×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Eman ospe digitala, doan, zure negozio berriari

Share on facebook
Share on twitter
Share on linkedin
Share on whatsapp
Share on email

Denborak arrazoia eman dio Bill Gatesek iragan mendearen amaiera aldera bota zuen esaldi honi: «Interneten ez badago, ez da existitzen». Mundu gero eta digitalizatuago honetan, funtsezkoa da ospe digitala edukitzea. Eta bide bakarra dago ospe hori ahalik eta gutxien ordainduta eskuratzeko: lana, lana eta… lana. Zer egin behar duzun azalduko dizugu.

Erabili content marketinga

Marketin-estrategia guztiek barne hartzen dute bezerogaientzat eduki interesgarriak sortzea. Zure negozioa ezagutarazteko, lagungarria izango zaizu eduki horiek blogetan argitaratzea eta haiek aberasteko ikus-entzunezko materiala prestatzea. Erabil itzazu sare sozialak eduki-pilulak plazaratzeko eta zure blogera estekatzeko. Hartara, hobetu egingo duzu zure enpresaren SEOa. Eta behar bezala egiten baduzu, zale-komunitate bat sortuko duzu zure markaren inguruan. Gogoan izan: pozik eta gustura dagoen bezeroa baino enbaxadore hoberik ez dago zure produktuarentzat.

 

Nola bihurtu guru LinkedIn bidez

LinkedIn enpresaren alorreko harremanetarako sare nagusia da, eta zure sektoreko jendearekin harremanetan jartzeko aukerarik onena. Beste era batera esanda, LinkedIn da B2B kanalik onena. Enpresa duela gutxi sortu baduzu, edo bultzada bat eman nahi badiozu, funtsezkoa duzu kanal horretaz baliatzea eta interesatzen zaizkizun profesional-taldeekin harremanetan jartzea. Talde horietan jarduteak eta parte hartzeak aukera emango dizu interesatzen zaizkizun profesionalekin harremanetan jartzeko. Gogoan izan, bestalde, Gaztenpresaren LinkedIneko komunitateko partaide ere izan zaitezkeela, beste ekintzaile batzuekin batera jardun eta zure negozioa hedatzeko.

 

Hartu ezazu parte Facebooken enpresentzako taldeetan

Ba al dakizu zenbat erabiltzaile aktibo dituen hilean sarerik ezagunenak? Bi mila milioi baino gehiago. Garbi dago, beraz, orri bat edukitzea interesatzen zaiola zure enpresari. Baina, kontuz! Profil xume bat sortu eta gero edukiak argitaratzea baino zerbait gehiago da Facebook: zure burua ezagutzera emateko, dauzkazun ahalmen guztiez baliatu behar duzu. Zure negoziorako garrantzizkoak diren taldeetan parte hartzea da ahalmen horietako bat. Bilatu iruzkin interesgarriak, besteentzako baliagarriak egiteko modua, eta partaide berriak izango ditu zure webguneak. Pixkana-pixkana, ospea zeureganatu ahala, beste pauso bat emateko moduan izango zara: zeure taldea sortzea. Hori egiten duzunean, zure bezeroak eta hornitzaileak gonbida ditzakezu, eta irekia eta interaktiboa izan dadin konfiguratu taldea. Aipa ezazu zure blogean eta webgunean eta, poliki-poliki, zure marka indartuko duen komunitate bat eratuko duzu. Gogoratu Facebook kanal ezin hobea dela B2C negozio baterako eta publiko orokorrari zure negozio-marka azaltzeko. Bezeroak lokalizatu eta fidelizatu, ez duzu besterik egin behar…

 

Hobi-sareak

Baduzu profil aktibo bat Facebooken, LinkedInen eta baita Instagramen ere. Baina orotariko sare erraldoiez harago ere bada bizitzarik: “hobi-sareak”, alegia. Gai jakin baten inguruan sortu ohi dira; kasu honetan, gai profesionalen, enpresa-arlokoen inguruan. Oso tresna egokia, eta merkea, dira norberaren negozioa ezagutarazteko. LinkedIn dugu sare horien paradigma, baina beste asko ere badaude, guztiak ere erabilgarri zure enpresa ezagutarazteko eta komunitate bat sortzeko. Microsoften Yammer plataformak aukera hauek eskaintzen dizkizu: mundu osoan dituzun lankideekin harremanetan jartzea, ideiak eztabaidatzea, eguneratzeak partekatzea eta erantzunak trukatzea. Xing: onlineko networkingeko plataforma horren eginkizun nagusia kontaktuak kudeatzea da, eta edozein sektoretako profesionalen artean konexio berriak ezartzea. Womenalia: 285.000 bazkidetik gora ditu emakume profesionalentzako sare horrek. Honetarako erabiltzen da: sare profesionalak antolatzeko, trebakuntza-prozesuetan parte hartzeko eta lana bilatzeko, baita alor profesionaleko zalantzak argitzeko ere.

