×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Txitatoki, Elsa Pamparacuatroren eta Keko Salvadorren zirku-eskola

Txitatoki
Share on facebook
Share on twitter
Share on linkedin
Share on whatsapp
Share on email

Mahai-inguruaren ondoren, beren ibilbideko uneren batean Gaztenpresara gure aholkularitzaren bila etorri diren ekintzaileen benetako historiak entzuteko txanda iritsi zen Gaztenpresatik blogean. Hala, Elsa Pamparacuatro eta Keko Salvador ezagutu genituen, Iruñeko zirku-eskolan elkar ezagutu zuten bi artista. Amets bat zuten: Urdaibain zirku-eskola sortzea.

Lehenengo aukera izan zen Gautegiz-Arteagan bizi ziren baserriko ukuilua egokitzea. “Han hasi ginen eskolak ematen, baina gune hura txiki geratu zitzaigun berehala. Orduan, bila hasi ginen, eta industria-pabilioi bat aurkitu genuen Gernikan, baina finantziazioa behar genuen hura hornitzeko eta behar bezala egokitzeko”. Orduan LABORAL Kutxaren bulegora joan ziren eta han esan zieten: ‘Joan zaitezte Gaztenpresara’.

“Egia esan, pentsatu genuen lehenbiziko gauza izan zen luzamendutan zebiltzala, baina, gure harridurarako, Gaztenpresan Miguel Angelekin egin genuen topo. Hark, genuen ilusioa ez kentzeaz gain, konfiantza eman zigun eta lagunduko zigula esan zigun”.

Negozio-prestakuntza

Hortik aurrera, “etxeko lanak” egiten hasi ziren. “Ekintzailetza-ikastaroa egiteko agindu ziguten, eta oso ondo etorri zitzaigun, han negozio-plana  egin genuelako, baldintza hori eskatzen baitziguten finantzaketa emateko”. Baina, maileguaz haratago, Elsak eta Kekok Gaztenpresan egindako lanean gehien baloratzen dutena da eskuratu zuten negozio-prestakuntza.  “Oso gomendagarria da. Gure proiektuaren alderdi batzuk zalantzan jartzeko balio izan zigun, guri burutik pasa ere egin ez zitzaizkigunak. Gainera, gure kasuan, ikusi genuen zenbakiak egokiak zirela eta gure proiektua bideragarria zela”.

Hala, lortu zuten Gernikako pabiloia egokitzeko eta Txitatoki zirku-eskola bihurtzeko behar zuten kreditua. Txitatoki zentro irisgarri eta inklusiboa da, eta, bi urteren buruan, adin guztietako 250 ikasle eta antzerkian eta zirku-arteetan adituak diren 9 laguneko taldea ditu. Eskolaz kanpoko jarduerak ere egiten dituzte inguruko 8 ikastetxetan, eta gehiago ere izan daitezke. “Ikastetxe askok eskatzen digute zerbitzu hori, baina zirkuan trebatutako langile gehiago beharko genituzke daukagun eskaera guztiari erantzun ahal izateko. Ezin dugu gehiago hartu”, adierazi dute. 

Zirkuaren bidez gizarteratzea

Eta hori gutxi balitz, Elsak eta Kekok beren fundazioa sortu dute. Hazitoki da, irabazi-asmorik gabeko proiektua, zirkuaren bidez gizarteratzea helburu duena. “Zirkua jarduera ez-lehiakorra da, eta, horri esker, pertsona bakoitzak, berez dauzkan gaitasunez gain, ondo sentiaraziko duen eta bere oztopoak gainditzen lagunduko dion diziplina aurki dezake.

Horregatik, dibertsitate funtzionala edo premia bereziak dituzten pertsonentzat egokituak daude zirku-eskola honek egiten dituen jarduera guztiak. Pertsona horiek, hezitzaile batek lagunduta, taldean integratzen dira eta gainerakoen ariketa berberak egiten dituzte. “Elkarrekin lan eginez, egunerokotasunaren partaide sentitzen dira desgaitasuna duten pertsonak, eta gainerako ikasleek normaltasunez onartzen dute haiekin elkarbizitzea”.

