×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Ezagutu Lean Startup metodoaren gakoak

gzt-lean-startup
Share on facebook
Share on twitter
Share on linkedin
Share on whatsapp
Share on email

Proiektu bati ekitea zirraragarria izaten da, baina lan konplexua ere bai. Gure ekosistema ekintzailea sendotuz eta garatuz doa, eta enpresa sortu berriek gero eta aukera handiagoak dituzte aurrera egiteko. Hala eta guztiz ere, oso garrantzitsua da zure negozioa edo zure produktua ahalik eta gehien zehaztea, enpresa guztien sorreraren inguruko ohiko zalantzak ahalik eta txikienak izan daitezen.

Lean Startup metodoa lagungarria da esparru horretan, eta hauxe du helburu: zure negozioaren funtzionamenduari ia baliorik gehitzen ez dioten ezaugarriak edo jarduerak ezabatzea (denbora kontsumitzen baitute, gainera) eta lehentasuna ematea benetan balio handikoak eta eraginkorrak direnei.

Eric Ries enpresaburuak diseinatu zuen Lean Startup metodologia, 2008an, honako liburu honetan: El método Lean Startup: cómo crear empresas de éxito utilizando la innovación continua. Riesek uste du merkatuaren garrantzia funtsezkoa dela edozein produktu diseinatzeko eta baliozkotzeko. Ildo horretatik, oinarrizkotzat jotzen du prototipoa egitea eta hartzaileen erantzuna ikustea, produktua merkaturatu aurretik.

Merkatua da gakoa

Tesia ezin argiagoa da: merkatua da edozein produktu edo zerbitzu baliozkotzeko eragilerik eraginkorrena; hortaz, produktu minimo bideragarria sortzea eta merkatuaren erantzuna aztertzea izan behar du ekintzaileen lehenengo helburuak. Metodologia horren bitartez, Eric Riesek proposatzen du produktua egin aurretiko prozesu motelak eta garestiak aurreztea eta merkatuaren ikasbide baliotsuak lehenbailehen eskuratzea. Horrela, ondo funtzionatzen ez duten elementuak azkar zehaztu eta ezabatu ahalko dituzu, eta, aldiz, soluzio bideragarrienak optimizatuko dituzu produktua hobetzeko prozesuan.

Lean Startup metodoak argituko dizu zer eta nola neurtu behar duzun eta bezeroen ekarpenak nola erabili behar dituzun produktua edo zerbitzuak hobetzeko. Informazio horrek lagunduko dizu zure negozioa kudeatzen, estrategia noiz aldatu behar duzun asmatzen eta ahalegina handitzeko momentua aukeratzen, negozioa azkar gara dadin.

Hiru urrats

Horretarako, hemen dituzu metodologia horren funtsezko hiru urratsak. Zehazki, honako faktore hauetan datza prozesu dinamiko hori: ideietan oinarritutako produktuak sortzean, bezeroen erantzuna eta portaera neurtzean eta estrategiari eusteko edo aldatzeko azken erabakia hartzean.

  • Prototipoa sortzea. Lehen urratsa oinarrizko produktu edo zerbitzu baten ideia diseinatzea da; ondoren, balizko bezeroen premiei erantzuten dien zehaztu beharko duzu. Horretarako, abiapuntuko hipotesia formulatu beharko duzu, hau da, produktu minimo bideragarria, hots, prototipoa, sortu beharko duzu, eta zuk aukeratutako publikoaren premia zehatz bati erantzuten dion aztertu beharko duzu. Amaierako produktuaren oinarrizko bertsioa izango da, haren elementu garrantzitsuenak izango ditu jada, eta merkatuan aurkeztuko duzu. Adibidez, aparrik edota urik behar ez duen makina bat, bizarra mozteko. Besterik gabe.
  • Harrera maila neurtzea. Behin prototipoa diseinatuta, kalera atera beharko duzu, bezeroek proba dezaten: haiek esango dizute norabide onean zauden edo planteamendua aldatu behar duzun. Probak egin beharko dituzu bezeroekin: inkestak, gizarte-sareko kanpainak edota publikoaren iritzia jakinarazten lagunduko dizun beste jarduera bat.
  • Ikastea. Datuen lagin esanguratsu bat eskuratu eta gero, har ezazu abiapuntutzat, itzul zaitez laborategira, eta azter ezazu bezeroek zer esan dizuten. Prest egon behar duzu hasieran kontrako iritziak jasotzeko, are gehiago, metodologia hori erabiltzen duzun lehenengo aldia baldin bada. Batzuetan gure produktua edo zerbitzua ez da guk uste bezain bikaina, eta hamaika buelta eman beharko diogu geure buruari, proposamen arrakastatsu bat zehaztu arte. Hauxe da, hain zuzen ere, Lean Startup metodoaren benetako balioa: merkatuaren erreakzioa produktu osoa ekoizten hasi aurretik ezagutzea, denbora eta baliabideak aurrezteko.

