×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

2018an nagusi izango diren marketin-joerak

Share on facebook
Share on twitter
Share on linkedin
Share on whatsapp
Share on email

Social messaginga, bideo-marketina, errealitate areagotua eta birtuala, influencer edo eragin-sortzaileen bidezko marketina, aipamen sozialen monitorizazioa, edukien marketina… Joera horiexek izango dira nagusi 2018an zehar, komunikabide sozialetako adituen arabera.

Zure negozioak joera berri horietatik etekina ateratzea nahi baduzu, ezin duzu itxaron horiek zehaztu edo finkatu arte. Aurrea hartu behar duzu, nola funtzionatzen duten jakin, eta lehenetako bat izan behar duzu marketin digitaleko planean horiek erabiltzen. Horrela, zure sektorean edo merkatu-nitxoan aitzindari izatearen abantailaz baliatu ahalko zara.

Social messaginga da 2018rako joerarik argienetakoa. WhatsAppek eta Messengerrek komunikazio masiboko tresna gisa hartu duten garrantzia dela eta, edozein motatako sustapenak, iragarkiak edo berritasunak bihur daitezke biralak. Eta, marketinaren ikuspegitik, horrek ez du preziorik.

Facebook da gehien erabiltzen den sare soziala, eta Messenger horren mezularitzako aplikazioa. WhatsApp atzetik du, oso gertu. Hala, horrelako tresnak erabiltzen dituzten pertsonen % 91k Messenger erabiltzen du, eta % 89k WhatsApp. Hori dela eta, biak ala biak joera nagusitzat hartzen ditu marketin- eta publizitate-arduradunen % 33k.

Baina, aldi berean, erabiltzaileen artean nabarmentzen ez den guztia gaitzesteko joera dute tresna horiek. Horregatik, funtsezkoa da balio handia eta kalitateko edukia duten kanpainak prestatzea. Ohartxo bat, horrelako kanpainak egiten hasi baino lehen: datu-base on bat sortzea da garrantzitsuena. Horri esker, zure sustapenak ez dira Spam karpetara joango.

Bideo-marketina da publizitate digitalaren guru guztiek nabarmentzen duten bigarren aukera. Ez da tresna heldu berria, baina bai urterik urte sendotuz doan joera bat. Orain baino lehen ere esan dizugu zergatik erabili behar duzun bideoa marketin digitaleko zure estrategian. Baina, horrez gain, jakin behar zenuke gure ingurunean gehien erabiltzen den hirugarren plataforma dela YouTube: erabiltzaileen % 71k baliatzen du, eta kopurua handitzen ari da. Gainera, Facebook Ads eta Twitter Ads sareek ere bideo-publizitatea egiteko aukera ematen dute. Eta ezin dugu ahaztu erabiltzaileen artean Instagram Stories lortzen ari den eragina: gehien erabiltzen den hirugarren sare soziala da dagoeneko. Izan ere, eduki iragankorrak hobesten dituzte kontsumitzaileen belaunaldi berriek.

Goranzko joera duen beste aukera bat, nahiz eta aurrekoetatik urruntxo egon, influencer edo eragin-sortzaileen bidezko marketina da. Zerikusi zuzena du Internet bidezko bideo-kontsumoarekin —batez ere YouTuberen eta Instagramen bidez— eta halako hazkundea du, non hainbat agentziak bitartekaritza-lana egiten baitute, enpresen eta pertsonaia ezagunen artean, horrelako babesletzak negoziatzeko.

Beste joera bat errealitate areagotua eta birtuala da. Multinazional handiak ari dira dagoeneko erabiltzen eta, lehenago edo geroago, negozio gehienetara helduko da. Teknologia horrek nabarmen hobetzen du erabiltzailearen esperientzia, eta, gainera, balio erantsia ematen die bezeroei, ingurune erreala eta objektu digitalak nahasten dituelako. Hau da, guk irudi erreal bat ikusten dugu geure gailuan, eta errealitate horretan ez dauden objektuak, animazioak edo datuak handitu edo erreproduzitu ahal ditugu horren gainean. Adibidez, altzari-denda baten appak ohe edo sofa bat txerta dezake zure gelaren irudiaren gainean.

Eduki gehiago eta hobeago 2018rako

2018an, beren gustu eta beharretara egokitutako gero eta eduki gehiago eskatzen jarraituko dute kontsumitzaileek, gero eta gutxiago gustatzen baitzaie ohiko publizitatea. Enpresek beren bezeroak ezagutzeko duten beharraren hurrengo urratsa da edukien marketina. Orain ez da nahikoa bezeroen adina, generoa, datu geografikoak edo demografikoak ezagutzea; horiez gain, haien gustuak, arazoak, erronkak eta helburuak ere ezagutu behar ditugu, berariazko eta kalitateko edukien bidez horiek guztiak asetzen laguntzeko. Eta ez da nahikoa blogen bidezko testu-formatua; bideoa ere funtsezkoa izango da berriro, baita infografiak, podcastak eta audioa ere.

