×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Ideia ona edo negozio ona?

Share on facebook
Share on twitter
Share on linkedin
Share on whatsapp
Share on email

Nola jakin negozio-ideia on baten aurrean gauden

1995ean, Nintendok Virtual Boy merkaturatu zuen, 3D errealitate birtualeko kontsola. Bideo-jokoen merkatua goitik behera aldatzeko baldintza guztiak betetzen zituen, baina, Japonian merkaturatu zutenean, huts egin zuten salmenta guztiek, eta konpainiak uko egin zion Europan merkaturatzeari. Ia 25 urte geroago, enpresa teknologiko handi batzuek, hala nola Googlek eta Sonyk, sekulako arrakasta izan dute beren EB betaurrekoekin, oso garestiak izan arren, eta teknologia hori erreferentzia bihurtu da bideo-jokoen merkatuan.

Zer gertatu zen Virtual Boy kontsolak bere ideia eraldatzailearekin arrakastarik ez izateko? Makinaren efektua oso ona zen, grafikoak ere egokiak ziren garai hartarako, eta kontsolak enpresa handi baten babesa zuen… Baina, berehala, zenbait arazo sortu ziren:

  • Batetik, marketin-arlokoak: betaurrekoak izanik, oso zaila zen horien jolasgarritasuna erakustea.
  • Gainera, oso joko gutxirekin merkaturatu zuten kontsola.
  • Eta, berehala, buruko mina sortzen zuelako zurrumurrua zabaldu zen.

Arrazoi horien eta beste batzuen eraginez, ideia on bat negozio onaren sinonimo ez dela erakusten duen adibide grafikoenetako bat da Virtual Boy kontsola.

Hori Nintendori gertatu bazitzaion, zer gerta dakioke ideia on bat duen pertsona ekintzaile bati? Porrotaren arriskua murrizteko, behar-beharrezkoak dira errealismo-dosi handiak eta gogor lan egitea; negozio-ideiaren azterketa objektibo bat egin behar da, honako urrats hauek oinarritzat hartuta:

Ideia on bat baino ez da edo dirua eman diezaguke?

Lehenik eta behin, zure ideia deskribatu behar duzu, ahalik eta zehaztasun handienarekin, ideia horren atzean negozio bat dagoen ala ez jakiteko.

  • Nola? Norbait produktu edo zerbitzu horrengatik ordaintzeko prest egongo litzatekeen edo, are garrantzitsuagoa, zenbat ordaintzeko prest egongo litzatekeen aztertu behar da. Monetizazioaz ari gara: ez da nahikoa erabiltzaileak izatea; horien ekintzak diru bihurtzen direla ziurtatu behar duzu. Gogora dezagun Arii “influencer”-aren kasua. Instagramen 2,6 milioi erabiltzaile zituen neska horrek pentsatu zuen bere arropa-diseinuarekin arrakasta izango zuela. Baina, salgai jarri zituenean… 36 kamiseta bakarrik saldu zituen.
  • Ezagutu ondo zure mugak eta prestatu abian jartzeko arrazoizko aurreikuspen batzuk. Egin deabruaren abokatuarena eta egin galdera hau zeure buruari: Zer atera daiteke gaizki? Zintzoa bazara, ez duzu sorpresa desatseginik izango.

Deskribatu proiektuaren helburuak eta horien garrantzia.

Oso ondo jakin behar duzu zer nahi duzun: ez duzu arrakastarik izango xehatzeko gai ez zaren zerbaitekin. Esaterako, jarri konfiantzazko pertsona baten aurrean eta azaldu iezaiozu zer egin nahi duzun:

  • Hasi produktutik edo zerbitzutik, eta jarraitu bezero potentzialekin, mugituko zaren merkatuarekin, zure balio-proposamenarekin eta estali nahi dituzun premiekin.

Izan kontuan negozio-ideia orok ezaugarri bat izan behar duela gutxienez: Produktu berri bat edo zerbitzu berritzaile bat eskaini behar dio merkatuari, edo erabilera-ezaugarri berriak eta baldintza hobeak dituen zerbait proposatu behar dio. Bi baldintza horietako bat betetzen ez badu, haren errentagarritasuna zalantzazkoa izango da.

Aztertu sektorea eta merkatua

Egin zure sektorearen AMIA azterketa (Ahuleziak, Mehatxuak, Indarrak eta Aukerak) indarguneak eta ahultasunak identifikatzeko, eta saiatu lehenengoak ahalik eta gehien ustiatzen eta bigarrenak zure enpresaren sendotasun bihurtzen.

Horren ondoren, pentsatu epe luzera: aztertu nola jokatu duen zure merkatuak iraganean, etorkizunean nola egingo duen jakiten saiatzeko. Horrela, merkatu aldakorra den, etorkizunik baduen edo multinazional handien bazka izango den jakingo duzu.

