×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Nola identifikatu ditzaket nire lehiakideak?

GZT-competencia
Share on facebook
Share on twitter
Share on linkedin
Share on whatsapp
Share on email

Une batean edo bestean, edozein ekintzailek pentsa dezake lehiakideak mehatxu bat direla bere enpresarentzat; definizioz, lehiakide bat zure negozioaren antzeko beste bat da, eta zure bezeroen premia berberak asetzea du helburu. Baina errealitatea oso bestelakoa da. Lehia osasuntsuak ez du zertan izan behar zure etsaia, eta aliatu handi bat bihurtu eta zure jarduera hobetzen lagun diezazuke:

  • Lehiak zure produktua edo zerbitzua etengabe hobetzera behartzen zaitu. Gianni Versace diseinatzaile italiarrak esan zuen moduan, “ona da baliozko lehia izatea, gauzak hobeto egitera bultzatzen baitzaitu”.
  • Sormena estimulatu eta ikaskuntza sustatzen du.
  • Enpresa-eraginkortasun handiagoa bilatzea sustatzen du.
  • Berme eta babes-faktore bat da kontsumitzaileentzat.

Lehiak zure jardueraren garapenean gauzatzen duen estimulu-faktorea aprobetxatu ahal izateko, aurrez behar bezala identifikatu eta haren ekintzak aztertzeko gai izan behar duzu. Horrela bakarrik aprobetxatu eta atera ahal izango diozu etekina.

Zure lehiakideak identifikatzeko jarraibideak

Zure lehiakideak behar bezala identifikatzeko, jarraibide erraz batzuk jarraitu behar dituzu, hiru puntu hauetan laburbiltzen direnak: behatu enpresa lehiakideak, aztertu haien indarguneak eta ahulguneak, eta bilatu lankidetza-eremuak.

  1. Behatu enpresa lehiakideak.Zure negozioaren abiapuntuko egoera ezarri ahal izateko, lehenik eta behin zure lehiakideak izan daitezkeen enpresak behatu behar dituzu. Oro har, bi lehia mota daude:
  • Lehia zuzena, zurearen oso antzekoa den produktu edo zerbitzu bat saltzen duena, eta zure bezeroen modukoei zuzentzen zaiena. Lehiakide ohikoenak dira, eta lehenik eta behin horiei erreparatzen diegu negozio bat martxan jarri nahi dugunean.
  • Zeharkakoa. Batzuetan, enpresek bezero segmentu edo mota berera jotzen dute, baina eskaintza zabalagoarekin edo zure sektoreari zuzenduriko bestelako produktu batekin. Oso garrantzitsua da bigarren sektore hori ez gutxiestea eta haren potentziala ondo aztertzea, alde batera utzi edo, hala badagokio, zure zerbitzuen katalogoan sartu aurretik.
  1. Bilatu lankidetza-eremuak. Beti izan behar dituzu hurbil zure lehiakideak, ikuspuntu fisikotik nahiz, hala badagokio, enpresa-ikuspuntutik. Esperientziak erakutsi digu sektore bereko hainbat denda dituzten merkataritza-kaleek edo ostalaritzako lokalez beteta dauden kaleek, adibidez, isolatuta dauden establezimenduek baino arrakasta handiagoa dutela. Gainera, oso garrantzitsua da zure sektoreko enpresa-taldeetan edo -elkarteetan parte hartzea, lankidetza horri esker, zure negozioari eragiten dioten erronka nagusiei erantzun ahal izango baitiezu, bakarka egingo bazenu baino indar handiagoarekin. Formula horren bidez, lankidetza-hitzarmenak egin ahal izango dituzu beste negozio batzuekin, baita baterako kanpainak eta publizitate- edo marketin-ekintzak ere, edo, besterik gabe, elkarlanean aritu zaitezkete une jakin batean.
  2. Aztertu lehiakideen ahulguneak eta indarguneak. Produktu edo zerbitzu bat hobetu ahal izateko ondo ezagutu behar dituzu merkatuko joerak, eta zure lehiakide nagusien bertuteak egiaztatu behar dituzu lehenengo. Azterketa zehatz baten bidez, zure merkatu naturalak zer bilatzen duen jakin ahal izango duzu, baita zure hobetzeko-ekintzak nora bideratu eta, azken finean, haren bilakaerara nola egokitu ere. Zure lehiakideen bertuteak ikustea bezain garrantzitsua da haien ahulguneak identifikatzea: horrela, zure lehiaren akatsak saihestu eta harengandik bereizten zaituzten gauzak sustatu ahal izango dituzu, zure lehiarako abantaila mantentzeko.

