×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Zer da alboko marketina? Ezagutu abian jartzeko gakoak

GZT-Marketing-Lateral-parte-1
Share on facebook
Share on twitter
Share on linkedin
Share on whatsapp
Share on email

Azken urtean, ekintzaile askok beren asmamena eta egokitzeko gaitasuna erabili behar izan dituzte beren negozioak hondora ez daitezen, egungo osasun- eta ekonomia-krisiaren erdian. Gaztenpresatik, #JarraitzekoBerritzen ekimenaren bidez, berritzeko gaitasuna sustatu eta babestu dugu. Gure ehun ekintzailearen ikuspegi disruptibo eta berritzaileari esker, posible izan da bizi dugun egoera dinamiko eta ezegonkor honetan enpresa-jarduera bermatzea.

Negozio askoren funtzionamenduari eusten lagundu duen ikuspegi hori bera aplikatzen zaio marketinaren esparruari aspalditik, alboko marketina izenarekin. Philip Kotler marketinaren guruak diseinatutako estrategia bat da, eta sormena erabiltzen du beste publiko baten beharrak asetzera bideratutako produktu edo zerbitzu berritzaileak eta apurtzaileak diseinatzeko.

Estrategia horren helburua ez da lehendik dagoen produktu edo zerbitzu bat hobetzea, baizik eta beste modu batean aurkeztea, jatorrizko produktuak erakartzen ez zuen publiko bat erakartzeko. Marketin-modalitate hau aztertu ahal izateko, beharrezkoa da lehendik dagoen produktu batetik abiatzea eta hiru galderari erantzutea:

  1. Produktua aldatuko balitz, jatorrizkoaren osagarri diren beste premia batzuk ase ahal izango lituzke?
  2. Zer aldaketa egin beharko lirateke?
  3. Aldaketa horiekin, iritsi al liteke jatorrizko produktua heltzen ez den beste publiko batengana?

Nola egokitu produktu edo zerbitzu bat

Galdera horiei erantzun ondoren, produktu edo zerbitzu hori nola egokitu behar duzun pentsatzeko garaia da, merkatu berri bat hartzeko gai izan dadin. Oro har, hori egiteko lau modu daude:

  • Beharrak aldatuz. Lehendik dagoen produktu batetik abiatuta, erabilera berriak bilatu behar dituzu, jatorrizkoarekin aurreikusi ez ziren beharrei erantzun ahal izateko.
  • Xede-publikoa ordezkatuz. Produktu bat modu sotilean alda dezakezu, hasieran zure xede-publikoan ez zeuden bezero batzuen beharrei erantzuteko. Estrategia horren adibiderik argienetako bat bizarra mozteko xaflen fabrikatzaileek garatu zutena da. Beren merkatua emakumeei zabaltzea eta haientzat gama espezifiko bat sortzea erabaki zuten.
  • Kontsumo-aldia aldatuz. Kasu horretan, aldatu egiten da produktu baten salmenta-aldi naturala, beste sasoi batean merkaturatu daitekeen beste bat sortuz. Hori da bonboi-ekoizle jakin batzuen kasua, zeinak udako hilabeteetan haien elaborazioa eten eta izozkiak ekoiztea aukeratzen baitute. Edo turroi ekoizleen kasua, zeinak fruitu lehorrez osaturiko aperitibo-sortak prestatzen baitituzte, turroien oinarri diren fruitu lehorrak Gabonetatik kanpo merkaturatzeko.
  • Kontsumo-lekua ordezkatuz. Aldaketa horren helburua da hasiera batean lokal jakin batean, kafetegi batean adibidez, kontsumitzeko pentsatutako produktu bat egokitzea, beste leku batean gozatu ahal izateko. Hori da edari jakin batzuen kasua, esate baterako, te hotzarena edo eramateko kafearena.

Gai honi buruz gehiago jakin nahi baduzu, ez galdu alboko marketin-estrategia bat garatzeko teknikei buruzko post-a.

Post gehiago irakurri.

Urria 21, 2021
Kostata, baina iritsi zara. Neuronak astindu dituzu, zehatz-mehatz prestatu duzu negozio-plana, eta orain pauso erabakigarria eman behar duzu: ideia hori ahalik eta ondoen gauzatzea. Jakina, inoiz ez zara arrisku guztietatik libre egongo, baina ahalik eta gutxien arriskatzea da helburua. Zure beharren araberako kontratuak egitea da horretarako gakoetako bat. Hasi berritan, partner edo lankideekin negoziatu beharko...
Urria 18, 2021
Erantzuna BAI da, baina ez gaitezen engainatu. Denok ez daramagu argazkilari bat barruan, eta gure telefono adimendunarekin ateratako argazkiek ez dute inoiz izango profesional batek atera ditzakeen argazkien kalitate bera, argazkilaritza beti gure hobbyetako bat izan ez bada eta arlo horri buruzko prestakuntzarik ez badugu behintzat. Baina kontu hori argi badugu, eta une horretan argazkilari...
Urria 13, 2021
LinkedIn 2002an sortu zen, eta, 20 urte eskasean, profesionalen sare sozial nagusia eta B2B sektoreko negozioen ezinbesteko elkargunea izatera heldu da. Izan ere, plataforma hori erabiltzen dute beren produktu eta zerbitzuak beste konpainia eta profesional batzuei eskaintzen dizkieten enpresa eta espezialistek. Sare sozial horretan lehen aldiz jotzen duten pertsona askok ez badakite ere, LinkedInen egoteko bi...
Urria 6, 2021
Zure enpresa-proiektua sortu eta haren buru izan nahi baduzu, konpetentzia pertsonalak oso lagungarriak izan daitezke proiektu horretan arrakasta izateko. Zer dira soft skill edo konpetentzia pertsonalak? Gure helburuak lortzen laguntzen diguten jokabideak, jarrerak eta ezaugarri pertsonalak dira. Inguratzen gaituzten pertsonekin gustura lan egiten eta ziurgabetasun-egoeretan arazorik gabe nabigatzen laguntzen digute: gaur egun bizi dugunaren gisako...
Urria 1, 2021
Urte eta erdi daramagu egokitzen jakitea eta berritzea zein garrantzitsua den azpimarratzen. Labur esanda, #JarraitzekoBerritzen. Horregatik, 25 urte baino gehiago egon ondoren zu bezalako pertsona ekintzaileei laguntzen, 2021a berritasunez eta berrikuntzaz beteriko urtea da Gaztenpresan. Urtea hasteko, gure webgunearen irudia garbitu genuen, sinpletu eta intuitiboagoa egiteko. Horrela, orain konexiorik gabe nabiga daiteke bertatik, aplikazio bat erabiliz,...
Iraila 22, 2021
Internetek bere gain hartu ditu gure denbora profesionala, aisialdia, harreman sozial eta sentimentalak, erosketak…, eta pertsona gehienek beren telefono adimenduna piztu eta itzaltzeko botoia sakatuz hasten eta amaitzen dute eguna. Hootsuite plataformak eta We Are Social agentziak Digital 2021 txostenerako egindako azterketa baten arabera, egunean 6 ordu baino gehiago pasatzen ditugu gure mugikorrera, ordenagailura edo tabletara...