×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

#JarraitzekoBerritzen erronkaren irabazleak: Katiuska, Zirkugintza, Pradogs eta Kopas

Share on facebook
Share on twitter
Share on linkedin
Share on whatsapp
Share on email

Hasteko, parte hartu duten negozioen ahalegina eskertu nahi dugu

Osasun-krisialdi gogor honi irtenbidea eman nahian #JarraitzekoBerritzen jardun behar izan duten negozio eta ekimen batzuen berri eman dizuegu azken asteotan gure sare sozialetan. Guztiak ere Euskadiko eta Nafarroako ekintzaileak dira, eta egokitzeko gaitasun handia erakutsi dute.

Ia hogei negoziok hartu dute parte #JarraitzekoBerritzen erronkan, eta, horri esker, guztiok jakin ahal izan dugu ekintzaile horiek zer egin duten egoerari aurre egin eta jarduerari eusteko.

Gaztenpresatik guztiei eskertu nahi dizkiegu beren ardura, ahalegina eta irudimena, baita erronka honetan parte hartu izana ere. Izan ere, beste pertsona batzuek haien ereduari jarraitzea eta, zailtasunak zailtasun, aurrera egiteko gauza izatea nahi genuen.

Horrela izan da gure lehiaketako saridunen kasuan: Katiuska izan da irabazlea, eta Zirkugintza, Pradogs eta Kopas izan dira beste hiru ekimen saridunak. Horiez gain, honako parte-hartzaile hauek izan ditugu: Cerebrito Pérez, Gertuago, Aiora Ponce, Elcavi, Pokaibowls, Epicfit, Echeverría Abogados, Norklock-Zerocontacto, Emoki, Datacomunicación, Adosmetros, Totalfood, Dinabi eta Marcos Rubio. Guzti-guztiek lezio bat eman digute euren adorearekin eta #JarraitzekoBerritzen badakitela erakutsi digute.

Erronkaren irabazleak: aurrera jarraitzeko egokitzen jakitearen erreferentziak

Lehen sariduna: Katiuska, sormenaren erreferentzia

2.500 euroko lehen sariaren irabazlea Katiuska da, Mungiako hiru langileko enpresa txiki bat. Enpresa horrek sormenari eta ekologiari buruzko lantegiak ematen zizkien haur eta familiei, baina bere zerbitzuak bertan behera utzi behar izan zituen, pandemiaren ondorioz. Jarduerari eutsi ahal izateko, kamera bat eskuratu eta formatu digitalaren bidez egokitu zuen bere lana, sormenari buruzko bideo-lantegiak eskainiz herriko ikastetxe eta herritarrei. Gymkhana birtual bat ere egin dute Fikako jaietarako, eta artearen inguruko beste ekimen batzuk jarri dituzte abian Larrabetzun eta Derion.

Bigarren sariduna: Zirkugintza, irudimenaren adibidea

Arte eszenikoetan jarduten duen Zirkugintza kooperatibak jaso du bigarren saria, 1.000 eurokoa, ekimen honi esker: telebistako plato bat egokitu zuen, lehen aurrez aurre egiten zituzten prestakuntza-lantegiak, antzerki-ikuskizunak eta zirku-eskolak emateko. Izan ere, haiek ere bertan behera utzi behar izan zuten euren jarduera, mugikortasuna mugatu izanaren ondorioz. Halere, muga horiexek bultzatu zituzten enpresako arduradunak adierazteko eta antzezteko hizkuntza berriak ikastera, Interneten bidez euren jarduerari eutsi ahal izateko.

Hirugarren saridunak: Pradogs eta Kopas, elkartasunaren erreferentziak

Pradogs eta Kopas enpresek hirugarren sariko 500na euro jaso dituzte beren ekimen solidarioengatik. Alde batetik, Gabrielak, Pradogsen sortzaileak, kanpaina bat jarri zuen martxan sare sozialen bidez, Lezaman duen txakur-zaindegiaren zerbitzuak osasun-arloko langileei doan eskaintzeko. Era berean, txakurrentzako entretenimenduari buruzko kontsulta-zerbitzu bat eta tutorial batzuk eskaini zituen konfinamenduan zehar. Ekimen solidario horrek oihartzun zabala izan zuen hedabideetan, eta, horri esker, haren negozioak nabaritasun handia lortu zuen.

