×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Langile Autonomoaren Estatutua

Share on facebook
Share on twitter
Share on linkedin
Share on whatsapp
Share on email

Gure herrialdeko ekonomian, langile autonomoek duten garrantzia gero eta handiagoa da; eta hori dela-eta, nekez ulertu daiteke haien jarduera arautzeko berariazko legerik ez izatea 2007. urtera arte. Urte horretan onartu zen Langile Autonomoaren Estutua, langile autonomoek besteren konturako langileen eskubide berberak izan zitzaten.

Lege horretan bi berritasun nagusi izan ziren; batetik, EMLA edo ekonomikoki mendekoa den langile autonomoaren figura sortzea (bere diru-sarreren % 75 edo gehiago bezero bakarretik lortzen duena); eta, bestetik, langabezia-prestazioa edo “autonomoen langabezia-saria” kobratzeko aukera, zeina 3 urte geroago onartu baitzen, hain zuzen ere Jarduerari uzteagatiko babes-sistema arautzeko 32/2010 Legea –abuztuaren 5ekoa– onartu zenean.

Garrantzitsuak izanik sarritan jorratu badira ere, alderdi bi horiez gain, aipaturiko legean badira beste arlo esanguratsu batzuk ere; izan ere, ekintzaile garenez, delako legeak egunez egun eragiten dio gure jardunari. Hortaz, gainbegira ditzagun beste arlo horiek.

 

Lana bateragarri izan dakien, autonomoek duten eskubidea

Laneko bizitza bideratu eta familiako bizitza ez hondatzea, horixe da langile ororen erronketako bat, baita enplegua euren kabuz lortzen dutenena ere. Ildo horretan, Langilearen Estatuak aitortu egiten du honako eskubide hau: jarduera profesionala bizitza pertsonalarekin eta familiakoarekin bateragarria izatea. Eta hori laneko jarduera eteteko eskubideaz gauzaten da, hain justu ere honako egoera hauetan: ama izatea, aita izatea, haurdunaldian arriskuren bat izatea, umeei bularra emateko sasoian arriskurik izatea eta adopzioa edo familia-harrera, hala nola adopzio aurrekoa, iraunkorra edo sinplea, betiere Kode Zibilarekin eta arlo hori arautzen duten autonomia erkidegoetako lege zibilekin bat etorriz.

 

Langile autonomoaren babes soziala

Ezarrita dago  euren kontura diharduten langile guztiek dutela Gizarte Segurantzako erregimen publikoa edukitzeko eskubidea; eta erregimen horren bidez ziurtaturik izango dituzte, premiazko egoeretan, laguntza eta prestazio sozialak; baina, hartarako, ezinbestean kotizatu beharko dute Gizarte Segurantzan. Kotizazio horiek aldatu egin daitezke, kolektibo batzuentzako hobari edo murrizketen arabera.

Babes horretan sartzen dira honako hauek:

  • Osasun-laguntza izatea, honako kasuren baten izan ezkero: erditzea, gaixotasun arrunta edo profesionala eta istripuak, lanekoak zein lanetik kanpokoak.
  • Prestazio ekonomikoak, honako egoeraren baten izanez gero: aldi baterako ezintasuna, haurdunaldian arriskuak izatea, ama izatea, aita izatea, edoskitzaroan arriskuak izatea, ezintasun iraunkorra, jubilazioa, heriotza eta biziraupena eta familiako seme-alaben ardura izatea.

Ekonomia aldetik mendeko langile autonomoa bazara (EMLA), ezinbestean ordaindu behar duzu honako hauengatiko kuota: aldi baterako ezintasuna, laneko istripuak  eta gaixotasun profesionalak, Gizarte Segurantzan zehaztutakoak.

Adingabekoei dagokienez, Legeak berariaz galarazten du 16 urtetik beherakoek jarduera profesionalak gauzatzea; euren familiakoentzakoak ere ezin izango dituzte burutu.

 

Beste xedapen batzuk

  •  Euren interesak defendatzearren, langile autonomoek badute eskubidea kolektibo gisa elkartzeko, eta hori jaso egiten da.
  • Langintza autonomoa promozionatzeko jarduketa-lerroak definitzen ditu.
  • Euren zerbitzuak kobratzeko berme ekonomikoak arautzen ditu.
  • Langile autonomoen kolaboratzaile batzuei, zehazki, haien familiako direnei alta emanez gero, hartarako hobariak ezartzen ditu: “altak indarra hartzen duenetik aurrera 24 hilabetez hobari bat izateko eskubidea izango dute, hain zuzen ere lehen hamazortzi hilabeteetan kuotaren ehuneko 50ekoa, eta hurrengo sei hilabetetan, ostera, ehuneko 25ekoa”.

 

Gaur egunera arte izan al da aldaketarik?

 Artikuluaren hasieran esaten genuenez, 2010. urtean eman zen honako lege hau: Autonomoen langabezia-sarirako kotizazioak arautzen dituen Legea, alegia. Zoritxarrez, datuek erakusten dute oso zaila dela sari hura jasotzeko baldintzak betetzea; izan ere, 2012. urtean, halako langabezia-saria jasotzeko eskabideetarik % 87 ez zituen onartu Gobernuak, eta 2013. urtean, ostera, % 80.

