×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Andrea Fernández: “Ekintzaileok elkarri entzun eta elkar zaindu behar dugu”

Andrea Fernández
Share on facebook
Share on twitter
Share on linkedin
Share on whatsapp
Share on email

Andrea Fernández-ena izan zen Gaztenpresatik ekimenean ezagutu genuen beste ekintzailetza-istorioetako bat. “Argentinar doinurik ez duen ekintzaile argentinarra eta erremediorik gabeko ibiltaria” da. Orain dela 20 urte baino gehiago etorri zen Andrearen familia Bilbora, hark hamabi urte baino ez zituenean. Bizitza pertsonalaren eta profesionalaren arteko orekari eusteak duen garrantziaz hitz egin zigun arlo anitz jorratzen dituen freelance honek –itzultzailea da, marketin digitalean espezialista, idazlea eta komunikatzailea–.

2015ean hasi zen haren abentura ekintzailea. Bost urte zeraman Frantzian lanean, eta Bilbora itzulti nahi zuen, baina krisiak eta une hartan zegoen % 25eko langabeziak zail bihurtu zuten besteren kontura enplegua aurkitzea. Orduan, bere ugazabak iradoki zion, bere kontura lanean hasten bazen, urrutitik kolaboratzen jarraitu ahal izango zuela.

Ordura arte, Andreak ez zuen inoiz ekiteko asmorik izan, baina ideia ona iruditu zitzaion, eta halaxe egin zuen: Bilbora itzuli zen, bere kontura hasi zen lanean, baita bezeroak bereganatzen ere. Ez zihoakion batere gaizki, bulegoa ere izan zuen, eta proiektu propioa izate hori ere gustuko zuen, baina ez zuen erabat hartan “sinesten”.

Horregatik, 2018an marketin digitaleko agentzia batean lan egiteko aukera sortu zitzaionean, aprobetxatu egin zuen aukera hura. Hori bai, ez zuen bertan behera utzi ekintzailetzako proiektu pertsonala, beraz, hainbat urtez jardun zuen bere konturako eta besteren konturako lanak uztartzen.

Inflexio-puntua

2020ko martxoan, bere lantaldeko zuzendariak agentziako zuzendari izendatu zuen bera amatasunagatiko bajan zegoen bitartean. Andreak gogo handiz onartu zuen ardura hura, ia edozeri baiezkoa ematen dioten horietakoa baita, eskaintzen diotena erronka bat baldin bada eta ikasteko aukera ematen badio, behintzat.

Orduan, pandemia iritsi zen eta, bat-batean, bere burua konfinatuta ikusi zuen, agentzian lanaldi osoan lanean eta 20 laguneko lantalde bat urrutitik koordinatzeko eta zuzentzeko erronka berria aurrean zuela. Lanaldia amaitu ondoren, gainera, freelance lanean zituen proiektuetan jardun behar izaten zuen. Kontua da dena ondo antolatzea, zioen Andreak berak.

Eta 2021a iritsi zen, eta ama izan zen Andrea, denok dakigun bezala, “lanaldi osoko jarduna” dena. “Hor jabetu nintzen ondo antolatzea lagungarria dela, baina ez duela dena konpontzen. Aurrean nituen ardura guztiak bateragarri egitea ezinezko bihurtzen hasi zen, eta agentziako nire lanaldia murriztea erabaki nuen”. Hori bai, bere ekintzaile jardueran beti bezain fin jarraitu zuen, bere buruak guztiari aurre egiteko gai zela esaten baitzion.

Hala ere, gorputza aurka egiten eta seinaleak bidaltzen hasi zitzaion: “Gogoan dut 2022ko irailean Gaztenpresaren topaketa batera joan nintzela, eta azaldu behar izan nuela ezin nituela kendu eguzkitako betaurrekoak. Ezin nuen inolako argi motarik jasan, hilero lau bat migraina izaten nuen, ile-erorketa bortitz baterako botikak hartzen ari nintzen, gorputz osoko mina nuen, eta kontzentratzeko arazoak izaten ere hasi nintzen”.

Andreari kosta egin zitzaion konturatzea bere gorputza zer eskatzen ari zitzaion aspalditik: Geldi zaitez eta zain nazazu, gainerako guztiekin egiten duzun bezala”. Kostata eta ezinean, baina azkenean ulertu zuen ezin zuela horrela jarraitu, ezin zuela guztia bere gain hartu, eta ez zela horregatik ezer gertatzen. Gauza batzuk alde batera uzteko unea zen.

“Ekintzailetza aukeratzen dut”

2022ko abenduan, erabaki nuen agentziako lana uztea eta freelance jarduerarekin bakarrik jarraitzea”. Izan ere, Andreak argi du bera ekintzailea dela, eta bere proiektuak aurrera atera nahi ditu. “Oraingo honetan, ez nau ekintzailetzak ni aukeratu. Nik aukeratu dut ekintzailetza, eta horrek dena aldatzen du”.

