×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Arazoak al dituzu fakturak kobratzeko?

Share on facebook
Share on twitter
Share on linkedin
Share on whatsapp
Share on email

Etsipenak, ilusioak, pozak, zailtasunak… ekiteko proiektuen hasiera emozio biziko garaia izaten da, erronkak eta arriskuak ere ez dira falta. Gaztenpresan badakigu bizitzako une erabakigarria dela, eta horrelakoetan laguntza eta aholkua eskertzen direla. Horregatik, urteak daramatzagu milaka laguni abentura horretan laguntzen. Badakigu berankortasuna dela beren konturako jarduera bati ekiten diotenen arazoetako bat. Izan ere, enpresa txiki eta ertainetako arduradunei eta langile autonomoei sarrien eragiten dien arazoetako bat da, eskura kobratzen ez dutenean.

 

Arazoaren tamaina

Krisia hasi zeneko 2007. urtearen amaieratik milioi erdi negozio inguru itxi egin behar izan dituzte berankortasunaren eta kobratu gabeko salmenten ondorioz. Erantzukizuna, hein handi batean, administrazio publikoena da, eta baita enpresa handiena eta beste eragile batzuena ere, ordaintzeko epeen kontura gehiegikeriak egiten baitituzte. Azkenean, langile autonomoak eta enpresa txiki eta ertainak babesik gabe sentitzen dira askotan, eta normala da galdetzea legezko tresnarik ba ote dagoen kobratu gabeko salmenten ordainketa erreklamatzeko.

 

Eragiketa komertzialetako berankortasunaren aurkako Legea: Zer dioen

Araudia 2004tik indarrean badago ere -3/2004 Legea-, berankortasuna eta ez-ordaintzeak eragozpen handia dira oraindik. Legediaren arabera, aldeak ados jartzen ez badira, saltzaileak 30 egun naturaleko epea du bezeroari ordaintzeko, zerbitzuak eskaini edo merkantzia eman den datatik aurrera. Epea 60 egun naturaletara zabal daiteke, baina ez gehiago. Emandako ondasunen edo zerbitzuen gaineko adostasuna egiaztatu behar den kasuetan, egiaztapena gehienez 30 eguneko epean egin beharko da, emandako ondasunak edo zerbitzuak jaso ondoren, eta ordainketa egiaztapen-dataren ondorengo 30 eguneko epearen barruan egin beharko da.

 

Legea betetzen al da?

Egia esan…, gutxitan. Ez dago berariazko erregistrorik, baina Administrazio publikoek eta enpresa handiek asko atzeratzen dituzte ordainketak. Berankortasunaren aurkako Sektore anitzeko Plataformak egindako 2014ko txostenaren arabera, sektore pribatuan batez besteko ordaintze-epea 89 egunekoa da (2013an baino 4 egun gehiago), Legeak finkatutako gehienezko 60 eguneko epetik oso urruti. Sektore publikoan batez besteko ordaintze-epea 82 egunekoa da, 2013an baino nabarmen laburragoa (111 egunekoa zen orduan), baina Legeak finkatzen duen 30 eguneko epetik urrun dago, hala ere.

Euskadin eta Nafarroan ordaintzeko epeak Estatukoak baino nahikoa hobeak dira. Euskadin, batez besteko ordaintze-epea 51 egunekoa da; autonomia-erkidegoen artean jarraian dator Nafarroako Foru Komunitatea, 52 eguneko atzerapenarekin, Langile autonomoen federazioaren Behatokiak jasotako 2015eko lehen hiruhilekoko datuen arabera.

 

Nola konpondu ez-ordaintzeen arazoa?

Ez ditzagun kontu gehiago atera. Badakigu zer dagoen eta enpresa askok pairatzen dute arazoa. Konponbide eta estrategia egokiak aurkitzea da garrantzitsuena, zor diguten dirua kobratu ahal izateko. Hona hemen iradokizun batzuk:

*Hartu prebentziozko neurriak salmenta finkatu baino lehen: aztertu eta egiaztatu norekin izango dituzun negozio-harremanak bide horretan aurrera egin baino lehen (eta, noski, atzera bota lehenago ere zorrak dituela sumatzen baduzu edo zorduna berankorren fitxategiren batean azaltzen bada). Beste aukera bat kreditu-asegurua kontratatzea da, enpresak ez-ordaintzeen arriskutik babesten dituen poliza (batzuentzat garestiegia da, baina enpresen herenak horrelakoren bat kontratatu ohi du). Halaber, enpresen berankortasun-profila monitorizatzen duten tresnak ere badira, eragiketa txarrak saihestu eta ordaintzaile onekiko negozioak bakarrik onartzeko.

*Izan malgutasuna eta negoziatzeko gaitasuna. Jarri harremanetan bezeroarekin ez-ordaintzearen arrazoiak jakiteko eta izan malgua zorra ordaintzeko modua negoziatzeko orduan. Bi aldeen arteko komunikazioa funtsezkoa izango da ez-ordaintzeari adiskidetasunezko konponbidea emateko.

*Erreklama ezazu; ez da aurrez aurrekoa, negoziazioa baizik. Normalean, hartzekodunak ez du horrelako gaietan esperientziarik izaten eta ez da eroso sentitzen eskubidez eta Legez berea dena erreklamatu behar duenean. Baina hori da egin beharrekoa, lasai eta ondo pentsatuta aurre egin behar diogu arazoari eta geurea dena erreklamatu. Horrelako egoeretan, beste askotan bezala, baliagarria izan liteke enpresa-gestioan eskarmentua duen pertsona batekin hitz egitea. Gaztenpresan horrelako aholkularitza eskaintzen dugu, gure mentoring programari esker.