 

Growth Hackingaren xarma

Beharbada ez duzu gauza askorik entzun Growth Hackingari buruz, baina Estatu Batuetan oso zabalduta dago kontzeptu hori, eta Europan ere hasi da hedatzen. Sistema agresibo samarra da, eta hauxe du xede: enpresa berriei hazten laguntzea, sormena, analisia eta iraunkortasuna oinarri dituzten metodoak baliatuz…, eta ahalik eta kosturik txikienaz. Saiatu zeu ere: probatu zure sormena eta jakin-mina, aztertu zure enpresaren jarduera eta errendimendua, eta hautatu ekintzarik egokienak, haiek bultzatu eta perfekzionatzeko.

 

Eskaini zure produktua marketplaceetan

Ez dira zeure e-commercea edukitzea baino hobeak edo okerragoak, baina aukera paregabea dira SEOa hobetzeko, zure sektoreko beste saltzaile batzuek zer hizkera darabilten ikusteko, eta jakiteko zer bilaketa egiten diren maizen eta zeinek funtzionatzen duten ondoen. Zure saltzeko estrategiak hobetzeko erabil ditzakezun metrikak eskaintzen dizkizute haietako askok. Abantaila: e-commerce batek baino inbertsio txikiagoa behar dute.

 

Ikusten duzunez, tresna ugari daude zure enpresa ezagutarazteko, marketin-estrategia garestiak erabili gabe. Eskura dituzu den-denak; zure ekintzak planifikatu eta, pazientzia pixka batekin, martxan jarri, besterik ez duzu egin behar. Eta, gogoratu: Gaztenpresak lagundu egiten dizu gure kontaktu-sarearekin zure enpresaren ikusgarritasuna handitzen. Zain gaituzu.

Post gehiago irakurri.

Abendua 11, 2024
Berrikuntza eta desberdintzea funtsezko zutabeak dira enpresa-eremuan arrakasta izateko, batez ere ingurune globalizatu eta oso lehiakor batean. Enpresa gehienak Interneten daudenez eta teknologia tresna eta erakusleiho gisa erabiltzen dutenez, are garrantzitsuagoa da behar bezala erabiltzen jakitea. Gaur egun, berrikuntza eta desberdintzea funtsezkoak dira jasangarritasuna eta epe luzerako arrakasta bermatzeko. Arlo horietan inbertitzen duten enpresek, nabarmentzea...
Azaroa 11, 2024
Besteren konturako lanaren zurruntasunik ez dagoenez, autonomo gisa bizitza pertsonala eta lan-bizitza bateratzeko erraztasun gehiago dituzula eman dezake, baina itxurazko malgutasun horrek arazoak ere sor diezazkizuke bi alderdiak bereizteko orduan: lana eta atsedena; negozioa eta aisia. Halaber, zure produktibitateari ere eragin diezaioke. Horregatik, komeni da arau batzuk ezartzea zure energia mantendu ahal izateko. Zure nagusia...
Urria 9, 2024
Maite Ibañez de Maeztu Maikalaren buru izan da, Bilboko Deustu auzoan eta Alde Zaharrean erreferente izan den gozotegia.   GAZTENPRESA: Maikala 2015ean abiatu zen proiektua da, ezta?   MAITE IBAÑEZ DE MAEZTU: 2015ean sortu zen, lantegiaren zatia martxan jarri zenean, eta urtebete geroago arte ez zen jarduera abiarazi Plaza Berrian, lehenengo dendarekin. Leioan trebatzea erabaki...
Urria 3, 2024
Normalean “babestuta” terminoa ikusten dugu, bai ekitaldietan, bai edukietan, baina zer esan nahi du zehazki? Babesletza marketin-estrategia bat da, non enpresa batek (babesleak) finantzaketa ematen dion erakunde, ekitaldi, pertsona edo kausa bati (babestuak), elementu horri lotutako marka erakustearen truke. Hau da, bi aldeek etekinak lortzen dituzten merkataritza-harreman bat ezartzen da. Sinergiak sortzeko lankidetza. Teknika horrek...
Iraila 18, 2024
Hiru hankako mahaia. Baina ez edozein. Sendoa, gogorra. Une onak pasatzeko elkartzen zaren horietako bat. Hori Emakumeook dela esan liteke. Hiru emakume ekintzailek sortutako proiektua. Almudena, Bea eta Naiarak.   GAZTENPRESA: Nola ezagutu zenuten elkar eta nola sortu zen Emakumeook? EMAKUMEOOK: Emakumeook gaur hemen ez dagoen hirugarren pertsona batengatik sortu zen, Ambrosa. Hirurak pandemian geunden...
Iraila 3, 2024
Zure negozioak bultzada bat behar du? Azkenaldian zure enpresa gelditu egin dela iruditzen zaizu? Agian, zure estrategia komertziala edo negozio-plana berriz ebaluatzeko garaia da, mailaz igotzeko, zure markaren ikusgarritasuna indartzeko eta zure produktuaren edo zerbitzuaren salmentak handitzeko. Hona hemen zure enpresaren egoera hobetzeko hainbat aholku, bai enpresa berria izan bai denbora luzea finkatuta eman.  ...

2025-02-18 00:18:17