×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Cristina Aral eta Edurne Domínguez, Concha Calle Decoración dendakoak: “Portugaleten tradizio handiko negozio honekin jarraitzeko aukera izan genuen eta aprobetxatu egin genuen”

Cristina Aral y Edurne Dominguez
Share on facebook
Share on twitter
Share on linkedin
Share on whatsapp
Share on email

Bi emakume gazte ekintzaile hauek urte batzuk zeramatzaten Concha Calle Decoración dendan lanean, Portugaleten (Bizkaia) erreferentziazkoa den interiorismoko negozioa. Orain, jabeek erretiroa hartu dute, eta proiektuaren buru jartzea erabaki dute Cristinak eta Edurnek. Elkarrizketa honetan kontatuko digute prozesu hori nolakoa izan den.

 

Zein unetan erabaki zenuten dekorazioko eta interiorismoko denda honen jarduerarekin jarraitzea?

Edurne: Hemen lanean hasi nintzenetik, duela 7 urte, Fernanek eta Conchak, aurreko jabeek, behin baino gehiagotan aipatu zidaten ilusioa egingo ziela eurek erretiroa hartzean negozioarekin nik jarraituko banu, eta, horrela, arian-arian, proiektuarekiko zuten ilusio hura kutsatzen joan zitzaizkidan. Egia esan, nire lan egiteko modua horrelakoa izan da beti; egon naizen tokian egon, bezeroekin buru-belarri aritu naiz beti, nireak balira bezala, eta ez negozio edo enpresa batenak.
Handik urte gutxi batzuetara, Cris hasi zen Concha Calle Decoración taldean lanean, eta berehala ikusi genuen oso ondo osatzen genuela elkar. Horregatik, gure buruzagi ohien txanda hartzeko unea iritsi zenean, elkarrekin egitea erabaki genuen.

Cristina: Izugarri gustatzen zaigu gure lanbidea eta ezin genion aukera horri ihes egiten utzi.


Prozesu horretan, noiz jarri zineten harremanetan Gaztenpresarekin?

Cristina: Negozioarekin jarraitu nahi genuela argi izan genuenean, hainbat bankutara joaten hasi ginen finantzaketaren konturako, eta gure nagusi ohi Conchak esan zigun hitz egiteko Laboral Kutxako Isabelekin. Bera izan zen Gaztenpresarekin harremanetan jarri gintuena eta, hortik aurrera, Vega etorri zitzaigun bisitatzera, eta, egia esan, primeran etorri zaigu eskaini digun guztia. Gainera, Portugaletekoa denez, gure negozioa ezagutzen zuen eta oso erraza izan da harekin lan egitea.

Edurne: Hasieratik egon da gurekin prozesu osoan laguntzen. Jakin behar genuen guztiaren berri eman digu, eta asko lagundu digu negozio-planari forma arin eta azkar ematen. Gainera, gure kasuan, lehendik zegoen jarduera batekin jarraitu nahi genuenez, eskualdatzea egin behar genuen, eta, horretarako, lehengo elkartea deuseztatu behar zen eta elkarte berria martxan jarri, eta Vegak asko bizkortu du prozesu hori.

Concha Calle Decoración negozioaren jabeak zarete dagoeneko, baina jarraitzen al duzue Gaztenpresarekin harremanetan?

Edurne: Bai, bai. Dirulaguntza bat kudeatzen lagundu digu Vegak. Era berean, Gaztenpresako ekintzaileentzako prestakuntza-ikastaroa egiteko aukera ere eman dit, Crisek dagoeneko egin duena. Asko eskertzen da kontuan hartzea bi bazkide garela eta biok negozio-prestakuntza berdina izan dezagun kezkatzea.

Negozioari dagokionez, zein dira zuen itxaropenak?

Edurne: Gure lehen helburua da orain arte bezala jarraitzea. Esan daiteke “bonboitxo” bat dela negozio hau. Badu ibilbidea, esperientzia eta bezeroak oso leialak dira Concha Calle Decoración dendak duen esentziarekin, eta ildo beretik jarraitzea interesatzen zaigu guri.
Bezeroak izugarri zaintzen ditugu hemen, guk nahi duguna da beren etxeetako interiorismoa gure esku uzten dutenean, emaitzarekin erabat pozik sentitzea eta, are gehiago, positiboki harritzea. Lana ondo egitea eta bezeroa pozik egotea baino harrotasun handiagorik ez dago guretzat. Bezero bat bere etxean gustura sentituko dela eta guk egindako lanari esker hartaz gozatuko duela jakitea zirraragarria da benetan.

