×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Laida San Sebastián: “Interesgunea aurkitzen laguntzen diet gazte ekintzaileei”

Laida San Sebastian
Share on facebook
Share on twitter
Share on linkedin
Share on whatsapp
Share on email

Laida San Sebastianena izan zen Gaztenpresatik ekimenean jasotako azken testigantza. Gizarte arloan ia 20 urtez ekintzaile izan ondoren, orain Mondragon Unibertsitateko Eskola Politeknikoko ikasleekin partekatzen ditu bere ezagutzak eta esperientziak, Ekintzailetza Teknologikoko arduraduna baita han.

Ni naiz guztiari ‘bai’ esatearen asmatzailea”, aitortu zuen Laidak keinu bat eginez Andrea Fernandezek egin zuen aurreko mintzaldiari. Hain zuzen ere, jarrera horrek bultzatu zuen ingeniaritza ikastera, berak odontologoa izatea pentsatua zuenean. “Amak apuntatu ninduen ingeniaritzan, oso azkarra ikusten baininduen nonbait, eta ni, interesgune argirik ez nuenez, haraxe joan nintzen”.

Bere erresilientzia unibertsitatean erakutsi behar izan zuen lehen aldiz. “Beti bikain ateratzen nuen irakasgai guztietan, eta, uniko lehen urtean, hara non, zazpi gutxiegi atera nituen hamar irakasgaitatik”. Baina horrek ez zuen adoregabetu, ez horixe, eta ahal zuen guztia egin zuen gutxiegi haiek gainditzeko eta ingeniaritza ikasten jarraitzeko.

Ekin, ideia jakin bat izan gabe, esperientziarik gabe eta dirurik gabe

Jarraikitasun horrekin, karrerako azken urtera iritsi zen Laida, eta, orduan, lan-irtenbideetako bat enpresa bat sortzea zela esan zien irakasle batek. “Niri ez zitzaidan inoiz burutik pasa ere egin ekintzailetzaren kontu hori, baina ondo egon zitekeela iruditu zitzaidan”.

Hala, bada, negozio-ideia argirik gabe, esperientziarik gabe eta dirurik gabe, Laidak bere lehen enpresa jarri zuen martxan adinekoen eta desgaitasunen bat duten pertsonen bizi-kalitatea hobetzeko. “‘Old school’ ekintzailea izan nintzen, eskola zaharrekoa. Ez nintzen kalera ateratzen beste batzuek zer egiten zuten ikustera; Internet zen nire informazio-iturria “.

Hala ere, Laidari ez zitzaion hain gaizki joan eta bizirik mantendu zuen bere proiektua, bazkide batekin, 17 urtez. “25 laguneko lantaldea eta oso lan-giro ona izatea lortu genuen. Egia da enpresa kudeatzeko gure modua ‘GKE modukoa’ zela. Hau da, negozioak sortu zituen irabaziak ez genituen inoiz bi bazkideon artean banatu; enpresan inbertitu genituen beti, baldintzak hobetzeko…”.

Baina orduan negozioak behera egin zuen eta langileen soldata murriztu egin behar izan zuten. Handik aurrera, giroa pozoitzen hasi zen, eta hainbat lan-epaiketa izan zituzten. Laidak irabazi egin zituen, baina “taldea, konfiantza eta energia galtzearen truke”.

Azkenik, 2017an, erabaki zuen amaiera ematea bere abentura ekintzaileari. “Ez nuen proiektuarekin jarraitzeko gogorik. Langile guztien subrogazioa lortu nuen eta 0an geratu nintzen, dirurik gabe, baina zorrik gabe”. Egoera hartan, berriro martxan jarri besterik ez zegoen. “Ama naiz eta bi seme-alaba ditut; aurrera egin behar nuen”.

Berritik hasten

Ia bi hamarkada haietan ekintzaile gisa bizitako guztiak, eta, bereziki, azken etapa gogor hartan bizitakoak, balio izan zion bere enpresan funtzionatu ez zuen guztiaz jabetzeko, baita jatorrian ere. “Orduan konturatu nintzen zein garrantzitsua den Gaztenpresa bezalako erakundeek egiten duten lana, ekintzaileei laguntzen baitiete helburuak finkatzen eta negozio-plana egiten, plan errealista eta ondo pentsatua izan dadin”.

