y luego Añadir a pantalla de inicio.
Azken urtean, Gaztenpresan berritzeko eta negozio bat egokitzeko zenbait adibide eman dizkizugu osasun- eta enpresa-krisi zail honetatik irteten saiatzeko.
Baina, orain, zure txanda eta beste askorena iritsi da, barruan daramazuen espiritu ekintzailea probatzen duzuen edo hala egin nahi duzuenona.
Hurrengo egunetan, #BerrituErronka jarriko dugu abian, eta zure irudimena jarri beharko duzu martxan erronkari aurre egiteko. Negozio-mota bat emango dizugu, eta zuk hura berritzeko eta egungo egoera zuzentzeko zer egingo zenukeen esan beharko diguzu. Horregatik, 1.500, 1.000 eta 500 euroko hiru sari emango ditugu, eskudirutan, hiru ideia nabarmenenak saritzeko.
Ez duzu zertan ekintzailea izan edo negozio bat eduki; nahikoa da ideia on bat izatea eta zure aletxoa jartzeko gogoa izatea. Hala ere, gogoratu, parte hartzeko, Euskadin edo Nafarroan bizi edo eduki behar duzula zure negozioa, eta gehienez ere hiru minutuko bideo bat prestatu behar duzula; bertan, zure ideiak zertan datzan azaldu beharko duzu. Zure bideoaz gain, idatzizko deskribapen bat aurkeztu ahal izango duzu, gehienez ere 500 hitzekoa. Nahiago baduzu, zure ideia islatzen duen argazki bat ere igo dezakezu, baina izan ezazu kontuan, kasu horretan, idatzizko deskribapena nahitaezkoa izango dela. Gainera, gogoratu Gaztenpresa sare sozialetan jarraitzea eta newsletterrean harpidetza egitea ezinbesteko baldintzak izango direla. Erronka argitaratzen denetik 14 egun baliodun izango dituzu zure irtenbidea bidaltzeko eta hurrengo estekan zure datuak betetzeko.
Aurkeztutako proposamen guztien artean, epaimahai batek 2 ideia onenak aukeratuko ditu. Epaimahaia honako hauek osatuko dute: Gaztenpresaren kudeaketa-taldeko pertsona batek, LABORAL Kutxaren Negozio Garapeneko beste batek, BULTZ-LAN aholkularitza-enpresako beste batek eta UPV/EHUko MBAe3 – Ekintzailetza eta Enpresa Zuzendaritza Masterreko zuzendaritza-taldeko beste batek. Honako alderdi hauek hartuko dituzte kontuan: eskakizun guztiak betetzea, proposamenaren originaltasuna eta aurkeztutako erronkari zein gaur egun bizi dugun egoerari egokitzea. Hirugarren saria publikoak emango du, hurrengo landing pageko bozketa bidez.
Irabazleei Gaztenpresako sare sozialen bidez egingo zaie jakinarazpen ofiziala, erronka itxi eta hurrengo egunetan.
Azkenik, aurrez eskerrak eman nahi dizkizugu, berritzko bultzada bat behar duten pertsonekin zure ideia partekatzeagatik.