Azkenik, entzute sozialak balio handiko informazioa ematen du zure lehiakideen errendimenduari buruz, eta abantaila hori zure edukien estrategian erabiltzeko aukera eskaintzen dizu. Aipamen sozialak monitorizatzearen zeregina da hori. Kontsumitzaileen portaerari buruzko hainbat ikerketak agerian jarri dute esaldi batzuk —Gomendatuko lidake inork? Non eros dezaket? eta halakoak— behin eta berriro errepikatzen direla milaka online bilaketatan, eta erantzunen erdiak baino gutxiago datozela enpresetatik. Hori dela eta, behar-beharrezkoa da aipamen sozial horiek monitorizatzen hastea; izan ere, aditzera eman dezakete zure xede-taldeari zer gustatzen zaion eta zer ez, eta, gainera, zure marka hobetzen lagun diezazukete.

Hedabide sozialetako joera berri horiez gain, sare sozialek ere marketin digitalerako tresna eraginkorrak izaten jarraituko dute 2018an. 2017ko Urteko Ikerketaren arabera, gure inguruneko ia 20 milioi lagunek erabiltzen dituzte sare sozialek, hau da, 16 eta 65 urte bitarteko herritarren % 86k. Facebook da nagusi, eta, ondoren, WhatsApp, YouTube, Twitter eta Instagram. Azken datua: erosketari buruzko informazioa bilatzeko helburuz egindako sare sozialen erabilera 16 puntu igo zen 2016ko datuekin alderatuta, eta gaur egun % 53k erabiltzen du hori.

Adierazgarria, ezta?

Orain, joera horiek ezagutzen dituzunez, ekintzak planifikatu eta gauzatu besterik ez duzu egin behar. Gogoan izan Gaztenpresak zure enpresaren ikusgaitasuna areagotzen lagunduko dizula, bere kontaktu-sareari esker. Zain gaituzu.

Post gehiago irakurri.

Abendua 11, 2024
Berrikuntza eta desberdintzea funtsezko zutabeak dira enpresa-eremuan arrakasta izateko, batez ere ingurune globalizatu eta oso lehiakor batean. Enpresa gehienak Interneten daudenez eta teknologia tresna eta erakusleiho gisa erabiltzen dutenez, are garrantzitsuagoa da behar bezala erabiltzen jakitea. Gaur egun, berrikuntza eta desberdintzea funtsezkoak dira jasangarritasuna eta epe luzerako arrakasta bermatzeko. Arlo horietan inbertitzen duten enpresek, nabarmentzea...
Azaroa 11, 2024
Besteren konturako lanaren zurruntasunik ez dagoenez, autonomo gisa bizitza pertsonala eta lan-bizitza bateratzeko erraztasun gehiago dituzula eman dezake, baina itxurazko malgutasun horrek arazoak ere sor diezazkizuke bi alderdiak bereizteko orduan: lana eta atsedena; negozioa eta aisia. Halaber, zure produktibitateari ere eragin diezaioke. Horregatik, komeni da arau batzuk ezartzea zure energia mantendu ahal izateko. Zure nagusia...
Urria 9, 2024
Maite Ibañez de Maeztu Maikalaren buru izan da, Bilboko Deustu auzoan eta Alde Zaharrean erreferente izan den gozotegia.   GAZTENPRESA: Maikala 2015ean abiatu zen proiektua da, ezta?   MAITE IBAÑEZ DE MAEZTU: 2015ean sortu zen, lantegiaren zatia martxan jarri zenean, eta urtebete geroago arte ez zen jarduera abiarazi Plaza Berrian, lehenengo dendarekin. Leioan trebatzea erabaki...
Urria 3, 2024
Normalean “babestuta” terminoa ikusten dugu, bai ekitaldietan, bai edukietan, baina zer esan nahi du zehazki? Babesletza marketin-estrategia bat da, non enpresa batek (babesleak) finantzaketa ematen dion erakunde, ekitaldi, pertsona edo kausa bati (babestuak), elementu horri lotutako marka erakustearen truke. Hau da, bi aldeek etekinak lortzen dituzten merkataritza-harreman bat ezartzen da. Sinergiak sortzeko lankidetza. Teknika horrek...
Iraila 18, 2024
Hiru hankako mahaia. Baina ez edozein. Sendoa, gogorra. Une onak pasatzeko elkartzen zaren horietako bat. Hori Emakumeook dela esan liteke. Hiru emakume ekintzailek sortutako proiektua. Almudena, Bea eta Naiarak.   GAZTENPRESA: Nola ezagutu zenuten elkar eta nola sortu zen Emakumeook? EMAKUMEOOK: Emakumeook gaur hemen ez dagoen hirugarren pertsona batengatik sortu zen, Ambrosa. Hirurak pandemian geunden...
Iraila 3, 2024
Zure negozioak bultzada bat behar du? Azkenaldian zure enpresa gelditu egin dela iruditzen zaizu? Agian, zure estrategia komertziala edo negozio-plana berriz ebaluatzeko garaia da, mailaz igotzeko, zure markaren ikusgarritasuna indartzeko eta zure produktuaren edo zerbitzuaren salmentak handitzeko. Hona hemen zure enpresaren egoera hobetzeko hainbat aholku, bai enpresa berria izan bai denbora luzea finkatuta eman.  ...

2025-02-10 01:15:11