×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Zergatik erabili behar duzu bideoa marketin digitaleko zure estrategian

negocios-digitales
Share on facebook
Share on twitter
Share on linkedin
Share on whatsapp
Share on email

Bazenekien YouTubek planeta osoan 1.000 milioi erabiltzaile bakar baino gehiago dituela hilean eta 4.000 milioi bistaratze izaten dituela egunero? Munduko hirugarren orrialderik bisitatuena dela? Internetera konexioa duten bi pertsonatik batek bisitatzen duela? Eta 18 eta 34 urte arteko pertsonek telebista ikusten baino denbora gehiago pasatzen dutela online bideoak ikusten?

Arrazoi gehiago behar dituzu bideo-marketinerako aurrerapausoa emateko?

Beharbada korapilatsua eta garestiegia irudituko zitzaizun orain arte, baina mito horietako asko ahazteko eta marketin digitalak eskaintzen dizkizun abantailei erreparatzeko garaia da.

– Poltsiko guztientzat. Bideo-marketinaren abantailetako bat da poltsiko guztietarako aukerak daudela; tira, edo ia denentzat. Zuk ordaindu nahi duzuna kostatuko zaizu: ia baliabiderik gabeko oinarrizko ekoizpen bat guztiz eskuragarria da edozein enpresa txikirentzat, baina animazioa, errotulazio on bat edo efektuak gehitu nahi badituzu, musika erosi nahi baduzu… Hollywoodeko ekoizpen bat baino garestiagoa izan daiteke.

– Kanpaina eraginkorrak. Orain kanpaina bat sortu eta konfiguratu behar da, eta bideoak oso erabilgarriak dira horretarako: kanpainaren helburua aukeratu, bideo bat igo eta segmentazio-aukeren artean hautatu behar duzu, besterik ez. Sareek zure publiko potentziala hautatzeko aukera ugari eskaintzen dituzte, kokapen geografikoaren, hizkuntzaren, sexuaren, adinaren, interesen, gako-hitzen, retargeting-zerrenden eta abarren arabera. Horrenbestez, identifikatu zure bezero-mota eta doitu zure kanpaina.

– Estaldura zabala. Hasieran eman dizkizugun datuen ostean, beharbada ez da beharrezkoa izango bideo-marketinaren irismenaz hitz egitea, baina esango dizugu ehunka edo milioika pertsonarengana irits zaitezkeela zure aurrekontuaren araberaIt´s up to you.

– Pay per view. Plataformaren arabera, ordainketa klik edo inprimatze bidez egin daiteke; YouTuberen kasuan, berriz, bistaratze bakoitzeko ere ordain daiteke. Horrela, kanpaina nola prestatu duzun egiaztatu ahal izango duzu: segmentazio egoki batek bihurketa-kostu egokia izaten lagunduko dizu.

– Interakzioa errazten dute. Bideoak ezin hobeak dira elkar eragiteko, like, share nahiz iruzkinekin. Gainera, YouTuberi esker “txartelak” gehitu ahal izango dituzu bideoetan, edozein pertsonak horien gainean klik egin eta zure web-orrira bideratu dadin. Gainera, neurgarriak dira: telebistaren kasuan ez bezala, online bideo-kanpainek metrika pila bat aztertzea ahalbidetzen digute, eta horiek kanpainak optimizatzen laguntzen digute gerora.

Beste gauza bat: zure bideoa birala izatea lortzen baduzu, zure enpresa aparra bezala haziko da.

Bideo-marketinean abiarazteko arrazoia azaldu ostean, zure bideoaren orientazioa erabakitzeko zer egin ikusiko dugu orain.