Hausnarketa-prozesu hari esker konturatu zen bere bizitzako etapa berri hartan egin nahi zuena zela bere negozioarekin ikasitako guztia partekatu ekiteko asmoa zuten gazteekin, eta hori egiteko zein izan zitekeen modu hobea unibertsitatearen bidez baino.

Oraingoan bai argi zuen interesgunea. Hala, familiaren laguntzari esker eta interim manager freelance gisa lan eginez, psikologian doktoregoa lortu zuen denbora errekorrean, eta Mondragon Unibertsitateko irakasle bihurtu zen. “Orain, saiatzen naiz ikasleak jabetu daitezen enpresa bat martxan jartzeak dakarren guztiaz, argi izan ditzaten zein den helburua, zein diren beren balioak eta zer bide jarraitu behar duten haiek gauzatzeko”.

Eskerrik asko zure testigantzagatik, Laida! Eta baita Andreari eta Elsa eta Kekori ere! Zuekin asko ikasi dugu Gaztenpresatik ekimenean. Hurren arte!

Post gehiago irakurri.

Uztaila 9, 2024
Gaztenpresaren podcastean, kubaldun honekin (jaiotzez kubatarra eta bihotzez euskalduna) hitz egin dugu. Ekintzaile peto-petoa da, eta ez da konformatu bere proiektuak abiaraztearekin, baizik eta, gainera, ekintzailetzarako grina partekatzen du Euskadira migratutako emakumeekin, kolektibo horrek negozio bat abian jartzeko orduan dituen oztopo gehigarrien jakitun.   Laguntza eta ulermenerako gune bat Lan hori egiteko, Maylin Vergarak Emakume...
Uztaila 8, 2024
Ekin eta zure enpresa sortu aurretik, zure negozio-eredua landu behar duzu. Erakunde batek balioa nola sortzen, entregatzen eta bereganatzen duen deskribatzen duen eskema bat da. Bestela esanda, enpresa batek nola funtzionatzen duen eta irabaziak sortzen dituen definitzen duen plana da. Enpresa-tresna hau oso erabilgarria da, batez ere zure ibilbide berriaren hasieran, gida eta orientazio gisa...
Uztaila 2, 2024
Gaztenpresaren jarduera jarraitu ohi duzuen pertsonei ziur Elsa Pamparacuatro eta Keko Salvador izenak ezagunak egiten zaizkizuela. Ekintzaile bikote hau Gernikako Txitatoki zirku eskolaren sustatzailea da, iaz Donostian antolatu genuen Gaztenpresatik topaketan esan ziguten bezala. Han jakin genuen zentro honek, landa-eremuan zirkuko arteen praktika hurbiltzea eta sustatzea ez ezik, pertsonen garapen pertsonalerako eta gizarteratzeko tresna gisa...
Ekaina 25, 2024
Prest dago Joanes Roso, Tazebaezeko CEOarekin izan dugun solasaldiaren azken zatia!! Lehenengo zatian proiektuaren hasierei buruz hitz egin genuen, eta zergatik egituratzen den kooperatiba gisa. Bigarren atal honetan, talde kooperatibo honen jardueran sakondu dugu. Lau negozio-unitate biltzen ditu, independenteak, baina elkarren artean lotuta daudenak eta erantzunkideak direnak: Bira: aholkularitza-zerbitzuak Tazebaezen jarduera nagusia aholkularitza eta aholkularitza...
Ekaina 18, 2024
Gaur Joanes Roso, Tazebaez kooperatibako CEO eta presidentearekin hitz egin dugu. Kooperatiba horrek 15 urte baino gehiago daramatza negozio eta proiektu jasangarriak bultzatzen, pertsonak prozesuaren erdigunean kokatuz beti. Jakin nahi duzu nola egiten duten eta zerk motibatzen duen enpresa honetako taldea? Aholku bat: entzun gure podcastaren atal hau, eta baita hurrengoa ere, elkarrizketa hain interesgarria...
Ekaina 12, 2024
Imajina dezakezunez, Eko-Ekintzailetzak goraka doazen bi joera biltzen ditu: ekologia eta ekintzailetza. Ekintzailetza berdea edo ingurumenekoa da, proiektu profesional bat sortzean jasangarritasunari ere garrantzia eman behar diozulako. Gaur egun, klima aldaketarekin kezkatuta dagoen jende gehiengoarekin eta 2030 agenda ezartzearekin, ez da nahikoa ekonomikoki funtzionatuko duen negozio bat sortzea, ekologikoki ere funtzionatu behar baitu. Jasangarritasunaren eta...