×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Nola identifikatu eta fidelizatu zure bezero potentzialak?

Share on facebook
Share on twitter
Share on linkedin
Share on whatsapp
Share on email

Bezeroak enpresa baten aktiborik garrantzitsuena dira; izan ere, bezerorik gabe ez litzateke enpresarik egongo. Michael Leboeuf autore estatubatuarraren gogoeta horrek oso ongi laburbiltzen du bezero onak edukitzeak negozioaren esparru guztietan duen garrantzia, batez ere ekiten hastear zaudenean. Bezeroek funtsezko zeregina betetzen dute edozein sektoretan. Izan ere:

  • Produktua hobetzen laguntzen dute
  • Marka baten ospea areagotzen dute
  • Lehiakortasuna bultzatzen dute
  • Merkatua dinamizatzen dute

Hala ere, bezero-zorro on bat lortzea ez da erraza, mundu globalizatu honetan bereziki. Izan ere, gure lehiakideak kale-bazterreko saltokian zein beste kontinente batean egon daitezke. Hortaz, non daude gure bezeroak? Nola irits gaitezke haiengana fidelizatzen saiatzeko?

Gaur egun, digitalizazioak goitik behera aldatu ditu marketina eta publizitatea, eta oso neurri handian demokratizatu ditu. Hori dela eta, edozein negoziotarako irekita dagoen merkatu handi bat da orain mundua. Gure bezeroak planetako edozein lekutan egon daitezke. Hala ere, badaude bezeroak identifikatzea ahalbidetzen diguten aldagai batzuk:

  • Demografikoak. Zure produktuaren eskaintza jasoko duen bezeroaren ezaugarri pertsonalak zehazten dituzte, hala nola adina, sexua, seme-alabarik baduen eta abar.
  • Geografikoak. Bizi diren lekuak (kostaldea edo barnealdea, eremu beroa edo hezea) bizi-premiak baldintzatzen ditu (arropa, etxebizitza, bizi-estiloa eta abar).
  • Sozialak. Bezeroaren ezaugarriek, sinesmenek eta balioek kontsumo-jarraibideak baldintzatzen dituzte.
  • Jarrerazkoak. Garrantzitsuenak dira, bezeroek nola jokatzen duten erakusten baitute: erosketa-ohiturak, maiztasuna, erosketak online egiten dituzten eta abar.

Aldagai horien azterketak zure bezeroak ezagutzea eta, era horretan, bezero horiek fidelizatzeko estrategiak diseinatzea ahalbidetuko dizu. Nolanahi ere, bezeroengana iristeko urrats batzuk egin behar dira:

  1. Sortu zure identitate digitala. Bill Gatesek adierazi zuenez, «zure negozioa interneten ez badago, ez da existitzen». Zure webgunea zure aurkezpen-txartela da, hau da, zure produktuari buruzko zalantzak dituen erabiltzaile orok erabiliko duen merkataritza-bulegoa. Eta, bertan, erantzunak aurkitu behar ditu eta zerbitzu bikaina jaso behar du.
  2. Lortu ospe ona. Ospe digital ona lortzeko, denbora eta bitartekoak beharko dituzu; hondatzeko, berriz, nahikoak dira minutu batzuk. Aholku sinple batzuekin, ospe horri eutsi ahal izango diozu eta hobetu ahal izango duzu.
  3. Landu zure posizionamendua, zure bezeroek aurki zaitzaten. Googlek 2,5 bilioi bilaketa inguru erregistratzen ditu mundu osoan egunero. Zure negozioa lehiakideen artean nabarmendu nahi baduzu eta zure bezeroek interneten aurki zaitzaten nahi baduzu, zure webgunearen SEO posizionamendua landu behar duzu, eremu digital osoa eraginpean hartuko duen estrategia zabalago baten barruan.
  4. Sortu estrategia bat zure bezero ideala identifikatzeko eta zeureganatzeko. Bezeroa nolakoa den, zer premiak dituen eta nola atsegin duen erostea jakin behar duzu, eta, oro har, bezero horiek etorkizuneko erosketetarako mantentzea ahalbidetuko dizun guztia ezagutu behar duzu.
  5. Aztertu freelanceentzako lan-plataformak. Digitalizazioak erosteko eta saltzeko moduak aldatu ditu, baita kontratatzeko moduak ere: gaur egun, Gig Economy izenekoan diharduen plataformen bitartez eskain dezakezu zure lana (freelanceek proiektuen arabera egiten duten lana), eta zure bezero-zorroa handitu ahal izango duzu plataforma horien bidez.

