×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Eskerrik asko!

GZT_post_cierre_eu
Share on facebook
Share on twitter
Share on linkedin
Share on whatsapp
Share on email

Azken aste hauetan, #BerrituErronka-n parte hartu duten pertsonen ideia irabazleak erakutsi dizkizuegu gure sare sozialetan. Beren proposamenekin, ekimenak aurkeztu dituzte osasun-krisiak eragindako murrizketek gehien kaltetutako hiru sektoreetako negozioetarako.

#BerrituErronka abian izan den aste hauetan, 50 ideia baino gehiago jaso ditugu, eta ideia horiek guztiek aurrera jarraitzeko lezio bat eman digute. Horrez gain, gogorarazi digute posible dela negozio baten egoerari buelta emateko #JarraitzekoBerritzen jardutea eta, horri esker, jarduerarekin jarraitzea.

Gaztenpresatik eskerrak eman nahi dizkiegu pertsona horiei guztiei, beren dedikazioagatik, ahaleginagatik eta asmamenagatik. Izan ere, horiek beste negozio batzuentzat eredu izatea nahi dugu, eta jakitera ematea, zailtasunak zailtasun, aurrera egin daitekeela.

Era berean, ez ditugu ahaztu nahi beren ideiarik gogokoenaren alde bozkatu duten pertsona guztiak. Aste hauetan zehar, jasotako proposamenek 2.429 boto jaso dituzte guztira. Mila esker horiei ere.

1. erronka. Nola berrituko zenuke arropa-denda bat?

Lehen erronkan 12 ideia jaso genituen tokiko moda-negozio bat berritzeko. Ideia horiek guztiak teknologia sartzearekin eta jantziak birziklatzearekin zeuden lotuta. Honako hauek izan dira 3 ideia irabazleak:

  • Ropa x subscripción. Kontsumitzaileek hilero kuota bat ordaintzea proposatzen du Aintzane Valdivielsok, hala, jantziak etxera eraman eta nahi denean itzuli ahal izateko.
  • Tik Tok. Naia Azpiazuk Tik Tok sare sozial berria sartu du bere proposamenean. Dendetan tabletak egongo dira, Tik Tok sareko bideoekin, eta bideo horiek dendan salgai dauden jantziekin grabatuta egongo dira. Horrela, inspirazio-iturri bihurtuko dira eta erosketa-esperientzia askoz atseginagoa izango da.
  • ARropa. Asier Horasek errealitate areagotua erabili du bere ideia aurkezteko. Haren bidez, kontsumitzaileek programaren parte diren dendetako arropa probatu ahal izango dute, lokalean in situ egon beharrik izan gabe.

2. erronka. Nola berrituko zenuke ihes-gela bat?

Bigarren erronkarako, pandemiaren aurretik indarra hartzen ari zen negozio mota bat aukeratu genuen: ihes-gelak. Osasun-murrizketak direla-eta, horietako asko egoerara egokitzen saiatu dira, eta beste batzuek ateak itxi egin behar izan dituzte. Horretarako, 21 proposamen aurkeztu zenizkiguten, oso politak eta landuak denak. Horietan, teknologia izan da proposamen gehienen elementu nagusia. Honako hauek izan dira ideia irabazleak:

  1. Ihes-gela gastronomikoa. Eneko Arcasek ihes-gela bat aurkeztu digu. Ihes-gela horretan, parte-hartzaileek menu bat dastatu behar dute, eta, plater bakoitzaren ondoren, istorio bat kontatzen zaie. Amaitzean, parte-hartzaileak konturatzen dira pozoitu egin dituztela, eta antidotoa aurkitzeko pistak dastatutako plateretan bertan aurkitu behar dituzte.
  2. Escape room Industria 4.0. Erronka honetako bigarren saria Iñigo Blancorentzat izan da. Izan ere, Iñigok teknologia eta hezkuntza bateratu ditu ihes-gela batean. Bertan, industria-iraultzatik sortutako hainbat teknologia erabiltzen dira. Mundu hori modu dinamikoan ezagutu nahi duen publiko bati bideratuta dago, hala nola enpresei edo unibertsitateei.
  3. Ihes-gela teknologikoa. Jon Ander Mayok lortu du publikoaren saria. Jon Anderrek efektu sentsorialen ihes-gela bat ekarri digu, zeinetan parte-hartzaileek 5 zentzumenak erabili behar baitituzte enigma bat ebazteko, horretarako errealitate birtualeko betaurreko batzuk eta aginte batzuk erabiliz.

3. erronka. Nola berrituko zenuke taberna bat?