Cristina: Guztiz ados nago Edurnerekin. Interiorismo proiektu bat hasten dugunean, bezeroak adinako ilusioa izaten dugu guk ere. Dekorazio hori guretzat egiten ariko bagina bezala egiten dugu lan. Jakina, Concha Calle Decoración dendan konfiantza izan duen pertsona edo familia horren nahiak errespetatzen ditugu, baina guretzat izango balitz jarriko genuen arreta, zaintza eta exijentzia berdinarekin egiten dugu proiektua. Oso lan gogorra da, eta asko inplikatzen gara; hala ere, azken emaitza eta, batez ere, bezeroaren ilusio-aurpegia ikusten dugunean (eskerrak emateaz gain oparitxoren bat ere ekartzen baitigute batzuetan), erabatekoa da gogobetetasuna.

 

Cristina eta Edurne, eskerrik asko zuen ekintzailetza-historia partekatzeagatik!

Eta dekorazioko eta interiorismoko denda hori bisitatu nahi baduzue, hemen dituzue datuak:

Concha Calle Decoración

 

Casilda Iturrizar kalea, 6

48920 Portugalete (Bizkaia)

Emaila: info@conchacalledecoracion.es

Instagram: @conchacalle_decoracion

Post gehiago irakurri.

Uztaila 9, 2024
Gaztenpresaren podcastean, kubaldun honekin (jaiotzez kubatarra eta bihotzez euskalduna) hitz egin dugu. Ekintzaile peto-petoa da, eta ez da konformatu bere proiektuak abiaraztearekin, baizik eta, gainera, ekintzailetzarako grina partekatzen du Euskadira migratutako emakumeekin, kolektibo horrek negozio bat abian jartzeko orduan dituen oztopo gehigarrien jakitun.   Laguntza eta ulermenerako gune bat Lan hori egiteko, Maylin Vergarak Emakume...
Uztaila 8, 2024
Ekin eta zure enpresa sortu aurretik, zure negozio-eredua landu behar duzu. Erakunde batek balioa nola sortzen, entregatzen eta bereganatzen duen deskribatzen duen eskema bat da. Bestela esanda, enpresa batek nola funtzionatzen duen eta irabaziak sortzen dituen definitzen duen plana da. Enpresa-tresna hau oso erabilgarria da, batez ere zure ibilbide berriaren hasieran, gida eta orientazio gisa...
Uztaila 2, 2024
Gaztenpresaren jarduera jarraitu ohi duzuen pertsonei ziur Elsa Pamparacuatro eta Keko Salvador izenak ezagunak egiten zaizkizuela. Ekintzaile bikote hau Gernikako Txitatoki zirku eskolaren sustatzailea da, iaz Donostian antolatu genuen Gaztenpresatik topaketan esan ziguten bezala. Han jakin genuen zentro honek, landa-eremuan zirkuko arteen praktika hurbiltzea eta sustatzea ez ezik, pertsonen garapen pertsonalerako eta gizarteratzeko tresna gisa...
Ekaina 25, 2024
Prest dago Joanes Roso, Tazebaezeko CEOarekin izan dugun solasaldiaren azken zatia!! Lehenengo zatian proiektuaren hasierei buruz hitz egin genuen, eta zergatik egituratzen den kooperatiba gisa. Bigarren atal honetan, talde kooperatibo honen jardueran sakondu dugu. Lau negozio-unitate biltzen ditu, independenteak, baina elkarren artean lotuta daudenak eta erantzunkideak direnak: Bira: aholkularitza-zerbitzuak Tazebaezen jarduera nagusia aholkularitza eta aholkularitza...
Ekaina 18, 2024
Gaur Joanes Roso, Tazebaez kooperatibako CEO eta presidentearekin hitz egin dugu. Kooperatiba horrek 15 urte baino gehiago daramatza negozio eta proiektu jasangarriak bultzatzen, pertsonak prozesuaren erdigunean kokatuz beti. Jakin nahi duzu nola egiten duten eta zerk motibatzen duen enpresa honetako taldea? Aholku bat: entzun gure podcastaren atal hau, eta baita hurrengoa ere, elkarrizketa hain interesgarria...
Ekaina 12, 2024
Imajina dezakezunez, Eko-Ekintzailetzak goraka doazen bi joera biltzen ditu: ekologia eta ekintzailetza. Ekintzailetza berdea edo ingurumenekoa da, proiektu profesional bat sortzean jasangarritasunari ere garrantzia eman behar diozulako. Gaur egun, klima aldaketarekin kezkatuta dagoen jende gehiengoarekin eta 2030 agenda ezartzearekin, ez da nahikoa ekonomikoki funtzionatuko duen negozio bat sortzea, ekologikoki ere funtzionatu behar baitu. Jasangarritasunaren eta...