×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Gizarte-ekintzaileak mundua aldatzen ari dira

Share on facebook
Share on twitter
Share on linkedin
Share on whatsapp
Share on email

Eta guztiok izango bagenu mundua aldatzeko ahalmena? Tesi ausart hori defenditzen du Efecto dominó. Cómo el emprendimiento social propaga la innovación por todo el mundo liburuak (Empresa Activa argitaletxea, 2016). Lehen, gizarteari ekarpena egiteko modurik onena aktibista edo misiolari izatea zen, edo medikuntzan aritzea. Bervely Schwartz egileak dio gaur egun ekintzailetza dela gure arrastoa uzteko modurik zuzenenetako bat. Planeta osoko 18 adibide bildu eta aztertu ditu. Eta horietako bat Euskal Herrikoa da: Mondragon Team Academy.

Gaztenpresan ehunka laguni laguntzen diegu urtero negozio-ideiak abian jartzen. Lehen urratsetatik hasi eta enpresa sendotu arte laguntzen diegu. Ekimen horietako bakoitza, bere erara, ingurunearen beharrei erantzuten saiatzen da eta, sarritan konturatu gabe, hobetu egiten du. Hau da, mundua eraldatzen ari da. Bai ekintzailearen beraren familiarena, langile dituen horiena, bezeroena, hornitzaileena eta baita bizilagunena ere. Liburuan domino-efektua esaten zaio horri.

Gizarte-ekintzailetza zer den hobeto ulertze aldera, ezagutu dezagun lehenengo egilearen historia.

Bervely Schwartzek lanpostu ona zuen, berak “irabazi-asmoko sektore” esaten dion batean. Lagun batek pozarren kontatu zion Ashoka elkartean lan egiteko aurkeztu zuela bere burua. Lagunak lanpostu hori nahi zuen, zirkuitu korporatibotik atera eta soldata txikiagoa jasoko bazuen ere. Egilea jakinminez gelditu zen. Ez zekien zein elkarte zen hura. Informazioa bilatu zuen eta Ashoka gizarte-ekintzaileen munduko elkarterik handiena dela jakin zuen. Zertan zetzan?

Hilabete batzuk igarota, Ashoka elkartean lanpostu bat betetzeko hautagai gisa aurkeztu zuen bere burua. Bere lana utzi zuen, “lansaria nahiko ona” bazen ere, eta marketin globaleko lehendakariorde gisa sartu zen elkartera.

Eta zerk bultzatu zuen bere bizitzan horrelako aldaketa egitera? Ashoka mugimenduak ekintzaileei laguntzen die, sistema-aldaketak sortu eta etorkizuneko erronkei aurrea hartzen dieten proiektuak dituztenei. Kideen artean nabarmentzen dira, besteak beste, Kailash Satyarthi 2014ko Bakearen Nobel sariduna edota Jimmy Wales Wikipediaren sortzaileetakoa. Guztion onura norbere interesen aurretik jarrita ekitea da kontua. Gure gizartearen arazoen aurrean kexatze hutsetik haratago joatea. Egilearen esanetan, kexa beharrezko pausoa da, baina hasiera besterik ez da, irtenbidea eskaini behar da. Eta hori izan liteke gazteen prestakuntza hobetzea, urruneko tokietara argindarra eramatea, baztertutako taldeak gizarteratzea…

Mondragon Team Academy

Egileak liburuan aztertzen duen adibideetako bat Mondragon Team Academy da. Horrek ikasleak lehenengo egunetik ekintzaile diren ikaskuntza-eredu berria proposatzen du. Ariketa teorikoak egin beharrean, ikasleek enpresa bat sortzen dute eta hori errentagarri egiten saiatzen dira.

Javier Solanaren hitzaurrea du liburuak, eta ekintzaileak helburuetan asmo handikoak izatera bultzatu nahi ditu. Gizartea eraldatzeko ekiten da, ez bakarrik dirua egiteko. “Aukera falta ez da arazo bat, inolaz ere”, dio egileak. “Ekintza ausarten falta bai, ordea”.

