×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Zein izan daiteke online edo e-Commerce denda bat sortzearen prezioa?

Share on facebook
Share on twitter
Share on linkedin
Share on whatsapp
Share on email

E-Commerce izenekoek oso zeregin garrantzitsua bete dute osasun-krisiaren aldian. Esan daiteke salbamen-ohol bat izan direla konfinamenduak eta mugikortasun-murrizketek beren negozioen biziraupena mehatxatzen zutela ikusten zuten ekintzaile eta enpresa txiki askorentzat.

Online erosketak ez dira murriztu deskonfinamenduaren aldian

Normaltasunera pixkanaka itzultzeko prozesua agerian uzten hasi denez, salmenta-kanal horrek izan duen garapen ikusgarria ez da egoerak eragindakoa izan, besterik gabe. Deskonfinamenduaren hasieran online salmentaren zifrak egonkortu badira ere, koronabirusak e-Commercean duen eraginari buruzko txosten batek agerian utzi du merkataritza elektronikoa geratzeko iritsi dela.

Zehazki, txostenak adierazten duenez, online salmenten zifrak hirukoiztu egin dira alarma-egoera hasi zenetik maiatzaren erdialdera arte, eta, deskonfinamenduan, online egiten den merkataritza-jarduerak % 1eko beherakada baino ez du izan.

Aldi berean, beste azterlan batzuk (hala nola Veepee enpresak online erosketaren joerei buruz landutakoa) haratago doaz, eta herritarren % 60k berrogeialdia amaitzean interneten bitartez erosten jarraituko duela dio.

Nola aukeratu dezaket e-Commerce mota bat, eta zein da haren prezioa?

Arrazoi horiek eta beste asko direla eta, baliteke urrats bat aurrera egiteko eta zure saltoki elektroniko propioa irekitzeko garaia izatea. Online denda baten bidez ekiteko hainbat aukera eta hainbat e-Commerce mota daude: marketplace izenekoak, agregatzaileak, komunitatean oinarritutako negozioak eta abar.

Hala ere, online denda bat sortzeak duen preziorako hurbilketa bat egin nahi dugu post honetan, eta e-Commercearen adibide batzuk eta horietako bat abian jartzeko dituzun aukerak erakutsi nahi dizkizugu. Online denda baten prezioa kalkulatzeko, xehetasun batzuk hartu behar dituzu kontuan.

Lehenik eta behin, edonork sor dezake saltoki digital bat doako plataformen bidez. Hala ere, eta web-garapenean eta web-diseinuan esperientzia duen pertsona bat zaren edota oso oinarrizko plataforma bat erabiltzen duzun kasuan izan ezik, komeni da zure e-Commercea sortzeko lana enpresa espezializatu batek egitea.

Online merkataritzaren plataformak

Oro har, plataforma horietako bakoitza bere katalogoko produktuen kopuruarekin, haien konplexutasunarekin, enpresaren ERP sistemekiko integrazioarekin eta abarrekin zerikusia duten helburu batzuetara dago bideratuta. Ezagunenen artean, honako hauek aipa ditzakegu: Prestashop , Woocommerce, Magento, Virtuemart, Shopify eta Ionos 1&1.

Enpresa-tamaina desberdinak dituzten hiru plataformaren ezaugarriak azalduko dizkizugu ondoren: alde batetik, Magentok aukera ugari onartzen ditu, eta online denda handiak diseinatzeko bereziki pentsatuta dago; bestetik, Woocommerce izenekoa egokiagoa da enpresa txiki eta ertainetarako; azkenik, Ionos 1 & 1 plataformaren xede-publikoa txikizkako merkataritza da.

Magento: online denda handien plataforma

Plataforma hau online denda handiak era malgu, integragarri eta eskalagarrian diseinatzeko bereziki pentsatuta dago. Ideia bat izan dezazun, Nike, Ford, Olympus eta Coca Cola konpainien saltoki digitalak konfiguratzeko erabilitako plataforma izan da.

