×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Zer da ChatGPT eta nola lagun diezaieke ekintzaileei?

chatgpt
Share on facebook
Share on twitter
Share on linkedin
Share on whatsapp
Share on email

Guztion ahotan dago Adimen Artifiziala (AA), eta ChatGPT tresnari zor zaio bere ospearen zati handi bat. Tresna hori OpenAI enpresak merkaturatu zuen joan den urtearen amaieran, eta guztiok harrituta utzi gaitu galderei erantzuteko, elkarrizketak izateko eta testuak modu natural eta koherentean sortzeko duen eraginkortasunagatik eta zehaztasunagatik.

Tresna horrek zer egin dezakeen ikus dezazuen, pentsatu dugu onena zela berari galdetzea, eta hauxe da esan diguna:

Ondoko elkarrizketa ChatGPT erabiliz egin da, hau da, erantzun guztiak, baita galderaren bat ere, automatikoki sortu ditu tresna horrek. Testuari egin diogun edizioa oso txikia izan da, paragrafo batzuk murriztu eta gramatika-zuzenketa txikiren bat besterik ez.

Elkarrizketa honetan ageri den irudia ere Adimen Artifizialarekin (AA) egin da, Canvak aspaldi ez dela txertatu duen funtzionaltasun baten bidez.

chatgpt

 

GAZTENPRESA: Egun on! Zer galdetuko zenioke ChatGPTri elkarrizketa bat egin beharko bazenio?

CHATGPT: Kaixo! Hizkuntza-eredu gisa, era askotako galderei erantzuteko programatua nago; beraz, edozein galderari erantzuteko prest nago. Baina iradokizunen bila bazabiltza, hona hemen aukera batzuk:

  • Nola funtzionatzen du zure azpiko teknologiak?
  • Zein dira zure trebetasunen mugak eta nola egiten diezu aurre muga horiei?
  • Zer alderdi etiko hartu behar dira kontuan zu bezalako adimen artifizialeko teknologia erabiltzean?
  • Zure ustez, zer bilakaera izango du adimen artifizialaren teknologiak datozen urteetan?

Hasteko iradokizun batzuk baino ez dira horiek, baina prest nago edozein galderari erantzuteko. Bota!

 

GAZTENPRESA: Azal iezadazu oso modu errazean, jende guztiak uler dezan, nola funtzionatzen duen ChatGPT teknologiak.

CHATGPT: Noski, saiatuko naiz ahalik eta modu errazenean azaltzen.

Adimen artifizialeko hizkuntza-eredua naiz, testu-kopuru handiak prozesatzeko eta testuinguruaren eta galderaren edukiaren arabera erantzun koherenteak sortzeko diseinatua.

Imajinatu milioika liburu dituen liburutegi izugarri handia naizela, eta galdera bat egiten didazunean, nire datu-basean bilatzen dudala erantzunik egokiena aurkitzeko. Gaitasun hori dut milioika testu-adibiderekin entrenatu naizelako, eta horrek aukera ematen dit hitzak elkarrekin nola eta zein hizkuntzatan erlazionatzen diren “ulertzeko”.

Laburbilduz, testua prozesatzeko tresna aurreratua naiz, eta zure galderen erantzunak aurkitzen lagun diezazuket.

 

GAZTENPRESA: Testua sortzeaz gain, beste zer egin dezakezu?

CHATGPT: Bai, testua sortu baino askoz ere gehiago egin dezaket! Hizkuntza naturalarekin lotutako zeregin ugari egin ditzaket, esate baterako testua hizkuntza batetik bestera itzuli. Gaur egun, hainbat hizkuntzetatik itzul dezaket, hala nola ingelesetik, frantsesetik, espainieratik, alemanetik, italieratik eta portugesetik, besteak beste. Testu bat idatz dezakezu hizkuntza horietako batean, eta automatikoki itzul dezaket aukeratzen duzun beste hizkuntza batera.

Itzulpenaz gain, testuen laburpenak egin ditzaket, esaldiak edo paragrafoak osatu, berariazko galderei erantzun, sorkuntza-testu bat landu eta askoz ere gehiago.

 

GAZTENPRESA: Programatu ere egin dezakezula entzun dut. Egia al da?

CHATGPT: Ez dut nire kabuz programatzeko trebetasunik, baina kodea sor dezaket hainbat programazio-hizkuntzatan, baldintza egokiak ematen bazaizkit.

