×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

BILA: Zerga-aitorpena egiteko laguntza Bizkaian

Share on facebook
Share on twitter
Share on linkedin
Share on whatsapp
Share on email

Negozio berria sortu duzu eta zerga-aitorpenak egiten denbora gehiegi galtzen duzula iruditzen zaizu. Hainbat eredu aurkeztu beharrak ere ez du batere laguntzen. Oso errepikakorra egiten zaizu, eta behin eta berriz bete behar izaten dituzu informazio berari buruzko laukitxoak. Egoera horretan bazaude, eta Bizkaiko zergaduna bazara, interesatuko zaizu Foru Aldundiko Ogasun eta Finantza Sailaren programa berria ezagutzea. Estreinatu berri dute, eta Gaztenpresan probatu dugu dagoeneko. Haren xehetasunak argituko dizkizugu.

Urtero artatzen ditugun ehunka ekintzaileren kezka nagusienetakoak betebehar fiskalekin eta haiek modu bizkorrean  betetzearekin lotutakoak dira. Urratsez urrats zure enpresa sortzen laguntzeaz gain, Gaztenpresan aholku emango dizugu eta zure alboan izango gaituzu Administrazioarekin egin beharreko izapide guztietan. 20 urte baino gehiago daramatzagu Euskadiko eta Nafarroako ekintzaileei laguntzen, eta BILA programarekin bezalaxe, egunean gaude gainerako nobedadeekin ere.

BILA doako tresna da eta zure aitorpena ordenagailuz (Windows, Linux eta Mac) betetzen eta aurkezten lagun diezazuke. Plataforma hori berezia da, ordea; izan ere, programa bakarrean bateratzen ditu zerga-aitorpenen ereduak betetzeko gaur egun erabilgarri dauden laguntza-tresna guztiak. Historiko bat gordetzen dizu aurreko ekitaldietako datuak automatikoki berreskura ditzazun, eta horri esker, ez duzu denborarik galdu beharko hainbat laukitxo behin eta berriz betetzen. Zerga-eredu bakoitzarentzat erabilgarri dauden laguntza-programak BILAk ordezkatzea da Foru Aldundiaren helburua, eta horrela, zergadunek tresna bakarra erabili behar izatea, eta ez hainbat, orain arte bezala.

 

Hona hemen BILAn erabilgarri dauden ereduak:

BEZ/2016-2017 eredua

110-111/2017 eredua

115/2017 eredua

130/2017 eredua

140/2017 eredua

180-10I/2016 eredua

182-D1/2016 eredua

187/2016 eredua

188/2016 eredua

190-10T/2016 eredua

193/2016 eredua

296/2016 eredua

340/2017 eredua

345/2016 eredua

347/2016 eredua

349/2017 eredua

603/2017 eredua

720/2016 eredua

Kontuan izan, oso garrantzitsua baita, ez dituela barne hartzen Errentaren, Sozietateen, Oinordetzen, Eskualdaketen eta Jarduera Hasieraren gaineko Zergak kudeatzeko behar diren programak.

 

Nola deskargatu

Lehen urratsa hura instalatzea da. Lehen begiratuan, programa deskargatzeko Foru Aldundiak ematen dituen jarraibideak irakurrita, prozesuak korapilatsu xamarra dirudi, baina minutu gutxian egiten da.

 

Windows

Beste ezer baino lehen, zure ordenagailuan JAVA programa instalatuta dagoen begiratu behar duzu. Horretarako, sakatu INICIO, PANEL DE CONTROL eta JAVA. Bost fitxa dituen leihoa ikusiko duzu pantailan. GENERAL fitxan, sakatu ACERCA DE, eta hortxe ikusiko duzu zure JAVA eguneratuta daukazun. Horrela ez bada, lotura honetan doan jaitsi dezakezu azken bertsioa.

Lehen urrats hori eginda, Foru Aldundiaren web-orritik BILA programa deskargatzea besterik ez duzu egin behar. Gero, egin klik fitxategiaren gainean eta jarraitu pantailan agertuko zaizkizun urratsak.

 

Mac

Beste ezer baino lehen, zure ordenagailuan JAVA programa instalatuta dagoen begiratu behar duzu. Horretarako, Appleren ikonoa sakatu behar duzu, pantailaren ezkerreko goiko ertzean, PREFERENCIAS DEL SISTEMA gainean klik egin eta gero sakatu JAVA. Bost fitxa dituen leihoa ikusiko duzu pantailan. GENERAL fitxan, sakatu ACERCA DE. Hortxe ikusiko duzu JAVAren zer bertsio duzun instalatuta. Gutxienez, 1.8 bertsioa izan behar da. Zurea zaharragoa bada, lotura honetan doan jaitsi dezakezu azken bertsioa.

Ondoren, idatzi TERMINAL hitza FINDERean (pantailaren eskumako goiko ertzeko lupan), gero idatzi “java –version” komatxorik gabe eta sakatu INTRO.

Bi urrats horiek eginda, Foru Aldundiaren web-orritik BILA programa deskargatzea eta hura instalatzea soilik falta zaizu. Deskargatutako fitxategiaren gainean sakatu, eta arrastatu BILAren ikonoa APLICACIONES karpetara. Azkenik, zabaldu FINDERra (pantailaren eskumako goiko ertzeko luparen ikonoa), idatzi APLICACIONES hitza eta sakatu BILAren gainean programa zabaltzeko.