*Kontuan izan negozio bat dela. Lehen harremanean, kontratuz dagokiona ez duela bete gogoratuko diogu zordunari. Eta horretan jarraitu behar dugu, ez dugu ez-ordaintzea ahaztu behar zorraren gaineko akordioa lortu nahi badugu. Etengabeko arreta eskaini behar diogu egoerari, konpontzea lortu arte. Ez da denbora pasatzen utzi behar: zor zaharra, zor txarra.

*Kontuan izan berankortasuna sorrarazi duten zergatiak. Batez ere ohiko bezeroa bada. Egoera ekonomikoaren ondorioz enpresa askok arazoak izan ditzakete ordainketak egiteko. Batzuetan, aurreikuspen-faltaren edo gehiegizko baikortasunaren ondorioz gertatzen da. Elkarrizketa da armarik onena: ordaintzeko baldintza bereziak adosten saiatzea. Modu horretan, gure dirua berreskuratzeaz gain ez dugu bezeroa galduko, seguruenik.

*Kontratatu berreskurapenetan aditua den profesionalaren zerbitzua. Ez-ordaintzeak kudeatzen eta berreskuratzen adituak diren abokatuek, lehenik eta behin, ordainketa formalki eskatuko dute eta adiskidetasunezko konponbidea adosten saiatuko dira. Horretan porrot egiten badute, eta kobratzeko edo zordunaren ondasunak bahitzeko aukera badago, auzibideari ekitea gomendatu ohi dute.

Gure gizarte-bokazioko lanaren barruan dago ekintzaileei horrelako egoeretan aholku-eman eta laguntzea. Autoenplegua sustatzea dugu helburu, laguntza ematea zure ilusioa negozio egonkor bilaka dadin, eta ausarta izaten ausartu zaitezen laguntzea. Ideia bat baduzu, dei iezaguzu. Gure helburua, LABORAL KUTXAren gizarte-ekintzaren parte garen aldetik, zure beharren araberako finantzaketa eta adituen aholkularitza eskaintzea da, zure proiektua gauza dezazun.

 

Post gehiago irakurri.

Abendua 11, 2024
Berrikuntza eta desberdintzea funtsezko zutabeak dira enpresa-eremuan arrakasta izateko, batez ere ingurune globalizatu eta oso lehiakor batean. Enpresa gehienak Interneten daudenez eta teknologia tresna eta erakusleiho gisa erabiltzen dutenez, are garrantzitsuagoa da behar bezala erabiltzen jakitea. Gaur egun, berrikuntza eta desberdintzea funtsezkoak dira jasangarritasuna eta epe luzerako arrakasta bermatzeko. Arlo horietan inbertitzen duten enpresek, nabarmentzea...
Azaroa 11, 2024
Besteren konturako lanaren zurruntasunik ez dagoenez, autonomo gisa bizitza pertsonala eta lan-bizitza bateratzeko erraztasun gehiago dituzula eman dezake, baina itxurazko malgutasun horrek arazoak ere sor diezazkizuke bi alderdiak bereizteko orduan: lana eta atsedena; negozioa eta aisia. Halaber, zure produktibitateari ere eragin diezaioke. Horregatik, komeni da arau batzuk ezartzea zure energia mantendu ahal izateko. Zure nagusia...
Urria 9, 2024
Maite Ibañez de Maeztu Maikalaren buru izan da, Bilboko Deustu auzoan eta Alde Zaharrean erreferente izan den gozotegia.   GAZTENPRESA: Maikala 2015ean abiatu zen proiektua da, ezta?   MAITE IBAÑEZ DE MAEZTU: 2015ean sortu zen, lantegiaren zatia martxan jarri zenean, eta urtebete geroago arte ez zen jarduera abiarazi Plaza Berrian, lehenengo dendarekin. Leioan trebatzea erabaki...
Urria 3, 2024
Normalean “babestuta” terminoa ikusten dugu, bai ekitaldietan, bai edukietan, baina zer esan nahi du zehazki? Babesletza marketin-estrategia bat da, non enpresa batek (babesleak) finantzaketa ematen dion erakunde, ekitaldi, pertsona edo kausa bati (babestuak), elementu horri lotutako marka erakustearen truke. Hau da, bi aldeek etekinak lortzen dituzten merkataritza-harreman bat ezartzen da. Sinergiak sortzeko lankidetza. Teknika horrek...
Iraila 18, 2024
Hiru hankako mahaia. Baina ez edozein. Sendoa, gogorra. Une onak pasatzeko elkartzen zaren horietako bat. Hori Emakumeook dela esan liteke. Hiru emakume ekintzailek sortutako proiektua. Almudena, Bea eta Naiarak.   GAZTENPRESA: Nola ezagutu zenuten elkar eta nola sortu zen Emakumeook? EMAKUMEOOK: Emakumeook gaur hemen ez dagoen hirugarren pertsona batengatik sortu zen, Ambrosa. Hirurak pandemian geunden...
Iraila 3, 2024
Zure negozioak bultzada bat behar du? Azkenaldian zure enpresa gelditu egin dela iruditzen zaizu? Agian, zure estrategia komertziala edo negozio-plana berriz ebaluatzeko garaia da, mailaz igotzeko, zure markaren ikusgarritasuna indartzeko eta zure produktuaren edo zerbitzuaren salmentak handitzeko. Hona hemen zure enpresaren egoera hobetzeko hainbat aholku, bai enpresa berria izan bai denbora luzea finkatuta eman.  ...

2025-02-18 07:02:29