Bestalde, 2007tik 2015era bitartean, Langile Autonomoaren Estatutuak aldaketa txiki batzuk izan ditu, hain zuzen ere gaur egungo egoerari egokitzearren; izan ere, gaur egun gero eta pertsona gehiago ausartzen dira negozio propoia eratzera; esate baterako, Gaztenpresa ekintzailetza bultzatzeko programan parte hartu dutenak.

  1. urtean, 4/2013 Errege Lege Dekretua onartu zen, ekintzailea laguntzeko neurriei, hazkunde bizkortzeari eta enplegua sortzeari buruzkoa dena; eta bertan, hileko 50 euroko tarifa finkoa onartu zen, 30 urtetik beherakoei dagokienez; geroztik, 2013ko irailean emandako Ekintzaileen Legearen bitartez, tarifa hori aipatu adinetik gorakoentzako ere ezarri zen.

 

Azkenik, 2015eko irailaren 10ean, Gizarte Ekonomia eta Langintza Autonomoa Sustatzeko Legea argitaratu zen, BOEn. 2015eko urriaren 10ean hartuko du indarra lege horrek, eta bertan zenbait neurri ezartzen dira; esate baterako, langile autonomoa izanik 9 hilabetez langabezia-saria jasotzeko aukera, edo langabezia-saria berriro jasotzen hasteko eskabidea egiteko epea luzatzea, 5 urtera arte; betiere, autonomo gisa aritzeko, sari hura kobratzeari utzi izan bazitzaion (orain dela bi urtera arte, epe hori 2 urtekoa zen).

Autonomo eta ekintzaile zaren aldetik, zure interesei eragiten dien legerian berritasunik bada, Gaztenpresan emango dizugu horren berri. Eta dauzkazun zalantzak argitzeko, gurekin jar zaitezke harremanetan. Gu hemen gaude, zuri laguntzeko gertu, betiere.

 

 

 

Post gehiago irakurri.

Abendua 11, 2024
Berrikuntza eta desberdintzea funtsezko zutabeak dira enpresa-eremuan arrakasta izateko, batez ere ingurune globalizatu eta oso lehiakor batean. Enpresa gehienak Interneten daudenez eta teknologia tresna eta erakusleiho gisa erabiltzen dutenez, are garrantzitsuagoa da behar bezala erabiltzen jakitea. Gaur egun, berrikuntza eta desberdintzea funtsezkoak dira jasangarritasuna eta epe luzerako arrakasta bermatzeko. Arlo horietan inbertitzen duten enpresek, nabarmentzea...
Azaroa 11, 2024
Besteren konturako lanaren zurruntasunik ez dagoenez, autonomo gisa bizitza pertsonala eta lan-bizitza bateratzeko erraztasun gehiago dituzula eman dezake, baina itxurazko malgutasun horrek arazoak ere sor diezazkizuke bi alderdiak bereizteko orduan: lana eta atsedena; negozioa eta aisia. Halaber, zure produktibitateari ere eragin diezaioke. Horregatik, komeni da arau batzuk ezartzea zure energia mantendu ahal izateko. Zure nagusia...
Urria 9, 2024
Maite Ibañez de Maeztu Maikalaren buru izan da, Bilboko Deustu auzoan eta Alde Zaharrean erreferente izan den gozotegia.   GAZTENPRESA: Maikala 2015ean abiatu zen proiektua da, ezta?   MAITE IBAÑEZ DE MAEZTU: 2015ean sortu zen, lantegiaren zatia martxan jarri zenean, eta urtebete geroago arte ez zen jarduera abiarazi Plaza Berrian, lehenengo dendarekin. Leioan trebatzea erabaki...
Urria 3, 2024
Normalean “babestuta” terminoa ikusten dugu, bai ekitaldietan, bai edukietan, baina zer esan nahi du zehazki? Babesletza marketin-estrategia bat da, non enpresa batek (babesleak) finantzaketa ematen dion erakunde, ekitaldi, pertsona edo kausa bati (babestuak), elementu horri lotutako marka erakustearen truke. Hau da, bi aldeek etekinak lortzen dituzten merkataritza-harreman bat ezartzen da. Sinergiak sortzeko lankidetza. Teknika horrek...
Iraila 18, 2024
Hiru hankako mahaia. Baina ez edozein. Sendoa, gogorra. Une onak pasatzeko elkartzen zaren horietako bat. Hori Emakumeook dela esan liteke. Hiru emakume ekintzailek sortutako proiektua. Almudena, Bea eta Naiarak.   GAZTENPRESA: Nola ezagutu zenuten elkar eta nola sortu zen Emakumeook? EMAKUMEOOK: Emakumeook gaur hemen ez dagoen hirugarren pertsona batengatik sortu zen, Ambrosa. Hirurak pandemian geunden...
Iraila 3, 2024
Zure negozioak bultzada bat behar du? Azkenaldian zure enpresa gelditu egin dela iruditzen zaizu? Agian, zure estrategia komertziala edo negozio-plana berriz ebaluatzeko garaia da, mailaz igotzeko, zure markaren ikusgarritasuna indartzeko eta zure produktuaren edo zerbitzuaren salmentak handitzeko. Hona hemen zure enpresaren egoera hobetzeko hainbat aholku, bai enpresa berria izan bai denbora luzea finkatuta eman.  ...

2025-02-10 01:28:05