Bost hilabete geroago, Andrearen osasuna nabarmen hobetu da eta, oro har, zoriontsuagoa da. Eta, modu txarrean ikasi behar izan duen arren, orain badaki ondo egoteko eta profesional ona izan ahal izateko, norbere buruari entzutea eta norbere burua zaintzea dela garrantzitsuena.

Ekintzaileok lanetik deskonektatzeko eta geure buruarekin konektatzeko uneak behar ditugu. Orain badakit neure buruari denbora eskaintzea, eta ez nire bezeroei eta nire familiari, baizik eta nire zaletasunei eta interesei, funtsezkoa dela nire bizitzako gainerako arloetan errendimendu ona izateko eta produktiboa izateko”.

Eskerrik asko zure istorioa kontatzeagatik, Andrea!

Datorren astean itzuliko gara, eta Gaztenpresatik ekimenean entzun genuen azkeneko testigantza ekarriko dizuegu, Laida San Sebastian Mondragon Unibertsitateko Eskola Politeknikoko Ekintzailetza Teknologikoko gaur egungo arduradunarena, hain zuzen ere.

Post gehiago irakurri.

Otsaila 8, 2024
GAZTENPRESA: Inma, lehen, mikroetatik kanpo, ekitea gauza hutsala ez dela jakitea garrantzitsua dela komentatzen ari ginen. Eta oso interesgarria iruditzen zaidan konparazio bat egiten zenuen. Kontatuko diguzu? INMA RAMOS: Guk 30 urte daramatzagu ekiten duten pertsonekin lanean. Eta askotan, pertsonak ekiten duenean, egiten duen lehen aldia da. Beraz, gelditu gabe korrika egiten ari naizen esprint...
Urtarrila 15, 2024
Simon Zineckek zioen ekintzailetza ez dela lasterketa bat, inoiz amaitzen ez den bidaia baizik. Bidaia honetan, motxila tresna askorekin beteta eraman behar dugu, eta funtsezko tresna bat finantza-osasuna da. Iñaki Ruiz de Balugerarekin hasiko dugu solasaldi sorta. Bere ibilbide profesionala enpresei eta ekintzaileei helburu hori lortzeko aholkuak ematen eman du. GAZTENPRESA: Badirudi ekintzaileek denetik jakin...
Abendua 13, 2023
Patxi Vizcainorekinhitz egin dugu. Imanol Lecuona eta Iñigo Graciarekin batera, Vaprest enpresa gipuzkoarra jarri dute martxan. Enpresa horrek mota guztietako sektoreetarako presiozko aparatuak instalatu, konpondu eta mantentzen ditu: altzairutegiak, galdategiak, elikagai-fabrikak, ospitaleak, garbitegiak, etab. Nola erabaki zenuten Imanolek, Iñigok eta zuk ekitea? Gure ekintzailetza beharretik dator. Argi eta garbi. Hirurok lurrunezko galdarak eta fluido termikoak...
Abendua 4, 2023
Beatriz Ramos eta Tzibi Juaristierekin batera, Eukene Aranak irabazi-asmorik gabeko kooperatiba bat jarri du martxan, erakunde publiko eta pribatuei haurrak eta nerabeak babesten, eta tratu ona prebenitzen eta lortzen laguntzeko. Elkarrizketa honetan azaldu digu.   Hobeto ezagutzeko, azalduko al diguzu labur-labur zer egiten duzuen Zain Protección Infancia y Adolescencia erakundean? Gure lana, batez ere, erakunde...
Azaroa 10, 2023
Sheila Rubiarekin hitz egin dugu gaur. Emakume ekintzaile honek, Emilio Cabrera bikotekidearekin batera, etxeko sukaldaritzako negozio bat jarri du abian Iruñean, eramateko janariarekin. Bere establezimenduak “Pollos Asados La Abuela” du izena eta, elkarrizketa honetan, proiektu honen jatorria eta Gaztenpresak errealitate bihurtzen nola lagundu dion azalduko digu.   Nola sortu zen zuen negozioa abian jartzeko ideia?...
Urria 23, 2023
Eskolan txalupa bat egiten ari zela konturatu zen arabar hau bere bizitza betiere zurarekin lotuta egongo zela. Eta horrela izan da, baina ez beti modu berean. Elkarrizketa honetan, merkatuko premiak aldatzen ziren neurrian bere artisau-jarduera ere nola aldatu den kontatutako digu Félix Pikatzak. Baita berrasmatze-prozesu horretan Gaztenpresak nola lagundu dion ere. Oso txikitatik argi izan...