×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Nola egin online denda bat? Zure merkataritza elektronikoa abian jarri

Share on facebook
Share on twitter
Share on linkedin
Share on whatsapp
Share on email

Merkataritza elektronikoa boom bat da, eta oraindik beraren lehen ondorioak baino ez ditugu ikusi. Eustaten datuen arabera, 2017an Euskadin Internet bidez egindako salmentei erreparatuz gero:

  • Internet bidez ere aritzen diren 41.000 saltokiek guztira egindako salmenten % 41 bide horretatik egin zuten.
  • Gorako joera dago, argi eta garbi: salmenta-sistema hori urtean % 10 baino gehiago handitzen da.

Datu horiek agerian uzten dute zer-nolako potentziala duen salmenta-bide horrek eta nolako aukera eskaintzen dion edozein ekintzaileri.

Merkataritza elektronikoko erraldoiak, hala nola Amazon, negozio-eredu orojaleak dira eta aurrean harrapatzen duten edonor erabat itzal dezakete. Hori saihesteko Internet bidezko zer negozio eredu jorratu behar dugun pentsatzeko unea da.

Marketplace.

«Saltokien saltokiak» esaten zaien horiek merkataritza-jarduera abian jartzeko eta azpiegitura txikia erabiliz produktuak merkaturatzeko aukera egokia dira. Adibidez, eBayk salmenta-azpiegitura sendoa eta milioika laguneko merkatu potentziala jartzen du zure zerbitzuan. Trukean, hileko kuota bat eta salmenta bakoitzeko komisioa ordaindu beharko dizkiozu. Erraztasuna da haren abantailarik handiena: ez duzu kezkatu behar izango bilatzaileetan kokatzeko SEO estrategiagatik, produktua emateko logistikagatik, banku-gastuengatik… Normalean, marketplaceek dena egiten dute, baita kobratu ere. Arazoak ere badaude, ordea. Garrantzitsuena, ez duzula nortasun komertzialik izango. Zeure erakusleiho berean edukiko dituzu lehiakideak, zure alboan, eta bezero potentzialek etengabe alderatuko dituzte bataren eta bestearen prezioak. Horregatik, lehiakorra izatekotan, etengabe estutu beharko dituzu zeure marjinak.

Batzaileak edo agregatzaileak.

Plataforma horiek Interneteko eskaintzak biltzen dituzte beren erakusleihoan baina, saltzeko unean, saltzailearen webgunera bideratzen dute trafikoa. Webgunez webgune ibili barik, produktu jakinak aurkitu eta prezioak alderatu nahi dituzten kontsumitzaileentzako bilatzaile aurreratua dela esan genezake. Erabiltzaileek denbora aurrezten dute eta markek ez dute protagonismoa galtzen. Horixe da, hain zuzen, marketplaceen aldean duten desberdintasun argia: halako plataformetan lan egiteak ez dakar marka-nortasuna galtzea eta saltokiek batzailearen marketin-tresnak balia ditzakete.

Harpidetza.

Aldian aldiko erosketa-patroi errepikakorrak aurkitzea da sarrerak sortzeko eredu horren helburua. Argitalpenek, gimnasioek, produktu kosmetikoen dendek eta abarrek erabiltzen dute . Oinarria erraza da: bezeroak zerbitzu edo produktu jakin batengatik ordaintzen du, aurrez adostutako maiztasun finko batekin. Badaude esperientziak ardogintzan, adibidez: upategi batzuek urtean gutxieneko eskaera agintzen duen formula ezarri dute, horren trukean instalazioetan bazkaria edo afaria doan jateko eskubidea jasoz (harpidetutako ardo-kantitateaz gain). Enpresak urtean gutxieneko diru-sarrera bermatzen du baina, aldi berean, orotariko sustapenak bidaltzeko eta, ondorioz, salmenta gehiago egiteko aukera gordetzen du.

Komunitatean oinarritutako negozioa.

Beste aukera bat: zaletasun erkideen inguruko negozio-hobia aurkitzea. Adibidez, ingurumenarekiko errespetua, etxeko gozogintza edota bidaiak. Artisau-garagardoaren zaleei zuzendutako online denda da eredu horren adibideetako bat. Izan ere, orotariko zerbeza-barietateak, orotariko ezaugarridunak eta orotariko marketakoak eskaintzen dizkie zaletuei.

Online eta offline saltzea.