Lehiakideak aztertzeko tresna digitalak

Baina, nola azter ditzakegu gure lehiakideak? Internetek eta sare sozialek informazioa “eskuz” bilatzeko eskaintzen dizkiguten aukerez haratago, hainbat tresna digital daude zure lehiakideei buruzko datu oso baliagarriak eta zehatzak lortzen laguntzeko, modu eraginkorragoan posizionatu ahal izan zaitezen:

  • SEMRush. Merkatuan gehien erabiltzen eta ezagutzen den tresnetako bat da. Haren bidez, zure datuak eta zure lehiakideenak aztertu eta aldera ditzakezu; SEO eta SEM auditoretzak egin ditzakezu; edozein webguneren trafikoa ikus dezakezu; zure merkatuko beharrak identifikatzen laguntzeko hitz gakoak bila ditzakezu; zure lehiakide nagusiak aurki ditzakezu; eta, azken batean, haien estrategia digitalak zer nolako bilakaera duen behatu dezakezu.
  • Woorank. Woorankek zure sektore bereko web-orriei buruzko txostenak sortzen lagunduko dizu, gero horiek zurearekin alderatzeko, zure lehiakideak diren enpresen hitz gakoak arakatu eta nola posizionatzen diren ikusteko, eta posizionamendua optimizatzen lagunduko dizuten gomendioak lortzeko.
  • Brandwatch. Plataforma honek adimen artifiziala erabiltzen du joerak ezagutzen laguntzeko, baita Interneten eta sare sozialetan marka, produktu edo pertsona jakin bati buruz zer esaten den jakiteko ere. Gizarteari entzuteko sistema hori oso erabilgarria da komunikazioa edo marketin-kanpaina jakin bat denbora errealean orientatu behar baduzu; gainera, datu asko jasotzeko eta bilaketak segmentatzeko aukera ematen du, bilatzen ari zaren horretara egokitutako emaitzak lortzeko.

Tresna horiez gain, komenigarria da, halaber, enpresen munduan ibilbidea duten adituen iritzia bilatzea, merkatuan finkatzen lagun diezazuten. Gaztenpresaren mentoring-programen bidez, oso gomendio baliagarriak lor ditzakezu zure benetako lehia identifikatzeko, eta zure negozioa aurrera ateratzeko eta merkatuan finkatzeko estrategiarik egokienak bilatzeko. Zain gaituzu!

 

Post gehiago irakurri.

Iraila 16, 2022
Ekintzailetzaren igerilekuan murgildu aurretik, urik badagoen egiaztatu beharra dago; gure kasuan, horrek esan nahi du arrisku-analisia gauzatzea eta negozio-plana egitea. Gogoan izan ezazu negozio-plana edo enpresa-plana oso tresna baliagarria dela eta laburbildu behar duela enpresa-proiektu berria nolakoa den eta jaso egin behar dituela negozio arrakastatsu bihurtuko duten helburuak, identitatea eta funtzionamendua. Gainera, une oro gidatuko...
Uztaila 29, 2022
HALO Donostia hiru erizain elkartzetik sortutako proiektua da; hirurek ekiteko gogoa zuten, eta bereziki, erizaintzako zein dermoestetikako sektoreko egungo eskaintzari buelta emateko asmoa. Kooperatiben hilabetean, Halo Donostia-tik eman digute haien historiaren eta lehen urratsen berri.   HALO Donostia “estetika aurreratuko tratamenduetan espezializatutako erizaintza-zentro” moduan definitzen da. Azalduko zenigukete zertan datzan, eta zein den zuen balio...
Uztaila 15, 2022
Modu juridiko askotan gauzatu daitekeen proiektu ekintzaile bat: autonomoa, sozietate mugatua, kooperatiba… Ingravity Dreams elkarrizketatuko dugu Kooperatiben Nazioarteko Eguna dela-eta, Gaztenpresaren eskutik bere enpresa-ibilbideari ekin zion abereen ongizatera zuzendutako zentroa, hain zuzen ere.   Zer da Ingravity Dreams eta nola sortu zen? Abereen ongizatea da Ingravity Dreams. Gure abereak fisikoki indarberritzeko teknika naturaletan espezializatutako lekua,...
Ekaina 27, 2022
Espiritu ekintzailea testuinguru eta sektore guztietan zabaltzen ari da, industrialean barne, baita gaur egungoa bezalako egoera berezietan ere. Enpresa Txiki eta Ertainaren eguna dela eta, elkarrizketa egin diogu IGASI Vacuum Solutionko lantaldeari. Proiektu ekintzailea da, eta laster urtebeteko ibilbidea beteko du enpresa gisa.   Nola sortu zen Igasi eta nola definituko zenukete zuen enpresa? Enpresa...
Ekaina 23, 2022
Gaztenpresan, krisiari aurre egiteko zailtasunak dituen enpresa-ehunera egokitzen jarraitu dugu. Hori dela medio, atzo Ibon Urgoiti, Gaztenpresako lehendakariak, 2021. Urteko Txostenaren aurkezpenean nabarmendu zuenez, Fundazioko taldeak bere proiektuekin jarraitzeko beharberritu diren pertsonak laguntzeko ahalegina kontuan hartzea ezinbestekoa da. Hala ere, egindako lan horri guztiari esker, 2021eko balantzeak esleitutako helburuak bete direla adierazten du. Beste behin...
Maitza 17, 2022
Bazenekien Europar Batasuneko herrialdeek urtean 5.000 milioi tona hondakin baino gehiago sortzen dituztela, etxekoak kontuan hartuta? Eta bazenekien, Euskadin sortzen ditugun 5,5 tona hondakinetatik, % 80k eraikuntzan eta industrian dutela jatorria? Pentsatu duzu noizbait, 2050. urtean, munduko biztanleek gaur egun kontsumitzen ditugun baliabideak baino hiru aldiz baliabide gehiago beharko dituztela? Izugarrizko datuak dira, ezta? Baina,...