Azkenik, Kopasek Murgan (Aiaran) duen lantegi-fabrika babes-pantailak diseinatu eta fabrikatzera bideratzea erabaki zuen, osasun-arloko langileei eta larrialdi honetako pertsonarik ahulenei begira. Horretarako, enpresaren arduradunek etengabeko produkzioari eutsi zioten, honako premisa honi jarraikiz: «Besteei lagunduta, geure buruari ere laguntzen diogu».

Osasun-larrialdi honetan ikusi ahal izan ditugun adorearen eta elkartasunaren erakusgarri txikia besterik ez dira lau ekimen saridunak. Horregatik eskerrak eman nahi dizkizuegu berriz ere zuen ekimenak egoera zaila jasaten ari diren pertsonekin partekatzeagatik, horri esker egiaztatu ahal izan baitute haiek ere #JarraitzekoBerritzen eta osasun-krisialdiak eragindako egoera gainditzen jardun dezaketela.

Post gehiago irakurri.

Otsaila 23, 2023
Iazko abenduaren 23an argitaratu zen BOEn enpresa emergenteen ekosistema sustatzeari buruzko legea, startupei buruzko lege bezala ezagunagoa dena. Estatua pertsona ekintzaileentzat eta horrelako negozioetan interesa duten inbertitzaileentzat helmuga erakargarri bihurtu dadila lortzea da arau berri honen helburua, hau da, enpresa berritzaile sortu berrietan, oinarri teknologikoa dutenetan, hazkunde bizkorrekoak direnetan eta negozio-eredu eskalagarri bat dutenetan interesatuta...
Otsaila 17, 2023
Aurten ere, Gaztenpresaren Astelehen Digitalak itzuliko dira, marketin digitaleko “No te pierdas en las redes” agentziak online ematen dituen prestakuntza-saioak. Saio hauetan, zure negozioaren eremu digitalarekin lotutako gaiak eguneratu ahal izango dituzu. Ordu edo ordu eta erdi inguruko iraupena duten tailer horietan, zure negozioan erantsi ditzakezun baliabide digitalen ikuspegi orokorra lortuko duzu. Izan ere, kontua...
Azaroa 30, 2022
Estatuko enpresen erdia baino gehiagok azken urtean zibereraso bat jasan dutela onartzen dute. Ezagutzen zenuen datu hau? Ezagutzen dituzu Phising, Vishing edo Smishing kontzeptuak? Artikulu honetan, Lautik IT Solutions hori eta askoz gehiago kontatu digu. Konponbide teknologikoetara eta eraldaketa digitalera bideratutako enpresa honek iaz Gaztenpresaren mentoretza-programan parte hartu zuen. Zibersegurtasunaren Eguna dela eta, negozio bat...
Iraila 16, 2022
Ekintzailetzaren igerilekuan murgildu aurretik, urik badagoen egiaztatu beharra dago; gure kasuan, horrek esan nahi du arrisku-analisia gauzatzea eta negozio-plana egitea. Gogoan izan ezazu negozio-plana edo enpresa-plana oso tresna baliagarria dela eta laburbildu behar duela enpresa-proiektu berria nolakoa den eta jaso egin behar dituela negozio arrakastatsu bihurtuko duten helburuak, identitatea eta funtzionamendua. Gainera, une oro gidatuko...
Uztaila 29, 2022
HALO Donostia hiru erizain elkartzetik sortutako proiektua da; hirurek ekiteko gogoa zuten, eta bereziki, erizaintzako zein dermoestetikako sektoreko egungo eskaintzari buelta emateko asmoa. Kooperatiben hilabetean, Halo Donostia-tik eman digute haien historiaren eta lehen urratsen berri.   HALO Donostia “estetika aurreratuko tratamenduetan espezializatutako erizaintza-zentro” moduan definitzen da. Azalduko zenigukete zertan datzan, eta zein den zuen balio...
Uztaila 15, 2022
Modu juridiko askotan gauzatu daitekeen proiektu ekintzaile bat: autonomoa, sozietate mugatua, kooperatiba… Ingravity Dreams elkarrizketatuko dugu Kooperatiben Nazioarteko Eguna dela-eta, Gaztenpresaren eskutik bere enpresa-ibilbideari ekin zion abereen ongizatera zuzendutako zentroa, hain zuzen ere.   Zer da Ingravity Dreams eta nola sortu zen? Abereen ongizatea da Ingravity Dreams. Gure abereak fisikoki indarberritzeko teknika naturaletan espezializatutako lekua,...