×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Manuela va de fiesta: goi-mailako jantzigintza babes-mantalak egiteko egokitua

GZT_Plantilla_Campana_Casos_exito_blog_CAS
Share on facebook
Share on twitter
Share on linkedin
Share on whatsapp
Share on email

COVID-19ak eragindako osasun-larrialdiak oso une gogorrak utzi dizkigu, baina konpentsatu egiten dira egunero #JarraitzekoBerritzen duten ekintzaileen elkartasun-adierazpenekin.

Ekimen horiek garatzen dituzten pertsona guztiek bi ezaugarri dituzte: egoerara egokitzeko gaitasuna eta elkartasunezko espiritua.

Manuela va de fiesta buru-belarri osasun-arloko profesionalekin

Ezaugarri horiek eraman zuten Elma Francés, Zaragozan jaio baina maitasunagatik Donostiara etorri zen emakume gaztea, bere jarduera berritu eta bere harri-koskorra ekartzera pandemiari aurre egiteko.

Gazte ekintzaile hori Manuela va de fiesta moda-etxearen sortzailea eta sormen-zuzendaria da. Emaztegaientzako, jaietarako eta goi-mailako jantzigintzan espezializatutako marka hedatzen hasita zegoela harrapatu zuen osasun-krisialdiak; pasarelaz, zine-jaialdiz eta nazioarteko ekitaldiz betetako curriculuma zuen.

Pandemiak eta alarma-egoerak behartuta, jarduera eten egin behar izan zuen. Halere, bi erabaki hartu zituen Elmak:

«Alarma-egoera aldarrikatu aurreko egunetan, gure instalazio guztiak desinfektatzen eta higieneari lotutako aparteko neurriak hartzen hasi ginen», azaldu du. Helburua zen «jantzigintza-lantegiari eskainitako negozio-atala irekita mantentzea, egiteko zegoen lana ahalik eta gehien aurreratzeko».

Baina, gainera, ordura arte protagonismorik izan gabeko zerbait erantsi zuen bere zereginen artean: elkartasuna.

Osasun-langileentzako babes-mantalak egiten

Manuela va de fiestako taldeak bere laneko azpiegitura baliatu nahi izan zuen osasun-langileentzako babes-ekipamenduen urritasunari aurre egiteko, batez ere pandemiaren lehen egunetan.

Hala, emaztegaientzako eztei-jantziak, prêt-à-porter bildumak eta goi-mailako jantzigintzako soinekoak egiteko patroi esklusiboak kendu eta, haien ordez, aurrealde eta mahuka plastifikatua zuten banakako babes-mantalak egiten hasi ziren osasun-langileentzat. Hain zuzen ere, Gipuzkoako hirugarren adinekoen egoitzetako nagusiak zaintzen eta artatzen dituzten langileentzat.

Lasaitasuna adierazi eta «indarberrituta» itzuli

Orain, Manuela va de fiesta ez da ekitaldietarako modaren adierazgarri bat bakarrik, elkartasunaren erakusgarri bat ere bada. Sustatzailea, bere esperientziaren bidez, eredugarri bihurtu da moda-sektoreko beste ekintzaile batzuentzat. Haren hitzetan, lasaitasuna da hedatu beharreko mezua, batik bat ezkontza atzeratu behar izan duten emaztegaiei. Izan ere, sektoreak prest dauka dena «ateak berriz ere irekitzeko, indarberrituta eta ilusio handiarekin».

Berritzea: onlineko denda berri bat eta osagarri-lerro bat

Orain, «normaltasun berria» deritzon egoerara itzultzen garen bitartean, bere negozioa prestatzen ari da Elma, etapa horri aurre egiteko. Helburu horrekin, Manuela va de fiestak prest du onlineko denda esklusiboa, alarma-egoera bukatzen denean abian hasteko. Bestalde, beste negozio-lerro bat ere izango du, ohiko jarduera baino xumeagoa eta osagarria: «Neguko kanpainari begira, slow-fashion osagarri txikien eta jantzien lerroa ari gara prestatzen, edonoiz janzteko eta estreinatzeko modukoa, ekitaldi berezi baten zain egon gabe. Jaietakoa ez den linea sendotuko dugu, udaberriko hilabeteetako ekitaldien murrizketa konpentsatzeko», azaldu du.