– Bideo argitzaileak. Laburrak dira, 30 segundo eta 2 minutu artekoak gehienez ere, eta zure enpresaren produktu edo zerbitzu baten erabilera azaltzeko erabil ditzakezu. Bada argi izan behar duzun zerbait: bideoa ikusten duen pertsonak ez du zalantzarik izan behar azaldu berri diozun horren inguruan. Horregatik, oso garrantzitsua da, hura enkargatu edo filmatzen hasi aurretik, behar adinako denbora hartzea, gidoi bat prestatzeko eta egiteko. Abantailak izugarriak dira, eta horren adibide asko daude: zer egin behar duzun urratsez urrats azaltzen dizuten bideo-tutorialak, animazio-bideoak eta abar. Dena den, bideo-tutorialen edo oinarrizko formatuen aldeko hautua egin ezean, gainerako aukerak puska bat kostatuko zaizkizu.

– Zuzeneko bideoak. Gaur egun, sare sozial nagusiek bideoak zuzenean egiteko aukera eskaintzen dizute, guztiz doan. Facebook, YouTube eta Instagram sareek, adibidez, aukera hori eskaintzen dizute, eta oso aukera ona izan daiteke produktu baten aurkezpen-ekitaldia edo urteurren-festa bat emateko. Alderdi pare bat bakarrik izan behar dituzu kontuan: garrantzitsuena da zuzenean gaudela eta ezin izango duzula editatu gertatutakoa, eta bestea, berriz, irudiaren kalitatea justua izango dela −pantaila txikietarako egokia− eta audioa ere txarra izango dela.

  • Enpresaren profila. Irudi batek mila hitzek baino gehiago balio dute, eta hori egunero egiazta dezakezu. Pentsa gozotegi bat duzula… Nola uste duzu aurkeztuko zenukeela hobeto zure enpresa? Instalazioen eta erabiltzen dituzun produktuen kalitatearen deskribapen batekin, edo gozogintza artisauaren arte zoragarria zehatz-mehatz azaltzen duen bideo zaindu batekin? Bideo horien bitartez, egiten duzuna erakusteaz gain, zure instalazioak, ekipoak, produktuak… modu ordenatuan eta garbian erakutsi ahal izango dituzu.
  • Kasu arrakastatsuak. Saiatu zara inoiz zerbitzu bat bilatzen, baina ezin izan duzu aukeratu aurkitu dituzun aukera guztien artean? Pentsa ezazu, zerbitzu hori bilatzen ari zarela, zerbitzu horren hornitzaile baten bezeroa izan den enpresa bateko gerentea jasotako zerbitzua eta tratua goraipatzen agertzen den bideo batekin topo egiten duzula. Zerbitzu-hornitzaile horrengana joko zenuke beste edozeinengana baino lehen? Bada, beste guztiok ere bai. Zure bezeroekin konfiantzazko harremanak egiteko gai izan bazara, anima itzazu bideo batean zure enpresarekiko duten asebetetze-maila azal dezaten.
  • Influencer edo eragin-sortzaileakDagoeneko hitz egin dugu horien inguruan blog honetan bertan, eta aukera ezin hobea dira zure produktua publiko jakin bati erakusteko. Izan ezazu kontuan pertsona horiek profil jakin bateko dozenaka milaka jarraitzaile dituztela eta horiek bideo guztiak irensten dituztela. Zerbitzu horrekin, fakturaz bakarrik kezkatu beharko duzu.
  • Unboxinga. Aurrekoaren aldagai bat da, oro har, pertsona ezagun bat izaten baitute protagonista, baina ezagun egin eta hamar urtera ere arrakasta izaten jarraitzen du. Norberak nahi duen dramatismoarekin, pertsona batek produktu baten bilgarria nola kentzen duen erakusten du kameraren aurrean, baita lehen aldiz erabiltzean sortzen dituen erreakzioak ere: sorpresa, urduritasuna… Olentzero iritsi ostean haur bat grabatuko bagenu bezala da, baina heldu batekin eta zure produktuarekin, eta joko handia eman dezake.