Prototipoa egin eta gero, beharrezko aldaketak egin beharko dituzu produktua hobetzeko eta zure bezeroen benetako premietara egokitzeko. Eta, behin eginda, prozesua errepikatu beharko duzu. Zenbat aldiz? Behar beste, bezeroek produktuarekin euren burua identifikatu eta haren truke ordaintzeko prest egon daitezen arte.

Baliteke ariketa hori astuna iruditzea eta noizean behin pazientziarik gabe amaitzea, baina gogoan izan behar duzu arriskua ahalik eta gehien txikiagotzen duela eta baliabideak ahalik eta ondoen erabiltzen lagunduko dizula.

Lean Startup metodologia aplikatzeaz gain, gogora ezazu Gaztenpresan tresnak ditugula erabilgarri, zure negozioa xehetasun handiagoz aztertzeko eta haren bideragarritasuna probatzeko; edo, bestela, hobetzeko aukera berriak esploratzen lagunduko dizugu. Hemen gaituzu!

Post gehiago irakurri.

Apirila 15, 2021
Batzuetan, zure negozioaren norabidea aldatu beharra senti dezakezu, hainbat arrazoi direla medio: zure produktua edo zerbitzua zaharkituta geratu delako, zure merkatu naturala ase dagoela ikusten duzulako, edo pairatzen ari garen krisiak bete-betean jo zaituelako, besteak beste. Zure negozioa likidatu eta berriz hasteko tentazioa izan badezakezu ere, askotan komeni da egin duzun lana aprobetxatzea eta pertsiana...
Apirila 7, 2021
Gaztenpresaren «berritu eta sendotu zure negozioa» programaren barruan, hainbat web-mintegi diseinatu ditugu, zure enpresaren egunerokorako funtsezkoak diren trebetasun bigunak (soft skills) eta finantzarioak garatzen laguntzeko. «Gaztenpresaren astelehen digitalak» programak bezala, zazpi web-mintegi ditu honako honek, eta «Zure negozioa sendotzeko trebetasun pertsonal eta finantzarioak» lantzen dituzte. Zoom bidez emango ditu Gaztenpresak, apirileko eta maiatzeko asteazken guztietan,...
Martxoa 31, 2021
Proiektu bati ekitea zirraragarria izaten da, baina lan konplexua ere bai. Gure ekosistema ekintzailea sendotuz eta garatuz doa, eta enpresa sortu berriek gero eta aukera handiagoak dituzte aurrera egiteko. Hala eta guztiz ere, oso garrantzitsua da zure negozioa edo zure produktua ahalik eta gehien zehaztea, enpresa guztien sorreraren inguruko ohiko zalantzak ahalik eta txikienak izan...
Martxoa 24, 2021
Ekintzailetzak ez du etenik Euskadin. Gure ekintzailetza-sareak egunez egun hainbat erronkari aurre egin behar izan arren, urtez urte talentu-lagin berriak ikusten ditugu, jarduera ekonomikoa eta enpresa-produktibitatea mantentzen laguntzen dutenak. Berrikuntza-lan hori bereziki handia izan da azken urtean. Osasun-krisiak eta hark berekin ekarri dituen murrizketek ezin izan dute geldiarazi negozio-ekimen bideragarri eta original berrien agerpena gure...
Martxoa 17, 2021
Berrikuntza sortzea eta produktu edo zerbitzu bati ikuspegi ezberdin bat ematea, oro har, prozesu zaila da, baina gaur egungo egoeraren ondorioz, funtsezkoa bihurtu da negozio askoren bizi iraupenerako. Aurreko post batean, hain zuzen ere, prozesu horri buruz hitz egin genuen eta alboko marketina zertan datzan azaldu genuen. Alboko marketin-estrategia bat gauzatzeko, marketin mixaren edozein elementu...
Martxoa 17, 2021
Azken urtean, ekintzaile askok beren asmamena eta egokitzeko gaitasuna erabili behar izan dituzte beren negozioak hondora ez daitezen, egungo osasun- eta ekonomia-krisiaren erdian. Gaztenpresatik, #JarraitzekoBerritzen ekimenaren bidez, berritzeko gaitasuna sustatu eta babestu dugu. Gure ehun ekintzailearen ikuspegi disruptibo eta berritzaileari esker, posible izan da bizi dugun egoera dinamiko eta ezegonkor honetan enpresa-jarduera bermatzea. Negozio askoren...