Adibidez, testu bat HTML kodera transkribatu nahi baduzu, erabili behar dituzun HTML etiketa egokiak identifikatzen lagun diezazuket eta testua nola egituratu erakutsiko dizut, webgune batean ondo ikus dadin.

 

GAZTENPRESA: Zuk iradokitako galderetako bat egingo dizut orain. Zein dira zure trebetasunen mugak eta nola egiten diezu aurre muga horiei?

CHATGPT: Milioika testu-adibiderekin entrenatua izan naizen arren, oraindik ere arlo batzuetan mugatua izan daiteke nire hizkuntza-ulermena. Hona hemen muga horien adibide batzuk:

  • Testuingurua ulertzea: Batzuetan, mugatua izan daiteke testuingurua ulertzeko nire gaitasuna, eta horrek nire erantzuna guztiz zehatza ez izatea eragin dezake.
  • Entitateak ezagutzea: Testuan zenbait entitate ezagut ditzakedan arren, hala nola pertsonen, lekuen eta erakundeen izenak, oraindik zailtasunak ditut erakunde horiei buruzko erreferentzia sotilagoak identifikatzeko.
  • Sarkasmoa eta ironia: Mugatua da oraindik hizkuntza naturalean sarkasmoa eta ironia ulertzeko dudan gaitasuna.
  • Ezagutza espezifikoak izatea: Gai askotan ezagutza orokorra dudan arren, mugatua izan daiteke oso arlo espezifikoetan informazio zehatza emateko dudan gaitasuna.

Muga horiei aurre egiteko, etengabe ari naiz hobetzen eta eguneratzen hizkuntza naturala prozesatzeko dudan teknologia.

GAZTENPRESA: Ekintzailetza sustatzen duen erakundea gara. Zer eman diezaiokezu zuk bere negozioa sortu nahi duen ekintzaile bati?

CHATGPT: Prozesu horretan erabilgarriak izan daitezkeen baliabide eta tresna ugari eskain diezazkioket. Hona hemen nola lagun dezakedan erakusten duten adibide batzuk:

  • Merkatu-ikerketa: Xede duen merkatua ikertzen eta ulertzen lagun diezaioket, bai eta xede-publikoa identifikatzen eta lehiakideak aztertzen ere. Horrek lagun diezaioke bere negozioa nola posizionatu jakiteko erabaki informatuagoak hartzen eta marketin-estrategia eraginkorra garatzen.
  • Negozio-planak garatzea: Negozio-plan sendoa garatzen lagun diezaioket, hartan jasota dituen helburuei, hazteko estrategiei, finantza-azterketari eta etorkizuneko proiekzioei buruzko informazioa. Hori funtsezkoa izan daiteke negozioak epe luzera arrakasta izango duela ziurtatzeko.
  • Lege- eta finantza-aholkularitza: Lege- eta finantza-gaiei buruzko informazioa eta baliabide baliagarriak eman ditzaket, hala nola enpresa-egitura egokia aukeratzea, finantzaketa lortzea eta kontabilitatea eta zergak kudeatzea.
  • Enpresa-trebetasunak garatzea: Enpresa-trebetasun garrantzitsuak garatzen lagun diezaioket, hala nola erabakiak hartzen, arazoak konpontzen, giza baliabideak kudeatzen eta komunikazio eraginkorra izaten.

Laburbilduz, informazio eta baliabide baliotsu ugari eman ditzaket ekintzaileei laguntzeko beren negozioa modu eraginkorrean garatzen eta hazten.

GAZTENPRESA: Baina ni ekintzailea banintz, zutaz bakarrik fida naiteke edo zure informazioa pertsona edo erakunde aditu batek eman diezadakeenarekin alderatzea gomendatzen didazu?

CHATGPT: Informazio eta baliabide erabilgarriak eman diezazkizukedan arren, beti da garrantzitsua informazio hau alderatzea interesatzen zaizun arloan aditua den pertsona edo erakunde batek eman diezazukeen informazioarekin. Testua prozesatzeko eta sortzeko prestatutako hizkuntza-eredua naiz, baina datu-kopuru handiak prozesatzean oinarritzen da nire ezagutza. Beraz, nire informazioa orokorra izan daiteke, eta batzuetan mugatua izan daiteke zure kasurako garrantzitsuak izan daitezkeen xehetasun espezifikoei dagokienez.