#BerrituErronka-rekin amaitzeko, galdera hau egin genuen: nola berrituko zenuke ostalaritzako negozio bat? Izan ere, Covid-19aren krisiak gogor jo du sektore hori, eta murrizketetara egokitu behar izan dute. Jaso genituen 23 ideietatik, honako hauek izan ziren irabazleak:

  1. Taberna ekosolidarioa. Ane Reyesek aurkeztu zigun ideia irabazlea. Anek taberna solidario bat proposatzen digu, eko-jasangarria, tokiko merkataritza babesten eta bezeroen parte-hartzea sustatzen duena. Taberna horretan, tokiko baratzeetako osagaiak erabiliz egingo dira pintxoak. Bezeroek gogokoenaren alde bozkatuko dute, plastikozko tapoiak kutxa batzuetan sartuz, eta, hilero, boto gutxien jasotzen dituena kartatik kenduko da, eta beste bat sortu. Erabilitako tapoiak birziklatu egingo dira, eta birziklatzetik lortutako etekinak eta pintxo bozkatuenaren ehuneko bat kausa sozialetara bideratuko da.
  2. Zure etxean prestatu. Saioak zerbitzu bereizgarri bat ekarri digu. Zerbitzu horretan, etxera eramaten da tabernako esperientzia, delivery zerbitzu baten bidez. Bezeroek plater edo koktel bat (edo zati bat gutxienez) prestatzearen esperientzia bizi ahal izango du etxean, eskaerarekin batera bidaliko diren errezetarekin, osagaiekin eta tresnekin.
  3. Espezializazioa. Naiaren arabera, produktu jakin batean espezializatzea da inguruko gainerako lokaletatik bereizteko modurik onena, produktuari balio erantsia emanez eta bezeroen artean ahoz ahokoa sustatuz.

Bizi izan dugun egoerari aurre egiteko atera dezakegun espiritu ekintzailearen erakusgarri txiki bat baino ez dira ekimen irabazleak. Horregatik, eskerrak eman nahi dizkizuegu berriz ere, zuen ideiak egoera zaila bizitzen ari diren beste pertsona askorekin partekatzeagatik. Izan ere, horri esker, egiaztatu ahal izan dute posible dela #JarraitzekoBerritzen jardutea.

Post gehiago irakurri.

Maitza 23, 2023
Mahai-inguruaren ondoren, beren ibilbideko uneren batean Gaztenpresara gure aholkularitzaren bila etorri diren ekintzaileen benetako historiak entzuteko txanda iritsi zen Gaztenpresatik blogean. Hala, Elsa Pamparacuatro eta Keko Salvador ezagutu genituen, Iruñeko zirku-eskolan elkar ezagutu zuten bi artista. Amets bat zuten: Urdaibain zirku-eskola sortzea. Lehenengo aukera izan zen Gautegiz-Arteagan bizi ziren baserriko ukuilua egokitzea. “Han hasi ginen...
Maitza 17, 2023
Duela egun gutxi batzuk gure 2022ko Memoria aurkeztu genuen Donostian. Izan ere, aurten Donostia Gizarte Ekonomiaren Hiriburu izendatu dute. Prentsaurrekoaren ondoren, Gaztenpresatik ekitaldia egiteko aprobetxatu genuen, hain zuzen ere, gure erkidego ekintzailea inspiratu, motibatu eta babesteko ekitaldia. Topaketa hau oso mamitsua izan zenez, eta ezer ez ahazteko, bertan gertatu zen guztia kontatzea erabaki dugu. Has...
Apirila 28, 2023
Gure inguruko errealitate soziala hobetzeko helburuari jarraikiz, Gaztenpresan 314 negozio berri abiarazten lagundu dugu 2022an, eta horiei esker 637 lanpostu sortu dira. Hori horrela izanik, ia 30 urteko ibilbide honetan, 6.578 enpresa eta 12.041 enplegu sortzen lagunduko dugu, eta LABORAL Kutxaren bitartez 192 milioi euro lortzeko aukera eman dugu, mailegutan. Datu horiek guztiak gure 2022ko...
Apirila 17, 2023
Guztion ahotan dago Adimen Artifiziala (AA), eta ChatGPT tresnari zor zaio bere ospearen zati handi bat. Tresna hori OpenAI enpresak merkaturatu zuen joan den urtearen amaieran, eta guztiok harrituta utzi gaitu galderei erantzuteko, elkarrizketak izateko eta testuak modu natural eta koherentean sortzeko duen eraginkortasunagatik eta zehaztasunagatik. Tresna horrek zer egin dezakeen ikus dezazuen, pentsatu dugu...
Otsaila 23, 2023
Iazko abenduaren 23an argitaratu zen BOEn enpresa emergenteen ekosistema sustatzeari buruzko legea, startupei buruzko lege bezala ezagunagoa dena. Estatua pertsona ekintzaileentzat eta horrelako negozioetan interesa duten inbertitzaileentzat helmuga erakargarri bihurtu dadila lortzea da arau berri honen helburua, hau da, enpresa berritzaile sortu berrietan, oinarri teknologikoa dutenetan, hazkunde bizkorrekoak direnetan eta negozio-eredu eskalagarri bat dutenetan interesatuta...
Otsaila 17, 2023
Aurten ere, Gaztenpresaren Astelehen Digitalak itzuliko dira, marketin digitaleko “No te pierdas en las redes” agentziak online ematen dituen prestakuntza-saioak. Saio hauetan, zure negozioaren eremu digitalarekin lotutako gaiak eguneratu ahal izango dituzu. Ordu edo ordu eta erdi inguruko iraupena duten tailer horietan, zure negozioan erantsi ditzakezun baliabide digitalen ikuspegi orokorra lortuko duzu. Izan ere, kontua...