Askotan geure negozioaren barruan aurkituko dugu negozioaren osagarririk egokiena. Adibidez, janaria etxez etxe saltzeko online denda irekitzen duen jatetxea. Merkatua dibertsifikatzen du eta emaitza bikainak lor ditzake. Edota Belgikatik artisau-txokolateak inportatzen dituen gozotegia… Zergatik ez du saltoki elektroniko bat sortuko, produktu horiek bere jardueraren osagarri gisa saltzeko?

Ikus dezakezunez, negozio-ideiei buruz aritzen garenean ez dago mugarik, batez ere Interneten. Horregatik, ereduak uztartu eta formula digital propioa sortzeko aukera ere badugu. Eta batek daki, beharbada, lortuko duzun arrakasta ikusirik, frankizia birtuala ere sor zenezake! Gogoratu, bata zein bestea aukeratu, beti izango duzula Gaztenpresaren aholkularitza zeure negozio-ideia garatzeko eta bermeekin aurrera ateratzeko. Zain gaituzu!

¿Quieres leer más artículos relacionados?

January 13, 2021
Ekintzailea sekulako balioa da berez: negozio-ikuspegia, ekimena, sormena eta lidergoa eskaintzen ditu; berritzailea eta erabakitzailea da; oztopoak gainditzen daki, eta gai da bere negozioari eustearren bere burua berrasmatzeko. Baina ekintzailea beste enpresa bateko kide denean, ondo zaindu beharreko benetako altxorra da, eta behar dituen tresna guztiak eman behar zaizkio, bere potentzial osoa bilatzeko. Barne-ekintzailetzaz ari...
January 4, 2021
2020. urte zaharrak utzitako lezioetako bat hauxe da: ekintzailetzak berekin dakartzala elkarlanean jardutea, egokitzea eta, batez ere, berritzea. Hori dela eta, webgune berritua jarri du martxan Gaztenpresak 2021 urte berriarekin batera. Tresna berritzailea da, ekintzailetzaren agertoki guztietara egokitzeko diseinatua, zuri negozio berriarekin laguntzeko. Jakin nahi duzu nola lagundu ahal dizun? Zatoz gurekin. Webgune berrian nabigatzen...
December 30, 2020
Albert Einstein handiak esana da: «Krisialdietan sortu ohi dira asmamena, aurkikuntzak eta estrategia apartak». Eta 2020a jende askorentzat urte benetan zaila izan bada ere, agerian utzi ditu pertsona askoren talentua, hobetzeko gaitasuna eta ekiteko gogoa. Horiek, zuk bezala, osasun-krisiari traol-hitz erraz batekin egin diote aurre: #JarraitzekoBerritzen. Gabonetako post hau zuentzat guztiontzat da. Zuen ahalegina eta...
December 7, 2020
Canvas eredua da negozio-ideia bat modu sinplean, bisualean eta ulergarrian deskribatzeko metodo eraginkorrenetako bat. Alexander Osterwalder-ek idatzitako The Business Model Canvas liburuan dago oinarrituta. Metodo horrek hau du premisatzat: enpresek lau ardatz izan behar dituzte. Hauek dira: bezeroak, eskaintza, azpiegitura eta bideragarritasun ekonomikoa. Hortik aurrera, produktuak edo zerbitzuak bezeroei balio erantsia ematea lortu behar du...
December 1, 2020
Ostalaritza pandemiak gehien zigortu duen sektoreetako bat izan arren, egunero aurkitzen ditugu pertsona ekintzaileen adibideak, inoiz etsitzen ez dutenak, eta egoera zail honi sormenarekin eta gogo onarekin aurre egiten saiatzen ari direnak. Juan Carlos Carok eta Borja García Argüellesek, adibidez, osasun-krisi honetan aurrerapauso bat ematea eta beren lokalekin —Zelai Txiki eta Matalauva, Donostiako bihotzean— #JarraitzekoBerritzea...
November 6, 2020
Gaztenpresaren Sendotze Programaren barnean, hainbat webinar diseinatu ditugu zure negozioaren digitalizazioan eta altxortegiaren gestioan laguntzeko helburuarekin. Bost webinar izango dira, ordubeteko iraupenekoak eta gai osagarriei buruzkoak, eta banaka edo guztiak egin ahal izango dira. Gainera, Gaztenpresaren aholkularitza jasotzen duten eta webinar hauetakoren bat egiten duten negozioek bi tutoretza digital pertsonalizatu egin ahal izango dituzte, 45...

Webgune honek cookie-ak erabiltzen ditu esperientziarik onena izan dezazun. Nabigatzen jarraitzen baduzu, baimena ematen ari zara aipatutako cookie-ak eta horien politikak onartzeko.