Doako soluzio bat eta ordainpeko beste bat ditu: lehena web-garapeneko edozein profesionalek edo agentziak deskarga dezake online denda bat sortzeko, eta bere irizpidearen arabera inplementa ditzake fitxategiak eta zabal ditzake funtzionalitateak. Pertsona aditua bazara, dendaren diseinuak eta garapenak, enpresa-webgune batekin integratzeak, SEOak, domeinuak, mantentzeak, laguntza teknikoak eta hamaika estrak balio ditzaketen milaka euroak aurrez ditzakezu.

Ordainketa-bertsioak (22.000 dolarretik aurrera) ezaugarri eta funtzionalitate horietako batzuk ditu, eta zerbitzu tekniko espezializatu bat eskaintzen du. Zerbitzu horrek instalazioa, erabilera eta arazoen konponketa hartzen ditu barnean, ez, ordea, ezein kasutan, orriaren diseinua. Plataforma konplexua denez gero, bi kasuetan hosting-zerbitzu indartsu bat behar da, eta horren kostua 60-80 euro da urtean.

Woocommerce: ETE-en aukera

WordPress plataforma tamaina ertaineko online dendak diseinatzeko gehien erabiltzen direnetako bat da. Woocommerce plataforma WordPress-erako diseinatutako osagarri bat da, eta haren bertsiorik sinpleenak merkataritza elektronikoaren oinarrizko elementuak baino ez ditu eskaintzen. Funtzio gehigarri horiei pluggin deitzen zaie, eta doakoak edo ordainpekoak izan daitezke, funtzionalitate aurreratuak behar izanez gero.

Plataformak hostingaren hiru tarifa desberdin eskaintzen ditu, 9,95 eurotik 29,95 eurora bitarteko prezioekin. Hortik aurrera, funtzionalitate ugari gehitu ditzakezu: gai grafikoak (100 dolar urtean), ordainpeko plataformak, hala nola PayPal (30 dolar hilean) eta segurtasun-ziurtagiriak (65 dolar urtean). Diseinua ere zure kontura izango da.

Ionos 1&1: txikizkako merkataritzarako plataforma

Erabiltzen errazena da, zure webgunea egiteko eta editatzeko aukera emango dizun editore sinple bat baitu. Horretarako, lehendik zeuden txantiloi batzuk erabiltzen ditu. Txantiloi horiekin, elementu batzuk pertsonalizatu ahal izango dituzu, eta, horregatik, sormena oso mugatuta geratzen da, eta seriean eginda dagoela ematen du. Soluzio merkea da, eta hainbat hosting-soluzio eskaintzen ditu, hilean 2,99 eurotik 14,99 eurora bitartekoak, baina zerbitzu-muga nabarmenak ere baditu.

Neurriko garapena: online saltoki bat 0tik sortzea

Ikusten duzunez, garapen-plataformak nominalki doakoak eta eskuragarriak badira ere, askotan zaila izaten da zure online saltokia gaitzea web-diseinuan eta web-garapenean ezagutza jakin batzuk ez badituzu. Zure kasua bada, enpresa espezializatuei online saltoki bat zerotik sortzeko eska diezaiekezu. Enpresa horiek prezio desberdinak eskaintzen dituzte, negozioaren premien arabera. Horrelako plataformak erabiltzean, enpresek askoz prezio lehiakorragoak eskain ditzakete. Prezioei dagokienez, aukera oso zabala duzu, ia osagarririk ez duten oso oinarrizko proposamenekin hasi (700 eurotik aurrera) eta neurriz kanpoko prezioak izan ditzaketen online denda konplexu handietaraino.

Oro har, WordPressetik abiatuta saltoki elektroniko bat egiteko proposamenak aurki daitezke, honako hauek barnean hartuta: domeinuaren erreserba, webgunea eta posta elektronikoa, txantiloiaren oinarrizko pertsonalizazioa, hainbat produkturen igoera, ordainketa-pasabide baten konfigurazioa eta funtzionamenduaren eta edukien igoeraren gida, 1.500-1.800 euro ingurukoak. Zenbateko horiei 300 euro inguru gehitu beharko litzaizkieke dendaren diseinuagatik eta beste elementu batzuengatik.

