×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Zure ekintzaile-sena eta egokitzeko gaitasuna sarituko ditugu

GZT_D_Campaña_negocios_concurso_cas_blog
Share on facebook
Share on twitter
Share on linkedin
Share on whatsapp
Share on email

Adorea, indarra eta elkartasuna erakutsi duten pertsonen kasu batzuk azaldu dizkizugu Gaztenpresan azken asteotan. Negozioak egokitzeko gai izan dira, osasun-krisiaren egoera zail honi aurre egiteko.

Horietako bat da Elma, Manuela va de fiesta moda-markaren sustatzailea. Goi-mailako jantzigintzako patroiak alde batera utzi eta osasun-langileentzako babes-mantalak egin ditu. Melaniek, berriz, Tipula Burger ostalaritzako negozioa etxez etxeko salmentara bideratu du, konfinamenduari aurre egin eta bezeroei zerbitzua eskaintzen jarraitzeko.

Orain zure txanda da, eta beste milaka lagunena, Elmaren eta Melanieren helburu berberarekin egunero ekintzaile-sena erabiltzen duzuen guztiena: #AurreraEgitekoBerritzen

Egoerari aurre egin eta zure jarduerarekin jarraitzeko gai izan zara, eta horretarako zer egin duzun jakin nahi dugu. Azal iezaguzu nola otu zaizun zure negozio txikia egoeraren arabera egokitzea, eta hori nola egin duzun. Zure esperientzia partekatu nahi dugu, beste pertsona batzuentzat eredu izan dadin, eta zailtasunen gainetik aurrera egin dezaten.

Aldi berean, zure ahalegina, asmamena eta lana saritu nahi ditugu. Hala, zure esperientzia partekatzera animatu nahi zaitugu, eta, horretarako, zure lana aintzatetsiko duen lehiaketa antolatu dugu. Lagungarri izan daiteke krisi-aste luze hauetako zailtasunei aurre egiteko. Helburu horrekin, lehiaketan eskudiruzko hiru sari banatuko dira, hiru ekimenik nabarmenenak goraipatzeko: 2.500, 1.000 eta 500 euroko sari bana.

Lehiaketan parte har dezakezu negozioa Euskal Autonomia Erkidegoan edo Nafarroan baduzu. Prestatu gehienez hiru minutuko iraupena duen bideoa, zure ekimenaren berri emateko. Nahi baduzu, gehienez 500 hitzeko azalpen-testua idatz dezakezu, bideoaren lagungarri. Eta kito: maiatzaren 18tik ekainaren 7ra bitartean zure proiektua aurkeztu eta datuak bete ditzakezu esteka honetan. Jasotako proiektuen artean, lau laguneko epaimahaiak sari bakoitzeko irabazle bat eta 2 ordezko aukeratuko ditu. Epaimahaiko partaide izango dira: Gaztenpresako gestio-taldeko kide bat, LABORAL Kutxako Negozio Garapenaren Areako partaide bat, BULTZ-LAN aholkularitza-enpresako beste bat eta Lanalden enpresako marketin digitaleko lankide bat. Gaztenpresaren sare sozialen bidez emango da irabazleen berri, modu ofizialean, 2020ko ekainaren 12an, ostiralez.

Besterik gabe, eskerrak eman nahi dizkizugu zure esperientzia milaka lagunekin partekatzeagatik, asko eta asko egoera zailean baitaude eta bultzada behar dute berritzeko. Era berean, osasun-larrialdia gainditzen laguntzeko erakutsi dituzun kemena, lana eta elkartasuna eskertu nahi ditugu.

Post gehiago irakurri.

Iraila 16, 2022
Ekintzailetzaren igerilekuan murgildu aurretik, urik badagoen egiaztatu beharra dago; gure kasuan, horrek esan nahi du arrisku-analisia gauzatzea eta negozio-plana egitea. Gogoan izan ezazu negozio-plana edo enpresa-plana oso tresna baliagarria dela eta laburbildu behar duela enpresa-proiektu berria nolakoa den eta jaso egin behar dituela negozio arrakastatsu bihurtuko duten helburuak, identitatea eta funtzionamendua. Gainera, une oro gidatuko...
Uztaila 29, 2022
HALO Donostia hiru erizain elkartzetik sortutako proiektua da; hirurek ekiteko gogoa zuten, eta bereziki, erizaintzako zein dermoestetikako sektoreko egungo eskaintzari buelta emateko asmoa. Kooperatiben hilabetean, Halo Donostia-tik eman digute haien historiaren eta lehen urratsen berri.   HALO Donostia “estetika aurreratuko tratamenduetan espezializatutako erizaintza-zentro” moduan definitzen da. Azalduko zenigukete zertan datzan, eta zein den zuen balio...
Uztaila 15, 2022
Modu juridiko askotan gauzatu daitekeen proiektu ekintzaile bat: autonomoa, sozietate mugatua, kooperatiba… Ingravity Dreams elkarrizketatuko dugu Kooperatiben Nazioarteko Eguna dela-eta, Gaztenpresaren eskutik bere enpresa-ibilbideari ekin zion abereen ongizatera zuzendutako zentroa, hain zuzen ere.   Zer da Ingravity Dreams eta nola sortu zen? Abereen ongizatea da Ingravity Dreams. Gure abereak fisikoki indarberritzeko teknika naturaletan espezializatutako lekua,...
Ekaina 27, 2022
Espiritu ekintzailea testuinguru eta sektore guztietan zabaltzen ari da, industrialean barne, baita gaur egungoa bezalako egoera berezietan ere. Enpresa Txiki eta Ertainaren eguna dela eta, elkarrizketa egin diogu IGASI Vacuum Solutionko lantaldeari. Proiektu ekintzailea da, eta laster urtebeteko ibilbidea beteko du enpresa gisa.   Nola sortu zen Igasi eta nola definituko zenukete zuen enpresa? Enpresa...
Ekaina 23, 2022
Gaztenpresan, krisiari aurre egiteko zailtasunak dituen enpresa-ehunera egokitzen jarraitu dugu. Hori dela medio, atzo Ibon Urgoiti, Gaztenpresako lehendakariak, 2021. Urteko Txostenaren aurkezpenean nabarmendu zuenez, Fundazioko taldeak bere proiektuekin jarraitzeko beharberritu diren pertsonak laguntzeko ahalegina kontuan hartzea ezinbestekoa da. Hala ere, egindako lan horri guztiari esker, 2021eko balantzeak esleitutako helburuak bete direla adierazten du. Beste behin...
Maitza 17, 2022
Bazenekien Europar Batasuneko herrialdeek urtean 5.000 milioi tona hondakin baino gehiago sortzen dituztela, etxekoak kontuan hartuta? Eta bazenekien, Euskadin sortzen ditugun 5,5 tona hondakinetatik, % 80k eraikuntzan eta industrian dutela jatorria? Pentsatu duzu noizbait, 2050. urtean, munduko biztanleek gaur egun kontsumitzen ditugun baliabideak baino hiru aldiz baliabide gehiago beharko dituztela? Izugarrizko datuak dira, ezta? Baina,...