 

BILAren funtzioak

Behin programa zure ordenagailuan instalatuta, hura zabaldu eta lanean hasi zaitezke. Zeure burua identifikatzea gomendatzen dizugu (pantailaren eskumako goiko ertzeko fitxa gorrian), programak zure aitorpenak bidaltzeko aukera gaitu dezan.

Behar dituzun zerga-ereduak deskargatzea da hurrengo urratsa. Horretarako, zabaldu AITORPENEN KUDEAKETA fitxa, eta sakatu AITORPEN EREDUA.  Pantailan agertuko zaizu erabilgarri dauden eredu guztien zerrenda. Aurreko ekitaldiko aitorpenaren datuak berreskura ditzakezu (UTILITATEAK menua, pantailaren eskumako goiko aldean), aitorpena egin dezakezu (AITORTZAILEAK sakatuz) eta hura aurkez dezakezu (berriz AITORTZAILEAK sakatu, ondoren AITORTZAILEEN ZERRENDA, eta bete nahi dena aukeratu ondoren, aukeratu AURKEZTU). Foru Aldundiak egindako gida azkarra lagungarri izan dakizuke.

Ikusten duzunez, tresna honek bizitza erraz diezazuke, beti ere, hura erabiltzen ikasteari denbora bat eskaintzen badiozu. Ekintzaile izatearekin lotutako urrats honetan edo beste edozeinetan laguntzea nahi baduzu, zure zerga-aitorpenak egiten, esate baterako, gurekin harremanetan jar zaitezke sare sozialetako gure profilen bidez: Facebook, Twitter eta Linkedin. Beti gaude zure esanetara.

Post gehiago irakurri.

Abendua 11, 2024
Berrikuntza eta desberdintzea funtsezko zutabeak dira enpresa-eremuan arrakasta izateko, batez ere ingurune globalizatu eta oso lehiakor batean. Enpresa gehienak Interneten daudenez eta teknologia tresna eta erakusleiho gisa erabiltzen dutenez, are garrantzitsuagoa da behar bezala erabiltzen jakitea. Gaur egun, berrikuntza eta desberdintzea funtsezkoak dira jasangarritasuna eta epe luzerako arrakasta bermatzeko. Arlo horietan inbertitzen duten enpresek, nabarmentzea...
Azaroa 11, 2024
Besteren konturako lanaren zurruntasunik ez dagoenez, autonomo gisa bizitza pertsonala eta lan-bizitza bateratzeko erraztasun gehiago dituzula eman dezake, baina itxurazko malgutasun horrek arazoak ere sor diezazkizuke bi alderdiak bereizteko orduan: lana eta atsedena; negozioa eta aisia. Halaber, zure produktibitateari ere eragin diezaioke. Horregatik, komeni da arau batzuk ezartzea zure energia mantendu ahal izateko. Zure nagusia...
Urria 9, 2024
Maite Ibañez de Maeztu Maikalaren buru izan da, Bilboko Deustu auzoan eta Alde Zaharrean erreferente izan den gozotegia.   GAZTENPRESA: Maikala 2015ean abiatu zen proiektua da, ezta?   MAITE IBAÑEZ DE MAEZTU: 2015ean sortu zen, lantegiaren zatia martxan jarri zenean, eta urtebete geroago arte ez zen jarduera abiarazi Plaza Berrian, lehenengo dendarekin. Leioan trebatzea erabaki...
Urria 3, 2024
Normalean “babestuta” terminoa ikusten dugu, bai ekitaldietan, bai edukietan, baina zer esan nahi du zehazki? Babesletza marketin-estrategia bat da, non enpresa batek (babesleak) finantzaketa ematen dion erakunde, ekitaldi, pertsona edo kausa bati (babestuak), elementu horri lotutako marka erakustearen truke. Hau da, bi aldeek etekinak lortzen dituzten merkataritza-harreman bat ezartzen da. Sinergiak sortzeko lankidetza. Teknika horrek...
Iraila 18, 2024
Hiru hankako mahaia. Baina ez edozein. Sendoa, gogorra. Une onak pasatzeko elkartzen zaren horietako bat. Hori Emakumeook dela esan liteke. Hiru emakume ekintzailek sortutako proiektua. Almudena, Bea eta Naiarak.   GAZTENPRESA: Nola ezagutu zenuten elkar eta nola sortu zen Emakumeook? EMAKUMEOOK: Emakumeook gaur hemen ez dagoen hirugarren pertsona batengatik sortu zen, Ambrosa. Hirurak pandemian geunden...
Iraila 3, 2024
Zure negozioak bultzada bat behar du? Azkenaldian zure enpresa gelditu egin dela iruditzen zaizu? Agian, zure estrategia komertziala edo negozio-plana berriz ebaluatzeko garaia da, mailaz igotzeko, zure markaren ikusgarritasuna indartzeko eta zure produktuaren edo zerbitzuaren salmentak handitzeko. Hona hemen zure enpresaren egoera hobetzeko hainbat aholku, bai enpresa berria izan bai denbora luzea finkatuta eman.  ...

2025-02-10 01:54:18