 

Zure online denda propioa sortu nahi baduzu zein profesionalengana jo nahi baduzu, une egokia da 2018an ia 40.000 milioi eurora iritsi zen eta urtez urte zifra errekorrak lortzen dituen merkataritza-modalitate horrekin bat egiteko.

Post gehiago irakurri.

Otsaila 23, 2023
Iazko abenduaren 23an argitaratu zen BOEn enpresa emergenteen ekosistema sustatzeari buruzko legea, startupei buruzko lege bezala ezagunagoa dena. Estatua pertsona ekintzaileentzat eta horrelako negozioetan interesa duten inbertitzaileentzat helmuga erakargarri bihurtu dadila lortzea da arau berri honen helburua, hau da, enpresa berritzaile sortu berrietan, oinarri teknologikoa dutenetan, hazkunde bizkorrekoak direnetan eta negozio-eredu eskalagarri bat dutenetan interesatuta...
Otsaila 17, 2023
Aurten ere, Gaztenpresaren Astelehen Digitalak itzuliko dira, marketin digitaleko “No te pierdas en las redes” agentziak online ematen dituen prestakuntza-saioak. Saio hauetan, zure negozioaren eremu digitalarekin lotutako gaiak eguneratu ahal izango dituzu. Ordu edo ordu eta erdi inguruko iraupena duten tailer horietan, zure negozioan erantsi ditzakezun baliabide digitalen ikuspegi orokorra lortuko duzu. Izan ere, kontua...
Azaroa 30, 2022
Estatuko enpresen erdia baino gehiagok azken urtean zibereraso bat jasan dutela onartzen dute. Ezagutzen zenuen datu hau? Ezagutzen dituzu Phising, Vishing edo Smishing kontzeptuak? Artikulu honetan, Lautik IT Solutions hori eta askoz gehiago kontatu digu. Konponbide teknologikoetara eta eraldaketa digitalera bideratutako enpresa honek iaz Gaztenpresaren mentoretza-programan parte hartu zuen. Zibersegurtasunaren Eguna dela eta, negozio bat...
Iraila 16, 2022
Ekintzailetzaren igerilekuan murgildu aurretik, urik badagoen egiaztatu beharra dago; gure kasuan, horrek esan nahi du arrisku-analisia gauzatzea eta negozio-plana egitea. Gogoan izan ezazu negozio-plana edo enpresa-plana oso tresna baliagarria dela eta laburbildu behar duela enpresa-proiektu berria nolakoa den eta jaso egin behar dituela negozio arrakastatsu bihurtuko duten helburuak, identitatea eta funtzionamendua. Gainera, une oro gidatuko...
Uztaila 29, 2022
HALO Donostia hiru erizain elkartzetik sortutako proiektua da; hirurek ekiteko gogoa zuten, eta bereziki, erizaintzako zein dermoestetikako sektoreko egungo eskaintzari buelta emateko asmoa. Kooperatiben hilabetean, Halo Donostia-tik eman digute haien historiaren eta lehen urratsen berri.   HALO Donostia “estetika aurreratuko tratamenduetan espezializatutako erizaintza-zentro” moduan definitzen da. Azalduko zenigukete zertan datzan, eta zein den zuen balio...
Uztaila 15, 2022
Modu juridiko askotan gauzatu daitekeen proiektu ekintzaile bat: autonomoa, sozietate mugatua, kooperatiba… Ingravity Dreams elkarrizketatuko dugu Kooperatiben Nazioarteko Eguna dela-eta, Gaztenpresaren eskutik bere enpresa-ibilbideari ekin zion abereen ongizatera zuzendutako zentroa, hain zuzen ere.   Zer da Ingravity Dreams eta nola sortu zen? Abereen ongizatea da Ingravity Dreams. Gure abereak fisikoki indarberritzeko teknika naturaletan espezializatutako lekua,...