Ikus dezakezun moduan, zure bideo-marketineko estrategiari onura ateratzeko aukera asko daude: zure aurrekontura eta helburuetara gehien egokitzen dena aukeratu behar duzu, besterik gabe. Gogoratu, Gaztenpresan  gure harri-koskorra jarri nahi dugula zure negozioak aurrera egiteko. Horregatik, zure enpresaren lehiakortasuna hobetzen laguntzeko prestatu ditugun tailerretan izena ematera gonbidatzen zaitugu. Zain izango gaituzu.

¿Quieres leer más artículos relacionados?

January 13, 2021
Ekintzailea sekulako balioa da berez: negozio-ikuspegia, ekimena, sormena eta lidergoa eskaintzen ditu; berritzailea eta erabakitzailea da; oztopoak gainditzen daki, eta gai da bere negozioari eustearren bere burua berrasmatzeko. Baina ekintzailea beste enpresa bateko kide denean, ondo zaindu beharreko benetako altxorra da, eta behar dituen tresna guztiak eman behar zaizkio, bere potentzial osoa bilatzeko. Barne-ekintzailetzaz ari...
January 4, 2021
2020. urte zaharrak utzitako lezioetako bat hauxe da: ekintzailetzak berekin dakartzala elkarlanean jardutea, egokitzea eta, batez ere, berritzea. Hori dela eta, webgune berritua jarri du martxan Gaztenpresak 2021 urte berriarekin batera. Tresna berritzailea da, ekintzailetzaren agertoki guztietara egokitzeko diseinatua, zuri negozio berriarekin laguntzeko. Jakin nahi duzu nola lagundu ahal dizun? Zatoz gurekin. Webgune berrian nabigatzen...
December 30, 2020
Albert Einstein handiak esana da: «Krisialdietan sortu ohi dira asmamena, aurkikuntzak eta estrategia apartak». Eta 2020a jende askorentzat urte benetan zaila izan bada ere, agerian utzi ditu pertsona askoren talentua, hobetzeko gaitasuna eta ekiteko gogoa. Horiek, zuk bezala, osasun-krisiari traol-hitz erraz batekin egin diote aurre: #JarraitzekoBerritzen. Gabonetako post hau zuentzat guztiontzat da. Zuen ahalegina eta...
December 7, 2020
Canvas eredua da negozio-ideia bat modu sinplean, bisualean eta ulergarrian deskribatzeko metodo eraginkorrenetako bat. Alexander Osterwalder-ek idatzitako The Business Model Canvas liburuan dago oinarrituta. Metodo horrek hau du premisatzat: enpresek lau ardatz izan behar dituzte. Hauek dira: bezeroak, eskaintza, azpiegitura eta bideragarritasun ekonomikoa. Hortik aurrera, produktuak edo zerbitzuak bezeroei balio erantsia ematea lortu behar du...
December 1, 2020
Ostalaritza pandemiak gehien zigortu duen sektoreetako bat izan arren, egunero aurkitzen ditugu pertsona ekintzaileen adibideak, inoiz etsitzen ez dutenak, eta egoera zail honi sormenarekin eta gogo onarekin aurre egiten saiatzen ari direnak. Juan Carlos Carok eta Borja García Argüellesek, adibidez, osasun-krisi honetan aurrerapauso bat ematea eta beren lokalekin —Zelai Txiki eta Matalauva, Donostiako bihotzean— #JarraitzekoBerritzea...
November 6, 2020
Gaztenpresaren Sendotze Programaren barnean, hainbat webinar diseinatu ditugu zure negozioaren digitalizazioan eta altxortegiaren gestioan laguntzeko helburuarekin. Bost webinar izango dira, ordubeteko iraupenekoak eta gai osagarriei buruzkoak, eta banaka edo guztiak egin ahal izango dira. Gainera, Gaztenpresaren aholkularitza jasotzen duten eta webinar hauetakoren bat egiten duten negozioek bi tutoretza digital pertsonalizatu egin ahal izango dituzte, 45...

Webgune honek cookie-ak erabiltzen ditu esperientziarik onena izan dezazun. Nabigatzen jarraitzen baduzu, baimena ematen ari zara aipatutako cookie-ak eta horien politikak onartzeko.