×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Zer da negozioak eskualdatzea? Kontuan izan beharreko aholkuak

GZT-Traspaso
Share on facebook
Share on twitter
Share on linkedin
Share on whatsapp
Share on email

Askotan, ekintzailetzaren bideak ez du zertan amaiera bat izan behar, ezta enpresa-abentura berri bati ekitera bazoaz ere. Kasu horretan, negozioak eskualdatzeko irudia erabil dezakezu, batetik, eskaini diozun lan eta ahalegin guztiak jarraipena izan dezan eta beste ekintzaile batentzat lagungarria eta pizgarria izan dadin. Eta bestetik, ondare profesional horretatik etekin ekonomikoa lor dezazun.

Negozioa erosi behar duen pertsona bazara, eragiketa horrek lehendik martxan zegoen jarduera ekonomiko bati berriz ekiteko aukera emango dizu. Izapide ugari aurreztu ahal izango dituzu: lizentziak bidaltzea, lokalak bilatzea, langileak kontratatzea eta abar. Azken batean, beste pertsona batek abian jarri duen negozioa aprobetxatzeko aukera izango duzu.

Zertan datza negozioak eskualdatzeak?

Baina, zer da negozioak eskualdatzea? Nori egiten dio mesede? Zer betekizun ditu? Eragiketa hori egiten denean, jabetza duen pertsonak bere negozioa (hau da, negozioaren jarduera eta titulartasuna) eskualdatzeko kontratu bat sinatzen du jabe berriarekin. Horrek esan nahi du:

  • Irekitzeko lizentzia eskualdatzea.
  • Lokalaren alokairu-kontratuaren titularra aldatzea. Gogoratu, lokalaren jabetza hirugarren pertsona batena bada, oso garrantzitsua dela hura ezagutzea, kontratua sinatu aurretik baldintzak berriz negoziatu beharko balira.
  • Hornidura-kontratuen titulartasuna aldatzea.

Horregatik, garrantzitsua da eragiketaren xehetasun guztiei arreta jartzea, negozioa saldu behar duen pertsona bazara nahiz martxan dagoen negozioa erosi nahi baduzu. Gomendio horiek lagungarriak izango zaizkizu eragiketan.

Negozioa saltzen duen pertsona

Zure negozioa eskualdatzeko prozesua izango da, ziurrenik, lanbide-fase honi amaiera emateko aukerarik onena, eta beraz, behar beste denborarekin prestatu behar duzu. Horretarako:

  • Jarduera uzteko arrazoia erretiroa bada, planifikatu eskualdatze-prozesua bost urte lehenago.
  • Bilatu mota horretako eragiketetan espezializatutako profesionalen aholkularitza.
  • Eskatu zure negozioaren balorazio independente bat negoziazioaren abiapuntua zehatz-mehatz ezagutzeko.
  • Ez saldu zure enpresa eskaintzarik onenari; hobe da pertsonarik egokiena aukeratzea, prozesuaren edozein fasetan arazorik ez izateko.
  • Zure datu guztiak eman aurretik, ezar iezaiozu konfidentzialtasun-kontratu bat enpresa erosi nahi duen pertsonari, eragiketa bertan behera utziz gero, salmenta baldintza dezakeen filtrazio interesaturik ez izateko.
  • Ezarri negoziazioaren oinarriak eta baldintzak, gutxieneko eta gehieneko salmenta-zifrekin.
  • Informa zaitez betebehar eta abantaila fiskalei buruz. Negozioa osorik eskualdatzen baduzu, ez da BEZik ordaindu beharrik izango, ezta Ondare Eskualdaketen gaineko Zerga (OEZ) ere. Baina zati bat bakarrik lagatzen baduzu, dagokion BEZa ordaindu beharko da, eta ibilgailuek eta higiezinek OEZ ordaindu beharko dute.
  • Eroslearekin akordio batera iristen bazara, har ezazu denbora pixka bat ordeztuko zaituzten pertsonak prestatzeko eta zure negozioak izan dituen dinamikak azaltzeko.

Negozioa erosten duen pertsona

Negozioa zuk erosi behar baduzu, zorionak: aukera itzela da zure bizitza profesionala birbideratzeko eta, gainera, horrelako abentura ekintzaile batek barne hartzen dituen izapide asko aurreztuko dituzu. Hala ere, oraindik ere lan handia duzu, eta erosteko prozesua planifikatu behar duzu. Bereziki:

  • Onartu konfidentzialtasun-akordioa negoziazioarekin hasi aurretik.
  • Bilatu horrelako prozesuetan espezializatutako pertsonen aholkularitza, merkatuaren errealitatea ezagutzen laguntzeko eta prezio on bat adosteko orduan aholkuak emateko.
  • Egin due diligence bat, hau da, ikertu enpresa zure kabuz ezer sinatu aurretik: saiatu egiaztatzen arazorik ezkutatzen ez duela, gatazkarik ez duela (bizilagunen komunitatearekin, adibidez) eta, azken batean, negozio arrunt bat dela.
  • Egiaztatu ez duela zorrik erakunde publikoekin edo, oro har, harreman profesionala izan behar duzun edozein pertsona, enpresa edo erakunderekin.
  • Informa zaitez zure ibilbide berrian jaso ditzakezun dirulaguntzen eta/edo abantaila fiskalen inguruan.
  • Akordio batera iristen bazara, bidera ezazu beharrezko denbora guztia zure negozio berria ezagutzera, negozioa eskualdatu dizun pertsonaren eskutik.

Edonola ere, gaiari buruzko informazio gehiago eta mota horretako eragiketen baldintzei eta onurei buruzko xehetasunak eskura ditzakezu Gaztenpresaren webguneko negozioak eskualdatzea atalean. Gogoratu zure negozioaren edozein fasetan lagun diezazukegula eta zure jarduerarekin jarraitu nahi duten beste ekintzaile batzuekin harremanetan jar zaitzakegula. Zain gaituzu!

Post gehiago irakurri.

Ekaina 7, 2023
Laida San Sebastianena izan zen Gaztenpresatik ekimenean jasotako azken testigantza. Gizarte arloan ia 20 urtez ekintzaile izan ondoren, orain Mondragon Unibertsitateko Eskola Politeknikoko ikasleekin partekatzen ditu bere ezagutzak eta esperientziak, Ekintzailetza Teknologikoko arduraduna baita han. “Ni naiz guztiari ‘bai’ esatearen asmatzailea”, aitortu zuen Laidak keinu bat eginez Andrea Fernandezek egin zuen aurreko mintzaldiari. Hain zuzen...
Maitza 31, 2023
Andrea Fernández-ena izan zen Gaztenpresatik ekimenean ezagutu genuen beste ekintzailetza-istorioetako bat. “Argentinar doinurik ez duen ekintzaile argentinarra eta erremediorik gabeko ibiltaria” da. Orain dela 20 urte baino gehiago etorri zen Andrearen familia Bilbora, hark hamabi urte baino ez zituenean. Bizitza pertsonalaren eta profesionalaren arteko orekari eusteak duen garrantziaz hitz egin zigun arlo anitz jorratzen dituen...
Maitza 23, 2023
Mahai-inguruaren ondoren, beren ibilbideko uneren batean Gaztenpresara gure aholkularitzaren bila etorri diren ekintzaileen benetako historiak entzuteko txanda iritsi zen Gaztenpresatik blogean. Hala, Elsa Pamparacuatro eta Keko Salvador ezagutu genituen, Iruñeko zirku-eskolan elkar ezagutu zuten bi artista. Amets bat zuten: Urdaibain zirku-eskola sortzea. Lehenengo aukera izan zen Gautegiz-Arteagan bizi ziren baserriko ukuilua egokitzea. “Han hasi ginen...
Maitza 17, 2023
Duela egun gutxi batzuk gure 2022ko Memoria aurkeztu genuen Donostian. Izan ere, aurten Donostia Gizarte Ekonomiaren Hiriburu izendatu dute. Prentsaurrekoaren ondoren, Gaztenpresatik ekitaldia egiteko aprobetxatu genuen, hain zuzen ere, gure erkidego ekintzailea inspiratu, motibatu eta babesteko ekitaldia. Topaketa hau oso mamitsua izan zenez, eta ezer ez ahazteko, bertan gertatu zen guztia kontatzea erabaki dugu. Has...
Apirila 28, 2023
Gure inguruko errealitate soziala hobetzeko helburuari jarraikiz, Gaztenpresan 314 negozio berri abiarazten lagundu dugu 2022an, eta horiei esker 637 lanpostu sortu dira. Hori horrela izanik, ia 30 urteko ibilbide honetan, 6.578 enpresa eta 12.041 enplegu sortzen lagunduko dugu, eta LABORAL Kutxaren bitartez 192 milioi euro lortzeko aukera eman dugu, mailegutan. Datu horiek guztiak gure 2022ko...
Apirila 17, 2023
Guztion ahotan dago Adimen Artifiziala (AA), eta ChatGPT tresnari zor zaio bere ospearen zati handi bat. Tresna hori OpenAI enpresak merkaturatu zuen joan den urtearen amaieran, eta guztiok harrituta utzi gaitu galderei erantzuteko, elkarrizketak izateko eta testuak modu natural eta koherentean sortzeko duen eraginkortasunagatik eta zehaztasunagatik. Tresna horrek zer egin dezakeen ikus dezazuen, pentsatu dugu...