Beraz, negozio bat hastea pentsatzen ari bazara, komeni da arlo espezifikoetako adituen aholkularitza bilatzea, hala nola kontulariena, abokatuena, finantza-aholkulariena eta beste profesional batzuena. Aditu horiek informazio zehatzagoa eta xeheagoa eman diezazukete negozio bat abiaraztean sortzen diren erronkei eta aukerei nola aurre egin jakiteko.

GAZTENPRESA: Horixe izan da guztia. Eskerrik asko, ChatGPT!

CHATGPT: Ez horregatik, hementxe izango nauzu beti behar duzun guztian laguntzeko! Galdetu lasai etorkizunean beste zalantzaren bat baduzu. Egun ona izan!

Post gehiago irakurri.

Maitza 31, 2023
Andrea Fernández-ena izan zen Gaztenpresatik ekimenean ezagutu genuen beste ekintzailetza-istorioetako bat. “Argentinar doinurik ez duen ekintzaile argentinarra eta erremediorik gabeko ibiltaria” da. Orain dela 20 urte baino gehiago etorri zen Andrearen familia Bilbora, hark hamabi urte baino ez zituenean. Bizitza pertsonalaren eta profesionalaren arteko orekari eusteak duen garrantziaz hitz egin zigun arlo anitz jorratzen dituen...
Maitza 23, 2023
Mahai-inguruaren ondoren, beren ibilbideko uneren batean Gaztenpresara gure aholkularitzaren bila etorri diren ekintzaileen benetako historiak entzuteko txanda iritsi zen Gaztenpresatik blogean. Hala, Elsa Pamparacuatro eta Keko Salvador ezagutu genituen, Iruñeko zirku-eskolan elkar ezagutu zuten bi artista. Amets bat zuten: Urdaibain zirku-eskola sortzea. Lehenengo aukera izan zen Gautegiz-Arteagan bizi ziren baserriko ukuilua egokitzea. “Han hasi ginen...
Maitza 17, 2023
Duela egun gutxi batzuk gure 2022ko Memoria aurkeztu genuen Donostian. Izan ere, aurten Donostia Gizarte Ekonomiaren Hiriburu izendatu dute. Prentsaurrekoaren ondoren, Gaztenpresatik ekitaldia egiteko aprobetxatu genuen, hain zuzen ere, gure erkidego ekintzailea inspiratu, motibatu eta babesteko ekitaldia. Topaketa hau oso mamitsua izan zenez, eta ezer ez ahazteko, bertan gertatu zen guztia kontatzea erabaki dugu. Has...
Apirila 28, 2023
Gure inguruko errealitate soziala hobetzeko helburuari jarraikiz, Gaztenpresan 314 negozio berri abiarazten lagundu dugu 2022an, eta horiei esker 637 lanpostu sortu dira. Hori horrela izanik, ia 30 urteko ibilbide honetan, 6.578 enpresa eta 12.041 enplegu sortzen lagunduko dugu, eta LABORAL Kutxaren bitartez 192 milioi euro lortzeko aukera eman dugu, mailegutan. Datu horiek guztiak gure 2022ko...
Apirila 17, 2023
Guztion ahotan dago Adimen Artifiziala (AA), eta ChatGPT tresnari zor zaio bere ospearen zati handi bat. Tresna hori OpenAI enpresak merkaturatu zuen joan den urtearen amaieran, eta guztiok harrituta utzi gaitu galderei erantzuteko, elkarrizketak izateko eta testuak modu natural eta koherentean sortzeko duen eraginkortasunagatik eta zehaztasunagatik. Tresna horrek zer egin dezakeen ikus dezazuen, pentsatu dugu...
Otsaila 23, 2023
Iazko abenduaren 23an argitaratu zen BOEn enpresa emergenteen ekosistema sustatzeari buruzko legea, startupei buruzko lege bezala ezagunagoa dena. Estatua pertsona ekintzaileentzat eta horrelako negozioetan interesa duten inbertitzaileentzat helmuga erakargarri bihurtu dadila lortzea da arau berri honen helburua, hau da, enpresa berritzaile sortu berrietan, oinarri teknologikoa dutenetan, hazkunde bizkorrekoak direnetan eta negozio-eredu eskalagarri bat dutenetan interesatuta...