Estrategia horiek hobetzeko, komeni da formatu eta teknika berriekin egokitzen jakin duen offline publizitatearekin osatzea:

  • Zuzeneko marketina. Estrategia honen bidez, espezifikoki bezero jakin batengana zuzenduko zara (publizitatea postontzietan banatzearen bidez edo telefono bidezko marketinaren bidez, esate baterako).
  • Direktorio fisikoak. Erabiltzaileek premia espezifiko bat dutenean jotzen dute direktorio horietara. Hala ere, zaharkituta geratu dira eta, oraindik oso tresna erabiliak badira ere, jende askok interneteko bilatzaileetara jotzen du horrelako kontsultak egiteko.
  • Gerrilla-marketina. Estrategia honek hiri-espazioak eta hiri-altzariak baliatzen ditu irudiekin jolasteko eta publizitate-mezu zirraragarriak eta distiratsuak bidaltzeko.

Gogoan izan Gaztenpresan marketin-kanpaina bat egiteko edota zure negozioa sustatzeko behar duzun laguntza emango dizugula. Ildo horretan, prestakuntza-tailerrek eta mentoring-programen bidez, laguntza espezializatua jaso ahal izango duzu. Eta ekintzailetza-proiektu bat egiteko edo ekiteko ideiak lortzeko laguntza behar duzu, jarri gurekin harremanetan. Zain izango gaituzu.

Post gehiago irakurri.

Abendua 11, 2024
Berrikuntza eta desberdintzea funtsezko zutabeak dira enpresa-eremuan arrakasta izateko, batez ere ingurune globalizatu eta oso lehiakor batean. Enpresa gehienak Interneten daudenez eta teknologia tresna eta erakusleiho gisa erabiltzen dutenez, are garrantzitsuagoa da behar bezala erabiltzen jakitea. Gaur egun, berrikuntza eta desberdintzea funtsezkoak dira jasangarritasuna eta epe luzerako arrakasta bermatzeko. Arlo horietan inbertitzen duten enpresek, nabarmentzea...
Azaroa 11, 2024
Besteren konturako lanaren zurruntasunik ez dagoenez, autonomo gisa bizitza pertsonala eta lan-bizitza bateratzeko erraztasun gehiago dituzula eman dezake, baina itxurazko malgutasun horrek arazoak ere sor diezazkizuke bi alderdiak bereizteko orduan: lana eta atsedena; negozioa eta aisia. Halaber, zure produktibitateari ere eragin diezaioke. Horregatik, komeni da arau batzuk ezartzea zure energia mantendu ahal izateko. Zure nagusia...
Urria 9, 2024
Maite Ibañez de Maeztu Maikalaren buru izan da, Bilboko Deustu auzoan eta Alde Zaharrean erreferente izan den gozotegia.   GAZTENPRESA: Maikala 2015ean abiatu zen proiektua da, ezta?   MAITE IBAÑEZ DE MAEZTU: 2015ean sortu zen, lantegiaren zatia martxan jarri zenean, eta urtebete geroago arte ez zen jarduera abiarazi Plaza Berrian, lehenengo dendarekin. Leioan trebatzea erabaki...
Urria 3, 2024
Normalean “babestuta” terminoa ikusten dugu, bai ekitaldietan, bai edukietan, baina zer esan nahi du zehazki? Babesletza marketin-estrategia bat da, non enpresa batek (babesleak) finantzaketa ematen dion erakunde, ekitaldi, pertsona edo kausa bati (babestuak), elementu horri lotutako marka erakustearen truke. Hau da, bi aldeek etekinak lortzen dituzten merkataritza-harreman bat ezartzen da. Sinergiak sortzeko lankidetza. Teknika horrek...
Iraila 18, 2024
Hiru hankako mahaia. Baina ez edozein. Sendoa, gogorra. Une onak pasatzeko elkartzen zaren horietako bat. Hori Emakumeook dela esan liteke. Hiru emakume ekintzailek sortutako proiektua. Almudena, Bea eta Naiarak.   GAZTENPRESA: Nola ezagutu zenuten elkar eta nola sortu zen Emakumeook? EMAKUMEOOK: Emakumeook gaur hemen ez dagoen hirugarren pertsona batengatik sortu zen, Ambrosa. Hirurak pandemian geunden...
Iraila 3, 2024
Zure negozioak bultzada bat behar du? Azkenaldian zure enpresa gelditu egin dela iruditzen zaizu? Agian, zure estrategia komertziala edo negozio-plana berriz ebaluatzeko garaia da, mailaz igotzeko, zure markaren ikusgarritasuna indartzeko eta zure produktuaren edo zerbitzuaren salmentak handitzeko. Hona hemen zure enpresaren egoera hobetzeko hainbat aholku, bai enpresa berria izan bai denbora luzea finkatuta eman.  ...

2025-02-07 12:23:52