Post gehiago irakurri.

Maitza 17, 2022
Bazenekien Europar Batasuneko herrialdeek urtean 5.000 milioi tona hondakin baino gehiago sortzen dituztela, etxekoak kontuan hartuta? Eta bazenekien, Euskadin sortzen ditugun 5,5 tona hondakinetatik, % 80k eraikuntzan eta industrian dutela jatorria? Pentsatu duzu noizbait, 2050. urtean, munduko biztanleek gaur egun kontsumitzen ditugun baliabideak baino hiru aldiz baliabide gehiago beharko dituztela? Izugarrizko datuak dira, ezta? Baina,...
Maitza 17, 2022
Pandemiak goitik behera aldatu zituen pertsonen kontsumo-ohiturak eta ingurune digitalago batera egokitu behar izan zuten. Datuak lehendik ere pozgarriak ziren eta Interneteko erabiltzaile den Euskadiko biztanleriak hazten jarraitu zuen 2021. urtean, % 84,9raino. Gai horri buruz hitz egingo dugu gaur, Interneteko Mundu Egunean, Pello Múgicarekin eta SavileCode enpresaren talde guztiarekin. Gainera, lehen eskutik kontatuko digute nola...
Maitza 16, 2022
Irudi batek mila hitzek baino gehiago balio duela esan ohi da eta horixe erraztuko digu Canvak, hain zuzen ere: gure negoziorako eduki grafikoa modu sinple eta intuitiboan sortzea, diseinu-ezagutzarik zertan izan gabe. Izan ere, on-line erreminta honek plantillen eta baliabide grafikoen kopuru handia (irudiak, argazkiak, tipografiak, eta abar) jartzen du gure esku, haiekin gure negozioaren/markaren...
Maitza 9, 2022
Negozio bat martxan jartzen dugunean (edo jartzeko asmoa dugunean), pertsona ekintzaile batek egin beharreko lehenengo gauzetako bat besteei aurkeztea da: balizko bezeroei, banatzaileei, laguntza emango diguten toki-garapeneko erakundeei, eta baita gure jarduera abiarazteko kreditu bat ematen diguten finantza-erakundeei ere. Kasu guztietan ere, gure solaskideen arreta erakartzeko eta gure helburuak lortzeko posibilitate gehiago izango ditugu, gure...
Maitza 5, 2022
Gaztenpresaren Finantza-Osasuneko Asteazkenetako 2022 lehen zikloarekin hasi gara ekainaren 15era arte. Zer dira Finantza-Osasuneko Asteazkenak? FinBox aholkularitza ekonomiko eta finantzarioko enpresaren babesarekin sortutako web-mintegiak dira. Ordubeteko iraupena dute, eta enpresa baten osasuna zaintzeko ezinbestekoak diren finantza gaiak jorratzen dira. Web-mintegi guztietan FinBox-ek Gaztenpresarentzat esklusiboki diseinatutako tresna eta simulagailuak erabiliko dira. Gainera, saio bakoitza bukatutakoan, parte-hartzaile...
Apirila 28, 2022
EAEko gaixotasun profesionalei buruzko Osalanen urteko txostenak agente taldearen araberako maiztasunari buruzko azterketan erakusten duenez, 2020an jarrera eta mugimendu errepikakorrekin lotutako 1.705 kasu erregistratu ziren guztira, kasu guztien % 78. Testuinguru horretan, eta Laneko Segurtasun eta Osasunaren Mundu Egunaren harira, Jon Ibáñez Pérezekin hitz egingo dugu; fisioterapeuta eta ekintzailea da, Gaztenpresako sarearen barruan.   Hitz egizu...