Merkataritza elektronikoaren abantailak negozio tradizionaletan - Gaztenpresa

Merkataritza elektronikoaren abantailak negozio tradizionaletan

Sarritan gertatzen zaigu geure bezeroei aholku ematen diegunean. Gaur egun, negozioa martxan jartzen laguntzen diegun ekintzaile ia guztiek badakite zein garrantzitsuak diren tresna digitalak eta zer aukera eskaintzen dituen ingurune digitalak.  Halere, negozio tradizionalak dituzten ekintzaile batzuek oraindik ez dute argi ikusten beren proiektuen eta mundu digitalaren arteko lotura.

Askotan, oztoporik handiena alferkeria izaten da, ezagutzen ez den eremu baten aurreko segurtasunik eza, eremu horren inguruko kontzeptu argirik ez dugulako. Internet zerbait urruna izan daiteke oraindik “era analogikoan” pentsatzen duten ekintzaile batzuentzat.

Horren adibiderik argienetako bat merkataritza elektronikoa da. Bateragarria al da ohiko merkataritzarekin? Nola lagundu ahal dio negozio tradizionalari? Erantzuna argia da: merkataritza elektronikoa, bateragarria ez ezik, saltzeko modu osagarri ezin hobea ere izan daiteke enpresa txiki tradizionalarentzat. Hona hemen gero eta negozio-zifra handiagoak dituen eta goraka ari den formatu horren abantaila batzuk:

 

Zertan lagundu ahal dio merkataritza elektronikoak merkataritza tradizionalari?

Tokikoa izatetik globala izatera igarotzen. Zure inguruneko bezeroez gain, edonor izan daiteke zure eroslea. Hortaz, askoz gehiago irabaz dezakezu.

Salmenta-puntu fisikoan saltzen ez diren produktuak online eskaintzen. Ez duzu zertan katalogo osoa zure dendan eduki. Dena dela, gogoan izan komeni dela eskaintzen dituzun produktuen argazki onak izatea eta, batez ere, produktuak ontziratu eta bidaltzeko prozesu onak izatea.

Zuk saltzen ez baduzu, lehiakideak beteko du merkatuko hutsune hori. Defendatzeko modurik onena erasotzea da: ez utzi lehiakideei zureak izan daitezkeen salmentak egiten.

Erakusleihorik onena mundu guztiak ikus dezakeena da. Eta online saltzearen abantaila nagusietako bat, hain zuzen, ikusgaitasuna da. Internet komunikabide bat da, agian gaur egungo indartsuena. Aprobetxatu!

Saldu ez diren izakinei irteera ematen. Sarea irtenbiderik onena izan daiteke  zure saltokian hainbat hilabetez biltegiratuta izan dituzun produktuentzat, bestela litekeena da produktu horiek inoiz ere ez saltzea. Inoiz ez dakizu noiz helduko den erosle bat eta, gainera, sarean ikusgai izango duzu beti produktua.

24/7. Online denda ez da inoiz ixten eta eguneko 24 orduetan eta asteko 7 egunetan saltzeko aukera ematen du. Halere, horrek beste alderdi garrantzitsua du: online kanalaren bidez ere arreta ona eman behar zaio bezeroari.

Gehiago saltzea. Aurreko guztiak ondorio argia dakarkigu: zure sareko lana ona bada, salmentak gehitzen direla nabarituko duzu. Eta onena hauxe da: batzuetan, denda fisikoa makalaldia igarotzen ari denean,  online denda zure euskarririk onena izango da eta kontuak orekatzen lagunduko dizu.

 

Zertan laguntzen dio merkataritza tradizionalak merkataritza elektronikoari?

Orain arte azaldu dugu zertan lagundu ahal dion merkataritza elektronikoak merkataritza tradizionalari. Baina, alderantziz? Zer ekarpen egin ahal dio esperientzia tradizionalak merkataritza elektronikoari? Egia esan, asko. Gaztenpresan argi dugu: denda fisikoan ondo egiten duzuna, sarean ere abantaila izango da.

Saltoki tradizionalen aldeko punturik garrantzitsuenetako bat sorrarazten duten konfiantza da. Interneteko negozioetan, ordea, ahulezia nabarmena da hori, batzuetan hain inpertsonalak direnez, mesfidantza sorrarazten baitute. Horregatik, denda fisikoaren konfiantza eta lotura hori aprobetxatu behar dugu, kontsumitzailerik mesfidatienak erakartzeko.

Gainera, produktu egiaztatuak izango dituzu: badakizu zerk funtzionatzen duen denda fisikoan eta zure bezeroen iritzia ezagutzen duzu; beraz, feedback ezin hobea duzu produktu hori online merkaturatzeko. Denda fisikoan arrakasta duenak Interneten ere arrakasta izango du ziur aski.

Abantailak ez dira hor bukatzen. Zure bezero batek baino gehiagok galdetuko zizun ea Interneten saltzen duzun. Horixe da beste indarretako bat: zure bezero fisikoak izan daitezke zure lehen online bezeroak. Baliatu zure irudi eta ospe onaz: bezeroekin duzun lotura eta negozio fisikoaren irudia funtsezkoak izango dira online dendak ere irudi ona izan dezan.

Ikus daitekeenez, mundu digitalean murgiltzeko arrazoi asko daude, eta ez egiteko oso gutxi. Zuk zeuk erabaki behar duzu, eta guk lehen urratsak ematen  lagunduko dizugu.

 

Iruzkinak 0

Utzi iruzkin bat

Zure e-posta helbidea ez da argitaratuko. Beharrezko eremuak * markatuta daude

*

HARPIDETU

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies

Log in with your credentials

Forgot your details?