la enfermería y la dermoestética. En el mes de las Cooperativas, desde Halo Donostia nos cuentan su historia y sus primeros pasos.   HALO Donostia se define como...
Julio 15, 2022
Un proyecto emprendedor puede materializarse en muchas formas jurídicas: Autónomo/a, Sociedad Limitada, Cooperativa, … con motivo del Día Internacional de las Cooperativas, entrevistamos a Ingravity Dreams, un centro enfocado al bienestar animal que inició su andadura empresarial de la mano de Gaztenpresa.   ¿Qué es Ingravity Dreams y cómo surge? Ingravity Dreams es bienestar animal....
Junio 27, 2022
El espíritu emprendedor se abre paso en todos los contextos y sectores, incluido el industrial y en circunstancias tan singulares como la actual. Con motivo del día de la Pyme, entrevistamos al equipo de IGASI Vacuum Solution, un proyecto emprendedor que pronto cumplirá un año de andadura empresarial.   ¿Cómo nace Igasi y cómo definiríais...
Junio 23, 2022
Desde Gaztenpresa hemos seguido adaptándonos a un tejido empresarial que continúa presentando dificultades para hacer frente a la crisis. Por ello, tal y como destacaba ayer Ibon Urgoiti, presidente de Gaztenpresa, durante la presentación de la Memoria Anual 2021, es necesario poner en valor el esfuerzo que ha realizado el equipo de la Fundación para...
Mayo 17, 2022
La llegada de la pandemia hizo que los hábitos de consumo de las personas se modificarán radicalmente y tuvieran que adaptarse a un entorno más digital. Si los datos ya eran alentadores, en 2021 la población de Euskadi usuaria de internet continuó creciendo, hasta alcanzar el 84,9%. De este tema hablamos hoy, Día Mundial de...