Baina Hazitokik zirkuaren mundua hurbiltzen die pertsona hiperaktiboei, autistei, arreta-urritasuna dutenei, garun-paralisia dutenei eta abarri ez ezik, premia ekonomikoak dituztenei ere, kasu horietan beren gain hartuz eskolako matrikulazio-kostuak.

Elsaren eta Kekoren ondoren, Andrea Fernandezen ekintzailetza-historia entzun genuen Gaztenpresatik blogean. Marketin digitaleko eta komunikazioko freelance profesionala da Andrea, eta oreka pertsonalaren eta profesionalaren garrantziaz hitz egin zigun, hori askotan ahaztu egiten baitzaie beren negozioa aurrera atera behar dutenei. Datorren astean haren testigantza azalduko dizuegu blog honetan.

Asteburu ona izan!

Post gehiago irakurri.

Martxoa 4, 2024
Digitalizazioa da negozio askoren konpondu gabeko arazoa. Horregatik, gaur Cristina Terán kazetari eta marketin digitaleko aholkularia dugu.   Gaztenpresa: Ekiten duzunean, badirudi dena jakin behar duzula. Eta askotan, tresna teknologikoekin (sare sozialak, internet, etab.) identifikatu naiteke edo ongi eta eroso senti naiteke. Baina izerdi hotzak ematen dizkidate kontabilitatearekin, finantzekin eta abarrekin lotutako beste gai batzuekin....
Otsaila 8, 2024
GAZTENPRESA: Inma, lehen, mikroetatik kanpo, ekitea gauza hutsala ez dela jakitea garrantzitsua dela komentatzen ari ginen. Eta oso interesgarria iruditzen zaidan konparazio bat egiten zenuen. Kontatuko diguzu? INMA RAMOS: Guk 30 urte daramatzagu ekiten duten pertsonekin lanean. Eta askotan, pertsonak ekiten duenean, egiten duen lehen aldia da. Beraz, gelditu gabe korrika egiten ari naizen esprint...
Urtarrila 15, 2024
Simon Zineckek zioen ekintzailetza ez dela lasterketa bat, inoiz amaitzen ez den bidaia baizik. Bidaia honetan, motxila tresna askorekin beteta eraman behar dugu, eta funtsezko tresna bat finantza-osasuna da. Iñaki Ruiz de Balugerarekin hasiko dugu solasaldi sorta. Bere ibilbide profesionala enpresei eta ekintzaileei helburu hori lortzeko aholkuak ematen eman du. GAZTENPRESA: Badirudi ekintzaileek denetik jakin...
Abendua 13, 2023
Patxi Vizcainorekinhitz egin dugu. Imanol Lecuona eta Iñigo Graciarekin batera, Vaprest enpresa gipuzkoarra jarri dute martxan. Enpresa horrek mota guztietako sektoreetarako presiozko aparatuak instalatu, konpondu eta mantentzen ditu: altzairutegiak, galdategiak, elikagai-fabrikak, ospitaleak, garbitegiak, etab. Nola erabaki zenuten Imanolek, Iñigok eta zuk ekitea? Gure ekintzailetza beharretik dator. Argi eta garbi. Hirurok lurrunezko galdarak eta fluido termikoak...
Abendua 4, 2023
Beatriz Ramos eta Tzibi Juaristierekin batera, Eukene Aranak irabazi-asmorik gabeko kooperatiba bat jarri du martxan, erakunde publiko eta pribatuei haurrak eta nerabeak babesten, eta tratu ona prebenitzen eta lortzen laguntzeko. Elkarrizketa honetan azaldu digu.   Hobeto ezagutzeko, azalduko al diguzu labur-labur zer egiten duzuen Zain Protección Infancia y Adolescencia erakundean? Gure lana, batez ere, erakunde...
Azaroa 10, 2023
Sheila Rubiarekin hitz egin dugu gaur. Emakume ekintzaile honek, Emilio Cabrera bikotekidearekin batera, etxeko sukaldaritzako negozio bat jarri du abian Iruñean, eramateko janariarekin. Bere establezimenduak “Pollos Asados La Abuela” du izena eta, elkarrizketa honetan, proiektu honen jatorria eta Gaztenpresak errealitate bihurtzen nola lagundu dion azalduko digu.   Nola sortu zen zuen negozioa abian jartzeko ideia?...