Aztertu zure produktua, lehia eta aurkitu haren abantailak

Zure produktua edo zerbitzua ahalik eta gehien zehazteko eta erabiltzaileek zergatik erosiko duten finkatzeko unea da. Horretarako, zure lehia aztertu behar duzu. Aukeratu zure sektoreko bi enpresa eta pentsatu horien bezeroek dituzten erosteko irizpide nagusiak.

Zure lehiatzeko abantailak ikusi behar dituzu, antzekoak izanez gero, gainerakoengandik bereiziko den produktu edo zerbitzu bat zehazteko eta haren sendotasunak ahalik eta gehien ustiatzeko.

Egin proba bat

Abian jartzeko unea iritsi da, baina, horren aurretik, merkatu-proba bat egitea komeni da, eskala txikiko ebaluazio bat, inbertsio handiak egin aurretik, ideiarekin asmatu duzun ala ez jakiteko. Erantzuna positiboa bada, prestatu proposamen komertzial on bat eta jar zaitez horretan lanean.

Gogoratu, Gaztenpresa Fundazioan, aholkularitza bilatu eta zure negozioa martxan jartzeko laguntza eskura dezakezula, ideia bera sortzetik finantzaketa bilatzeraino.

Post gehiago irakurri.

Otsaila 23, 2023
Iazko abenduaren 23an argitaratu zen BOEn enpresa emergenteen ekosistema sustatzeari buruzko legea, startupei buruzko lege bezala ezagunagoa dena. Estatua pertsona ekintzaileentzat eta horrelako negozioetan interesa duten inbertitzaileentzat helmuga erakargarri bihurtu dadila lortzea da arau berri honen helburua, hau da, enpresa berritzaile sortu berrietan, oinarri teknologikoa dutenetan, hazkunde bizkorrekoak direnetan eta negozio-eredu eskalagarri bat dutenetan interesatuta...
Otsaila 17, 2023
Aurten ere, Gaztenpresaren Astelehen Digitalak itzuliko dira, marketin digitaleko “No te pierdas en las redes” agentziak online ematen dituen prestakuntza-saioak. Saio hauetan, zure negozioaren eremu digitalarekin lotutako gaiak eguneratu ahal izango dituzu. Ordu edo ordu eta erdi inguruko iraupena duten tailer horietan, zure negozioan erantsi ditzakezun baliabide digitalen ikuspegi orokorra lortuko duzu. Izan ere, kontua...
Azaroa 30, 2022
Estatuko enpresen erdia baino gehiagok azken urtean zibereraso bat jasan dutela onartzen dute. Ezagutzen zenuen datu hau? Ezagutzen dituzu Phising, Vishing edo Smishing kontzeptuak? Artikulu honetan, Lautik IT Solutions hori eta askoz gehiago kontatu digu. Konponbide teknologikoetara eta eraldaketa digitalera bideratutako enpresa honek iaz Gaztenpresaren mentoretza-programan parte hartu zuen. Zibersegurtasunaren Eguna dela eta, negozio bat...
Iraila 16, 2022
Ekintzailetzaren igerilekuan murgildu aurretik, urik badagoen egiaztatu beharra dago; gure kasuan, horrek esan nahi du arrisku-analisia gauzatzea eta negozio-plana egitea. Gogoan izan ezazu negozio-plana edo enpresa-plana oso tresna baliagarria dela eta laburbildu behar duela enpresa-proiektu berria nolakoa den eta jaso egin behar dituela negozio arrakastatsu bihurtuko duten helburuak, identitatea eta funtzionamendua. Gainera, une oro gidatuko...
Uztaila 29, 2022
HALO Donostia hiru erizain elkartzetik sortutako proiektua da; hirurek ekiteko gogoa zuten, eta bereziki, erizaintzako zein dermoestetikako sektoreko egungo eskaintzari buelta emateko asmoa. Kooperatiben hilabetean, Halo Donostia-tik eman digute haien historiaren eta lehen urratsen berri.   HALO Donostia “estetika aurreratuko tratamenduetan espezializatutako erizaintza-zentro” moduan definitzen da. Azalduko zenigukete zertan datzan, eta zein den zuen balio...
Uztaila 15, 2022
Modu juridiko askotan gauzatu daitekeen proiektu ekintzaile bat: autonomoa, sozietate mugatua, kooperatiba… Ingravity Dreams elkarrizketatuko dugu Kooperatiben Nazioarteko Eguna dela-eta, Gaztenpresaren eskutik bere enpresa-ibilbideari ekin zion abereen ongizatera zuzendutako zentroa, hain zuzen ere.   Zer da Ingravity Dreams eta nola sortu zen? Abereen ongizatea da Ingravity Dreams. Gure abereak fisikoki indarberritzeko teknika naturaletan espezializatutako lekua,...