Gaztenpresan argi dugu ekitea benetako erronka dela. Merkatua gero eta lehiakorragoa da. Mundua aldatu egin da. Beharrak ere bai. Nekeza da tokia hartzea. Horregatik, EAEko eta Nafarroako ekintzaileei laguntzen diegu. Lagun zaitzagun nahi baduzu, mundu honetan zure aztarna utz dezazun, gurekin harremanetan jar zaitezke. Zain gaituzu!

Post gehiago irakurri.

Abendua 11, 2024
Berrikuntza eta desberdintzea funtsezko zutabeak dira enpresa-eremuan arrakasta izateko, batez ere ingurune globalizatu eta oso lehiakor batean. Enpresa gehienak Interneten daudenez eta teknologia tresna eta erakusleiho gisa erabiltzen dutenez, are garrantzitsuagoa da behar bezala erabiltzen jakitea. Gaur egun, berrikuntza eta desberdintzea funtsezkoak dira jasangarritasuna eta epe luzerako arrakasta bermatzeko. Arlo horietan inbertitzen duten enpresek, nabarmentzea...
Azaroa 11, 2024
Besteren konturako lanaren zurruntasunik ez dagoenez, autonomo gisa bizitza pertsonala eta lan-bizitza bateratzeko erraztasun gehiago dituzula eman dezake, baina itxurazko malgutasun horrek arazoak ere sor diezazkizuke bi alderdiak bereizteko orduan: lana eta atsedena; negozioa eta aisia. Halaber, zure produktibitateari ere eragin diezaioke. Horregatik, komeni da arau batzuk ezartzea zure energia mantendu ahal izateko. Zure nagusia...
Urria 9, 2024
Maite Ibañez de Maeztu Maikalaren buru izan da, Bilboko Deustu auzoan eta Alde Zaharrean erreferente izan den gozotegia.   GAZTENPRESA: Maikala 2015ean abiatu zen proiektua da, ezta?   MAITE IBAÑEZ DE MAEZTU: 2015ean sortu zen, lantegiaren zatia martxan jarri zenean, eta urtebete geroago arte ez zen jarduera abiarazi Plaza Berrian, lehenengo dendarekin. Leioan trebatzea erabaki...
Urria 3, 2024
Normalean “babestuta” terminoa ikusten dugu, bai ekitaldietan, bai edukietan, baina zer esan nahi du zehazki? Babesletza marketin-estrategia bat da, non enpresa batek (babesleak) finantzaketa ematen dion erakunde, ekitaldi, pertsona edo kausa bati (babestuak), elementu horri lotutako marka erakustearen truke. Hau da, bi aldeek etekinak lortzen dituzten merkataritza-harreman bat ezartzen da. Sinergiak sortzeko lankidetza. Teknika horrek...
Iraila 18, 2024
Hiru hankako mahaia. Baina ez edozein. Sendoa, gogorra. Une onak pasatzeko elkartzen zaren horietako bat. Hori Emakumeook dela esan liteke. Hiru emakume ekintzailek sortutako proiektua. Almudena, Bea eta Naiarak.   GAZTENPRESA: Nola ezagutu zenuten elkar eta nola sortu zen Emakumeook? EMAKUMEOOK: Emakumeook gaur hemen ez dagoen hirugarren pertsona batengatik sortu zen, Ambrosa. Hirurak pandemian geunden...
Iraila 3, 2024
Zure negozioak bultzada bat behar du? Azkenaldian zure enpresa gelditu egin dela iruditzen zaizu? Agian, zure estrategia komertziala edo negozio-plana berriz ebaluatzeko garaia da, mailaz igotzeko, zure markaren ikusgarritasuna indartzeko eta zure produktuaren edo zerbitzuaren salmentak handitzeko. Hona hemen zure enpresaren egoera hobetzeko hainbat aholku, bai enpresa berria izan bai denbora luzea finkatuta eman.  ...

2025-02-10 00:11:50